Apocalipsis 11
11
Yaá sin ichrꞌán Díos tsochronkaxín
1 #
Ez. 40:3; Zac. 2:1, 2. *A̱ndá ti ángel mé kjuajon ijnko ntavara éxi itji̱ xi̱kaha tsjehe, xracho̱axín nkehe, la ndáchro:
―Tꞌínkatjen tjácho̱a ti ni̱nko kuènté Díos, ti altar la ko kja̱xin tꞌékian nkekja̱ín ti sin tjejó ntiha tinkáchónki Díos. 2#Lc. 21:24.*Kjánchó ti nda̱sin la tjácho̱ahya kixin tíha la ó kꞌuáyéhe̱ ti chojni tinkáchónkihya Díos kixin tsꞌe̱to̱an sin ti chjasin Jerusalén iní nánó kotꞌo̱. 3A̱ndá janhan tsochrꞌan yaá ti sin kuénta̱na tsochronkaxín sin ti nkehe chaxín kuénta̱na ti iní nánó kotꞌo̱ la tsochónta sin ika tie.
4 #
Zac. 4:3, 11-14. *Ti yaá sin i, mé ti yaá inta olivo la ko ti yaá candelero tjejó ti itjen Díos, ti Ìnché kuenté chjasintajni. 5A̱ndá ti nkojín sin tjinkaon sichꞌehe nkojín nkehe jínahña ti yaá sin, la xrohi tsꞌaxrjexín irꞌua ti sin a, la tsjaka kaín ti chojni tso̱nínkakohen ti jehe sin hasta itsꞌen sin. A̱ndá ti nkojín sin tjinkaon sichꞌehe nkojín nkehe jínahña ti sin a la kja̱xin sin xi̱kaha tsꞌenxín sin. 6#1Rs. 17:1; Ex. 7:17-19; 1Sam. 4:8.*Jehe sin la tsochónta sin kjuachaxin tsꞌe̱to̱an sin kixin tsoxrákoahya ichrin ti iní nánó kotꞌo̱ tsonixja sin itén Díos la ko tsochónta sin kjuachaxin kixin ti ìnta̱ la tsꞌóna ijni̱ la ko sinchekjasótexín sin chojni kaín ti ichin siín, itsjé vece éxi tjinkaon sin. 7#Dn. 7:7; Ap. 13:5-7; 17:8; Dn. 7:21.*A̱ndá ti ó tsjixin tsochronka sin ti itén Díos, ndá ti iko jie̱he tsꞌaxrjexín ti tòye̱ ni̱nka#11:7 tòye̱ ni̱nka abismo mé tsjajo̱nko ti jehe sin, la ti iko mé tsjacha tsꞌóñá ti jehe sin. 8#Is. 1:9, 10.*A̱ndá ti cuerpo kuènté sin mé tsꞌejótsínka ti nti̱a kuènté ti chjasin ijié, ti chjasin tsíkja̱kꞌe̱nka̱ni sin Ìnchéni ntacruz, mé kja̱xin nchekꞌin sin Sodoma la ko Egipto. 9A̱ndá ti iní ña̱o kotꞌo̱ mé kaín chojni itsjé chjasin, kaín nkexrín tsjehe, kaín ngiva la ko kaín nación mé tsꞌikon sin ti sin tsíkꞌen tsꞌejótsínka ntiha la tsjajonhña sin kjuachaxin tsoxravá. 10A̱ndá kaín ti chojni chjasintajni la tso̱chéhe̱ sin kixin ó ikꞌuén ti yaá sin a, la tsjasin sin kia la ko sincheki̱to̱nhe̱n kícho sin nkehe kixin ó ikꞌuén ti yaá sin kꞌuéchronka itén Díos, kixin jehe sin la kjuaxróxinhña kuékꞌíxin sin ti kuékꞌejó ti sin a. 11#Ez. 37:10.*Kjánchó ti ó tsꞌatsínka ti iní ña̱o kotꞌo̱, la Díos sinchexechón ti jehe sin ínaá la tsꞌaya sin tsꞌejóxin to̱té sin, la kaín chojni tsꞌikon ti jehe sin la imá tsochrakon. 12#2Rs. 2:11.*Ndá yóí sin tsihin sin ijnko nkexro itsen tsonixja nkaya nka̱jní tsondáchro:
―Chrìña ntihi.
Ndá ijnko itji̱ chrìinxín sin nka̱jní la kaín ti chojni nínkakohen ti jehe sin la kꞌuíkon sin kixin xi̱kaha kóhen. 13#Ap. 6:12; 16:18.*Ndá tuénxín imá kꞌuínki nonte la ijnko ite parte ti chjasin ntiha la kꞌuitjáña la ko yato mil chojni ikꞌuén. Ndá kaín ti chojni xehe̱ la imá chrákon sin la kjuankíxin kjuíkosáyehe sin Díos itjen nkaya nka̱jní.
14Mé tíhi ti yaáxin kjuachrakon kóhen, kjánchó ti níxin kjuachrakon la ó kuichjina.
Ti ya̱to̱xi̱n trompeta
15 #
Ex. 15:18; Dn. 2:44; 7:14, 27. *A̱ndá ti ya̱to̱xi̱n ángel kꞌuánoa ti trompeta la kuíhin sin ijnko itan nka̱jní itsen ndáchro:
Kaín kjuachaxin kuènté ti chjasintajni
mé kja̱xin kꞌóna kuènté Díos la ko Cristo
kixin jehe chꞌan tsꞌe̱to̱an chꞌan nkochríxín.
16A̱ndá ti veinticuatro ti sin táda tjejótja̱xi̱n sin ti trono itjen nkayakon Díos mé kꞌuejóxin tochꞌin sin hasta kéhe̱ ikja sin nonte la chjéhe sin Díos kjuasáya. 17Ndáchro sin:
Tjáhani kjuasáya, Ìnchéni Díos, chonta kaín kjuachaxin.
Jaha xráxín kjuákꞌe, itjen la ko xikꞌinka ínaá.
Jaha kꞌuayéhé ti kjuachaxin ijié,
la jaha tsjankíxian tséto̱an.
18 #
Sal. 2:5; 110:5;
Sal. 115:13. *Kaín nación kónínkaon,
kjánchó ó ikui ti ña̱o si̱nchekjasóte sin
Ó ikui ti ña̱o si̱nchekito̱exián iji̱é ti sin tsíkꞌen
la ko jaha tsjénke̱hé ti sin kjuítꞌaha ixra̱ chrónkaxín ti itan,
ti sin ó kjui̱nchetjóá la ko ti sin kjuíkosáyehe ti ihni̱á,
á chojni nte̱to o̱ chájan ntsíntsí.
La jaha si̱nchekꞌitjáña ti nkexro nchekꞌitjáña ti chjasintajni.
19 #
Ap. 8:5; 16:18;
Ap. 16:21. *Ndá xitje̱he̱ ti ni̱nko kuènté Díos itjen nkaya nka̱jní, ndá kꞌuíkon sin kixin ntiha itjen ti arca tjejóya ti nkehe tsíkꞌe̱to̱an Díos. Ndá tuénxín kꞌuixin kjónkíxín, kꞌuixin ruido la ko kꞌuixin kjónta la ko kꞌuínki nonte la ko kꞌuaniá toni.
Currently Selected:
Apocalipsis 11: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Apocalipsis 11
11
Yaá sin ichrꞌán Díos tsochronkaxín
1 #
Ez. 40:3; Zac. 2:1, 2. *A̱ndá ti ángel mé kjuajon ijnko ntavara éxi itji̱ xi̱kaha tsjehe, xracho̱axín nkehe, la ndáchro:
―Tꞌínkatjen tjácho̱a ti ni̱nko kuènté Díos, ti altar la ko kja̱xin tꞌékian nkekja̱ín ti sin tjejó ntiha tinkáchónki Díos. 2#Lc. 21:24.*Kjánchó ti nda̱sin la tjácho̱ahya kixin tíha la ó kꞌuáyéhe̱ ti chojni tinkáchónkihya Díos kixin tsꞌe̱to̱an sin ti chjasin Jerusalén iní nánó kotꞌo̱. 3A̱ndá janhan tsochrꞌan yaá ti sin kuénta̱na tsochronkaxín sin ti nkehe chaxín kuénta̱na ti iní nánó kotꞌo̱ la tsochónta sin ika tie.
4 #
Zac. 4:3, 11-14. *Ti yaá sin i, mé ti yaá inta olivo la ko ti yaá candelero tjejó ti itjen Díos, ti Ìnché kuenté chjasintajni. 5A̱ndá ti nkojín sin tjinkaon sichꞌehe nkojín nkehe jínahña ti yaá sin, la xrohi tsꞌaxrjexín irꞌua ti sin a, la tsjaka kaín ti chojni tso̱nínkakohen ti jehe sin hasta itsꞌen sin. A̱ndá ti nkojín sin tjinkaon sichꞌehe nkojín nkehe jínahña ti sin a la kja̱xin sin xi̱kaha tsꞌenxín sin. 6#1Rs. 17:1; Ex. 7:17-19; 1Sam. 4:8.*Jehe sin la tsochónta sin kjuachaxin tsꞌe̱to̱an sin kixin tsoxrákoahya ichrin ti iní nánó kotꞌo̱ tsonixja sin itén Díos la ko tsochónta sin kjuachaxin kixin ti ìnta̱ la tsꞌóna ijni̱ la ko sinchekjasótexín sin chojni kaín ti ichin siín, itsjé vece éxi tjinkaon sin. 7#Dn. 7:7; Ap. 13:5-7; 17:8; Dn. 7:21.*A̱ndá ti ó tsjixin tsochronka sin ti itén Díos, ndá ti iko jie̱he tsꞌaxrjexín ti tòye̱ ni̱nka#11:7 tòye̱ ni̱nka abismo mé tsjajo̱nko ti jehe sin, la ti iko mé tsjacha tsꞌóñá ti jehe sin. 8#Is. 1:9, 10.*A̱ndá ti cuerpo kuènté sin mé tsꞌejótsínka ti nti̱a kuènté ti chjasin ijié, ti chjasin tsíkja̱kꞌe̱nka̱ni sin Ìnchéni ntacruz, mé kja̱xin nchekꞌin sin Sodoma la ko Egipto. 9A̱ndá ti iní ña̱o kotꞌo̱ mé kaín chojni itsjé chjasin, kaín nkexrín tsjehe, kaín ngiva la ko kaín nación mé tsꞌikon sin ti sin tsíkꞌen tsꞌejótsínka ntiha la tsjajonhña sin kjuachaxin tsoxravá. 10A̱ndá kaín ti chojni chjasintajni la tso̱chéhe̱ sin kixin ó ikꞌuén ti yaá sin a, la tsjasin sin kia la ko sincheki̱to̱nhe̱n kícho sin nkehe kixin ó ikꞌuén ti yaá sin kꞌuéchronka itén Díos, kixin jehe sin la kjuaxróxinhña kuékꞌíxin sin ti kuékꞌejó ti sin a. 11#Ez. 37:10.*Kjánchó ti ó tsꞌatsínka ti iní ña̱o kotꞌo̱, la Díos sinchexechón ti jehe sin ínaá la tsꞌaya sin tsꞌejóxin to̱té sin, la kaín chojni tsꞌikon ti jehe sin la imá tsochrakon. 12#2Rs. 2:11.*Ndá yóí sin tsihin sin ijnko nkexro itsen tsonixja nkaya nka̱jní tsondáchro:
―Chrìña ntihi.
Ndá ijnko itji̱ chrìinxín sin nka̱jní la kaín ti chojni nínkakohen ti jehe sin la kꞌuíkon sin kixin xi̱kaha kóhen. 13#Ap. 6:12; 16:18.*Ndá tuénxín imá kꞌuínki nonte la ijnko ite parte ti chjasin ntiha la kꞌuitjáña la ko yato mil chojni ikꞌuén. Ndá kaín ti chojni xehe̱ la imá chrákon sin la kjuankíxin kjuíkosáyehe sin Díos itjen nkaya nka̱jní.
14Mé tíhi ti yaáxin kjuachrakon kóhen, kjánchó ti níxin kjuachrakon la ó kuichjina.
Ti ya̱to̱xi̱n trompeta
15 #
Ex. 15:18; Dn. 2:44; 7:14, 27. *A̱ndá ti ya̱to̱xi̱n ángel kꞌuánoa ti trompeta la kuíhin sin ijnko itan nka̱jní itsen ndáchro:
Kaín kjuachaxin kuènté ti chjasintajni
mé kja̱xin kꞌóna kuènté Díos la ko Cristo
kixin jehe chꞌan tsꞌe̱to̱an chꞌan nkochríxín.
16A̱ndá ti veinticuatro ti sin táda tjejótja̱xi̱n sin ti trono itjen nkayakon Díos mé kꞌuejóxin tochꞌin sin hasta kéhe̱ ikja sin nonte la chjéhe sin Díos kjuasáya. 17Ndáchro sin:
Tjáhani kjuasáya, Ìnchéni Díos, chonta kaín kjuachaxin.
Jaha xráxín kjuákꞌe, itjen la ko xikꞌinka ínaá.
Jaha kꞌuayéhé ti kjuachaxin ijié,
la jaha tsjankíxian tséto̱an.
18 #
Sal. 2:5; 110:5;
Sal. 115:13. *Kaín nación kónínkaon,
kjánchó ó ikui ti ña̱o si̱nchekjasóte sin
Ó ikui ti ña̱o si̱nchekito̱exián iji̱é ti sin tsíkꞌen
la ko jaha tsjénke̱hé ti sin kjuítꞌaha ixra̱ chrónkaxín ti itan,
ti sin ó kjui̱nchetjóá la ko ti sin kjuíkosáyehe ti ihni̱á,
á chojni nte̱to o̱ chájan ntsíntsí.
La jaha si̱nchekꞌitjáña ti nkexro nchekꞌitjáña ti chjasintajni.
19 #
Ap. 8:5; 16:18;
Ap. 16:21. *Ndá xitje̱he̱ ti ni̱nko kuènté Díos itjen nkaya nka̱jní, ndá kꞌuíkon sin kixin ntiha itjen ti arca tjejóya ti nkehe tsíkꞌe̱to̱an Díos. Ndá tuénxín kꞌuixin kjónkíxín, kꞌuixin ruido la ko kꞌuixin kjónta la ko kꞌuínki nonte la ko kꞌuaniá toni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.