Apocalipsis 22
22
1 #
Ez. 47:1; Zac. 14:8. *A̱ndá ti ángel mé kjuako ijnko nda̱río tjóá, ti ìnta̱ tjajon kjuachón mé tjáki̱ni éxi xro̱se̱nta̱ tsjehe, la tíha sítꞌaxrjexín ti trono kuènté Díos la ko ti Kolélo. 2#Gn. 2:9.*A̱ndá nko̱siñe ti nti̱a tjetoan kuènté ti chjasin, la ko nkojnko nánko ti nda̱río mé ntiha itjen ti inta tjajon kjuachón, mé tꞌóna ito teyó vece nkojnko nánó, la tꞌóna ti ito nkojnko nitjó la ti ika kuènté ti inta la xro̱a̱n tsito̱exín jína kaín ti nación. 3#Zac. 14:11; Gn. 3:17.*La ntiha í tso̱kohya ninkehó nkehe kji̱ta̱ kónínkakohen Díos kixin ti trono kuènté Díos la ko ti Kolélo mé tsjakꞌe ti chjasin. La kaín ti sin kuènté chꞌan la tsjikosáyehe sin ti jehe chꞌan. 4La ikon sin tsꞌikonxín sin Díos la ko tsochónta sin ti ihni̱é chꞌan ti totjín sin. 5#Is. 60:19; Dn. 7:18.*Ntiha la í tso̱kohya sítie, la ti sin tsꞌejó ntiha la í tsichánxi̱enhña sin ti xrohi kuènté lámpara, la ko ti xrohi kuènté ña̱o kixin Ìnchéni Díos mé tsꞌinkaséñaxín ntiha la ko jehe sin tsꞌe̱to̱an sin nkochríxín.
Ti ña̱o itsi Jesucristo la í séhya
6A̱ndá chrꞌéxi̱n ndáchro ti ángel:
―Ti itan í mé chaxín ndoá, la ko jína tsitekaon chojni. La Ìnchéni Díos, ti nkexro nchexraxinkaon ti sin nixja itén chꞌan, mé ichrꞌán chꞌan ti ángel kuènté chꞌan kixin tsja̱ko̱he̱ ti sin chꞌehe ixra̱ ti jehe chꞌan, ti nkehe í kanhñó isé tso̱hen.
7―¡Tsjehéra, í séhya ndá tsꞌinka janhan!
Díos sincheñao ti nkexro titekaon ti itan kuènté Díos, nixja ti xroon i.
8Janhan, Juan, kui̱ha̱n la ko kꞌuíkua̱n tíhi. A̱ndá ti ó kjuixin kui̱ha̱n la ko kꞌuíkua̱n la kjuakꞌéxian to̱chꞌia̱n ti itjen to̱té ti ángel kjuako tíha kixin chrókjuikosáyaha̱. 9Kjánchó ti ángel ndáchro:
―Xi̱kahya ichꞌe, kixin janhan la kja̱xin tꞌa̱ha̱ ixra̱ Díos éxi jaha la o̱ éxi ti sin kichua nixja itén Díos, la ko kaín ti nkexro titekaon ti nkehe sínixín ti xroon i. Jehó Díos tjikosayéhé.
10Kja̱xin ndáchro:
―Tjakꞌéchji̱nahña ómó ti nkehe kuihín kuènté Díos sínixín ti xroon i, kixin ó tinkákichjina ti ña̱o tsoxiteyá. 11#Dn. 12:10.*Méxra̱ ti sin ichꞌe nkehe jínahña la á nohe sin na̱xa̱ sichꞌe sin ti nkehe jínahña, la ko ti nkexro ichꞌe nkehe tjuáhya la á nohe sin sichꞌe ti nkehe tjuáhya. A̱ndá ti nkexro nchexiteyá éxi tóxríhi̱n Díos la na̱xa̱ chrókjuinchexiteyá sin xi̱kaha la ko ti nkexro tsíkjinchetjóá Díos la na̱xa̱ tjóá chrókꞌuejó sin.
12 #
Is. 40:10; 62:11;
Sal. 28:4; Is. 40:10; Jer. 17:10. *―Chaxín, ó tsꞌinka janhan; la tsꞌinkaki̱a̱n ti nkehe tsotjahá nkojnko nkexro éxi ti ixra̱ kjui̱chꞌe sin. 13#Ap. 1:8; Is. 44:6; 48:12; Ap. 1:17; 2:8.*Janhan ti sa̱oxín la ko ti tsjeje̱xin éxi ti letra A la ko hasta Z#22:13 A la ko hasta Z el Alfa y la Omega la ko janhan ti xránkíxixín la ko ti tsjixixín.
14 #
Gn. 2:9; 3:22. *Díos sincheñao ti nkexro itje̱n iké, kixin tsochónta kjuachaxin tso̱chjinehe ti inta tjajon kjuachón, ndá jína tsꞌixexín ti puerta kuènté ti chjasin. 15Kjánchó ndója ó tsíto̱he ti nkexro ichꞌe nkehe jínahña, ti nkexro nchexro̱a̱n, ti nkexro chónta nchónhña chojnichjin, ti nkexro tꞌóñá chojni, ti nkexro tinkáchónki nkehe tsíkjano̱ña la ko ti chojni imá tóxríhi̱n xrichꞌéna kjuachꞌia.
16 #
Is. 11:1, 10. *―Janhan, Jesús, mé ichrꞌán ti ángel kuénta̱na kixin tsochenka kaín ni̱nko tíhi. Janhan kꞌuaxrjeníxian ti rey David la ko janhan ti konotsé kuènté nchítjen.
17 #
Is. 55:1. *Ti Ncha̱kuén Díos la ko ti sin tinkáchónki ti Kolélo mé ndáchro:
―Xrákia.
La ti nkexro tihin la tsondáchro:
―Xrákia.
A̱ndá ti nkexro tꞌenxín ìnta̱ la chrókui chrókꞌui ti ìnta̱ tjajon kjuachón la ninkehó tsꞌixinkíehya sin.
18 #
Dt. 4:2; 12:32. *Kaín ti nkexro tihin ti itén Díos tjenixín ti xroon i, la janhan tso̱tja̱nka sin tíhi: Ti nkojín nkexro tsochrꞌákjehe̱n íso nkehe ti nkehe tjenixín ti xroon i, la Díos mé sinchekjasótexín chꞌan ti jehe sin ti ichin sínixín ti xroon i. 19A̱ndá ti nkojín nkexro tsakitsjendehe nkojín ti nkehe tjenixín ti xroon i, la Díos tsakjìin ti nkehe chrókꞌuáyéhe̱ sin chónta ti libro kuènté kjuachón la ko xrokjuahya tsꞌixehen sin ti chjasin tjóá, éxi nixja ti xroon i.
20A̱ndá ti nkexro chronka tíhi mé ndáchro:
―Chaxín, tjoka tsꞌinka janhan.
Mé xi̱kaha tso̱hen. ¡Xrákia, Ìnchéni Jesús!
21Ìnchéni Jesucristo mé sincheñaora kaínra. Mé xi̱kaha tso̱hen.
Currently Selected:
Apocalipsis 22: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Apocalipsis 22
22
1 #
Ez. 47:1; Zac. 14:8. *A̱ndá ti ángel mé kjuako ijnko nda̱río tjóá, ti ìnta̱ tjajon kjuachón mé tjáki̱ni éxi xro̱se̱nta̱ tsjehe, la tíha sítꞌaxrjexín ti trono kuènté Díos la ko ti Kolélo. 2#Gn. 2:9.*A̱ndá nko̱siñe ti nti̱a tjetoan kuènté ti chjasin, la ko nkojnko nánko ti nda̱río mé ntiha itjen ti inta tjajon kjuachón, mé tꞌóna ito teyó vece nkojnko nánó, la tꞌóna ti ito nkojnko nitjó la ti ika kuènté ti inta la xro̱a̱n tsito̱exín jína kaín ti nación. 3#Zac. 14:11; Gn. 3:17.*La ntiha í tso̱kohya ninkehó nkehe kji̱ta̱ kónínkakohen Díos kixin ti trono kuènté Díos la ko ti Kolélo mé tsjakꞌe ti chjasin. La kaín ti sin kuènté chꞌan la tsjikosáyehe sin ti jehe chꞌan. 4La ikon sin tsꞌikonxín sin Díos la ko tsochónta sin ti ihni̱é chꞌan ti totjín sin. 5#Is. 60:19; Dn. 7:18.*Ntiha la í tso̱kohya sítie, la ti sin tsꞌejó ntiha la í tsichánxi̱enhña sin ti xrohi kuènté lámpara, la ko ti xrohi kuènté ña̱o kixin Ìnchéni Díos mé tsꞌinkaséñaxín ntiha la ko jehe sin tsꞌe̱to̱an sin nkochríxín.
Ti ña̱o itsi Jesucristo la í séhya
6A̱ndá chrꞌéxi̱n ndáchro ti ángel:
―Ti itan í mé chaxín ndoá, la ko jína tsitekaon chojni. La Ìnchéni Díos, ti nkexro nchexraxinkaon ti sin nixja itén chꞌan, mé ichrꞌán chꞌan ti ángel kuènté chꞌan kixin tsja̱ko̱he̱ ti sin chꞌehe ixra̱ ti jehe chꞌan, ti nkehe í kanhñó isé tso̱hen.
7―¡Tsjehéra, í séhya ndá tsꞌinka janhan!
Díos sincheñao ti nkexro titekaon ti itan kuènté Díos, nixja ti xroon i.
8Janhan, Juan, kui̱ha̱n la ko kꞌuíkua̱n tíhi. A̱ndá ti ó kjuixin kui̱ha̱n la ko kꞌuíkua̱n la kjuakꞌéxian to̱chꞌia̱n ti itjen to̱té ti ángel kjuako tíha kixin chrókjuikosáyaha̱. 9Kjánchó ti ángel ndáchro:
―Xi̱kahya ichꞌe, kixin janhan la kja̱xin tꞌa̱ha̱ ixra̱ Díos éxi jaha la o̱ éxi ti sin kichua nixja itén Díos, la ko kaín ti nkexro titekaon ti nkehe sínixín ti xroon i. Jehó Díos tjikosayéhé.
10Kja̱xin ndáchro:
―Tjakꞌéchji̱nahña ómó ti nkehe kuihín kuènté Díos sínixín ti xroon i, kixin ó tinkákichjina ti ña̱o tsoxiteyá. 11#Dn. 12:10.*Méxra̱ ti sin ichꞌe nkehe jínahña la á nohe sin na̱xa̱ sichꞌe sin ti nkehe jínahña, la ko ti nkexro ichꞌe nkehe tjuáhya la á nohe sin sichꞌe ti nkehe tjuáhya. A̱ndá ti nkexro nchexiteyá éxi tóxríhi̱n Díos la na̱xa̱ chrókjuinchexiteyá sin xi̱kaha la ko ti nkexro tsíkjinchetjóá Díos la na̱xa̱ tjóá chrókꞌuejó sin.
12 #
Is. 40:10; 62:11;
Sal. 28:4; Is. 40:10; Jer. 17:10. *―Chaxín, ó tsꞌinka janhan; la tsꞌinkaki̱a̱n ti nkehe tsotjahá nkojnko nkexro éxi ti ixra̱ kjui̱chꞌe sin. 13#Ap. 1:8; Is. 44:6; 48:12; Ap. 1:17; 2:8.*Janhan ti sa̱oxín la ko ti tsjeje̱xin éxi ti letra A la ko hasta Z#22:13 A la ko hasta Z el Alfa y la Omega la ko janhan ti xránkíxixín la ko ti tsjixixín.
14 #
Gn. 2:9; 3:22. *Díos sincheñao ti nkexro itje̱n iké, kixin tsochónta kjuachaxin tso̱chjinehe ti inta tjajon kjuachón, ndá jína tsꞌixexín ti puerta kuènté ti chjasin. 15Kjánchó ndója ó tsíto̱he ti nkexro ichꞌe nkehe jínahña, ti nkexro nchexro̱a̱n, ti nkexro chónta nchónhña chojnichjin, ti nkexro tꞌóñá chojni, ti nkexro tinkáchónki nkehe tsíkjano̱ña la ko ti chojni imá tóxríhi̱n xrichꞌéna kjuachꞌia.
16 #
Is. 11:1, 10. *―Janhan, Jesús, mé ichrꞌán ti ángel kuénta̱na kixin tsochenka kaín ni̱nko tíhi. Janhan kꞌuaxrjeníxian ti rey David la ko janhan ti konotsé kuènté nchítjen.
17 #
Is. 55:1. *Ti Ncha̱kuén Díos la ko ti sin tinkáchónki ti Kolélo mé ndáchro:
―Xrákia.
La ti nkexro tihin la tsondáchro:
―Xrákia.
A̱ndá ti nkexro tꞌenxín ìnta̱ la chrókui chrókꞌui ti ìnta̱ tjajon kjuachón la ninkehó tsꞌixinkíehya sin.
18 #
Dt. 4:2; 12:32. *Kaín ti nkexro tihin ti itén Díos tjenixín ti xroon i, la janhan tso̱tja̱nka sin tíhi: Ti nkojín nkexro tsochrꞌákjehe̱n íso nkehe ti nkehe tjenixín ti xroon i, la Díos mé sinchekjasótexín chꞌan ti jehe sin ti ichin sínixín ti xroon i. 19A̱ndá ti nkojín nkexro tsakitsjendehe nkojín ti nkehe tjenixín ti xroon i, la Díos tsakjìin ti nkehe chrókꞌuáyéhe̱ sin chónta ti libro kuènté kjuachón la ko xrokjuahya tsꞌixehen sin ti chjasin tjóá, éxi nixja ti xroon i.
20A̱ndá ti nkexro chronka tíhi mé ndáchro:
―Chaxín, tjoka tsꞌinka janhan.
Mé xi̱kaha tso̱hen. ¡Xrákia, Ìnchéni Jesús!
21Ìnchéni Jesucristo mé sincheñaora kaínra. Mé xi̱kaha tso̱hen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.