Salmos 92
92
Itsje sin kixin Díos la imá jína
1Jína chróchjéheni Díos kjuasáya.
Chrotsjeni himno chrókjuikosáyeheni ihni̱á, jaha Díos
itjen nkaya nka̱jní.
2Tsochrónkani nkojnko nchítjen kixin jaha tjue̱héni
la ko tsochronkani nkojnko tie kixin imá jína jaha la nchexiteyá kaín nkehe ndáchrua.
3Tso̱tsje̱xi̱ni ihni̱á ti isón salterio
la ko ti isón chónta itsja
la ko ti arpa kanhñó itsen ndáchro.
4Jaha Itꞌéni Díos,
mé imá chéhe̱ni kixin ti ixra̱ kjui̱chꞌe
mé ti ixra̱ tsíkji̱chꞌe mé imá nchechéhe̱ ti jeheni.
5Jaha Itꞌéni Díos,
imá ijié ti ixra̱ tsíkji̱chꞌe.
Ninkexró tsjachahya tienxín nkexrín tjénka̱yáxian jaha.
6Ti chojni lo̱nti̱ la noehña nkekuènté tíha;
la ko ti chojni tjenka̱yáxinhña jína la tienxínhña sin.
7Ti sin tjenka̱yáxin nkehe jínahña
la tꞌánkí sin éxi tꞌánkí ijnko kayoa tꞌóna itsjo,
kjánchó itsi ijnko ña̱o tsꞌitjáña sin nkochríxín.
8A̱ndá jaha Itꞌéni Díos, nkochríxín itjen
této̱an nkaya nka̱jní.
9A̱ndá ti sin nínkakohan, Itꞌéni Díos,
la ko kaín ti sin ichꞌe ti nkehe jínahña
la tsꞌitjáña sin.
10Jaha Itꞌéni Díos, nchekꞌánkía ti fuerza chóntani
éxi ti fuerza chónta ti koxinta tse̱he̱.
Jaha tꞌikjanjian aceite náxrjón xroá ikjani.
11Ikoni mé kꞌuíkonxíni nkexrín tsjasóte ti sin nínkakohen ti jeheni
la ko kuíhini nkexrín tꞌéya ti sin ixri ti nti̱a nduáhya.
12Ti sin jína la tsꞌánkí sin éxi ijnko ntakajni náxrjón;
mé tsꞌánkí sin éxi ti inta cedro siín ti ijna̱ Líbano.
13Tjejó sin éxi ti ntayoa tsíxenkaxín ti ndo̱a, Itꞌéni Díos.
Tíha mé tsꞌóna itsjo nkaxehen ti nda̱sin ndója ti ni̱nko kuèntá.
14Kjónté ó ntaxin ti inta yoa la na̱xa̱ tsꞌóna ito;
nkochríxín ti inta la tsjakꞌe jína la ko yoa.
15Tsochrónka ti sin jína kixin jaha Itꞌéni Díos la
jína la ko nkochríxín tꞌayakohén chojni,
la ko kohya ninkehó nkehe nduáhya tjénka̱yáxian jaha.
Currently Selected:
Salmos 92: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 92
92
Itsje sin kixin Díos la imá jína
1Jína chróchjéheni Díos kjuasáya.
Chrotsjeni himno chrókjuikosáyeheni ihni̱á, jaha Díos
itjen nkaya nka̱jní.
2Tsochrónkani nkojnko nchítjen kixin jaha tjue̱héni
la ko tsochronkani nkojnko tie kixin imá jína jaha la nchexiteyá kaín nkehe ndáchrua.
3Tso̱tsje̱xi̱ni ihni̱á ti isón salterio
la ko ti isón chónta itsja
la ko ti arpa kanhñó itsen ndáchro.
4Jaha Itꞌéni Díos,
mé imá chéhe̱ni kixin ti ixra̱ kjui̱chꞌe
mé ti ixra̱ tsíkji̱chꞌe mé imá nchechéhe̱ ti jeheni.
5Jaha Itꞌéni Díos,
imá ijié ti ixra̱ tsíkji̱chꞌe.
Ninkexró tsjachahya tienxín nkexrín tjénka̱yáxian jaha.
6Ti chojni lo̱nti̱ la noehña nkekuènté tíha;
la ko ti chojni tjenka̱yáxinhña jína la tienxínhña sin.
7Ti sin tjenka̱yáxin nkehe jínahña
la tꞌánkí sin éxi tꞌánkí ijnko kayoa tꞌóna itsjo,
kjánchó itsi ijnko ña̱o tsꞌitjáña sin nkochríxín.
8A̱ndá jaha Itꞌéni Díos, nkochríxín itjen
této̱an nkaya nka̱jní.
9A̱ndá ti sin nínkakohan, Itꞌéni Díos,
la ko kaín ti sin ichꞌe ti nkehe jínahña
la tsꞌitjáña sin.
10Jaha Itꞌéni Díos, nchekꞌánkía ti fuerza chóntani
éxi ti fuerza chónta ti koxinta tse̱he̱.
Jaha tꞌikjanjian aceite náxrjón xroá ikjani.
11Ikoni mé kꞌuíkonxíni nkexrín tsjasóte ti sin nínkakohen ti jeheni
la ko kuíhini nkexrín tꞌéya ti sin ixri ti nti̱a nduáhya.
12Ti sin jína la tsꞌánkí sin éxi ijnko ntakajni náxrjón;
mé tsꞌánkí sin éxi ti inta cedro siín ti ijna̱ Líbano.
13Tjejó sin éxi ti ntayoa tsíxenkaxín ti ndo̱a, Itꞌéni Díos.
Tíha mé tsꞌóna itsjo nkaxehen ti nda̱sin ndója ti ni̱nko kuèntá.
14Kjónté ó ntaxin ti inta yoa la na̱xa̱ tsꞌóna ito;
nkochríxín ti inta la tsjakꞌe jína la ko yoa.
15Tsochrónka ti sin jína kixin jaha Itꞌéni Díos la
jína la ko nkochríxín tꞌayakohén chojni,
la ko kohya ninkehó nkehe nduáhya tjénka̱yáxian jaha.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.