Uttawa 16
16
Aisraeli anoovahiya imana ni ikhwalhi
1Nlhoko wonkhaye wa Aisraeli wahothama, nkayaaphiya uthako wo Usinai iriyari yo Uelimu ni Usinai. Ilha yaari nihuku no khumi ni nthanu mweeri wo nayelhi toka yathamekeru Umisri. 2Paahi Aisraeli onkhaye nkayonlhelha ashinna Musa ni Naharuni uthakoni uwo, 3yeeraka, “Ikaari nambaya wiira Apwiiya Nlhuku ahoniiva Umisri, waakhalha ihu ni ukhuura ihu inama ni ulhia mikatte nkanaawona. Nansho mwaattiva nhoniwiiha uthakoni uno hii attu onkhaye va, wiira nikhweke wo ithalha!”
4Phi vavawo Apwiiya Nlhuku verenlhe aya ashinna Musa, “Mii kinowurupelhani ipulha yo mikatte ukhuma wiirimu. Kila nihuku attu anookhumacha mmawani ni ukhupacha choolhia cho waathosha wo nihuku nno. Wo yeyo iphiro iyo kinowaalhikacha koone wiira anoottwara malhehero aka ama khanottwaracha. 5Nansho nihuku no sita, vanohalha aya uthokoreria choolhia chikhupanche aya, chikhalheke choolhia mikwaha miilhi yo choolhia cho kila nihuku.”
6Paahi ashinna Musa ni Naharuni yaheerelha attu onkhaye Aisraeli wiira, “Uchechilho wo lhelho ulha, nnochuwelha wiira Apwiiya Nlhuku phi okuminheni ukhuma Umisri! 7Tho, meelho wichishu, nnowoona nthimicho wa Apwiiya Nlhuku ukhalhawaya aheewa ichuku inyu volhenlhe inyu. Ukhalhawaya hiyaano anamitheko aya tu.” 8Ashinna Musa tho nkayeera, “Uchechilho Apwiiya Nlhuku anouvahani inama nkhuure, ni wichishu anouvahani nkatte nlhieke ni urupalha. Ukhalhawaya aheewa ichuku inyu vonlhachilhe inyu. Hiyaano phi apani? Nhinunlhelhe hii nansho mwonlhelheke Apwiiya Nlhuku.”
9Yamalheke ashinna Musa nkayeerelha Naharuni, “Mwaahimerieke Aisraeli onkhaye wiira, ‘Nthukumaneke umihoolho wa Apwiiya Nlhuku ukhalhawaya aheewa ichuku chinyu.’ ” 10Ikatema Naharuni volhumana aya Aisraeli, attu onkhaye yahoweha uthakoni. Wo uhipicha nchakarimia no nthimicho wa Apwiiya Nlhuku nkanoonia unihuteni. 11Apwiiya Nlhuku nkayeerelha ashinna Musa, 12“Kiheewa ichuku cha Aisraeli. Paahi mwaahimerie wiira uchechilho anokhuura inama, ni wichishu anolhia nkatte unothanana aya. Vavawo phi nohalha aya uchuwelha wiira mii phi Apwiiya Nlhuku inyu.”
13Paahi uchechilho nkachaakhuruwa ikhwalhi chinchi, nkachaakhuneelha ikambi ya Aisraeli. Washeeke nkawaakhuma ukame uchereshere ikambi aya iyo. 14Ukame uyo vaawalhawanlhe aya, nkawaahalha uthakoni uwo ittu thoko nkatte wo uvevialha, wo waalhuwa. 15Aisraeli yooneke yeyo ittu iyo nkayaashangacha, nkayaakohanacha, “Ilha phi ishiyani?” Ukhalhawaya khayaachuwenlhe yaakhumelhenlhe ittu yaani.
Paahi ashinna Musa nkayaahimia wiira, “Ilha phi yolhia Apwiiya Nlhuku ahovahayani, nlhieke. 16Apwiiya Nlhuku aholhehera wiira, ‘Kila ntu ashungeke yolhia ikhadiri inooria awe ulhia. Arokotteke ikibaba piilhi wo kila ntu, ashungeke unihemani wawe.’ ”
17Paahi Aisraeli nkayaapanga chiicho. Akina yaarokontte chinchi ni akina vakani. 18Nansho vaaphimme aya yolhia yaarokontte aya, nkayoona wiira kila ntu hopatta yaahuvelha awe. Aarokhontte chinchi khayaarina yohalhana, ni aarokottilhe vakani, khaawukuwelhiye. Kila mmoka arii narokontte chaahuvelha awe.
19Ashinna Musa nkayeerelha attu, “Ntu riyoothe hishunge mmithe!” 20Nansho attu nkayeewelhenlhe ashinna Musa. Akina aya yahoshunga mmithe. Nansho wichishu yolhia iyo yahochukumana ni ukhuma ikhune. Ashinna Musa nkayaarushiya chinene. 21Paahi kila wichishu yahorokotta yolhia kila ntu yanthosha awe ulhia. Nchuwa vaawelha aya ni ukhalha no uviha, yolhia ikina ilhe yahowalhawalha.
22Nihuku no sita, Aisraeli yahorokottacha yolhia mikwaha milhi, ikibaba ncheshe kila ntu. Paahi ashulhupalhe onkhaye o Aisraeli yaharweelha ashinna Musa, nkayaalhelha nenno nlhove nno. 23Ashinna Musa nkayaakhulha, “Alha phi malheheriyo a Apwiiya Nlhuku. Meelho phi Nihuku no Wiittuwa nulhupalhe, Nihuku no Wiittuwa no Apwiiya Nlhuku. Paahi nrweeke mwaapieke ama mwakutihacheke yolhia inothanana inyu lhelho, ni yolhia inohalha iyo nshungeke mpaka meelho.”
24Paahi yahoshunga choolhia chikina mpaka meelho thoko ashinna Musa chaahimmie aya. Wichishu waya yahoona wiira khayaachukumanne wala ukhuma ikhune. 25Paahi ashinna Musa nkeerelhacha wiira, “Nlhiacheke yolhia mwaashungilhe inyu iyo, ukhalhawaya lhelho phi Nihuku no Wiittuwa, neeshiye ni Apwiiya Nlhuku. Lhelho khannopatta yolhia vathe vawo. 26Wo mahuku sita nnoorokotta yolhia ilha, nansho nihuku no saba phi Nihuku no Wiittuwa, khannowa mwaapatta yolhia.”
27Nansho nihuku no saba ahokhalha attu akina yaarwelhe uwaviani yolhia, nansho nkayaapatilhe. 28Vavawo Apwiiya Nlhuku nkayeerelha ashinna Musa wiira, “Chani, nnohalha ukhota malheheriyo ni Malhehero aka mpaka iyaakhani? 29Nchuwelheke wiira mii Apwiiya Nlhuku kihovahani Nihuku no Wiittuwa, phi nlhatu no uvahani yolhia yo mahuku meelhi nihuku no sita. Paahi mwiittuweke kila ntu uwannyawe, ntu riyoothe hikhume vawani nihuku no saba nna.” 30Paahi etu, attu yaheettuwa nihuku no saba.
31Aisraeli yaheehana yeyo yolhia iyo, “Mana.” Yaari thoko imbeyu yo meelhe, yooteelha, ni uchiva waya warii thoko nkatte wo uvevialha uhelhiye urawo. 32Ashinna Musa nkayeerelha wiira, “Apwiiya Nlhuku aholhehera wiira, ‘Nshungeke ikibaba piilhi yo imana ni ushunga wo nlhatu wo achishaana inyu. Yolhia yolhinheakani uthakoni ikatema yo ukumihani Umisri.’ ”
33Ashinna Musa nkayeerelha Naharuni, “Nkusheke nigudulia, nhelheke ikibaba piilhi cho imana, mweesheke umihoolho wa Apwiiya Nlhuku, ikhalhe wo nlhatu wo iyari chihu chinowa.” 34Paahi Naharuni nkayeesha imana umihoolho wo Nisanduku no Malhehano wiira ithokororiye thoko Apwiiya Nlhuku chaalhehenre aya ashinna Musa. 35Aisraeli yaholhiacha imana iyo iyaakha makhumi ncheshe, mpaka vaaphilhe aya ilhapo yaalhoka ukhalha, ilhapo yo mmwinanoni Ukanaani weenshe aya mapuro aya molhuphalhe. 36Yolhia yo imana, ipishi ncheshe yaari mpatta wo khumi wo ikipimo yo kawaida ineehaniya efa.
Currently Selected:
Uttawa 16: MOT
Highlight
Share
Copy
Want to have your highlights saved across all your devices? Sign up or sign in
The Bible Version in Makua @The Word for The World International and Makua Language translators. All rights reserved.
Uttawa 16
16
Aisraeli anoovahiya imana ni ikhwalhi
1Nlhoko wonkhaye wa Aisraeli wahothama, nkayaaphiya uthako wo Usinai iriyari yo Uelimu ni Usinai. Ilha yaari nihuku no khumi ni nthanu mweeri wo nayelhi toka yathamekeru Umisri. 2Paahi Aisraeli onkhaye nkayonlhelha ashinna Musa ni Naharuni uthakoni uwo, 3yeeraka, “Ikaari nambaya wiira Apwiiya Nlhuku ahoniiva Umisri, waakhalha ihu ni ukhuura ihu inama ni ulhia mikatte nkanaawona. Nansho mwaattiva nhoniwiiha uthakoni uno hii attu onkhaye va, wiira nikhweke wo ithalha!”
4Phi vavawo Apwiiya Nlhuku verenlhe aya ashinna Musa, “Mii kinowurupelhani ipulha yo mikatte ukhuma wiirimu. Kila nihuku attu anookhumacha mmawani ni ukhupacha choolhia cho waathosha wo nihuku nno. Wo yeyo iphiro iyo kinowaalhikacha koone wiira anoottwara malhehero aka ama khanottwaracha. 5Nansho nihuku no sita, vanohalha aya uthokoreria choolhia chikhupanche aya, chikhalheke choolhia mikwaha miilhi yo choolhia cho kila nihuku.”
6Paahi ashinna Musa ni Naharuni yaheerelha attu onkhaye Aisraeli wiira, “Uchechilho wo lhelho ulha, nnochuwelha wiira Apwiiya Nlhuku phi okuminheni ukhuma Umisri! 7Tho, meelho wichishu, nnowoona nthimicho wa Apwiiya Nlhuku ukhalhawaya aheewa ichuku inyu volhenlhe inyu. Ukhalhawaya hiyaano anamitheko aya tu.” 8Ashinna Musa tho nkayeera, “Uchechilho Apwiiya Nlhuku anouvahani inama nkhuure, ni wichishu anouvahani nkatte nlhieke ni urupalha. Ukhalhawaya aheewa ichuku inyu vonlhachilhe inyu. Hiyaano phi apani? Nhinunlhelhe hii nansho mwonlhelheke Apwiiya Nlhuku.”
9Yamalheke ashinna Musa nkayeerelha Naharuni, “Mwaahimerieke Aisraeli onkhaye wiira, ‘Nthukumaneke umihoolho wa Apwiiya Nlhuku ukhalhawaya aheewa ichuku chinyu.’ ” 10Ikatema Naharuni volhumana aya Aisraeli, attu onkhaye yahoweha uthakoni. Wo uhipicha nchakarimia no nthimicho wa Apwiiya Nlhuku nkanoonia unihuteni. 11Apwiiya Nlhuku nkayeerelha ashinna Musa, 12“Kiheewa ichuku cha Aisraeli. Paahi mwaahimerie wiira uchechilho anokhuura inama, ni wichishu anolhia nkatte unothanana aya. Vavawo phi nohalha aya uchuwelha wiira mii phi Apwiiya Nlhuku inyu.”
13Paahi uchechilho nkachaakhuruwa ikhwalhi chinchi, nkachaakhuneelha ikambi ya Aisraeli. Washeeke nkawaakhuma ukame uchereshere ikambi aya iyo. 14Ukame uyo vaawalhawanlhe aya, nkawaahalha uthakoni uwo ittu thoko nkatte wo uvevialha, wo waalhuwa. 15Aisraeli yooneke yeyo ittu iyo nkayaashangacha, nkayaakohanacha, “Ilha phi ishiyani?” Ukhalhawaya khayaachuwenlhe yaakhumelhenlhe ittu yaani.
Paahi ashinna Musa nkayaahimia wiira, “Ilha phi yolhia Apwiiya Nlhuku ahovahayani, nlhieke. 16Apwiiya Nlhuku aholhehera wiira, ‘Kila ntu ashungeke yolhia ikhadiri inooria awe ulhia. Arokotteke ikibaba piilhi wo kila ntu, ashungeke unihemani wawe.’ ”
17Paahi Aisraeli nkayaapanga chiicho. Akina yaarokontte chinchi ni akina vakani. 18Nansho vaaphimme aya yolhia yaarokontte aya, nkayoona wiira kila ntu hopatta yaahuvelha awe. Aarokhontte chinchi khayaarina yohalhana, ni aarokottilhe vakani, khaawukuwelhiye. Kila mmoka arii narokontte chaahuvelha awe.
19Ashinna Musa nkayeerelha attu, “Ntu riyoothe hishunge mmithe!” 20Nansho attu nkayeewelhenlhe ashinna Musa. Akina aya yahoshunga mmithe. Nansho wichishu yolhia iyo yahochukumana ni ukhuma ikhune. Ashinna Musa nkayaarushiya chinene. 21Paahi kila wichishu yahorokotta yolhia kila ntu yanthosha awe ulhia. Nchuwa vaawelha aya ni ukhalha no uviha, yolhia ikina ilhe yahowalhawalha.
22Nihuku no sita, Aisraeli yahorokottacha yolhia mikwaha milhi, ikibaba ncheshe kila ntu. Paahi ashulhupalhe onkhaye o Aisraeli yaharweelha ashinna Musa, nkayaalhelha nenno nlhove nno. 23Ashinna Musa nkayaakhulha, “Alha phi malheheriyo a Apwiiya Nlhuku. Meelho phi Nihuku no Wiittuwa nulhupalhe, Nihuku no Wiittuwa no Apwiiya Nlhuku. Paahi nrweeke mwaapieke ama mwakutihacheke yolhia inothanana inyu lhelho, ni yolhia inohalha iyo nshungeke mpaka meelho.”
24Paahi yahoshunga choolhia chikina mpaka meelho thoko ashinna Musa chaahimmie aya. Wichishu waya yahoona wiira khayaachukumanne wala ukhuma ikhune. 25Paahi ashinna Musa nkeerelhacha wiira, “Nlhiacheke yolhia mwaashungilhe inyu iyo, ukhalhawaya lhelho phi Nihuku no Wiittuwa, neeshiye ni Apwiiya Nlhuku. Lhelho khannopatta yolhia vathe vawo. 26Wo mahuku sita nnoorokotta yolhia ilha, nansho nihuku no saba phi Nihuku no Wiittuwa, khannowa mwaapatta yolhia.”
27Nansho nihuku no saba ahokhalha attu akina yaarwelhe uwaviani yolhia, nansho nkayaapatilhe. 28Vavawo Apwiiya Nlhuku nkayeerelha ashinna Musa wiira, “Chani, nnohalha ukhota malheheriyo ni Malhehero aka mpaka iyaakhani? 29Nchuwelheke wiira mii Apwiiya Nlhuku kihovahani Nihuku no Wiittuwa, phi nlhatu no uvahani yolhia yo mahuku meelhi nihuku no sita. Paahi mwiittuweke kila ntu uwannyawe, ntu riyoothe hikhume vawani nihuku no saba nna.” 30Paahi etu, attu yaheettuwa nihuku no saba.
31Aisraeli yaheehana yeyo yolhia iyo, “Mana.” Yaari thoko imbeyu yo meelhe, yooteelha, ni uchiva waya warii thoko nkatte wo uvevialha uhelhiye urawo. 32Ashinna Musa nkayeerelha wiira, “Apwiiya Nlhuku aholhehera wiira, ‘Nshungeke ikibaba piilhi yo imana ni ushunga wo nlhatu wo achishaana inyu. Yolhia yolhinheakani uthakoni ikatema yo ukumihani Umisri.’ ”
33Ashinna Musa nkayeerelha Naharuni, “Nkusheke nigudulia, nhelheke ikibaba piilhi cho imana, mweesheke umihoolho wa Apwiiya Nlhuku, ikhalhe wo nlhatu wo iyari chihu chinowa.” 34Paahi Naharuni nkayeesha imana umihoolho wo Nisanduku no Malhehano wiira ithokororiye thoko Apwiiya Nlhuku chaalhehenre aya ashinna Musa. 35Aisraeli yaholhiacha imana iyo iyaakha makhumi ncheshe, mpaka vaaphilhe aya ilhapo yaalhoka ukhalha, ilhapo yo mmwinanoni Ukanaani weenshe aya mapuro aya molhuphalhe. 36Yolhia yo imana, ipishi ncheshe yaari mpatta wo khumi wo ikipimo yo kawaida ineehaniya efa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Version in Makua @The Word for The World International and Makua Language translators. All rights reserved.