ቲቶም ዓይፆ ካሮ
ዓይፆ ካሮ
ቲቶ ዓይሁዴ ማዒባኣ ዓሲታዖ ኪሪስቶሴ ጉሙርቂ ላኣሚንቴ ዓሲ ማዓዛ፥ ጳውሎሴና ዎላ ኮዦ ሃይሶ ኬኤዚፆ ማዾ ዒዛኮ ዴማ ማዒ ማዻያኬ፤ ጳውሎሴ ሃያ ኪኢቶ ፃኣፔሢ ዼጌ ናይታዖ ዒዛና ዎላ ማዻ ቲቶም ማዓዛ ቲቶ ዬኖ ዎዶና ቄርፄሴይዳ ዓኣ ሺኢጲፆ ማኣሮ ማዾ ሃንቲ ሃንቲ ዛጋያኬ። ሃና ኪኢታ ሃይሦ ዼኤፒ ዼኤፒ ማሊሢ ዓርቄያኬ።
ፔታሳዖ፦ ቄርፄሴ ሺኢጲፆ ማኣሮ ዓሶ ዎይሣ ዓሶኮ ማሊፃ ዎማዒ ማዓንዳያ ኮይሳቴያ ባሼ ዒኢካ ዓኣ ዓሶኮ ፑርቶ ማሊፃፓ ዔቄያና ዎይሣ ዓሳ ዎማዒ ማዓንዳያ ኮይሳቴያ ቲቶም ላቲ ኬኤዚንቴኔ፤ ላምዓሳዖ፦ ሺኢጲፆ ማኣሮይዳ ዓኣ ዱማ ዱማ ዓሶ ጌይፃ ዓቲንቆ ጋርቾ፥ ላኣሎ ጋርቾ፥ ዼጌ ዓቲንቆንታ ዓሶም ማዻ ዓሶንታ ዎማይዲ ዒ ዔርዛንዳቴያ ቲቶም ዞሮናያኬ፤ ጋፒንፆይዳ ኪሪስቶሴ ጉሙርቃ ዓሶኮ ዓኣያ ማዓኒ ኮይሳ ማሊሢ ኬኤዛኔ፤ ዬይያ፦ ዓሲና ኮሽኪ ዒጊንቲ ናንጎንዶ ጎይሢና ሺኢጲፆ ማኣሮ ዓሶ ባኣካ ዎሊ ዒፂሢንታ ማርሞንታ ዱማዺሢንታ ባኣያ ማዒ ናንጋንዳጉዲ ዓሶ ዞሮም ጌይ ቲቶ ዓይሣያኬ።
ማፃኣፔላ ዱማ ዱማ ዓርቄ ባኮ
ዓይፆ ካሮ (1፡1-4)
ሺኢጲፆ ማኣሮ ዎይሣ ዓሶ ዛላ ኬኤዚንቴ ባኣዚ (1፡5-16)
ሺኢጲፆ ማኣሮይዳ ዓኣ ዱማ ዱማ ዓሶ ዛሎ ኬኤዚንቴ ባኣዚ (2፡1-15)
ጳውሎሴ ዞሬ ዞሮና ላቲ ኬኤዜ ባኮ (3፡1-11)
ጋፒንሢ ሃይሴ (3፡12-15)
Currently Selected:
ቲቶም ዓይፆ ካሮ: ጌኤ.ማፃ
Highlight
Share
Copy
Want to have your highlights saved across all your devices? Sign up or sign in
Maale Full Bible © 2008 by The Word for the World International and The Bible Society of Ethiopia, 2008.