Salmos 66
66
Chjéheni Díos kjuasáya kixin ti ixra̱ kjuíchꞌe chꞌan
1Chrókócháhara chrótsjera, chrókjuíkosáyehéra Díos,
jahara chojni siín kuenté chjasintajni.
2Itsjera tsjíkosáyehéra ihni̱é Díos.
Chrotsjera, chróchje̱héra Díos kjuasáya.
3Chróndáchera Díos:
“Ti ixra̱ tsíkji̱chꞌe la ijnko kjuaxroan ijié.
Ti sin nínkakohan la tsochrakon sin tsoxraxinkaon sin ti jaha
kixin ti kjuachaxin kuèntá.
4Kaín ti chojni chjasintajni tsjikosáyaha sin,
tsotsje sin himno la ko tsjikosáyehe sin ti ihni̱á.”
5Xrákira tsjehéra ti ixra̱ tsíkjichꞌe Díos
kixin ti kjuaxroan ijié kjua̱ko̱xi̱n chꞌan
kjuínki̱tsa chꞌan chojni.
6 #
Ex. 14:21;
Jos. 3:14-17. *Kuakitje̱he̱ Díos ijnko nti̱a nko̱siñe ti nda̱ñao
ndá ti sin kꞌuaxrjeníxini la jína kꞌuatsínkaxín sin
to̱té sin ntiha.
Chrókóchéhe̱ni kixin xi̱kaha kjuíchꞌe Díos.
7Méxra̱, tsꞌe̱to̱an Díos nkochríxín kixin ti kjuachaxin kuènté chꞌan.
Tjetsjehe chꞌan kaín ti nación
kixin ti sin jie̱he la í chrókóninkakuenhña sin chꞌan.
8Jahara chojni chjasintajni chrókjuíkosáyehéra Díos kuènténi.
Chrokuihin kaín chojni ti chrótsjera la ko ti chrókjuíkosáyehéra chꞌan.
9Díos kꞌuayakohen chꞌan ti jeheni kjónté nchónhña nkehe kóheni,
la kjuajonhña chꞌan kjuachaxin kixin chrókꞌuitsínkani.
10Díos kuènténi, jaha kjui̱nchekjasóte ti jeheni.
Kjui̱nchetjóáni éxi nchetjóá sin ti chika plata.
11Jaha kjuánjua kjuachaxin kixin
chrókꞌuitsínkayáni ti trampa.
Jaha kjui̱nchekamáni ijnko nkehe imá iye.
12Jaha kuíto̱hé kixin ti chojni tjenka̱yáxin nkehe jínahña
chrókuinkátja sin ti jeheni.
Kꞌuatsínkani ti siín xrohi la ko ti tjiá ìnta̱,
a̱ndá kjuixixín la jaha kjuánjua kjuachaxin kixin
kjuaxróxin chrókꞌuejóni.
13A̱ndá ijie jeheni tsꞌixeheni ti ni̱nkuá la tsji̱ka̱oni
iko tsochján tsꞌayéhé.
Mé xi̱kaha sinchexiteyáni ti nkehe tsíndáchroni.
14Mé tíha ti nkehe tsíndáchroni tsotjáhani
ti ó kꞌuéchóntani ti kjuaxikaon a.
15Sinchechjáni ti iko tsa̱nka̱ chritaón ti altar kuèntá.
Jaha chrókóxríhan ti kolélo tsíchján náxrjón xraxé
la ko ti koxinta la ko kotèntso̱.
16Xrákira kaínra tinkachónkira Díos.
Tihínra tsochronkani nkexrín kjuínki̱tsa Díos ti jeheni.
17Ti irꞌuani la ko ti ñejeni
mé kꞌuéye̱xini Díos
mé xi̱kaha kjuíkosáyeheni chꞌan.
18A̱ndá ti na̱xa̱ chrókjuénka̱yáxini kixin chrókjuasini ijie̱
la Itꞌéni Díos kjá chrókienhña chꞌan ti nkehe tjanchiani.
19Kjánchó kuíhin chꞌan ti nkehe kjuancheheni chꞌan
la tjoka kjuínki̱tsa chꞌan.
20Díos mé imá jína
la tjoka kjuáte̱he chꞌan ti nkehe chrónoéhe̱ni chꞌan
kixin imá kui̱konoéhe̱ chꞌan ti jeheni.
Currently Selected:
Salmos 66: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 66
66
Chjéheni Díos kjuasáya kixin ti ixra̱ kjuíchꞌe chꞌan
1Chrókócháhara chrótsjera, chrókjuíkosáyehéra Díos,
jahara chojni siín kuenté chjasintajni.
2Itsjera tsjíkosáyehéra ihni̱é Díos.
Chrotsjera, chróchje̱héra Díos kjuasáya.
3Chróndáchera Díos:
“Ti ixra̱ tsíkji̱chꞌe la ijnko kjuaxroan ijié.
Ti sin nínkakohan la tsochrakon sin tsoxraxinkaon sin ti jaha
kixin ti kjuachaxin kuèntá.
4Kaín ti chojni chjasintajni tsjikosáyaha sin,
tsotsje sin himno la ko tsjikosáyehe sin ti ihni̱á.”
5Xrákira tsjehéra ti ixra̱ tsíkjichꞌe Díos
kixin ti kjuaxroan ijié kjua̱ko̱xi̱n chꞌan
kjuínki̱tsa chꞌan chojni.
6 #
Ex. 14:21;
Jos. 3:14-17. *Kuakitje̱he̱ Díos ijnko nti̱a nko̱siñe ti nda̱ñao
ndá ti sin kꞌuaxrjeníxini la jína kꞌuatsínkaxín sin
to̱té sin ntiha.
Chrókóchéhe̱ni kixin xi̱kaha kjuíchꞌe Díos.
7Méxra̱, tsꞌe̱to̱an Díos nkochríxín kixin ti kjuachaxin kuènté chꞌan.
Tjetsjehe chꞌan kaín ti nación
kixin ti sin jie̱he la í chrókóninkakuenhña sin chꞌan.
8Jahara chojni chjasintajni chrókjuíkosáyehéra Díos kuènténi.
Chrokuihin kaín chojni ti chrótsjera la ko ti chrókjuíkosáyehéra chꞌan.
9Díos kꞌuayakohen chꞌan ti jeheni kjónté nchónhña nkehe kóheni,
la kjuajonhña chꞌan kjuachaxin kixin chrókꞌuitsínkani.
10Díos kuènténi, jaha kjui̱nchekjasóte ti jeheni.
Kjui̱nchetjóáni éxi nchetjóá sin ti chika plata.
11Jaha kjuánjua kjuachaxin kixin
chrókꞌuitsínkayáni ti trampa.
Jaha kjui̱nchekamáni ijnko nkehe imá iye.
12Jaha kuíto̱hé kixin ti chojni tjenka̱yáxin nkehe jínahña
chrókuinkátja sin ti jeheni.
Kꞌuatsínkani ti siín xrohi la ko ti tjiá ìnta̱,
a̱ndá kjuixixín la jaha kjuánjua kjuachaxin kixin
kjuaxróxin chrókꞌuejóni.
13A̱ndá ijie jeheni tsꞌixeheni ti ni̱nkuá la tsji̱ka̱oni
iko tsochján tsꞌayéhé.
Mé xi̱kaha sinchexiteyáni ti nkehe tsíndáchroni.
14Mé tíha ti nkehe tsíndáchroni tsotjáhani
ti ó kꞌuéchóntani ti kjuaxikaon a.
15Sinchechjáni ti iko tsa̱nka̱ chritaón ti altar kuèntá.
Jaha chrókóxríhan ti kolélo tsíchján náxrjón xraxé
la ko ti koxinta la ko kotèntso̱.
16Xrákira kaínra tinkachónkira Díos.
Tihínra tsochronkani nkexrín kjuínki̱tsa Díos ti jeheni.
17Ti irꞌuani la ko ti ñejeni
mé kꞌuéye̱xini Díos
mé xi̱kaha kjuíkosáyeheni chꞌan.
18A̱ndá ti na̱xa̱ chrókjuénka̱yáxini kixin chrókjuasini ijie̱
la Itꞌéni Díos kjá chrókienhña chꞌan ti nkehe tjanchiani.
19Kjánchó kuíhin chꞌan ti nkehe kjuancheheni chꞌan
la tjoka kjuínki̱tsa chꞌan.
20Díos mé imá jína
la tjoka kjuáte̱he chꞌan ti nkehe chrónoéhe̱ni chꞌan
kixin imá kui̱konoéhe̱ chꞌan ti jeheni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.