Apocalipsis 13
13
Ti yaá bestia
1 #
Dn. 7:3;
Ap. 17:3, 7-12. *Kjuakꞌéxian to̱téná chrínta nda̱ñao la kꞌuíkua̱n kꞌuaxrjexín ntiha ijnko iko ijié la ko imá jie̱he chónta yato ikja la ko ite ntèé la nkojnko ti ntèé mé chónta nkojnko corona la nkojnko ikja mé chónta nkehe tꞌándaxíe̱xín Díos. 2#Dn. 7:4-6.*Ti iko ijié kꞌuíkua̱n mé yóhe̱ éxi ijnko kotónchi nte̱je̱, kjánchó ti to̱té la éxi to̱té ko oso la ti irꞌua la éxi irꞌua koxra̱. Ti dragón mé kjuajon kjuachaxin kixin imá tsꞌe̱to̱an ti iko ijié. 3A̱ndá ijnko ikja ti iko mé tsíchrítꞌo̱ ijié la chónta chrókꞌuenxín, kjánchó ti tsíchrítꞌo̱ la kuito̱he jína, ndá kaín chojni kuenté chjasintajni la chrákon sin kixin xi̱kaha kóhen ndá kuitekaon sin ti iko ijié#13:3 iko ijié monstruo a. 4Ndá kjuíkosáyehe sin ti dragón kixin jehe kjuajon ti kjuachaxin kꞌuáyéhe̱ ti iko ijié, la kja̱xin kjuíkosáyehe sin ti iko ijié ndáchro sin:
―¿Xá nkexro chrókóyóhe̱ éxi ti iko ijié i, la ko xá nkexro chrókjuacha chrókjuajo̱nko?
5 #
Dn. 7:8, 25; 11:36. *Ti iko ijié i la kja̱xin kꞌuáyéhe̱ kjuachaxin tsonixja la tsondáchro kixin tꞌe̱to̱an la ko tsꞌándaxínhi̱n Díos la chónta kjuachaxin tsꞌe̱to̱an iní nánó kotꞌo̱. 6Ndá xi̱kaha kjuíchꞌe ti iko ijié, kꞌuándaxíhi̱n Díos la ko kꞌuándaxíhi̱n ti ihni̱é chꞌan la ko ti ni̱nko itjen nkaya nka̱jní la ko kaín ti sin tjejó ntiha. 7#Dn. 7:21.*Kja̱xin kꞌuáyéhe̱ kjuachaxin kixin tsjajo̱nko ti sin tinkáchónki Díos hasta tsꞌóñá la ko kja̱xin kꞌuáyéhe̱ kjuachaxin kixin tsꞌe̱tue̱hen chojni kaín nkexrín tsjehe, kaín chjasin, kaín ngiva la ko kaín nación. 8#Sal. 69:28.*Ndá kaín ti chojni siín chjasintajni mé kjuíkosáyehe ti iko ijié. Mé ti chojni a la xráxín sínixínhña ihni̱é sin ti ndesi kꞌóna chjasintajni, la ko kja̱xin sínixínhña ihni̱é sin ti libro kuènté kjuachón, chónta ti Kolélo kꞌóñá sin.
9Ti nkexro jína tihin la chrókuihin tíhi. 10#Jer. 15:2; 43:11.*Ti nkexro sátsjiko sin ndo̱echjiso la ndo̱echjiso sátsji sin; ti nkexro tsjaya̱xi̱n espada la espada tsꞌenxín. Tíhi mé tꞌaxrjexín kixin ti sin tinkáchónki Díos la ticháxi̱n tsꞌitja sin kixin, kjónté tsjasóte sin, la tsíto̱ehya sin tsinkáchónki sin Díos.
11A̱ndá chrꞌéxi̱n kꞌuíkua̱n íjnko iko ijié kꞌuaxrjexín nonte, mé chónta yaá ntèé éxi ntèé ijnko kolélo, kjánchó nixja éxi ti dragón.#13:11 dragón ti konche ósé ikjí mé itꞌin diablo la ko Satanás 12La kja̱xin chónta kaín ti kjuachaxin éxi chónta ti iko ijié sa̱oxín la tꞌe̱tue̱hen ti chojni siín chjasintajni kixin tsinkáchónki ti iko ijié sa̱oxín, mé ti iko tsíchrítꞌo̱ ikja ndá kuito̱he jína. 13La kja̱xin kjuasin kjuaxroan ijié la hasta xrohi kꞌuánótje̱xi̱n nka̱jní ikui chjasintajni, la nchónhña chojni kꞌuíkon. 14Ndá xi̱kaha kjuíchꞌiyehe itsjé chojni kixin ti kjuaxroan kjuasixín ti kjuachaxin tsíkjajon ti iko ijié sa̱oxín. Ndá chrꞌéxi̱n la kꞌue̱to̱an kixin ti chojni siín chjasintajni mé sichꞌéna ijnko nkehe tsíkjano̱ña tsotsjehe éxi ti iko sa̱oxín tsíchrítꞌo̱xi̱n espada la na̱xa̱ kjuákꞌechón. 15A̱ndá kꞌuáyéhe̱ kjuachaxin kixin jína tsochjéhe kjuachón ti nkehe tsíkjano̱ña kuènté ti iko ijié sa̱oxín, ndá jína tsonixja la ko tsꞌóñá ti nkexro tsinkáchónkihya ti nkehe a. 16Kja̱xin tsꞌe̱to̱an kixin kaín chojni la ko kaín chájan, chojni rico o̱ chojni nóa, chojni chꞌexón ixra̱ o̱ náhí, mé tsochónta xro̱ye#13:16 xro̱ye ti marca tsochonta itja sin o̱ totjin sin itja sin chjina o̱ totjín sin. 17La ninkexró xrokjuahya tsꞌe̱na la ninkexró xitjahya sinchekji ti chóntahya ti xro̱ye o̱ ihni̱é ti iko ijié o̱ ti número kuènté ti ihni̱é ti iko. 18Tíhi la ticháxi̱n tsienxín chojni jína. Ti nkexro tienxín la chrókónohe kixin ti número kuènté ti iko ijié, mé número kuènté chojni mé tíha la seiscientos sesenta y seis.
Currently Selected:
Apocalipsis 13: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Apocalipsis 13
13
Ti yaá bestia
1 #
Dn. 7:3;
Ap. 17:3, 7-12. *Kjuakꞌéxian to̱téná chrínta nda̱ñao la kꞌuíkua̱n kꞌuaxrjexín ntiha ijnko iko ijié la ko imá jie̱he chónta yato ikja la ko ite ntèé la nkojnko ti ntèé mé chónta nkojnko corona la nkojnko ikja mé chónta nkehe tꞌándaxíe̱xín Díos. 2#Dn. 7:4-6.*Ti iko ijié kꞌuíkua̱n mé yóhe̱ éxi ijnko kotónchi nte̱je̱, kjánchó ti to̱té la éxi to̱té ko oso la ti irꞌua la éxi irꞌua koxra̱. Ti dragón mé kjuajon kjuachaxin kixin imá tsꞌe̱to̱an ti iko ijié. 3A̱ndá ijnko ikja ti iko mé tsíchrítꞌo̱ ijié la chónta chrókꞌuenxín, kjánchó ti tsíchrítꞌo̱ la kuito̱he jína, ndá kaín chojni kuenté chjasintajni la chrákon sin kixin xi̱kaha kóhen ndá kuitekaon sin ti iko ijié#13:3 iko ijié monstruo a. 4Ndá kjuíkosáyehe sin ti dragón kixin jehe kjuajon ti kjuachaxin kꞌuáyéhe̱ ti iko ijié, la kja̱xin kjuíkosáyehe sin ti iko ijié ndáchro sin:
―¿Xá nkexro chrókóyóhe̱ éxi ti iko ijié i, la ko xá nkexro chrókjuacha chrókjuajo̱nko?
5 #
Dn. 7:8, 25; 11:36. *Ti iko ijié i la kja̱xin kꞌuáyéhe̱ kjuachaxin tsonixja la tsondáchro kixin tꞌe̱to̱an la ko tsꞌándaxínhi̱n Díos la chónta kjuachaxin tsꞌe̱to̱an iní nánó kotꞌo̱. 6Ndá xi̱kaha kjuíchꞌe ti iko ijié, kꞌuándaxíhi̱n Díos la ko kꞌuándaxíhi̱n ti ihni̱é chꞌan la ko ti ni̱nko itjen nkaya nka̱jní la ko kaín ti sin tjejó ntiha. 7#Dn. 7:21.*Kja̱xin kꞌuáyéhe̱ kjuachaxin kixin tsjajo̱nko ti sin tinkáchónki Díos hasta tsꞌóñá la ko kja̱xin kꞌuáyéhe̱ kjuachaxin kixin tsꞌe̱tue̱hen chojni kaín nkexrín tsjehe, kaín chjasin, kaín ngiva la ko kaín nación. 8#Sal. 69:28.*Ndá kaín ti chojni siín chjasintajni mé kjuíkosáyehe ti iko ijié. Mé ti chojni a la xráxín sínixínhña ihni̱é sin ti ndesi kꞌóna chjasintajni, la ko kja̱xin sínixínhña ihni̱é sin ti libro kuènté kjuachón, chónta ti Kolélo kꞌóñá sin.
9Ti nkexro jína tihin la chrókuihin tíhi. 10#Jer. 15:2; 43:11.*Ti nkexro sátsjiko sin ndo̱echjiso la ndo̱echjiso sátsji sin; ti nkexro tsjaya̱xi̱n espada la espada tsꞌenxín. Tíhi mé tꞌaxrjexín kixin ti sin tinkáchónki Díos la ticháxi̱n tsꞌitja sin kixin, kjónté tsjasóte sin, la tsíto̱ehya sin tsinkáchónki sin Díos.
11A̱ndá chrꞌéxi̱n kꞌuíkua̱n íjnko iko ijié kꞌuaxrjexín nonte, mé chónta yaá ntèé éxi ntèé ijnko kolélo, kjánchó nixja éxi ti dragón.#13:11 dragón ti konche ósé ikjí mé itꞌin diablo la ko Satanás 12La kja̱xin chónta kaín ti kjuachaxin éxi chónta ti iko ijié sa̱oxín la tꞌe̱tue̱hen ti chojni siín chjasintajni kixin tsinkáchónki ti iko ijié sa̱oxín, mé ti iko tsíchrítꞌo̱ ikja ndá kuito̱he jína. 13La kja̱xin kjuasin kjuaxroan ijié la hasta xrohi kꞌuánótje̱xi̱n nka̱jní ikui chjasintajni, la nchónhña chojni kꞌuíkon. 14Ndá xi̱kaha kjuíchꞌiyehe itsjé chojni kixin ti kjuaxroan kjuasixín ti kjuachaxin tsíkjajon ti iko ijié sa̱oxín. Ndá chrꞌéxi̱n la kꞌue̱to̱an kixin ti chojni siín chjasintajni mé sichꞌéna ijnko nkehe tsíkjano̱ña tsotsjehe éxi ti iko sa̱oxín tsíchrítꞌo̱xi̱n espada la na̱xa̱ kjuákꞌechón. 15A̱ndá kꞌuáyéhe̱ kjuachaxin kixin jína tsochjéhe kjuachón ti nkehe tsíkjano̱ña kuènté ti iko ijié sa̱oxín, ndá jína tsonixja la ko tsꞌóñá ti nkexro tsinkáchónkihya ti nkehe a. 16Kja̱xin tsꞌe̱to̱an kixin kaín chojni la ko kaín chájan, chojni rico o̱ chojni nóa, chojni chꞌexón ixra̱ o̱ náhí, mé tsochónta xro̱ye#13:16 xro̱ye ti marca tsochonta itja sin o̱ totjin sin itja sin chjina o̱ totjín sin. 17La ninkexró xrokjuahya tsꞌe̱na la ninkexró xitjahya sinchekji ti chóntahya ti xro̱ye o̱ ihni̱é ti iko ijié o̱ ti número kuènté ti ihni̱é ti iko. 18Tíhi la ticháxi̱n tsienxín chojni jína. Ti nkexro tienxín la chrókónohe kixin ti número kuènté ti iko ijié, mé número kuènté chojni mé tíha la seiscientos sesenta y seis.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.