Apocalipsis 8
8
Ti ya̱to̱xi̱n sello
1A̱ndá ti ó kuakitje̱he̱ ti Kolélo ti ya̱to̱xi̱n sello chónta ti libro la kꞌuixinhña ninkehó ruido chjina itꞌo̱ hora ti nkaya nka̱jní. 2Ndá chrꞌéxi̱n kꞌuíkua̱n yato sin ángel tjejóxin sin to̱té sin nkayakon Díos, la nkojnko sin kꞌuáyéhe̱ sin nkojnko trompeta. 3#Am. 9:1; Ex. 30:1, 3.*La chrꞌéxi̱n ikui íjnko ángel kjuákꞌexín to̱té nkayakon ti altar mé xraá ijnko ihnti tsíkꞌónaxín oro. Ndá kꞌuáyéhe̱ nchónhña chi̱nko̱ xraxé náxrjón kixin tsjiko ti oración kuènté kaín ti sin tsíkꞌóna xje̱en Díos, tsjakꞌe chritaón ti altar tsíkꞌónaxín oro itjen nkayakon ti trono. 4A̱ndá ti ihnchi kuènté ti chi̱nko̱ la ko ti oración kuènté ti chojni tsíkꞌóna xje̱en Díos, mé chrìinxín itja ti ángel, ti itjen Díos. 5#Lv. 16:12; Ez. 10:2; Ex. 19:16; Ap. 11:19; 16:18.*A̱ndá ti ángel mé kuákja ti ihnti#8:5 ihnti ti nkehe cheyá chi̱nko̱ incensario la kjuínchekaón ti xrinta siín ti altar la ikꞌue nó chjasintajni. Landá kꞌuixikjonta la kꞌuíxin ruido la ko kꞌuixikjónkíxín la ko kꞌuínki nonte.
Ti yato trompeta
6A̱ndá ti yato sin ángel chónta nkojnko trompeta mé ó yaxíhin sin tsꞌánoa sin.
7 #
Ex. 9:23-25; Ez. 38:22. *Ndá ti ángel sa̱oxín kꞌuánoa ti trompeta, mé kꞌuaniá toni la ko xrohi sinkíkjanxín ijni̱, mé ikui chjasintajni. Ndá iche níxin parte ti nonte la ko níxin parte ti inta la ko kaín ti kayoa siín.
8A̱ndá ti yaáxin ángel kꞌuánoa ti trompeta mé éxi ijnko ijna̱ ijié síchrꞌákjen xrohi la sákjuí kꞌuánótjenkí nda̱ñao ndá ti níxin parte ti nda̱ñao la kꞌóna ijni̱. 9La ikꞌuén níxin parte ti iko siín chrínkí nda̱ñao la ko níxin parte ti ntabarco la kꞌuaniánkí ìnta̱.
10 #
Is. 14:12. *A̱ndá ti níxin ángel kꞌuánoa ti trompeta, la kꞌuánótje̱xi̱n nka̱jní ijnko konotsé ijié, éxi ijnko xrohi ijié tjeche. Mé kꞌuánótjenkí níxin parte ti nda̱río la ko níxin parte ti sítꞌaxrje ìnta̱. 11#Jer. 9:15.*A̱ndá ti konotsé la itꞌin Ajenjo, mé tꞌaxrjexín itsjá, landá ti níxin parte ti ìnta̱ la kótsjá, la xi̱kaha itsjé chojni kꞌuénxin ti ìnta̱ kixin itsjá.
12 #
Is. 13:10; Ez. 32:7; Jl. 2:10, 31; 3:15. *A̱ndá ti noóxin ángel kꞌuánoa ti trompeta, la kjuíncheníhi níxin parte ti ña̱o, níxin parte ti nitjó la ko níxin parte ti konotsé. Méxra̱ níxin parte la kótié la í kohya tꞌinkaséña níxin parte ti ncha̱kotjin la ko tie.
13Ndá na̱xa̱ tsjaha̱ la kui̱ha̱n kixin ijnko ángel tjetjaká nko̱siñe nka̱jní mé itsen ndáchro:
―¡Nóa ti sin tjejó chjasintajni ti ó tsondáchro ti trompeta tsꞌánoa ti iní ángel na̱xa̱ tꞌitjáña!
Currently Selected:
Apocalipsis 8: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Apocalipsis 8
8
Ti ya̱to̱xi̱n sello
1A̱ndá ti ó kuakitje̱he̱ ti Kolélo ti ya̱to̱xi̱n sello chónta ti libro la kꞌuixinhña ninkehó ruido chjina itꞌo̱ hora ti nkaya nka̱jní. 2Ndá chrꞌéxi̱n kꞌuíkua̱n yato sin ángel tjejóxin sin to̱té sin nkayakon Díos, la nkojnko sin kꞌuáyéhe̱ sin nkojnko trompeta. 3#Am. 9:1; Ex. 30:1, 3.*La chrꞌéxi̱n ikui íjnko ángel kjuákꞌexín to̱té nkayakon ti altar mé xraá ijnko ihnti tsíkꞌónaxín oro. Ndá kꞌuáyéhe̱ nchónhña chi̱nko̱ xraxé náxrjón kixin tsjiko ti oración kuènté kaín ti sin tsíkꞌóna xje̱en Díos, tsjakꞌe chritaón ti altar tsíkꞌónaxín oro itjen nkayakon ti trono. 4A̱ndá ti ihnchi kuènté ti chi̱nko̱ la ko ti oración kuènté ti chojni tsíkꞌóna xje̱en Díos, mé chrìinxín itja ti ángel, ti itjen Díos. 5#Lv. 16:12; Ez. 10:2; Ex. 19:16; Ap. 11:19; 16:18.*A̱ndá ti ángel mé kuákja ti ihnti#8:5 ihnti ti nkehe cheyá chi̱nko̱ incensario la kjuínchekaón ti xrinta siín ti altar la ikꞌue nó chjasintajni. Landá kꞌuixikjonta la kꞌuíxin ruido la ko kꞌuixikjónkíxín la ko kꞌuínki nonte.
Ti yato trompeta
6A̱ndá ti yato sin ángel chónta nkojnko trompeta mé ó yaxíhin sin tsꞌánoa sin.
7 #
Ex. 9:23-25; Ez. 38:22. *Ndá ti ángel sa̱oxín kꞌuánoa ti trompeta, mé kꞌuaniá toni la ko xrohi sinkíkjanxín ijni̱, mé ikui chjasintajni. Ndá iche níxin parte ti nonte la ko níxin parte ti inta la ko kaín ti kayoa siín.
8A̱ndá ti yaáxin ángel kꞌuánoa ti trompeta mé éxi ijnko ijna̱ ijié síchrꞌákjen xrohi la sákjuí kꞌuánótjenkí nda̱ñao ndá ti níxin parte ti nda̱ñao la kꞌóna ijni̱. 9La ikꞌuén níxin parte ti iko siín chrínkí nda̱ñao la ko níxin parte ti ntabarco la kꞌuaniánkí ìnta̱.
10 #
Is. 14:12. *A̱ndá ti níxin ángel kꞌuánoa ti trompeta, la kꞌuánótje̱xi̱n nka̱jní ijnko konotsé ijié, éxi ijnko xrohi ijié tjeche. Mé kꞌuánótjenkí níxin parte ti nda̱río la ko níxin parte ti sítꞌaxrje ìnta̱. 11#Jer. 9:15.*A̱ndá ti konotsé la itꞌin Ajenjo, mé tꞌaxrjexín itsjá, landá ti níxin parte ti ìnta̱ la kótsjá, la xi̱kaha itsjé chojni kꞌuénxin ti ìnta̱ kixin itsjá.
12 #
Is. 13:10; Ez. 32:7; Jl. 2:10, 31; 3:15. *A̱ndá ti noóxin ángel kꞌuánoa ti trompeta, la kjuíncheníhi níxin parte ti ña̱o, níxin parte ti nitjó la ko níxin parte ti konotsé. Méxra̱ níxin parte la kótié la í kohya tꞌinkaséña níxin parte ti ncha̱kotjin la ko tie.
13Ndá na̱xa̱ tsjaha̱ la kui̱ha̱n kixin ijnko ángel tjetjaká nko̱siñe nka̱jní mé itsen ndáchro:
―¡Nóa ti sin tjejó chjasintajni ti ó tsondáchro ti trompeta tsꞌánoa ti iní ángel na̱xa̱ tꞌitjáña!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.