Alawi 13
13
Malheheriyo anaacha mareta o makutulha
1Apwiiya Nlhuku nkayeerelha ashinna Musa ni Naharuni alha malheheriyo alha wiira, 2“Yakhalhaka ntu riyoothe noowiipiya ittu mwiiruttuni ama uvelhe ama nivaathelha mwiiruttuni mwawe, ireta thoko makutulha, paahi, awiihiyeke wa opochera ishaani Naharuni ama mmoka a achishaana aya rii opochera ishaani. 3Opochera ishaani anoowehaweha vakittu varii ni ureta vawo, ni yakhalhaka ikharari cho vavawo vakittu vawo chihorukunuwa ukhalha chooteelha ni ureta ene wooniaka wiira nrapalha nihokelhiya ureta uri nhina, paahi yayo phi makutulha. Opochera ishaani amalhihaka ummwehaweha, paahi etu ahimiacheke wiira yoyo ntu uyo khanorumelhelhiya wo iphiro cho waalhapelha Apwiiya Nlhuku. 4Nansho yakhalhaka nenno nivaathelha nno, nihoteelha, khanipothwenlhe, ni mena ikharari cho vavawo vakittu vawo khachinarukunuwa ukhalha chooteelha, paahi opochera ishaani amweesheke uchereshere yoyo ntu uyo wo mahuku saba. 5Nihuku no saba, opochera ishaani ammweheke tho yoyo ntu uyo, oonaka wiira ureta uyo khunawanelha munrapalhani mwawe, paahi opochera ishaani amweesheke uchereshere yoyo ntu uyo wo mahuku makina saba. 6Opochera ishaani ammwehaweheke tho yoyo ntu uyo nihuku no saba. Yakhalhaka vakittu vo ureta valhe vahowalhawalha ni ureta khunawanelha, paahi, opochera ishaani anhimiacheke yoyo ntu uyo wiira hooniye wiira khanorumelhelhiya, waari uvelhe tu. Ni yoyo ntu uyo etu, apuputteke ikuwo chawe ni uyo noorumelhelhiya wo iphiro cho waalhapelha Apwiiya Nlhuku. 7Nansho yakhalhaka yayo mavaathelha ayo anoowanelha munrapalhani mwawe baada yo wiichooniha wa opochera ishaani wo nlhatu no uhimiachiya wiira horumelhelhiya wo iphiro cho waalhapelha Apwiiya Nlhuku, arweeke tho wa opochera ishaani. 8Opochera ishaani ammwehaweheke tho, ni yakhalhaka mavaathelha alhe ahowanelha munrapalhani, paahi, opochera ishaani anhimiacheke yoyo ntu uyo wiira khanorumelhelhiya wo iphiro cho waalhapelha Apwiiya Nlhuku, ukhalhawaya yayo makutulha.
9“Yakhalhaka ntu hokelhiya makutulha, awiihiyeke wa opochera ishaani, 10anohalha ummwehaweha. Ni yakhalhaka ihaawo yo wiipa yo teelha irukunushilhe ikharari chawe ukhalha chooteelha ni yeyo yo wiipa iyo ihophulhia ni ukhalha nikhwata nikithi, 11yayo phi makutulha o mahuku menchi ni opochera ishaani anhimiacheke yoyo ntu uyo wiira khanorumelhelhiya wo iphiro cho waalhapelha Apwiiya Nlhuku. Khuuwo nlhatu wo umweesha tho yoyo ntu uyo uchereshere ukhalhawaya hoonia makutulha.
12“Ni yakhalhaka ureta uhommara ni ummwanelha iruttu yonkhaye, ukhuma vattomelhani mpaka unyaani thoko chinohalha aya woona opochera ishaani, 13ni urukunusha nrapalha nawe ukhalha nooteelha, inowooniha wiira ureta uholhama. Paahi, opochera ishaani anhimiacheke yoyo ntu uyo wiira kharina ureta uyo, apocheriyeke munlhokoni mwa attu awe. 14Nansho nooniaka nikhwata nikithi variwoothe mwiiruttuni mwo yoyo ntu uyo, ahimiachiyeke wiira khanorumelhelhiya wo iphiro cho waalhapelha Apwiiya Nlhuku. 15Opochera ishaani ammwehaweheke nikhwata nno. Nooniaka nikhwata nikithi anhimiacheke wiira khanorumelhelhiya wo iphiro cho waalhapelha Apwiiya Nlhuku, ukhalhawaya yayo makutulha. 16Nansho nenno nikhwata nno nalhamaka ni ukhalha nooteelha, yoyo ntu uyo ahokolhieke tho wa opochera ishaani. 17Opochera ishaani ammwehaweheke, ni yoonaka wiira nihorukunuwa ukhalha nooteelha, paahi, anhimiacheke yoyo ntu uyo wiira hokhalha oombone wo iphiro cho waalhapelha Apwiiya Nlhuku.
18“Yakhalhaka ntu riyoothe aheepiya nipotte ni nno niholhama, 19nansho vakittu vaari aya nipotte vahorukunuwa ukhalha yo wiipa yoteelha ama ukhalha yo khwiilha nansho vooteelha vakani, ooniheke opochera ishaani. 20Opochera ishaani ammweheke yoyo ntu uyo. Yoonaka wiira ureta uhokelha nhina, ni ikharari cho vavawo vakittu vawo chihorukunuwa ukhalha cho teelha, paahi opochera ishaani anhimiacheke yoyo ntu uyo wiira khanorumelhelhiya wo iphiro cho waalhapelha Apwiiya Nlhuku, yoyo phi ureta wo makutulha ukhumelhenlhe wo nlhatu no nipotte. 21Nansho yakhalhaka opochera ishaani ahommwehaweha yoyo ntu uyo ni woona wiira ikharari cho vavawo vakittu vawo kachihiwe chooteelha ni mena khavapothwenlhe, nansho vahowiira uwalhawalha, paahi amweesheke uchereshere yoyo ntu uyo wo mahuku saba. 22Yakhalhaka baada yo yayo mahuku ayo ureta uyo unoowanelha munrapalhani, opochera ishaani anhimiacheke yoyo ntu uyo wiira ooniyeke honanara, vavawo vakittu vawo vahokelhiya ureta. 23Nansho yakhalhaka ureta khunawanelha, paahi nenno nrottelha no nipotte. Opochera ishaani anhimiacheke yoyo ntu uyo wiira horumelhelhiya wo iphiro cho waalhapelha Apwiiya Nlhuku.
24“Ama yakhalhaka vahawo vakittu vaviilhee ni inama aya ihorukunuwa ukhalha yokhwiilha ni yoteelha, ama yooteelha, 25opochera ishaani awehaweheke. Yakhalhaka anowoona wiira ikharari chihorukunuwa ukhalha chooteelha ni ureta uhokelha nhina, paahi yayo makutulha. Yayo makutulha ayo akhumelhenlhe wo nlhatu no vakittu vaviilhe. Opochera ishaani anhimiacheke yoyo ntu uyo wiira khanorumelhelhiya wo iphiro cho waalhapelha Apwiiya Nlhuku, ukhalhawaya haanaa ureta wo makutulha. 26Nansho yakhalhaka opochera ishaani anowoona wiira ikharari cho vavawo vakittu vawo kachihiwe chooteelha ni ureta khunakelha nhina, nansho vahowalhawalha, paahi, opochera ishaani amweesheke yoyo ntu uyo uchereshere wo mahuku saba. 27Nihuku no saba opochera ishaani ammweheke, yakhalhaka ureta uhowanelha tho munrapalhani, paahi, anhimiacheke yoyo ntu uyo wiira khanorumelhelhiya wo iphiro cho waalhapelha Apwiiya Nlhuku, ukhalhawaya hokelhiya ni ureta wo makutulha. 28Nansho, yakhalhaka nivaathelha nne khaniwanenlhe, nansho nihowalhawalha, vahowiiraka wiipa ukhumelhenlhe wo nlhatu no uvia, paahi, opochera ishaani anhimiacheke yoyo ntu uyo wiira noorumelhelhiya wo iphiro cho waalhapelha Apwiiya Nlhuku, ukhalhawaya nenno nrottelha nno no uvia.
29“Yakhalhaka ntu riyoothe nlhopwana ama nthiyana haanaa nikhwata mmuruni ama vairorini, 30opochera ishaani awehaweheke yoyo ureta uyo. Yakhalhaka opochera ishaani anowoona wiira ureta uhokelha nhina ni ikharari cho manjano ni cho uyevayeva, paahi anhimiacheke yoyo ntu uyo wiira khanorumelhelhiya wo iphiro cho waalhapelha Apwiiya Nlhuku, ukhalhawaya yoyo uvelhe ni ayo makutulha o mmuruni ama o vairorini. 31Nansho yakhalhaka opochera ishaani anowoona wiira ureta khunakelha nhina, ni ikharari khachiriipilhe, paahi opochera ishaani amweesheke yoyo ntu uyo uchereshere mahuku saba. 32Nihuku no saba opochera ishaani aweheke nikhwata nne. Yakhalhaka nikhwata nno khaninawanelha ni khachiwo ikharari chirii cho manjano mena khuuwo uvelhe uriyoothe vavawo vakittu vawo, 33paahi yoyo ntu uyo owulheke ikharari ama irori chawe. Nansho huuwulhe vakittu varii ni uvelhe vawo. Yamalhaka opochera ishaani amweesheke yoyo ntu uyo uchereshere mahuku saba makina. 34Nihuku no saba opochera ishaani aweheke tho uvelhe uyo. Yoonaka wiira uvelhe uyo khuwanenlhe munrapalhani ni wala khukenlhe nhina nrapalha, paahi anhimiacheke yoyo ntu uyo wiira hokhalha oombone. Yoyo ntu uyo apuputteke ikuwo chawe, ni uyo norumelhelhiya wo iphiro cho waalhapelha Apwiiya Nlhuku. 35Nansho yakhalhaka uvelhe uyo uhowanelha baada yo uhimiachiya, 36opochera ishaani ammweheke yoyo ntu uyo, ni yakhalhaka uvelhe uhowanelha munrapalhani, opochera ishaani khanothananiya waavia ikharari cho irangi yo manjano, yoyo ntu uyo khanorumelhelhiya wo iphiro cho waalhapelha Apwiiya Nlhuku. 37Nansho yakhalhaka opochera ishaani anowoona wiira uvelhe ulhe uholhama ni ikharari cho uriipa chihomelha vavawo vakittu vawo, paahi yoyo ntu uyo holhama. Ni opochera ishaani anhimiacheke yoyo ntu uyo wiira noorumelhelhiya wo iphiro cho waalhapelha Apwiiya Nlhuku.
38“Ntu riyoothe, akhalhe nlhopwana ama nthiyana, akhalhaka ni nivaathelha nooteelha mwiiruttuni mwawe, 39opochera ishaani ammweheke yoyo ntu uyo. Yakhalhaka anowoona wiira yayo mavaathelha aya ooteelha vakani, yoyo phi uvelhe wo kawaida, yoyo ntu noorumelhelhiya wo iphiro cho waalhapelha Apwiiya Nlhuku.
40“Yakhalhaka nlhopwana haatuwa nthari, yoyo hooniye wiira honanara ukhalhawaya rina nthariru. 41Yakhalhaka nenno nthari nno naatuwilhe ukhuma wiikohi mpaka uyuuchi, yoyo ntu uyo rina nthariru, noorumelhelhiya wo iphiro cho waalhapelha Apwiiya Nlhuku. 42Nansho yakhalhaka ahokhuma makhwata ooteelha ni okhwiilha vantharini vawo, ama vayuuchi, ama ahaawo mavaathelha ooteelha ni okhwiilha vakani, yayo phi makutulha anokhumelhelha mmuruni vantharini vawe ama vayuuchi vawe. 43Opochera ishaani ammwehaweheke yoyo ntu uyo, ni yakhalhaka anowoona wiira wowo wiipa wo vamuruni uwo ama vayuchi uwo, urii wooteelha ni wokhwiilha khwilha, 44paahi, opochera ishaani anhimiacheke yoyo ntu uyo wiira rina makutulha khanorumelhelhiya wo iphiro cho waalhapelha Apwiiya Nlhuku. Ukhalhawaya ureta awe urii mmuruni mwawe.
45“Ntu ri ni ureta wo makutulha awareke ikuwo cho waahuwa, hivache ikharari chawe, eekhunelheke malhaku awe, akhuwelheke eeraka, ‘Nhikaatamerie mii, nkooneke mii wiira o unyalha! Mii akinorumelhelhiya wo iphiro cho waalhapelha Apwiiya Nlhuku!’ 46Akhalheke chiicho wo uhirumelhelhiya wo iphiro cho waalhapelha Apwiiya Nlhuku, wo mahuku onkhaye arina awe yoyo ureta uyo. Yoyo khanorumelhelhiya wo iphiro cho waalhapelha Apwiiya Nlhuku, ni uyo akhalheke yekha awe uchereshere iwani.”
Malheheriyo anaacha ikutihi cho nkuwoni
47“Yakhalhaka ihaawo iriyoothe irawulhihiye makutulha, ikhalhe yo isufu, ama ikuwo yorera yoteelha, 48ama ikuwo iriyoothe ittaviye ama irithiye wo ikuwo yorera yoteelha ama wo isufu ama ikuwo yo nrapalha nirinoothe nne, 49ama ikutihi iyo yakhalhaka yo ikijani ama yo khwiilha nkuwoni mmo, paahi yeyo ikuwo iyo yoonihiyeke wa opochera ishaani. 50Opochera ishaani anooweha yeyo ikutihi iyo ni uhiya yeyo ikuwo iyo uchereshere iwani wo mahuku saba. 51Nihuku no saba anooweha yeyo ikutihi iyo tho. Yakhalhaka yeyo ikutihi iyo ihowanelha nkuwoni mmo, ikhalhe ikuwo yo uttaviya ama yo urithiya ama yo nrapalha nirinoothe, yo ntheko uriwoothe, paahi yeyo ikuwo iyo khinorumelhelhiya wo iphiro cho waalhapelha Apwiiya Nlhuku. 52Opochera ishaani apaheke vamooroni yeyo ikuwo iyo ukhalhawaya ihokelhiya ikutihi inothaalhiha ikuwo.
53“Nansho yakhalhaka opochera ishaani anowoona wiira ikutihi khiwanenlhe nkuwoni mmo, 54paahi anlhehereke mwanene ikuwo iyo wiira apuputteke ni uhiya uchereshere iwani wo mahuku saba makina. 55Yamalhaka, awehaweheke yeyo ikuwo iyo baada yo upuputtiya. Yakhalhaka irangi yo ikutihi ilhe khinarukunuwa, ata inakhalhaka ikutihi iyo khiwanenlhe, yeyo ikuwo iyo khinorumelhelhiya wo iphiro cho waalhapelha Apwiiya Nlhuku. Paahi yeyo ikuwo iyo ipahiyeke vamooroni, ikhalhe ikutihi iyo irii utulhi ama uhoolho wo ikuwo iyo. 56Nansho yakhalhaka opochera ishaani anowoona wiira ikutihi ilhe ihowalhawalha baada yo upuputtiya, paahi, aahulheke athamiheke vakittu varii ikutihi vawo. 57Yamalhaka, yakhalhaka ikutihi iyo inowoonia tho kaanyuma nkuwoni, ikuwo ittaviye ama irithiye, ama yo nrapalha, paahi ikutihi ihowanelha. Vavawo yeyo ikuwo iyo ipahiyeke vamooroni. 58Nansho yakhalhaka ikuwo iyo ikelhiye ikutihi ikhumelhenlhe kaanyuma baada yo upuputtiya, paahi ipuputtiyeke nkwaha wo nayeelhi wiira irumelhelhiye wo iphiro cho waalhapelha Apwiiya Nlhuku.
59“Yayo etu phi malheheriyo anaacha ikutihi yo nkuwoni muriwoothe, ikhalhe ikuwo yo isufu ama yorera yoteelha, ama yo nrapalha. Wo yeyo iphiro iyo nnowooria waandhandhulha variyari yo ikuwo chinorumelhelhiya wo iphiro cho waalhapelha Apwiiya Nlhuku, ama ikuwo chihinorumelhelhiya.”
Currently Selected:
Alawi 13: MOT
Highlight
Share
Copy
Want to have your highlights saved across all your devices? Sign up or sign in
The Bible Version in Makua @The Word for The World International and Makua Language translators. All rights reserved.
Alawi 13
13
Malheheriyo anaacha mareta o makutulha
1Apwiiya Nlhuku nkayeerelha ashinna Musa ni Naharuni alha malheheriyo alha wiira, 2“Yakhalhaka ntu riyoothe noowiipiya ittu mwiiruttuni ama uvelhe ama nivaathelha mwiiruttuni mwawe, ireta thoko makutulha, paahi, awiihiyeke wa opochera ishaani Naharuni ama mmoka a achishaana aya rii opochera ishaani. 3Opochera ishaani anoowehaweha vakittu varii ni ureta vawo, ni yakhalhaka ikharari cho vavawo vakittu vawo chihorukunuwa ukhalha chooteelha ni ureta ene wooniaka wiira nrapalha nihokelhiya ureta uri nhina, paahi yayo phi makutulha. Opochera ishaani amalhihaka ummwehaweha, paahi etu ahimiacheke wiira yoyo ntu uyo khanorumelhelhiya wo iphiro cho waalhapelha Apwiiya Nlhuku. 4Nansho yakhalhaka nenno nivaathelha nno, nihoteelha, khanipothwenlhe, ni mena ikharari cho vavawo vakittu vawo khachinarukunuwa ukhalha chooteelha, paahi opochera ishaani amweesheke uchereshere yoyo ntu uyo wo mahuku saba. 5Nihuku no saba, opochera ishaani ammweheke tho yoyo ntu uyo, oonaka wiira ureta uyo khunawanelha munrapalhani mwawe, paahi opochera ishaani amweesheke uchereshere yoyo ntu uyo wo mahuku makina saba. 6Opochera ishaani ammwehaweheke tho yoyo ntu uyo nihuku no saba. Yakhalhaka vakittu vo ureta valhe vahowalhawalha ni ureta khunawanelha, paahi, opochera ishaani anhimiacheke yoyo ntu uyo wiira hooniye wiira khanorumelhelhiya, waari uvelhe tu. Ni yoyo ntu uyo etu, apuputteke ikuwo chawe ni uyo noorumelhelhiya wo iphiro cho waalhapelha Apwiiya Nlhuku. 7Nansho yakhalhaka yayo mavaathelha ayo anoowanelha munrapalhani mwawe baada yo wiichooniha wa opochera ishaani wo nlhatu no uhimiachiya wiira horumelhelhiya wo iphiro cho waalhapelha Apwiiya Nlhuku, arweeke tho wa opochera ishaani. 8Opochera ishaani ammwehaweheke tho, ni yakhalhaka mavaathelha alhe ahowanelha munrapalhani, paahi, opochera ishaani anhimiacheke yoyo ntu uyo wiira khanorumelhelhiya wo iphiro cho waalhapelha Apwiiya Nlhuku, ukhalhawaya yayo makutulha.
9“Yakhalhaka ntu hokelhiya makutulha, awiihiyeke wa opochera ishaani, 10anohalha ummwehaweha. Ni yakhalhaka ihaawo yo wiipa yo teelha irukunushilhe ikharari chawe ukhalha chooteelha ni yeyo yo wiipa iyo ihophulhia ni ukhalha nikhwata nikithi, 11yayo phi makutulha o mahuku menchi ni opochera ishaani anhimiacheke yoyo ntu uyo wiira khanorumelhelhiya wo iphiro cho waalhapelha Apwiiya Nlhuku. Khuuwo nlhatu wo umweesha tho yoyo ntu uyo uchereshere ukhalhawaya hoonia makutulha.
12“Ni yakhalhaka ureta uhommara ni ummwanelha iruttu yonkhaye, ukhuma vattomelhani mpaka unyaani thoko chinohalha aya woona opochera ishaani, 13ni urukunusha nrapalha nawe ukhalha nooteelha, inowooniha wiira ureta uholhama. Paahi, opochera ishaani anhimiacheke yoyo ntu uyo wiira kharina ureta uyo, apocheriyeke munlhokoni mwa attu awe. 14Nansho nooniaka nikhwata nikithi variwoothe mwiiruttuni mwo yoyo ntu uyo, ahimiachiyeke wiira khanorumelhelhiya wo iphiro cho waalhapelha Apwiiya Nlhuku. 15Opochera ishaani ammwehaweheke nikhwata nno. Nooniaka nikhwata nikithi anhimiacheke wiira khanorumelhelhiya wo iphiro cho waalhapelha Apwiiya Nlhuku, ukhalhawaya yayo makutulha. 16Nansho nenno nikhwata nno nalhamaka ni ukhalha nooteelha, yoyo ntu uyo ahokolhieke tho wa opochera ishaani. 17Opochera ishaani ammwehaweheke, ni yoonaka wiira nihorukunuwa ukhalha nooteelha, paahi, anhimiacheke yoyo ntu uyo wiira hokhalha oombone wo iphiro cho waalhapelha Apwiiya Nlhuku.
18“Yakhalhaka ntu riyoothe aheepiya nipotte ni nno niholhama, 19nansho vakittu vaari aya nipotte vahorukunuwa ukhalha yo wiipa yoteelha ama ukhalha yo khwiilha nansho vooteelha vakani, ooniheke opochera ishaani. 20Opochera ishaani ammweheke yoyo ntu uyo. Yoonaka wiira ureta uhokelha nhina, ni ikharari cho vavawo vakittu vawo chihorukunuwa ukhalha cho teelha, paahi opochera ishaani anhimiacheke yoyo ntu uyo wiira khanorumelhelhiya wo iphiro cho waalhapelha Apwiiya Nlhuku, yoyo phi ureta wo makutulha ukhumelhenlhe wo nlhatu no nipotte. 21Nansho yakhalhaka opochera ishaani ahommwehaweha yoyo ntu uyo ni woona wiira ikharari cho vavawo vakittu vawo kachihiwe chooteelha ni mena khavapothwenlhe, nansho vahowiira uwalhawalha, paahi amweesheke uchereshere yoyo ntu uyo wo mahuku saba. 22Yakhalhaka baada yo yayo mahuku ayo ureta uyo unoowanelha munrapalhani, opochera ishaani anhimiacheke yoyo ntu uyo wiira ooniyeke honanara, vavawo vakittu vawo vahokelhiya ureta. 23Nansho yakhalhaka ureta khunawanelha, paahi nenno nrottelha no nipotte. Opochera ishaani anhimiacheke yoyo ntu uyo wiira horumelhelhiya wo iphiro cho waalhapelha Apwiiya Nlhuku.
24“Ama yakhalhaka vahawo vakittu vaviilhee ni inama aya ihorukunuwa ukhalha yokhwiilha ni yoteelha, ama yooteelha, 25opochera ishaani awehaweheke. Yakhalhaka anowoona wiira ikharari chihorukunuwa ukhalha chooteelha ni ureta uhokelha nhina, paahi yayo makutulha. Yayo makutulha ayo akhumelhenlhe wo nlhatu no vakittu vaviilhe. Opochera ishaani anhimiacheke yoyo ntu uyo wiira khanorumelhelhiya wo iphiro cho waalhapelha Apwiiya Nlhuku, ukhalhawaya haanaa ureta wo makutulha. 26Nansho yakhalhaka opochera ishaani anowoona wiira ikharari cho vavawo vakittu vawo kachihiwe chooteelha ni ureta khunakelha nhina, nansho vahowalhawalha, paahi, opochera ishaani amweesheke yoyo ntu uyo uchereshere wo mahuku saba. 27Nihuku no saba opochera ishaani ammweheke, yakhalhaka ureta uhowanelha tho munrapalhani, paahi, anhimiacheke yoyo ntu uyo wiira khanorumelhelhiya wo iphiro cho waalhapelha Apwiiya Nlhuku, ukhalhawaya hokelhiya ni ureta wo makutulha. 28Nansho, yakhalhaka nivaathelha nne khaniwanenlhe, nansho nihowalhawalha, vahowiiraka wiipa ukhumelhenlhe wo nlhatu no uvia, paahi, opochera ishaani anhimiacheke yoyo ntu uyo wiira noorumelhelhiya wo iphiro cho waalhapelha Apwiiya Nlhuku, ukhalhawaya nenno nrottelha nno no uvia.
29“Yakhalhaka ntu riyoothe nlhopwana ama nthiyana haanaa nikhwata mmuruni ama vairorini, 30opochera ishaani awehaweheke yoyo ureta uyo. Yakhalhaka opochera ishaani anowoona wiira ureta uhokelha nhina ni ikharari cho manjano ni cho uyevayeva, paahi anhimiacheke yoyo ntu uyo wiira khanorumelhelhiya wo iphiro cho waalhapelha Apwiiya Nlhuku, ukhalhawaya yoyo uvelhe ni ayo makutulha o mmuruni ama o vairorini. 31Nansho yakhalhaka opochera ishaani anowoona wiira ureta khunakelha nhina, ni ikharari khachiriipilhe, paahi opochera ishaani amweesheke yoyo ntu uyo uchereshere mahuku saba. 32Nihuku no saba opochera ishaani aweheke nikhwata nne. Yakhalhaka nikhwata nno khaninawanelha ni khachiwo ikharari chirii cho manjano mena khuuwo uvelhe uriyoothe vavawo vakittu vawo, 33paahi yoyo ntu uyo owulheke ikharari ama irori chawe. Nansho huuwulhe vakittu varii ni uvelhe vawo. Yamalhaka opochera ishaani amweesheke yoyo ntu uyo uchereshere mahuku saba makina. 34Nihuku no saba opochera ishaani aweheke tho uvelhe uyo. Yoonaka wiira uvelhe uyo khuwanenlhe munrapalhani ni wala khukenlhe nhina nrapalha, paahi anhimiacheke yoyo ntu uyo wiira hokhalha oombone. Yoyo ntu uyo apuputteke ikuwo chawe, ni uyo norumelhelhiya wo iphiro cho waalhapelha Apwiiya Nlhuku. 35Nansho yakhalhaka uvelhe uyo uhowanelha baada yo uhimiachiya, 36opochera ishaani ammweheke yoyo ntu uyo, ni yakhalhaka uvelhe uhowanelha munrapalhani, opochera ishaani khanothananiya waavia ikharari cho irangi yo manjano, yoyo ntu uyo khanorumelhelhiya wo iphiro cho waalhapelha Apwiiya Nlhuku. 37Nansho yakhalhaka opochera ishaani anowoona wiira uvelhe ulhe uholhama ni ikharari cho uriipa chihomelha vavawo vakittu vawo, paahi yoyo ntu uyo holhama. Ni opochera ishaani anhimiacheke yoyo ntu uyo wiira noorumelhelhiya wo iphiro cho waalhapelha Apwiiya Nlhuku.
38“Ntu riyoothe, akhalhe nlhopwana ama nthiyana, akhalhaka ni nivaathelha nooteelha mwiiruttuni mwawe, 39opochera ishaani ammweheke yoyo ntu uyo. Yakhalhaka anowoona wiira yayo mavaathelha aya ooteelha vakani, yoyo phi uvelhe wo kawaida, yoyo ntu noorumelhelhiya wo iphiro cho waalhapelha Apwiiya Nlhuku.
40“Yakhalhaka nlhopwana haatuwa nthari, yoyo hooniye wiira honanara ukhalhawaya rina nthariru. 41Yakhalhaka nenno nthari nno naatuwilhe ukhuma wiikohi mpaka uyuuchi, yoyo ntu uyo rina nthariru, noorumelhelhiya wo iphiro cho waalhapelha Apwiiya Nlhuku. 42Nansho yakhalhaka ahokhuma makhwata ooteelha ni okhwiilha vantharini vawo, ama vayuuchi, ama ahaawo mavaathelha ooteelha ni okhwiilha vakani, yayo phi makutulha anokhumelhelha mmuruni vantharini vawe ama vayuuchi vawe. 43Opochera ishaani ammwehaweheke yoyo ntu uyo, ni yakhalhaka anowoona wiira wowo wiipa wo vamuruni uwo ama vayuchi uwo, urii wooteelha ni wokhwiilha khwilha, 44paahi, opochera ishaani anhimiacheke yoyo ntu uyo wiira rina makutulha khanorumelhelhiya wo iphiro cho waalhapelha Apwiiya Nlhuku. Ukhalhawaya ureta awe urii mmuruni mwawe.
45“Ntu ri ni ureta wo makutulha awareke ikuwo cho waahuwa, hivache ikharari chawe, eekhunelheke malhaku awe, akhuwelheke eeraka, ‘Nhikaatamerie mii, nkooneke mii wiira o unyalha! Mii akinorumelhelhiya wo iphiro cho waalhapelha Apwiiya Nlhuku!’ 46Akhalheke chiicho wo uhirumelhelhiya wo iphiro cho waalhapelha Apwiiya Nlhuku, wo mahuku onkhaye arina awe yoyo ureta uyo. Yoyo khanorumelhelhiya wo iphiro cho waalhapelha Apwiiya Nlhuku, ni uyo akhalheke yekha awe uchereshere iwani.”
Malheheriyo anaacha ikutihi cho nkuwoni
47“Yakhalhaka ihaawo iriyoothe irawulhihiye makutulha, ikhalhe yo isufu, ama ikuwo yorera yoteelha, 48ama ikuwo iriyoothe ittaviye ama irithiye wo ikuwo yorera yoteelha ama wo isufu ama ikuwo yo nrapalha nirinoothe nne, 49ama ikutihi iyo yakhalhaka yo ikijani ama yo khwiilha nkuwoni mmo, paahi yeyo ikuwo iyo yoonihiyeke wa opochera ishaani. 50Opochera ishaani anooweha yeyo ikutihi iyo ni uhiya yeyo ikuwo iyo uchereshere iwani wo mahuku saba. 51Nihuku no saba anooweha yeyo ikutihi iyo tho. Yakhalhaka yeyo ikutihi iyo ihowanelha nkuwoni mmo, ikhalhe ikuwo yo uttaviya ama yo urithiya ama yo nrapalha nirinoothe, yo ntheko uriwoothe, paahi yeyo ikuwo iyo khinorumelhelhiya wo iphiro cho waalhapelha Apwiiya Nlhuku. 52Opochera ishaani apaheke vamooroni yeyo ikuwo iyo ukhalhawaya ihokelhiya ikutihi inothaalhiha ikuwo.
53“Nansho yakhalhaka opochera ishaani anowoona wiira ikutihi khiwanenlhe nkuwoni mmo, 54paahi anlhehereke mwanene ikuwo iyo wiira apuputteke ni uhiya uchereshere iwani wo mahuku saba makina. 55Yamalhaka, awehaweheke yeyo ikuwo iyo baada yo upuputtiya. Yakhalhaka irangi yo ikutihi ilhe khinarukunuwa, ata inakhalhaka ikutihi iyo khiwanenlhe, yeyo ikuwo iyo khinorumelhelhiya wo iphiro cho waalhapelha Apwiiya Nlhuku. Paahi yeyo ikuwo iyo ipahiyeke vamooroni, ikhalhe ikutihi iyo irii utulhi ama uhoolho wo ikuwo iyo. 56Nansho yakhalhaka opochera ishaani anowoona wiira ikutihi ilhe ihowalhawalha baada yo upuputtiya, paahi, aahulheke athamiheke vakittu varii ikutihi vawo. 57Yamalhaka, yakhalhaka ikutihi iyo inowoonia tho kaanyuma nkuwoni, ikuwo ittaviye ama irithiye, ama yo nrapalha, paahi ikutihi ihowanelha. Vavawo yeyo ikuwo iyo ipahiyeke vamooroni. 58Nansho yakhalhaka ikuwo iyo ikelhiye ikutihi ikhumelhenlhe kaanyuma baada yo upuputtiya, paahi ipuputtiyeke nkwaha wo nayeelhi wiira irumelhelhiye wo iphiro cho waalhapelha Apwiiya Nlhuku.
59“Yayo etu phi malheheriyo anaacha ikutihi yo nkuwoni muriwoothe, ikhalhe ikuwo yo isufu ama yorera yoteelha, ama yo nrapalha. Wo yeyo iphiro iyo nnowooria waandhandhulha variyari yo ikuwo chinorumelhelhiya wo iphiro cho waalhapelha Apwiiya Nlhuku, ama ikuwo chihinorumelhelhiya.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Version in Makua @The Word for The World International and Makua Language translators. All rights reserved.