Zvi. MAZWI EKUTANGA
MAZWI EKUTANGA
Bhuku reZvierengo rinotironzera ngendaa yevaIsuraeri munguva inoda kukwana makumi marongomuna emakore. Kubvira panguva yevakasiya Mutunhu weSinai metsa vakaguma kumugano wokumabvazuva wenyika iyo Mwari yaakagondisa kuvapa. Zina rebhuku rinoereketa ngezviro zvikuru zvendaa dzemubhuku iri, zvokuerengwa kwevaIsuraeri kwakaitwa ndiMosi paMutunhu weSinai vasati vamiruka kuenda, zve nemuMoabhi, kumabvazuva kweJorodhani, zvinoda kukwana nguva yomubarirwana waiteera. Pakati penguva mbiri dzokuerengwa kwevaIsuraeri vakaenda Kadheshibharanea ngokumugano wokubani weKhenani, asi vakakorera kupotera munyika yechigondiso kubva variyo. Ngesure kwokupedza makore akawanda vari mundau iyi, vakaenda kunharaunda yokumabvazuva kweRwizi rweJorodhani, apo pakagara rupande rwevanhu, apo vamweni veshe vakagadzirira kuambuka Rwizi nokupotera muKhenani.
Bhuku reZvierengo rungano rwevanhu avo kazhinji vaipera simba nokutya apo vaigumirwa ngezvinokonza, avo vaimukira Mwari, naMosi, munhu waMwari uwo wakaemeswa kuvatungamirira. Ruri rungano rwokugondeka kwaMwari, nokuangirira kungwarira vanhu vake. Kunyazwi nokurembedzeka kwavo nokusapurutana kwavo, nokugondekawo kwaMosi, kunyazwi nguva dzimweni waibatwa ngokusakangurira, nokugondeka kunevanhu nokunaMwari.
URONGWA HWEZVIRI MUBHUKU REZVIERENGO
VaIsuraeri vanogadzirira kubva paMutunhu weSinai 1:1—9:23
a) Kuerengwa kwokutanga 1:1—4:49
b) Mipango nemitemo yakasiyana-siyana 5:1—8:26
c) Phasika reChipiri 9:1-23
Kubva paMutunhu weSinai kuenda Moabhi 10:1—21:35
Zvakaitika muMoabhi 22:1—32:42
Kutaurwa ngokufupisira kweRwendo rwokubva Egipite metsa Moabhi 33:1-49
Kupangwa vasati vaambuka Jorodhani 33:50—36:13
Currently Selected:
Zvi. MAZWI EKUTANGA: Ndau
Highlight
Copy
Compare
Share
Want to have your highlights saved across all your devices? Sign up or sign in