Mat. 18
18
Ndiani Wakakurisisa muUmambo hwoMudenga?
(Mk. 9:33-37; Ruka 9:46-48)
1Panguva iyo vadzidzi vakauya kunaJesu, vakati, “Ndiani wakakurisisa muumambo hwomudenga?” 2NaJesu wakadaidza kwaari mwana mudoko, wakamuisa pakati pavo. 3Akati, “Ngegwinyiso ndinoti kwomuri, musikatenderuki, muite kudai ngevana vadoko, amutongozopindi muumambo hwomudenga. 4Ndizvo iye unozodzipfaisa kudai ngouyu mwana mudoko, iye ndiye wakakurisisa muumambo hwomudenga. 5Nouwo unozoashira umwe mwana mudoko wakadai ngouyu ngezina rangu, unondiashira inini.
Zviedzo Zvinoita kuti Vanhu Vashaishe
(Mk. 9:42-48; Ruka 17:1-2)
6“Asi kunyazwi ndiani unozoita kuti umwe wevadoko vakadai vanonditenda vashaishe, kunopinda kumunakira iye kuti guyo gurutu risungirwe muhuro mwake, kuti anzvaidzwe muudzamu rworuandhle. 7Ihehe kunyika ngendaa yezvipumhuniso! Ngokuti kunotamika kuti zvipumhuniso zviuye; asi ihehe kwaari munhuwo unoita kuti vanhu vashaishe! 8Kuti nyara yako dangani rutsoka rwako rwechikuita kuti ushaishe, ruteme, ururashe kubva kwouri. Kunopinda kunaka kwouri kuti upotere mukurarama uri chirema nokuti wechikumhina, kunekuti unenyara mbiri dangani tsoka mbiri ukandirwe mumuriro usikadzimi. 9Nokudai dziso rako rechikuita kuti ushaishe, ribvite, urirashe kubva kwouri. Kunopinda kunaka kwouri kuti upotere mukurarama uri jochotore kunekuti unemadziso mairi ukandirwe mumuriro weGehena.
Muedzaniso weGwai Rakarashika
(Ruka 15:3-7)
10“Ngwarai kuti musazoshoora umwe weava vadoko. Ngokuti ndinoti kwomuri, mudenga ngirosi dzavo dzinogara dzechiona hope yaBaba angu vari mudenga. [ 11Ngokuti Mukororo woMunhu wakauya kuponesa avo vakarashika.]#18:11Tsamba dzimweni dzekare adzina vhesi 11. 12Munopinimidzenyi? Kuti munhu anezana remakwai nerimwe rawo rarashika, aasii here arimakumi mapfumbamwe nepfumbamwe, aende mumitunhu kutsvaka iro rakarashika? 13Kudai kwechiitika kuti unoriona, ngegwinyiso ndinoti kwomuri, unopinda kudakara ngeiro kunemakumi mapfumbamwe nepfumbamwe asikazi kurashika. 14Ngokudaro andikwopi kuda kwaBaba enyu vari mudenga kuti umwe weava vadoko arove.
Njira yoKubata ndiyo Munun'una Wakushaishira
15“Kudai munun'una wako echizokushaishira, enda umuonise ndaa yake pakati penyu muri mwega. Kudai iye echizopurutana, wauyirwa ngomunun'una wako. 16Asi kuti asikazopurutani, tora umwe dangani vairi kuenda newe, kuti ngemiromo yevairi dangani yevatatu vanoita chapupu, mazwi eshe angagwinyiswa. 17Asi kuti iye echizoramba kuvapurutana, wechironzera vechiara. Asi kudai echizoramba kupurutana kunyazwi kunevechiara, ngaaite kwouri kudai ngewevemadzinza nokudai ngomubharisi.
Kurambidza noKutendera
18“Ngegwinyiso ndinoti kwomuri, ‘Kunyazwi chiinyi chomunozosunga munyika, chinozosungwawo mudenga. Neicho chomunosunhura munyika, chinozosunhurwawo mudenga.’ 19Zve ndinoti kwomuri, kudai vairi venyu vanozotenderana panyika ngechiro chevanozokumbirira, chinozoitwa kwavari ndiBaba angu vari mudenga. 20Ngokuti apo vairi nokuti vatatu vechiungana pamwepo ngezina rangu, ndiripo pakati pavo.”
Muedzaniso woMuranda Usikazi Kukungurira Umweni
21Naapo Petro wakauya echiti kwaari, “Mambo, munun'una wangu unozondishaishira kanganai ndechimurekerera? Metsa mikuwo minomwe here?” 22Jesu wakati kwaari, “Andironzi kwouri kuti, metsa mikuwo minomwe akadi; asi metsa mikuwo iri makumi manomwe akapetwa kanomwe. 23Ndizvo umambo hwomudenga hunoedzaniswa nomunhu uri mambo, uwo waida kuerengerana nevaranda vake chikwereti. 24Naapo atanga kuerenga, umwe wakaunzwa kwaari anechikwereti chematarenda makumi emazana gumi.#18:24 Matarenda makumi emazana gumi:Tarenda rimwe rinokwana muthuso womunhu wemakore gumi namashanu. 25Asi ngokuti iye waiya asina chokuripira ndicho, mambo wake wakapanga kuti atengeswe nomukadzi wake nevana vake nazvo zveshe zvaaiya nazvo, kuti chikwereti chiripwe. 26Ndizvo muranda uwo wakawa pashi ngemabvi, akamupota echiti, ‘Wechindikungurira, neni ndinozokuripira zveshe.’ 27Naapo mambo wouwo muranda wakamukungurira, akamusunhura, akamurekerera chikwereti. 28Asi uwo muranda wakabuda, akaona umwe wevaranda mungani wake, uwo waakakweretwa ndiye zana remadhinari;#18:28 Zana remadhinari:Dhinari rimwe rinokwana muthuso womunhu wezuva rimwe. naye wakamubata ngenyara, akamudzipa pahuro echiti, ‘Ripa kwendiri chikwereti chako.’ 29Ndizvo muranda uwo mungani wake wakawa pashi, akamupota echiti, ‘Wechindikungurira, neni ndinozokuripira.’ 30Asi aazi kutenda. Asi wakaenda akamuisa mutirongo, metsa aripa icho chikwereti. 31Ndizvo varanda vangani vake, vechiona icho chakaitika, vakasvipa mwoyo kakurutu, vakauya, vakaronzera mambo wavo izvo zveshe zvakaitika. 32Naapo mambo wake amudaidza, wakati kwaari, ‘Iwewe muranda wakashata, ndakakukungurira chikwereti icho cheshe, apo wandipota. 33Usaisisa newe here kuti ukungurire muranda uwo mungani wako, kudai ndini ndakakukungurira iwewe?’ 34Namambo wake wakatseneka, akamuhina kuvashwinyisi metsa aripa izvo zveshe zvaaiya nechikwereti kwaari ndizvo. 35Ngokudaro Baba angu vari mudenga vanozoita kwomuri, kuti imwimwi musikakunguriri munun'una wenyu ngomumwoyo mwenyu.”
Currently Selected:
Mat. 18: Ndau
Highlight
Share
Copy
Want to have your highlights saved across all your devices? Sign up or sign in
Mat. 18
18
Ndiani Wakakurisisa muUmambo hwoMudenga?
(Mk. 9:33-37; Ruka 9:46-48)
1Panguva iyo vadzidzi vakauya kunaJesu, vakati, “Ndiani wakakurisisa muumambo hwomudenga?” 2NaJesu wakadaidza kwaari mwana mudoko, wakamuisa pakati pavo. 3Akati, “Ngegwinyiso ndinoti kwomuri, musikatenderuki, muite kudai ngevana vadoko, amutongozopindi muumambo hwomudenga. 4Ndizvo iye unozodzipfaisa kudai ngouyu mwana mudoko, iye ndiye wakakurisisa muumambo hwomudenga. 5Nouwo unozoashira umwe mwana mudoko wakadai ngouyu ngezina rangu, unondiashira inini.
Zviedzo Zvinoita kuti Vanhu Vashaishe
(Mk. 9:42-48; Ruka 17:1-2)
6“Asi kunyazwi ndiani unozoita kuti umwe wevadoko vakadai vanonditenda vashaishe, kunopinda kumunakira iye kuti guyo gurutu risungirwe muhuro mwake, kuti anzvaidzwe muudzamu rworuandhle. 7Ihehe kunyika ngendaa yezvipumhuniso! Ngokuti kunotamika kuti zvipumhuniso zviuye; asi ihehe kwaari munhuwo unoita kuti vanhu vashaishe! 8Kuti nyara yako dangani rutsoka rwako rwechikuita kuti ushaishe, ruteme, ururashe kubva kwouri. Kunopinda kunaka kwouri kuti upotere mukurarama uri chirema nokuti wechikumhina, kunekuti unenyara mbiri dangani tsoka mbiri ukandirwe mumuriro usikadzimi. 9Nokudai dziso rako rechikuita kuti ushaishe, ribvite, urirashe kubva kwouri. Kunopinda kunaka kwouri kuti upotere mukurarama uri jochotore kunekuti unemadziso mairi ukandirwe mumuriro weGehena.
Muedzaniso weGwai Rakarashika
(Ruka 15:3-7)
10“Ngwarai kuti musazoshoora umwe weava vadoko. Ngokuti ndinoti kwomuri, mudenga ngirosi dzavo dzinogara dzechiona hope yaBaba angu vari mudenga. [ 11Ngokuti Mukororo woMunhu wakauya kuponesa avo vakarashika.]#18:11Tsamba dzimweni dzekare adzina vhesi 11. 12Munopinimidzenyi? Kuti munhu anezana remakwai nerimwe rawo rarashika, aasii here arimakumi mapfumbamwe nepfumbamwe, aende mumitunhu kutsvaka iro rakarashika? 13Kudai kwechiitika kuti unoriona, ngegwinyiso ndinoti kwomuri, unopinda kudakara ngeiro kunemakumi mapfumbamwe nepfumbamwe asikazi kurashika. 14Ngokudaro andikwopi kuda kwaBaba enyu vari mudenga kuti umwe weava vadoko arove.
Njira yoKubata ndiyo Munun'una Wakushaishira
15“Kudai munun'una wako echizokushaishira, enda umuonise ndaa yake pakati penyu muri mwega. Kudai iye echizopurutana, wauyirwa ngomunun'una wako. 16Asi kuti asikazopurutani, tora umwe dangani vairi kuenda newe, kuti ngemiromo yevairi dangani yevatatu vanoita chapupu, mazwi eshe angagwinyiswa. 17Asi kuti iye echizoramba kuvapurutana, wechironzera vechiara. Asi kudai echizoramba kupurutana kunyazwi kunevechiara, ngaaite kwouri kudai ngewevemadzinza nokudai ngomubharisi.
Kurambidza noKutendera
18“Ngegwinyiso ndinoti kwomuri, ‘Kunyazwi chiinyi chomunozosunga munyika, chinozosungwawo mudenga. Neicho chomunosunhura munyika, chinozosunhurwawo mudenga.’ 19Zve ndinoti kwomuri, kudai vairi venyu vanozotenderana panyika ngechiro chevanozokumbirira, chinozoitwa kwavari ndiBaba angu vari mudenga. 20Ngokuti apo vairi nokuti vatatu vechiungana pamwepo ngezina rangu, ndiripo pakati pavo.”
Muedzaniso woMuranda Usikazi Kukungurira Umweni
21Naapo Petro wakauya echiti kwaari, “Mambo, munun'una wangu unozondishaishira kanganai ndechimurekerera? Metsa mikuwo minomwe here?” 22Jesu wakati kwaari, “Andironzi kwouri kuti, metsa mikuwo minomwe akadi; asi metsa mikuwo iri makumi manomwe akapetwa kanomwe. 23Ndizvo umambo hwomudenga hunoedzaniswa nomunhu uri mambo, uwo waida kuerengerana nevaranda vake chikwereti. 24Naapo atanga kuerenga, umwe wakaunzwa kwaari anechikwereti chematarenda makumi emazana gumi.#18:24 Matarenda makumi emazana gumi:Tarenda rimwe rinokwana muthuso womunhu wemakore gumi namashanu. 25Asi ngokuti iye waiya asina chokuripira ndicho, mambo wake wakapanga kuti atengeswe nomukadzi wake nevana vake nazvo zveshe zvaaiya nazvo, kuti chikwereti chiripwe. 26Ndizvo muranda uwo wakawa pashi ngemabvi, akamupota echiti, ‘Wechindikungurira, neni ndinozokuripira zveshe.’ 27Naapo mambo wouwo muranda wakamukungurira, akamusunhura, akamurekerera chikwereti. 28Asi uwo muranda wakabuda, akaona umwe wevaranda mungani wake, uwo waakakweretwa ndiye zana remadhinari;#18:28 Zana remadhinari:Dhinari rimwe rinokwana muthuso womunhu wezuva rimwe. naye wakamubata ngenyara, akamudzipa pahuro echiti, ‘Ripa kwendiri chikwereti chako.’ 29Ndizvo muranda uwo mungani wake wakawa pashi, akamupota echiti, ‘Wechindikungurira, neni ndinozokuripira.’ 30Asi aazi kutenda. Asi wakaenda akamuisa mutirongo, metsa aripa icho chikwereti. 31Ndizvo varanda vangani vake, vechiona icho chakaitika, vakasvipa mwoyo kakurutu, vakauya, vakaronzera mambo wavo izvo zveshe zvakaitika. 32Naapo mambo wake amudaidza, wakati kwaari, ‘Iwewe muranda wakashata, ndakakukungurira chikwereti icho cheshe, apo wandipota. 33Usaisisa newe here kuti ukungurire muranda uwo mungani wako, kudai ndini ndakakukungurira iwewe?’ 34Namambo wake wakatseneka, akamuhina kuvashwinyisi metsa aripa izvo zveshe zvaaiya nechikwereti kwaari ndizvo. 35Ngokudaro Baba angu vari mudenga vanozoita kwomuri, kuti imwimwi musikakunguriri munun'una wenyu ngomumwoyo mwenyu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in