Uttawa 29
29
Malheheriyo anaacha Naharuni ni achishaana aya
(Ala 8:1-36)
1“Chilha phi chittu chinohalha inyu waapangelha Naharuni ni achishaana aya, yeeshiye umihoolho waka wiira akhalhe opochera ishaani. Mwaakusheke mwaang'ope n'dume mmoka ni ikhondoro madume meelhi o uhiremara. 2Nkusheke iphepa yooshilhia yo ingaano, nkoorosheke mikatte cho uhihelhiya ihengedure ni maandazi o uhihelhiya ihengedure akandiye wo makhura. 3Mwamalhaka, nhelheke mikatte ni maandazi ayo nchikapuni, ni ukumiha isadaka uwannyaka vamoka ni mwaang'ope uyo ni ikhondoro piilhi chiyo.
4“Yamalhaka, mwaarweheke Naharuni ni achishaana aya vanlhakoni u Nihema Nitakatifu, mwaattukuriacheke wo maashi. 5Mwamalhihaka vavawo, mwaawariheke Naharuni ikuwo cha opochera ishaani, ikanzu, nkogo, ikuwo yo ukhunelha ikhakacha, nrupa wo vakhakaachani, ni nshipi wo wiittuka nnyununi uttaviye rata ulhe. 6Tho, mwaattukeke mphumburu mmuruni ni waattuka ikibati yo idhahabu ilhepiye nchina ‘Ntakatifu wa Apwiiya Nlhuku’ ilhe, vayuchi. 7Mwamalhihaka upanga chiicho, nkusheke makhura mwaamiinelheke Naharuni vamuruni.
8“Mwamalhihaka vavawo, mwaawiiheke achishaana a Naharuni, mwaawariheke mikogo, 9mwaattukeke mishipi nnyununi ni waattuka miphumburu mmuruni. Chiicho phi nohalha inyu waavaha Naharuni ni iyari aya yonkhaye, ntheko wo opochera ishaani wo mahuku o uhimalha.
10“Mwamalhihaka, mummwiiheke mwaang'ope n'dume ulhe, uhoolho wo Nihema Nitakatifu. Naharuni ni achishaana aya yeesheke miono chaya vamuruni wo mwaang'ope uyo. 11Ni inyu munhitheke mwaang'ope uyo umihoolho waka mii, Apwiiya Nlhuku, vanlhakoni Vanihemani vawo. 12Nkusheke iphome awe iyo, nhikeke ikhona cho madhubahu wo nikokho ninyu, ni umiinelha iphome ikina iyo wuuthi nisanduku no upaheriya isadaka nno. 13Mwamalhihaka vavawo, nkusheke makhura onkhaye anokhunelha marupo, ni ithayi yoombone yo ahapa, imphio piilhi, ni makhura arii vachulhu, mpaheke onkhaye vachulhu madhubahu vawo. 14Nansho inama yo mwaang'ope uyo, nrapalha vamoka ni mavi awe ayo, chechiyo mpaheke mooro uchereshere ikambi, ikhalhe isadaka yo uthamiha milhatu cho uwonya winyu.
15“Mwamalhihaka vavawo, nkusheke ikhondoro ilhopwana imoka ni weerelha Naharuni ni achishaana aya wiira eesheke miono chaya vamuruni wo ikhondoro iyo. 16Ni inyu nhitheke, ni iphome aya iyo mmichamicheke urukureria nisanduku no madhubahu nno. 17Mwamalhaka, ntupulhacheke ipilhipicha, nhapiheke marupo, mahema ni mieto chaya, ni weesha muru vamoka ni chikina chonkhaye. 18Mwamalhihaka vavawo, mpaheke mooro inama yonkhaye yo ikhondoro iyo vachulhu madhubahu wiira nkumihe isadaka wa Apwiiya Nlhuku. Ukhalhawaya nihiriri no isadaka ikumihiye wo mooro ninookiteelhiha nrima mii Apwiiya Nlhuku.
19“Nkusheke ikhondoro ikina iyo, Naharuni ni achishaana aya yeesheke miono chaya vamuruni waya. 20Nhitheke ni ukusha iphome ni waahika Naharuni vamoka ni achishaana aya indewe cho manyaru aya o wiimonono, makokho aya molhupalhe o wiimonono ni makokho molhupalhe o mieto chaya cho wiimonono. Iphome inohalha iyo mmichamicheke urukureria madhubahu ayo. 21Tho, nkusheke iphome iri vamadhubahuni ni makhura o wootiya alhe, mwaamichamichereke Naharuni ni ikuwo chaya, tho mwaamichamichereke achishaana aya ni ikuwo chaya. Vavawo Naharuni ni achishaana aya ni ikuwo chaya chonkhaye anookhalha atakatifu.
22“Mwamalhaka vavawo, nkusheke makhura o ikhondoro ilhopwana iyo, mwiilha aya, makhura anokhunelha marupo, ithayi yoombone ya ahapa, imphio chaya piilhi ni makhura aya, vamoka ni mphanja aya wo wiimonono. 23Ukhuma nchikapuni nri mikatte cho uhihelhiya ihengedure mmo, irii umihoolho waka mii Apwiiya Nlhuku, nkusheke nkatte mmoka ni andazi nimoka nikatahunyiye wo makhura ni nkatte wo uvevialha mmoka. 24Chonkhaye chiyo mwaavaheke Naharuni ni achishaana aya. Ni ayo yeenulheke uchulhu ni ukumiha isadaka uwannyaka mii Apwiiya Nlhuku. 25Nkusheke mikatte chiyo tho ukhuma mmathathani mwaya, upaha mooro vachulhu madhubahu vamoka ni isadaka yo upahiya ilhe. Chikhalhe nihiriri no nukhelha no ukiteelhiha mii Apwiiya Nlhuku. 26Baada yo vavawo nkusheke ikidari yo ikhondoro yo weeshiya Naharuni umihoolho waka iyo, wooniha wiira nhokivaha isadaka mii Apwiiya Nlhuku, ni iyo inookhalha mpatta wawinyu.
27“Nkusheke ikidari ni mphanja wo ikhondoro yo upacha, ikumihiye isadaka yo weeshiya umihoolho waka opochera ishaani, ni inama yo ikhondoro ikina yeenulhiye wooniha wiira ihokumihiya isadaka uwannyaka mii, nthamiheke ikidari ni mphanja chikhalhe yolhia i Naharuni ni achishaana aya. 28Paahi mahuku anowa, kila Aisraeli vanokumiha aya isadaka uwannyaka mii, akusheke chechiyo induri chiyo ukhuma isadaka chaya cho waathanihiya chinokumiha aya, ni waavaha Naharuni ni achishaana aya. Yeyo phi isadaka aya, uwannyaka mii Apwiiya Nlhuku.
29“Baada yo ukhwa wa Naharuni, ikuwo chaya chitakatifu avahiyeke achishaana aya, awareke vanohikiya aya makhura ni ikatema vanohalha aya uvahiya ntheko wo opochera ishaani. 30Mwaamwana a Naharuni nohalha ukhalha opochera ishaani vanipuroni wa athumwanawe, awareke chechiyo ikuwo chiyo ni ukhalha Unihemani uwo wo mahuku saba, vanovara awe ntheko Vakittu Vatakatifu.
31“Nkusheke inama yo ikhondoro ikina ikumihiye isadaka ilhe ni waapia untenjeni u Nihema Nitakatifu. 32Mwamalhihakaru, mwaavaheke Naharuni ni achishaana aya akhurelheke vanlhakoni u Nihema Nitakatifu, vamoka ni mikatte chaahalhenlhe nchikapuni mmwe. 33Alhieke chechiyo chittu chikumihiye isadaka cho uhiyereriya uwonya chiyo, nansho ntu nkina hihiyereriye wiira alhie, ukhalhawaya chitakatifu. 34Yakhalhaka inama iriyoothe ama mikatte chinoohalha mpaka wichishu, paahi mpaheke mooro, chihilhiye ukhalhawaya chitakatifu.
35“Chiichammo phi nohalha inyu waapangelha Naharuni ni achishaana aya wo ulhikaana ni chittu chonkhaye chulhehenreakani. Mwaapangelheke yoyo ntheko ntakatifu uyo mahuku saba. 36Ni kila nihuku nkumiheke isadaka yo ing'ope n'dume wo nlhatu wo uthamihiya milhatu cho uwonya. Wo wiira chiicho, nnoopanga madhubahu ayo ukhalha matakatifu. Mwamalhaka nttukurieke wo umiinelha makhura. 37Mpangeke chiicho kila nihuku wo mahuku saba. Baada yo vavawo, madhubahu ayo anookhalha matakatifu chinene, ni kila ittu inohalha uvara madhubahu ayo inookhalha itakatifu.
Isadaka yo kila nihuku
(Waal 28:1-8)
38“Kila nihuku mahuku anowa, nkumiheke isadaka vachulhu madhubahu vawo, ashikhondoro eelhi o iyaakha imoka. 39Mwaakhondoro mmoka isadaka wichishu, ni mwaakhondoro nkina isadaka uchechilho. 40Tho, vamoka ni mwaakhondoro opacha, nkumiheke ikilo imoka yo iphepa yo shilhia ithakanihiye ni ilita imoka yo makhura oombone, ni ilita imoka yo idivai, ikhalhe isadaka yo uwuriya. 41Thothoni tho, mwaakhondoro nkina o uchechilho ulhe, munkumiheke vamoka ni isadaka yo choolhia ni yo uwuriya thoko chipannge inyu wichishu. Nihiriri no yeyo isadaka inopahiya iyo inookiteelhiha mii Apwiiya Nlhuku. 42Yeyo isadaka yo upahiya iyo ikumihiyeke umihoolho waka mii Apwiiya Nlhuku, mahuku onkhaye iyari ni iyari, vanlhakoni u Nihema Nitakatifu unohalha aka ukumaana ni attu aka. Tho, ni uwulhumanani inyuva Namusa. 43Vavawo kinoowa koolhumana Aisraeli, ni nthimicho aka unowa upanga vavawo vakittu vawo ukhalha Vatakatifu. 44Kinoopanga Nihema Nitakatifu ni madhubahu ayo ukhalha chitakatifu. Tho Naharuni ni achishaana aya kinowaavariha ntheko wo opochera ishaani. 45Kinookhalha munlhokoni mwa Aisraeli, ni mii kinookhalha Nlhuku aya. 46Vavawo phi nowa aya yaachuwelha wiira mii phi Apwiiya Nlhuku, Nlhuku aya, kaawiihilhe uno ukhuma Umisri, wiira kikhalhe munlhokoni mwaya.”
Currently Selected:
Uttawa 29: MOT
Highlight
Share
Copy
Want to have your highlights saved across all your devices? Sign up or sign in
The Bible Version in Makua @The Word for The World International and Makua Language translators. All rights reserved.
Uttawa 29
29
Malheheriyo anaacha Naharuni ni achishaana aya
(Ala 8:1-36)
1“Chilha phi chittu chinohalha inyu waapangelha Naharuni ni achishaana aya, yeeshiye umihoolho waka wiira akhalhe opochera ishaani. Mwaakusheke mwaang'ope n'dume mmoka ni ikhondoro madume meelhi o uhiremara. 2Nkusheke iphepa yooshilhia yo ingaano, nkoorosheke mikatte cho uhihelhiya ihengedure ni maandazi o uhihelhiya ihengedure akandiye wo makhura. 3Mwamalhaka, nhelheke mikatte ni maandazi ayo nchikapuni, ni ukumiha isadaka uwannyaka vamoka ni mwaang'ope uyo ni ikhondoro piilhi chiyo.
4“Yamalhaka, mwaarweheke Naharuni ni achishaana aya vanlhakoni u Nihema Nitakatifu, mwaattukuriacheke wo maashi. 5Mwamalhihaka vavawo, mwaawariheke Naharuni ikuwo cha opochera ishaani, ikanzu, nkogo, ikuwo yo ukhunelha ikhakacha, nrupa wo vakhakaachani, ni nshipi wo wiittuka nnyununi uttaviye rata ulhe. 6Tho, mwaattukeke mphumburu mmuruni ni waattuka ikibati yo idhahabu ilhepiye nchina ‘Ntakatifu wa Apwiiya Nlhuku’ ilhe, vayuchi. 7Mwamalhihaka upanga chiicho, nkusheke makhura mwaamiinelheke Naharuni vamuruni.
8“Mwamalhihaka vavawo, mwaawiiheke achishaana a Naharuni, mwaawariheke mikogo, 9mwaattukeke mishipi nnyununi ni waattuka miphumburu mmuruni. Chiicho phi nohalha inyu waavaha Naharuni ni iyari aya yonkhaye, ntheko wo opochera ishaani wo mahuku o uhimalha.
10“Mwamalhihaka, mummwiiheke mwaang'ope n'dume ulhe, uhoolho wo Nihema Nitakatifu. Naharuni ni achishaana aya yeesheke miono chaya vamuruni wo mwaang'ope uyo. 11Ni inyu munhitheke mwaang'ope uyo umihoolho waka mii, Apwiiya Nlhuku, vanlhakoni Vanihemani vawo. 12Nkusheke iphome awe iyo, nhikeke ikhona cho madhubahu wo nikokho ninyu, ni umiinelha iphome ikina iyo wuuthi nisanduku no upaheriya isadaka nno. 13Mwamalhihaka vavawo, nkusheke makhura onkhaye anokhunelha marupo, ni ithayi yoombone yo ahapa, imphio piilhi, ni makhura arii vachulhu, mpaheke onkhaye vachulhu madhubahu vawo. 14Nansho inama yo mwaang'ope uyo, nrapalha vamoka ni mavi awe ayo, chechiyo mpaheke mooro uchereshere ikambi, ikhalhe isadaka yo uthamiha milhatu cho uwonya winyu.
15“Mwamalhihaka vavawo, nkusheke ikhondoro ilhopwana imoka ni weerelha Naharuni ni achishaana aya wiira eesheke miono chaya vamuruni wo ikhondoro iyo. 16Ni inyu nhitheke, ni iphome aya iyo mmichamicheke urukureria nisanduku no madhubahu nno. 17Mwamalhaka, ntupulhacheke ipilhipicha, nhapiheke marupo, mahema ni mieto chaya, ni weesha muru vamoka ni chikina chonkhaye. 18Mwamalhihaka vavawo, mpaheke mooro inama yonkhaye yo ikhondoro iyo vachulhu madhubahu wiira nkumihe isadaka wa Apwiiya Nlhuku. Ukhalhawaya nihiriri no isadaka ikumihiye wo mooro ninookiteelhiha nrima mii Apwiiya Nlhuku.
19“Nkusheke ikhondoro ikina iyo, Naharuni ni achishaana aya yeesheke miono chaya vamuruni waya. 20Nhitheke ni ukusha iphome ni waahika Naharuni vamoka ni achishaana aya indewe cho manyaru aya o wiimonono, makokho aya molhupalhe o wiimonono ni makokho molhupalhe o mieto chaya cho wiimonono. Iphome inohalha iyo mmichamicheke urukureria madhubahu ayo. 21Tho, nkusheke iphome iri vamadhubahuni ni makhura o wootiya alhe, mwaamichamichereke Naharuni ni ikuwo chaya, tho mwaamichamichereke achishaana aya ni ikuwo chaya. Vavawo Naharuni ni achishaana aya ni ikuwo chaya chonkhaye anookhalha atakatifu.
22“Mwamalhaka vavawo, nkusheke makhura o ikhondoro ilhopwana iyo, mwiilha aya, makhura anokhunelha marupo, ithayi yoombone ya ahapa, imphio chaya piilhi ni makhura aya, vamoka ni mphanja aya wo wiimonono. 23Ukhuma nchikapuni nri mikatte cho uhihelhiya ihengedure mmo, irii umihoolho waka mii Apwiiya Nlhuku, nkusheke nkatte mmoka ni andazi nimoka nikatahunyiye wo makhura ni nkatte wo uvevialha mmoka. 24Chonkhaye chiyo mwaavaheke Naharuni ni achishaana aya. Ni ayo yeenulheke uchulhu ni ukumiha isadaka uwannyaka mii Apwiiya Nlhuku. 25Nkusheke mikatte chiyo tho ukhuma mmathathani mwaya, upaha mooro vachulhu madhubahu vamoka ni isadaka yo upahiya ilhe. Chikhalhe nihiriri no nukhelha no ukiteelhiha mii Apwiiya Nlhuku. 26Baada yo vavawo nkusheke ikidari yo ikhondoro yo weeshiya Naharuni umihoolho waka iyo, wooniha wiira nhokivaha isadaka mii Apwiiya Nlhuku, ni iyo inookhalha mpatta wawinyu.
27“Nkusheke ikidari ni mphanja wo ikhondoro yo upacha, ikumihiye isadaka yo weeshiya umihoolho waka opochera ishaani, ni inama yo ikhondoro ikina yeenulhiye wooniha wiira ihokumihiya isadaka uwannyaka mii, nthamiheke ikidari ni mphanja chikhalhe yolhia i Naharuni ni achishaana aya. 28Paahi mahuku anowa, kila Aisraeli vanokumiha aya isadaka uwannyaka mii, akusheke chechiyo induri chiyo ukhuma isadaka chaya cho waathanihiya chinokumiha aya, ni waavaha Naharuni ni achishaana aya. Yeyo phi isadaka aya, uwannyaka mii Apwiiya Nlhuku.
29“Baada yo ukhwa wa Naharuni, ikuwo chaya chitakatifu avahiyeke achishaana aya, awareke vanohikiya aya makhura ni ikatema vanohalha aya uvahiya ntheko wo opochera ishaani. 30Mwaamwana a Naharuni nohalha ukhalha opochera ishaani vanipuroni wa athumwanawe, awareke chechiyo ikuwo chiyo ni ukhalha Unihemani uwo wo mahuku saba, vanovara awe ntheko Vakittu Vatakatifu.
31“Nkusheke inama yo ikhondoro ikina ikumihiye isadaka ilhe ni waapia untenjeni u Nihema Nitakatifu. 32Mwamalhihakaru, mwaavaheke Naharuni ni achishaana aya akhurelheke vanlhakoni u Nihema Nitakatifu, vamoka ni mikatte chaahalhenlhe nchikapuni mmwe. 33Alhieke chechiyo chittu chikumihiye isadaka cho uhiyereriya uwonya chiyo, nansho ntu nkina hihiyereriye wiira alhie, ukhalhawaya chitakatifu. 34Yakhalhaka inama iriyoothe ama mikatte chinoohalha mpaka wichishu, paahi mpaheke mooro, chihilhiye ukhalhawaya chitakatifu.
35“Chiichammo phi nohalha inyu waapangelha Naharuni ni achishaana aya wo ulhikaana ni chittu chonkhaye chulhehenreakani. Mwaapangelheke yoyo ntheko ntakatifu uyo mahuku saba. 36Ni kila nihuku nkumiheke isadaka yo ing'ope n'dume wo nlhatu wo uthamihiya milhatu cho uwonya. Wo wiira chiicho, nnoopanga madhubahu ayo ukhalha matakatifu. Mwamalhaka nttukurieke wo umiinelha makhura. 37Mpangeke chiicho kila nihuku wo mahuku saba. Baada yo vavawo, madhubahu ayo anookhalha matakatifu chinene, ni kila ittu inohalha uvara madhubahu ayo inookhalha itakatifu.
Isadaka yo kila nihuku
(Waal 28:1-8)
38“Kila nihuku mahuku anowa, nkumiheke isadaka vachulhu madhubahu vawo, ashikhondoro eelhi o iyaakha imoka. 39Mwaakhondoro mmoka isadaka wichishu, ni mwaakhondoro nkina isadaka uchechilho. 40Tho, vamoka ni mwaakhondoro opacha, nkumiheke ikilo imoka yo iphepa yo shilhia ithakanihiye ni ilita imoka yo makhura oombone, ni ilita imoka yo idivai, ikhalhe isadaka yo uwuriya. 41Thothoni tho, mwaakhondoro nkina o uchechilho ulhe, munkumiheke vamoka ni isadaka yo choolhia ni yo uwuriya thoko chipannge inyu wichishu. Nihiriri no yeyo isadaka inopahiya iyo inookiteelhiha mii Apwiiya Nlhuku. 42Yeyo isadaka yo upahiya iyo ikumihiyeke umihoolho waka mii Apwiiya Nlhuku, mahuku onkhaye iyari ni iyari, vanlhakoni u Nihema Nitakatifu unohalha aka ukumaana ni attu aka. Tho, ni uwulhumanani inyuva Namusa. 43Vavawo kinoowa koolhumana Aisraeli, ni nthimicho aka unowa upanga vavawo vakittu vawo ukhalha Vatakatifu. 44Kinoopanga Nihema Nitakatifu ni madhubahu ayo ukhalha chitakatifu. Tho Naharuni ni achishaana aya kinowaavariha ntheko wo opochera ishaani. 45Kinookhalha munlhokoni mwa Aisraeli, ni mii kinookhalha Nlhuku aya. 46Vavawo phi nowa aya yaachuwelha wiira mii phi Apwiiya Nlhuku, Nlhuku aya, kaawiihilhe uno ukhuma Umisri, wiira kikhalhe munlhokoni mwaya.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Version in Makua @The Word for The World International and Makua Language translators. All rights reserved.