Apocalipsis 17
17
Ti chojnichjin la ko ti iko ijié
1 #
Jer. 51:13. *Ndá ikui ijnko ti ya̱to̱xi̱n ángel chónta ti yato copa la ndáchro:
―Xrákia ntihi, ndá tsjákohá nkexrín tsjasóte ti chojnichjin tjasin ijie̱ kítja̱xi̱n chritaón ti nchónhña nda̱ñao. 2#Is. 23:17; Jer. 51:7.*Ti sin rey tꞌe̱to̱an chjasintajni la kjuasiko tjan ijie̱ la ti chojni siín chjasintajni mé kókoanxin sin ti vino kjuajon tjan ndá xi̱kaha kja̱xin kjuasiko tjan ijie̱.
3 #
Ap. 13:1. *A̱ndá chrꞌéxi̱n sákjuíko Ncha̱kuén Díos ti janhan nó nte̱je̱, ndá ntiha kꞌuíkua̱n ijnko chojnichjin kjíkjen chritaón ijnko iko ijié, kjátse tsjehe, la kuenté ti iko ijié mé sínixín nkehe tꞌándaxíe̱nxín Díos la chónta yato ikja la ko ite ntèé. 4#Jer. 51:7.*Ti chojnichjin mé chrꞌinkáya ika morado la ko kjátse tsjehe la ko chónta chika oro la ko ixro̱ náxrjón la ko ixro̱ perla ti iké tjan, la kja̱xin xraá tjan ijnko copa tsíkꞌónaxín oro síkaón ti nkehe jínahña tsjasixín tjan ijie̱. 5Ti totjín tjan mé kjínixín ijnko nkehe ninkexró tienxínhña, ndáchro: “Babilonia ti chjasin imá ijié, ìñé kaín ti chojnichjin tjasiko ijie̱ itsjé chojnindoa la ko kaín ti nkehe jínahña siín chjasintajni.” 6Ndá chrꞌéxi̱n kónona kixin ti chojnichjin la tsékoanxín tjan ijni̱é ti sin tinkáchónki Díos la ko ijni̱é ti sin tsíkꞌen kixin kuinkáchónki sin Jesús. Ndá ti ó kꞌuíkua̱n xi̱kaha la imá chrakuan. 7Ndá ti ángel ndáchro:
―¿Nkekuènté imá chrakuan? Janhan tso̱tja̱nka nkehe tꞌaxrjexín ti chojnichjin la ko nkehe tꞌaxrjexín ti iko ijié kíkjen tjan chónta yato ikja la ko ite ntèé. 8#Dn. 7:7; Ap. 11:7; Sal. 69:28.*Ti iko ijié kꞌuíkua̱n mé kuékꞌe ósé, kjánchó ijie la í kohya, kjánchó tsochrìixín ti tòye̱ ni̱nka ínaá ndá chrꞌéxi̱n itsꞌen. A̱ndá ti chojni siín chjasintajni sínixíhña ihni̱é sin ti libro kuènté kjuachón ndesi kꞌóna chjasintajni, mé imá tsochrakon sin tsꞌikon sin ti iko ijié kuékꞌe la ijie i kohya, kjánchó xíkjan ínaá.
9’Ti nkexro tienxín la chrókienxín kixin ti yato ikja ti iko mé tꞌaxrjexín ti yato ijna̱ kíkjen ti chojnichjin. 10La tíha mé kja̱xin tꞌaxrjexín yato sin rey, inꞌó ti sin rey la í tꞌe̱tua̱nhña sin ijie, ndá ijnko ti jehe sin la tꞌe̱to̱an ijie la ti íjnko la na̱xa̱ tihya. A̱ndá ti ó itsji la kanhñó isé tsꞌe̱to̱an. 11Ti iko ijié kuékꞌe ósé la ijie la í kohya, mé tíha ti jníxin rey, la tíha mé ijnko ti ya̱to̱xi̱n rey la chrꞌéxi̱n la itsꞌen.
12 #
Dn. 7:24. *’Ti ite ntèé kꞌuíkua̱n mé ite rey na̱xa̱ tꞌáyèhya kjuachaxin tsꞌe̱to̱an. Kjánchó tsꞌáyéhe̱ kjuachaxin tsꞌe̱to̱anko ti iko ijié ijnko hora koá. 13Ite ti sin rey i la nkoko̱a tsjenka̱yáxin sin la tsochjéhe sin ti kjuachaxin kuènté sin ti iko ijié kixin tsꞌe̱to̱an. 14La tsjajo̱nko sin ti Kolélo, kjánchó ti Kolélo la tsjacha kixin jehe chꞌan mé ti Ìnché kaín ti chojni tꞌe̱to̱an la ko jehe chꞌan mé ti Rey kuènté ti sin rey, la ti sin tjejóko chꞌan mé tsíkꞌéye̱he̱ chꞌan la tsíkjeyá chꞌan la jína nchexiteyá.
15Kja̱xin ndáchro ti ángel:
―Ti ìnta̱ kꞌuíkuan la chritaón kítja̱xi̱n ti chojnichjin tjasiko ijie̱ itsjé chojnindoa, mé tíha la kaín chjasin, kaín chojni, kaín nación la ko kaín ngiva. 16A̱ndá ti ite ntèé kꞌuíkuan chónta ti iko ijié mé tso̱nínkakohen ti chojnichjin tjasin ijie̱, la tsíto̱he sin jehó tjan la ko tso̱tjóchín tjan la sinie sin ti nto̱e tjan la ko tsjaka sin tjan. 17Díos tsíkꞌe̱tue̱hen a̱sén sin kixin sichꞌe sin éxi tjinkaon chꞌan, kixin nkoko̱a tsjenka̱yáxin sin la ko tsjajon sin ti kjuachaxin kuènté sin tsꞌáyéhe̱ ti iko ijié kixin tsꞌe̱to̱an hasta tsoxiteyájia ti nkehe tsíndáchro Díos. 18Ti chojnichjin kꞌuíkua̱n mé tíha ti chjasin ijié tꞌe̱tue̱hen ti sin rey tꞌe̱to̱an chjasintajni.
Currently Selected:
Apocalipsis 17: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Apocalipsis 17
17
Ti chojnichjin la ko ti iko ijié
1 #
Jer. 51:13. *Ndá ikui ijnko ti ya̱to̱xi̱n ángel chónta ti yato copa la ndáchro:
―Xrákia ntihi, ndá tsjákohá nkexrín tsjasóte ti chojnichjin tjasin ijie̱ kítja̱xi̱n chritaón ti nchónhña nda̱ñao. 2#Is. 23:17; Jer. 51:7.*Ti sin rey tꞌe̱to̱an chjasintajni la kjuasiko tjan ijie̱ la ti chojni siín chjasintajni mé kókoanxin sin ti vino kjuajon tjan ndá xi̱kaha kja̱xin kjuasiko tjan ijie̱.
3 #
Ap. 13:1. *A̱ndá chrꞌéxi̱n sákjuíko Ncha̱kuén Díos ti janhan nó nte̱je̱, ndá ntiha kꞌuíkua̱n ijnko chojnichjin kjíkjen chritaón ijnko iko ijié, kjátse tsjehe, la kuenté ti iko ijié mé sínixín nkehe tꞌándaxíe̱nxín Díos la chónta yato ikja la ko ite ntèé. 4#Jer. 51:7.*Ti chojnichjin mé chrꞌinkáya ika morado la ko kjátse tsjehe la ko chónta chika oro la ko ixro̱ náxrjón la ko ixro̱ perla ti iké tjan, la kja̱xin xraá tjan ijnko copa tsíkꞌónaxín oro síkaón ti nkehe jínahña tsjasixín tjan ijie̱. 5Ti totjín tjan mé kjínixín ijnko nkehe ninkexró tienxínhña, ndáchro: “Babilonia ti chjasin imá ijié, ìñé kaín ti chojnichjin tjasiko ijie̱ itsjé chojnindoa la ko kaín ti nkehe jínahña siín chjasintajni.” 6Ndá chrꞌéxi̱n kónona kixin ti chojnichjin la tsékoanxín tjan ijni̱é ti sin tinkáchónki Díos la ko ijni̱é ti sin tsíkꞌen kixin kuinkáchónki sin Jesús. Ndá ti ó kꞌuíkua̱n xi̱kaha la imá chrakuan. 7Ndá ti ángel ndáchro:
―¿Nkekuènté imá chrakuan? Janhan tso̱tja̱nka nkehe tꞌaxrjexín ti chojnichjin la ko nkehe tꞌaxrjexín ti iko ijié kíkjen tjan chónta yato ikja la ko ite ntèé. 8#Dn. 7:7; Ap. 11:7; Sal. 69:28.*Ti iko ijié kꞌuíkua̱n mé kuékꞌe ósé, kjánchó ijie la í kohya, kjánchó tsochrìixín ti tòye̱ ni̱nka ínaá ndá chrꞌéxi̱n itsꞌen. A̱ndá ti chojni siín chjasintajni sínixíhña ihni̱é sin ti libro kuènté kjuachón ndesi kꞌóna chjasintajni, mé imá tsochrakon sin tsꞌikon sin ti iko ijié kuékꞌe la ijie i kohya, kjánchó xíkjan ínaá.
9’Ti nkexro tienxín la chrókienxín kixin ti yato ikja ti iko mé tꞌaxrjexín ti yato ijna̱ kíkjen ti chojnichjin. 10La tíha mé kja̱xin tꞌaxrjexín yato sin rey, inꞌó ti sin rey la í tꞌe̱tua̱nhña sin ijie, ndá ijnko ti jehe sin la tꞌe̱to̱an ijie la ti íjnko la na̱xa̱ tihya. A̱ndá ti ó itsji la kanhñó isé tsꞌe̱to̱an. 11Ti iko ijié kuékꞌe ósé la ijie la í kohya, mé tíha ti jníxin rey, la tíha mé ijnko ti ya̱to̱xi̱n rey la chrꞌéxi̱n la itsꞌen.
12 #
Dn. 7:24. *’Ti ite ntèé kꞌuíkua̱n mé ite rey na̱xa̱ tꞌáyèhya kjuachaxin tsꞌe̱to̱an. Kjánchó tsꞌáyéhe̱ kjuachaxin tsꞌe̱to̱anko ti iko ijié ijnko hora koá. 13Ite ti sin rey i la nkoko̱a tsjenka̱yáxin sin la tsochjéhe sin ti kjuachaxin kuènté sin ti iko ijié kixin tsꞌe̱to̱an. 14La tsjajo̱nko sin ti Kolélo, kjánchó ti Kolélo la tsjacha kixin jehe chꞌan mé ti Ìnché kaín ti chojni tꞌe̱to̱an la ko jehe chꞌan mé ti Rey kuènté ti sin rey, la ti sin tjejóko chꞌan mé tsíkꞌéye̱he̱ chꞌan la tsíkjeyá chꞌan la jína nchexiteyá.
15Kja̱xin ndáchro ti ángel:
―Ti ìnta̱ kꞌuíkuan la chritaón kítja̱xi̱n ti chojnichjin tjasiko ijie̱ itsjé chojnindoa, mé tíha la kaín chjasin, kaín chojni, kaín nación la ko kaín ngiva. 16A̱ndá ti ite ntèé kꞌuíkuan chónta ti iko ijié mé tso̱nínkakohen ti chojnichjin tjasin ijie̱, la tsíto̱he sin jehó tjan la ko tso̱tjóchín tjan la sinie sin ti nto̱e tjan la ko tsjaka sin tjan. 17Díos tsíkꞌe̱tue̱hen a̱sén sin kixin sichꞌe sin éxi tjinkaon chꞌan, kixin nkoko̱a tsjenka̱yáxin sin la ko tsjajon sin ti kjuachaxin kuènté sin tsꞌáyéhe̱ ti iko ijié kixin tsꞌe̱to̱an hasta tsoxiteyájia ti nkehe tsíndáchro Díos. 18Ti chojnichjin kꞌuíkua̱n mé tíha ti chjasin ijié tꞌe̱tue̱hen ti sin rey tꞌe̱to̱an chjasintajni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.