Apocalipsis 20
20
Ti mil nánó
1Ndá chrꞌéxi̱n kꞌuíkua̱n ijnko ángel kꞌuínkaji̱nxi̱n nka̱jní tjexraá ti llave kuènté ti tòye̱ ni̱nka la ko ijnko cadena ijié. 2#Gn. 3:1.*A̱ndá ti ángel í, mé itsé ti dragón, ti konche ósé kuékꞌe mé tíha ti jínahña la ko Satanás, la kꞌuéchroé mil nánó. 3A̱ndá ti ángel ikꞌue ti dragón,#20:3 dragón ti konche ósé ikjí mé itꞌin diablo la ko Satanás sákjuí ti tòye̱ ni̱nka#20:3 tòye̱ ni̱nka abismo kꞌuéchjina la kjuakꞌe ijnko sello chrítaón ti puerta kixin í xrokjuahya sichꞌiyehe ti chojni siín kaín nación hasta tsꞌatsínkajia ti mil nánó, ndá tsoxinda̱nke̱he, kjánchó séhya tsꞌe̱to̱an.
4 #
Dn. 7:9, 22. *Ndá chrꞌéxi̱n kꞌuíkua̱n iso trono, la ntiha mé tjejótja̱xi̱n ti sin tsíkꞌayéhe̱ kjuachaxin sinchekito̱exín iji̱é chojni. Kja̱xin kꞌuíkua̱n a̱sén ti chojni tsíchríjin ikja kixin chrónka sin ti itan kuènté Díos tsíchronka Jesús. Jehe sin la kuinkáchónkihya sin ti iko ijié la ko ti nkehe tsíkjano̱ña kuènté la ko kuíto̱ehya sin ikuá xro̱ye ti totjín sin o̱ ti itja sin. La kꞌuíkua̱n kixin xechón sin ínaá la kꞌue̱to̱anko sin Cristo mil nánó. 5Kjánchó ti íso chojni tsíkꞌen la xechónhña sin hasta tsꞌatsínkajia ti mil nánó. Mé tíhi ti xránkíxixín tsoxechón chojni. 6Náxrjón chéhe̱ ti sin tsíkjinchetjóá Díos kixin jehe sin mé sa̱o sin tsoxechón sin, kixin ti yaáxin chrókꞌuen chojni la í chóntahya ninkehó kjuachaxin. La jehe sin tsꞌóna sin ncha̱tꞌá kuènté Díos la ko kuènté Cristo la tsꞌe̱to̱anko sin chꞌan mil nánó.
7A̱ndá ti ó tsoxítja ti mil nánó, ndá Satanás tsoxinda̱nke̱éxin ti kjíchroé, 8#Ez. 7:2; Ez. 38:2, 9, 15.*la sátsji sichꞌiyehe ti chojni siín kuenté chjasintajni; sátsji sichꞌiyehe ti chjasin Gog la ko Magog, la sinchenkotsé ti chjasin la ko ti soldado kuènté kixin tsjasin sin guerra. Ti tsjéxi̱n sin la éxi ti nchesen siín chrínta nda̱ñao. 9Jehe sin mé sátsji̱ sin ti tonxín ti nonte, la tsa̱ntatjen sin ti tjejó ti sin tsíkjinchetjóá Díos, ti chjasin ijié tjue̱he chꞌan. Kjánchó Díos tsochrꞌán xrohi tsi̱xi̱n nka̱jní, la tsochexín kaín ti chojni jínahña la tsꞌitjáña sin. 10Landá ti Jínahña kjuíchꞌiyehe chojni la kja̱xin sátsji ti siín xrohi la ko azufre kixin tsoche, mé ntiha sátsíkji ti iko ijié la ko ti nkexro nduáhya kjuako itén Díos#20:10 ti nkexro nduáhya kjuako itén Díos falso profeta kixin tsoche la tsjasóte sin nkochríxín, ncha̱kotjin la ko tie.
Ti tsito̱exín iji̱é chojni
11 #
Dn. 7:9, 10. *A̱ndá kꞌuíkua̱n ijnko trono ijié la tjóá la ko ti nkexro tetja̱xi̱n ntiha. Ndá ti nonte la ko ti nka̱jní la kꞌuitjáñakoa la í kónoxínhña nketí chrókꞌuejó. 12A̱ndá kꞌuíkua̱n ti sin tsíkꞌen; chojni tjetoan ko chojni tjetoanhña, mé tjejóxin sin to̱té sin nkayakon Díos; ndá xitje̱he̱ iso libro la ko kja̱xin xitje̱he̱ íjnko libro, mé tíha ti libro kuènté kjuachón. A̱ndá kuito̱exín iji̱é ti chojni tsíkꞌen sínixín ti íso libro, éxi ti ixra̱ kjuíchꞌe sin. 13Ti nda̱ñao la kjuajon ti sin tsíkꞌexín ntiha, la ti kjuachꞌén la ko ti sátji ti sin tsíkꞌen la kjuajon ti sin siín ntiha; la kaín sin kuito̱exín iji̱é sin, nkojnko sin éxi ti ixra̱ kjuíchꞌe sin. 14A̱ndá chrꞌéxi̱n la ti kjuachꞌén#20:14 kjuachꞌén muerte la ko ti sátji ti sin tsíkꞌen la sákjuí ti siín xrohi kixin tsoche. Tíhi mé ti yaáxin itsꞌen chojni. 15Landá ti nkexro sínixínhña ihni̱é ti libro kuènté kjuachón la kja̱xin sákjuí ntiha.
Currently Selected:
Apocalipsis 20: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Apocalipsis 20
20
Ti mil nánó
1Ndá chrꞌéxi̱n kꞌuíkua̱n ijnko ángel kꞌuínkaji̱nxi̱n nka̱jní tjexraá ti llave kuènté ti tòye̱ ni̱nka la ko ijnko cadena ijié. 2#Gn. 3:1.*A̱ndá ti ángel í, mé itsé ti dragón, ti konche ósé kuékꞌe mé tíha ti jínahña la ko Satanás, la kꞌuéchroé mil nánó. 3A̱ndá ti ángel ikꞌue ti dragón,#20:3 dragón ti konche ósé ikjí mé itꞌin diablo la ko Satanás sákjuí ti tòye̱ ni̱nka#20:3 tòye̱ ni̱nka abismo kꞌuéchjina la kjuakꞌe ijnko sello chrítaón ti puerta kixin í xrokjuahya sichꞌiyehe ti chojni siín kaín nación hasta tsꞌatsínkajia ti mil nánó, ndá tsoxinda̱nke̱he, kjánchó séhya tsꞌe̱to̱an.
4 #
Dn. 7:9, 22. *Ndá chrꞌéxi̱n kꞌuíkua̱n iso trono, la ntiha mé tjejótja̱xi̱n ti sin tsíkꞌayéhe̱ kjuachaxin sinchekito̱exín iji̱é chojni. Kja̱xin kꞌuíkua̱n a̱sén ti chojni tsíchríjin ikja kixin chrónka sin ti itan kuènté Díos tsíchronka Jesús. Jehe sin la kuinkáchónkihya sin ti iko ijié la ko ti nkehe tsíkjano̱ña kuènté la ko kuíto̱ehya sin ikuá xro̱ye ti totjín sin o̱ ti itja sin. La kꞌuíkua̱n kixin xechón sin ínaá la kꞌue̱to̱anko sin Cristo mil nánó. 5Kjánchó ti íso chojni tsíkꞌen la xechónhña sin hasta tsꞌatsínkajia ti mil nánó. Mé tíhi ti xránkíxixín tsoxechón chojni. 6Náxrjón chéhe̱ ti sin tsíkjinchetjóá Díos kixin jehe sin mé sa̱o sin tsoxechón sin, kixin ti yaáxin chrókꞌuen chojni la í chóntahya ninkehó kjuachaxin. La jehe sin tsꞌóna sin ncha̱tꞌá kuènté Díos la ko kuènté Cristo la tsꞌe̱to̱anko sin chꞌan mil nánó.
7A̱ndá ti ó tsoxítja ti mil nánó, ndá Satanás tsoxinda̱nke̱éxin ti kjíchroé, 8#Ez. 7:2; Ez. 38:2, 9, 15.*la sátsji sichꞌiyehe ti chojni siín kuenté chjasintajni; sátsji sichꞌiyehe ti chjasin Gog la ko Magog, la sinchenkotsé ti chjasin la ko ti soldado kuènté kixin tsjasin sin guerra. Ti tsjéxi̱n sin la éxi ti nchesen siín chrínta nda̱ñao. 9Jehe sin mé sátsji̱ sin ti tonxín ti nonte, la tsa̱ntatjen sin ti tjejó ti sin tsíkjinchetjóá Díos, ti chjasin ijié tjue̱he chꞌan. Kjánchó Díos tsochrꞌán xrohi tsi̱xi̱n nka̱jní, la tsochexín kaín ti chojni jínahña la tsꞌitjáña sin. 10Landá ti Jínahña kjuíchꞌiyehe chojni la kja̱xin sátsji ti siín xrohi la ko azufre kixin tsoche, mé ntiha sátsíkji ti iko ijié la ko ti nkexro nduáhya kjuako itén Díos#20:10 ti nkexro nduáhya kjuako itén Díos falso profeta kixin tsoche la tsjasóte sin nkochríxín, ncha̱kotjin la ko tie.
Ti tsito̱exín iji̱é chojni
11 #
Dn. 7:9, 10. *A̱ndá kꞌuíkua̱n ijnko trono ijié la tjóá la ko ti nkexro tetja̱xi̱n ntiha. Ndá ti nonte la ko ti nka̱jní la kꞌuitjáñakoa la í kónoxínhña nketí chrókꞌuejó. 12A̱ndá kꞌuíkua̱n ti sin tsíkꞌen; chojni tjetoan ko chojni tjetoanhña, mé tjejóxin sin to̱té sin nkayakon Díos; ndá xitje̱he̱ iso libro la ko kja̱xin xitje̱he̱ íjnko libro, mé tíha ti libro kuènté kjuachón. A̱ndá kuito̱exín iji̱é ti chojni tsíkꞌen sínixín ti íso libro, éxi ti ixra̱ kjuíchꞌe sin. 13Ti nda̱ñao la kjuajon ti sin tsíkꞌexín ntiha, la ti kjuachꞌén la ko ti sátji ti sin tsíkꞌen la kjuajon ti sin siín ntiha; la kaín sin kuito̱exín iji̱é sin, nkojnko sin éxi ti ixra̱ kjuíchꞌe sin. 14A̱ndá chrꞌéxi̱n la ti kjuachꞌén#20:14 kjuachꞌén muerte la ko ti sátji ti sin tsíkꞌen la sákjuí ti siín xrohi kixin tsoche. Tíhi mé ti yaáxin itsꞌen chojni. 15Landá ti nkexro sínixínhña ihni̱é ti libro kuènté kjuachón la kja̱xin sákjuí ntiha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.