2 SAMUEL Bindu 23
Bindu 23
Angka hata parpudi sian si Daud 1-7.
Goargoar ni angka ulubalang ni si Daud 8-39.
I. 1On do angka hata parpudi sian si Daud: Panurirangon sian si Daud; anak ni si Isai, panurirangon sian baoa na timbul situtu, naung miniahan ni Debata ni si Jakkob, jala hasudungan ni Israel marhite sian angka ende Psalmen. #4Mus 24:3-4, 15-16; 2Sam 22:44 2Tondi ni Jahowa do mangkatai marhite sian ahu, jala hata sinihathonna di atas dilangku. #Mat 22:43; 2Ptr 1:21 3Nunga mangkuling Debata ni Israel, nunga marbagabaga tu ahu Partanobatoan ni Israel: Ingkon adong sada halak sigomgom manisia, sada halak na tigor roha, sada halak panggomgomi mangkajongjongkon biar mida Debata. #2Sam 7:12-19, 22:3; Ps 72:2; Jes 11:2-3; Jer 23:5; Sak 9:9; Ul 2:30 4Ingkon songon hatiuron manogotna i Ibana, molo binsar mata ni ari manogotna i jumpa so adong ombun manorop, sumurung tahe sian sondang, sian udan, na mambahen martumbur duhutduhut i sian tano. #Jes 45:8, 60:1-3; Hos 6:3 5Ai nda songon i do tahe pinomparhu di adopan ni Debata? Ai nunga pola dipahot tu ahu padan salelenglelengna, maraturan dibahen taringot tu saluhutna, jala marsihohot, ai nasa hatuaonku dohot denggan basa tung so martumbur ma bahenonna? #2Sam 7:11, 16; 2Kron 13:5; Ps 89:4-5, 35-38; Jes 55:3 6Alai anggo halak parroha na jahat sahali, tudoshon duriduri na pinurpurhon do nasida luhutna, ai ndada targolom tangan ni jolma be. #5Mus 13:14; Jes 33:12 7Alai manang ise na naeng manjama angka i, ingkon marsinjata bosi manang hujur ibana, jala suda nasida purunanna di ingananna i hian. #Jes 32:17-18; Jer 31:2; Mat 3:10; Heb 6:8; 2Tes 1:7-8
(Ay. 23:8-39; patud. 1Kron 11:10-41)
II. 8On do goargoar ni angka ulubalang ni si Daud: Si Josep Basebet, halak Hakmon i, induk ni tolupulu parangan, tung dimonsakkon ibana do hujurna dompak ualu ratus halak, angka na mate sahali tinullangna. #Pangh 3:31; 1Raj 1:8; 1Kron 11:10 9Dung ibana si Eleasar ma, anak ni si Dodo, tubu ni si Ahohit, ibana sada sian na tolu ulubalang angka na rap dohot si Daud, uju na niasapannasida halak Palistim, angka na marpungu tusi laho marporang nian, nunga pola nangkok dohot halak Israel. 10Jadi hehe ma ibana, laos ditampuli halak Palistim i, pola sanga mangampir tanganna, laos mangongkong tu podang i. Jadi hamonangan bolon ma pinatupa ni Jahowa di na sadari i, mulak ma anggo na torop i mangihuthon ibana, ripe mangarintak rintahan. #1Sam 11:13 11Dung ibana si Sama ma, anak ni si Age, halak Harari. Uju marpungu halak Palistim sahali di Lehi, adong ma disi ladang santurpuk, gok hadio, hape maporus do situan na torop i maradophon halak Palistim. 12Gabe ro ibana jongjong di parsitongaan ni ladang na santurpuk i, laos dionjar do, jala talu halak Palistim dibahen, gabe hamonangan bolon dipatupa Jahowa sian na tolupulu induk i. #2Sam 23:10 13Angkup ni tuat do tolu halak induk sian na tolupulu induk i manopot si Daud tu liang Adullam, tongon gotilon uju i jala marsaro saparduan halak Palistim di rura Repaim. #1Sam 22:1; 2Sam 5:18 14Alai di partanobatoan anggo si Daud uju i, jala parangan ni halak Palistim uju i di Betlehem. #1Sam 22:4; 2Sam 5:17-18 15Jadi mangapian ma roha ni si Daud mangido, ninna ma: Ise ulaning olo mangalehon aek inumonku sian sumur na di Betlehem mardonokkon bahal? 16Jadi dirampok na tolu ulubalang i ma parsaroan ni halak Palistim, jala ditahui aek sian sumur na di Betlehem mardonokkon bahal, jala diboan do i sahat tu si Daud; alai ndang olo ibana manginumsa, laos diusehon do i tahe bahen pelean tu Jahowa. #1Sam 7:6 17Ninna ma: Dao ma i sian ahu ale Jahowa tung bahenonku songon i! Nda mudar ni angka baoa do i, angka na laho maneahon hosanasida? Ndang olo ahu manginumsa. I ma na binahen ni na tolu ulubalang i. #3Mus 17:10-12 18Si Abisai pe, anggi ni si Joab, anak ni Nai Seruia, ibana do induk ni na tolu halak. Ibana pe disarahon do hujurna manullangi tolu ratus halak, gabe umbaritaan do goarna sian nasida na tolu i. #2Sam 2:18, 21:17 19Ibana do tongon na marmuliaan sian nasida na tolu, gabe ibana induknasida; alai ndang taratupsa anggo tung na tolu parjolo i. #2Sam 23:8-13, 16 20Si Benaia pe, anak ni si Joiada, tubu ni sada baoa na marhuaso jala sigodang pambahenan sian Kabseel, tung dibunu ibana do dua singa (ulubalang) sian halak Moab; tuat muse ibana mambunu singa sadanari di bagasan godung uju di partaonan ngali ni ari. #Jos 15:21; 2Sam 8:18; Neh 11:25; Jes 29:1-2, 7, 33:7 21Dibunu ibana muse sada halak Misir na bolon sahali, taon do di tangan ni halak Misir sada hujur, hape tuat ibana mandapothon mantat tungkot, dirampas ma hujur i sian tangan ni halak Misir, laos dibunu ibana dohot hujurna sandiri. #1Sam 17:40, 43 22I ma na binahen ni si Benaia anak ni si Joiada umbahen tarbaritaan goarna sian na tolu ulubalang i. 23Umbaritaan ibana tahe sian na tolupulu halak i, alai ndang taratupsa ianggo na tolu parjolo i. Jadi dipabangkit si Daud ma ibana gabe panuturina haposan. #1Sam 22:14; 2Sam 23:19 24Masuk tu na tolupulu halak i do si Asahel, anggi ni si Joab; si Elihanan, anak ni si Dodo sian Betlehem. #2Sam 2:18 25Si Sama, halak Harod i; si Elika, halak Harod i. #Pangh 7:1 26Si Heles, halak Palet i; si Ira, anak ni si Ikes, halak Tekoa i. #1Kron 27:9-10 27Si Abieser, halak Anatot i; si Mebunnai, halak Husa i. #1Kron 27:12 28Si Salmon, halak Ahohi; si Maharai, halak Netopa i. 29Si Heleb, anak ni si Baona, halak Netopa i; si Ittai, anak ni si Ribai sian Gibea ni halak Benjamin. #Pangh 19:14 30Si Benaia, halak Piraton i; si Hidai, sian angka rura Gaas. #Pangh 2:9 31Si Abialbon, halak Arbati; si Asmapet, halak Bahurim. 32Si Eliaba, halak Salabini Sian angka anak ni si Jasen, si Jonatan. 33Si Sama, halak Harari; si Ahiam, anak ni si Sarar, halak Harari. 34Si Elipelet, anak ni si Ahasbai, tubu ni si Maaka i; si Eliam anak ni si Ahitopel, halak Gilo i. #2Sam 15:12 35Si Hesrai, halak Karmel i; si Paarai, halak Arbi. 36Si Jigal, anak ni si Natan sian Zoba; si Bani halak Gaddi. 37Si Selek, halak Amoni; si Naharai, halak Beerot i, siusung parhohas ni si Joab, anak ni Nai Seruia. 38Si Ira halak Itri; si Gareb, halak Itri. 39Si Uria, halak Het i; luhut nasida tolupulu pitu halak do. #2Sam 11:3
Currently Selected:
2 SAMUEL Bindu 23: BBC
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.
2 SAMUEL Bindu 23
Bindu 23
Angka hata parpudi sian si Daud 1-7.
Goargoar ni angka ulubalang ni si Daud 8-39.
I. 1On do angka hata parpudi sian si Daud: Panurirangon sian si Daud; anak ni si Isai, panurirangon sian baoa na timbul situtu, naung miniahan ni Debata ni si Jakkob, jala hasudungan ni Israel marhite sian angka ende Psalmen. #4Mus 24:3-4, 15-16; 2Sam 22:44 2Tondi ni Jahowa do mangkatai marhite sian ahu, jala hata sinihathonna di atas dilangku. #Mat 22:43; 2Ptr 1:21 3Nunga mangkuling Debata ni Israel, nunga marbagabaga tu ahu Partanobatoan ni Israel: Ingkon adong sada halak sigomgom manisia, sada halak na tigor roha, sada halak panggomgomi mangkajongjongkon biar mida Debata. #2Sam 7:12-19, 22:3; Ps 72:2; Jes 11:2-3; Jer 23:5; Sak 9:9; Ul 2:30 4Ingkon songon hatiuron manogotna i Ibana, molo binsar mata ni ari manogotna i jumpa so adong ombun manorop, sumurung tahe sian sondang, sian udan, na mambahen martumbur duhutduhut i sian tano. #Jes 45:8, 60:1-3; Hos 6:3 5Ai nda songon i do tahe pinomparhu di adopan ni Debata? Ai nunga pola dipahot tu ahu padan salelenglelengna, maraturan dibahen taringot tu saluhutna, jala marsihohot, ai nasa hatuaonku dohot denggan basa tung so martumbur ma bahenonna? #2Sam 7:11, 16; 2Kron 13:5; Ps 89:4-5, 35-38; Jes 55:3 6Alai anggo halak parroha na jahat sahali, tudoshon duriduri na pinurpurhon do nasida luhutna, ai ndada targolom tangan ni jolma be. #5Mus 13:14; Jes 33:12 7Alai manang ise na naeng manjama angka i, ingkon marsinjata bosi manang hujur ibana, jala suda nasida purunanna di ingananna i hian. #Jes 32:17-18; Jer 31:2; Mat 3:10; Heb 6:8; 2Tes 1:7-8
(Ay. 23:8-39; patud. 1Kron 11:10-41)
II. 8On do goargoar ni angka ulubalang ni si Daud: Si Josep Basebet, halak Hakmon i, induk ni tolupulu parangan, tung dimonsakkon ibana do hujurna dompak ualu ratus halak, angka na mate sahali tinullangna. #Pangh 3:31; 1Raj 1:8; 1Kron 11:10 9Dung ibana si Eleasar ma, anak ni si Dodo, tubu ni si Ahohit, ibana sada sian na tolu ulubalang angka na rap dohot si Daud, uju na niasapannasida halak Palistim, angka na marpungu tusi laho marporang nian, nunga pola nangkok dohot halak Israel. 10Jadi hehe ma ibana, laos ditampuli halak Palistim i, pola sanga mangampir tanganna, laos mangongkong tu podang i. Jadi hamonangan bolon ma pinatupa ni Jahowa di na sadari i, mulak ma anggo na torop i mangihuthon ibana, ripe mangarintak rintahan. #1Sam 11:13 11Dung ibana si Sama ma, anak ni si Age, halak Harari. Uju marpungu halak Palistim sahali di Lehi, adong ma disi ladang santurpuk, gok hadio, hape maporus do situan na torop i maradophon halak Palistim. 12Gabe ro ibana jongjong di parsitongaan ni ladang na santurpuk i, laos dionjar do, jala talu halak Palistim dibahen, gabe hamonangan bolon dipatupa Jahowa sian na tolupulu induk i. #2Sam 23:10 13Angkup ni tuat do tolu halak induk sian na tolupulu induk i manopot si Daud tu liang Adullam, tongon gotilon uju i jala marsaro saparduan halak Palistim di rura Repaim. #1Sam 22:1; 2Sam 5:18 14Alai di partanobatoan anggo si Daud uju i, jala parangan ni halak Palistim uju i di Betlehem. #1Sam 22:4; 2Sam 5:17-18 15Jadi mangapian ma roha ni si Daud mangido, ninna ma: Ise ulaning olo mangalehon aek inumonku sian sumur na di Betlehem mardonokkon bahal? 16Jadi dirampok na tolu ulubalang i ma parsaroan ni halak Palistim, jala ditahui aek sian sumur na di Betlehem mardonokkon bahal, jala diboan do i sahat tu si Daud; alai ndang olo ibana manginumsa, laos diusehon do i tahe bahen pelean tu Jahowa. #1Sam 7:6 17Ninna ma: Dao ma i sian ahu ale Jahowa tung bahenonku songon i! Nda mudar ni angka baoa do i, angka na laho maneahon hosanasida? Ndang olo ahu manginumsa. I ma na binahen ni na tolu ulubalang i. #3Mus 17:10-12 18Si Abisai pe, anggi ni si Joab, anak ni Nai Seruia, ibana do induk ni na tolu halak. Ibana pe disarahon do hujurna manullangi tolu ratus halak, gabe umbaritaan do goarna sian nasida na tolu i. #2Sam 2:18, 21:17 19Ibana do tongon na marmuliaan sian nasida na tolu, gabe ibana induknasida; alai ndang taratupsa anggo tung na tolu parjolo i. #2Sam 23:8-13, 16 20Si Benaia pe, anak ni si Joiada, tubu ni sada baoa na marhuaso jala sigodang pambahenan sian Kabseel, tung dibunu ibana do dua singa (ulubalang) sian halak Moab; tuat muse ibana mambunu singa sadanari di bagasan godung uju di partaonan ngali ni ari. #Jos 15:21; 2Sam 8:18; Neh 11:25; Jes 29:1-2, 7, 33:7 21Dibunu ibana muse sada halak Misir na bolon sahali, taon do di tangan ni halak Misir sada hujur, hape tuat ibana mandapothon mantat tungkot, dirampas ma hujur i sian tangan ni halak Misir, laos dibunu ibana dohot hujurna sandiri. #1Sam 17:40, 43 22I ma na binahen ni si Benaia anak ni si Joiada umbahen tarbaritaan goarna sian na tolu ulubalang i. 23Umbaritaan ibana tahe sian na tolupulu halak i, alai ndang taratupsa ianggo na tolu parjolo i. Jadi dipabangkit si Daud ma ibana gabe panuturina haposan. #1Sam 22:14; 2Sam 23:19 24Masuk tu na tolupulu halak i do si Asahel, anggi ni si Joab; si Elihanan, anak ni si Dodo sian Betlehem. #2Sam 2:18 25Si Sama, halak Harod i; si Elika, halak Harod i. #Pangh 7:1 26Si Heles, halak Palet i; si Ira, anak ni si Ikes, halak Tekoa i. #1Kron 27:9-10 27Si Abieser, halak Anatot i; si Mebunnai, halak Husa i. #1Kron 27:12 28Si Salmon, halak Ahohi; si Maharai, halak Netopa i. 29Si Heleb, anak ni si Baona, halak Netopa i; si Ittai, anak ni si Ribai sian Gibea ni halak Benjamin. #Pangh 19:14 30Si Benaia, halak Piraton i; si Hidai, sian angka rura Gaas. #Pangh 2:9 31Si Abialbon, halak Arbati; si Asmapet, halak Bahurim. 32Si Eliaba, halak Salabini Sian angka anak ni si Jasen, si Jonatan. 33Si Sama, halak Harari; si Ahiam, anak ni si Sarar, halak Harari. 34Si Elipelet, anak ni si Ahasbai, tubu ni si Maaka i; si Eliam anak ni si Ahitopel, halak Gilo i. #2Sam 15:12 35Si Hesrai, halak Karmel i; si Paarai, halak Arbi. 36Si Jigal, anak ni si Natan sian Zoba; si Bani halak Gaddi. 37Si Selek, halak Amoni; si Naharai, halak Beerot i, siusung parhohas ni si Joab, anak ni Nai Seruia. 38Si Ira halak Itri; si Gareb, halak Itri. 39Si Uria, halak Het i; luhut nasida tolupulu pitu halak do. #2Sam 11:3
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.