Salmos 59
59
Díos mé tꞌayakohen ti jeheni
Salmo kuènté David
1Itꞌéni Díos, nchekaáni kixin siín ti sin nínkakohen ti jeheni.
Tjínki̱tsani kixin kꞌuínkatjen ti sin nínkaon.
2Nchekaáni kixin siín ti sin tjenka̱yáxin ti nkehe jínahña,
nchekaáni kixin tsꞌóñáhña sin ti jeheni.
3Kónkotsé ti sin tꞌe̱to̱an tjenka̱yáxin nkehe jínahña la tjinkaon sin chrókꞌóñá sin ti jeheni
kjónté kjuasinhñani ijie̱, Itꞌéni Díos.
4Kohya nkehe jínahña kjuíchꞌeni,
la kjónté chréhe̱ sin chrókꞌóñá sin ti jeheni.
Tꞌínkatjen xrákia, tjínki̱tsani.
5Itꞌéni Díos,
jaha chonta kaín kjuachaxin, jaha Díos kuènté Israel.
Tꞌínkatjen, nchekjasóte kaín ti chojni tjejó ti nación titekakonhña ti jaha.
Ti̱konoéhña kaín ti sin tjenka̱yáxin ti nkehe jínahña.
6Sítie ikjan sin ti chjasin la tinkátsjánka sin éxi koni̱a̱ jie̱he
ta̱ntatjen sin ti chjasin,
7Tꞌóyako sin nínkaon sin.
Ti nkehe náxrjónhña ndáchro sin la éxi ijnko espada taté.
Ndáchro sin:
¿Xá nkexro chrókuihin ti nkehe ndáchroni?
8A̱ndá jaha, Itꞌéni Díos, tjanoá ti jehe sin.
Tjanoá kaín ti nación chónhña ti jaha.
9Jaha Díos chonta kaín kjuachaxin
mé tjechóheni kixin tsjínki̱tsani,
jaha mé si̱nchekaáni.
10Jaha Díos, ti̱konoéhéni la ko tjínki̱tsani.
La chrókjuánjua kjuachaxin kixin tsꞌikoni tsꞌitjáña
ti sin nínkakohen ti jeheni.
11Tꞌoñáhña sin kixin ti xi̱kaha
la ti chjaséni la tjoka tsꞌitjáñehen sin ti nkehe kjuíchꞌe ti sin a.
Ti kjuachaxin kuèntá tꞌinki̱téxian sin,
jaha Díos, tsaáxini.
12Jehe sin la tjasixín sin ijie̱ kaín ti nkehe ndáchro sin.
Méxra̱, chrókjuasótexín sin ti nkehe nchenkexín sin,
ti chꞌia sin la ko ti tjanchajihin#59:12 tjanchajihi̱n maldecir nchekjiko kícho sin kícho sin.
13Nchekꞌitjáñaxián sin ti kjuanínkaon kuèntá
kixin chrókꞌuixinhña sin,
kixin chrókónohe kaín chojni kixin jaha Díos, mé ti Rey,
la jaha ti Díos tétue̱hén ti sin Israel
la ko kuenté chjasintajni.
14Jehe sin la ikjan sin chjasin ti ó tso̱njín la tinkátsjánka sin éxi koni̱a̱ jie̱he
la ta̱ntatjen sin ti chjasin.
15Ixri sin tjeyá sin nkehe sinie sin,
la ti tsꞌitjahya sin la tsꞌóyako sin la tsotsjánka sin
kixin kꞌuitjahya sin nkehe sinie sin.
16Kjánchó jeheni tsotsjeni tsochronkani ti kjuachaxin kuèntá.
La ko ti nchítjen tsochronkani nkexrín kui̱konoéhéni
kixin jaha mé kjuínki̱tsani.
Kjui̱nchekaáni ti ña̱o ikui ti kjuaxikaon.
17Tsotsjeni himno tsjikosáyaxiáni, jaha Díos kuènténi,
kixin jaha mé kjui̱nchekaáni
la tjue̱hé ti jeheni.
Currently Selected:
Salmos 59: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 59
59
Díos mé tꞌayakohen ti jeheni
Salmo kuènté David
1Itꞌéni Díos, nchekaáni kixin siín ti sin nínkakohen ti jeheni.
Tjínki̱tsani kixin kꞌuínkatjen ti sin nínkaon.
2Nchekaáni kixin siín ti sin tjenka̱yáxin ti nkehe jínahña,
nchekaáni kixin tsꞌóñáhña sin ti jeheni.
3Kónkotsé ti sin tꞌe̱to̱an tjenka̱yáxin nkehe jínahña la tjinkaon sin chrókꞌóñá sin ti jeheni
kjónté kjuasinhñani ijie̱, Itꞌéni Díos.
4Kohya nkehe jínahña kjuíchꞌeni,
la kjónté chréhe̱ sin chrókꞌóñá sin ti jeheni.
Tꞌínkatjen xrákia, tjínki̱tsani.
5Itꞌéni Díos,
jaha chonta kaín kjuachaxin, jaha Díos kuènté Israel.
Tꞌínkatjen, nchekjasóte kaín ti chojni tjejó ti nación titekakonhña ti jaha.
Ti̱konoéhña kaín ti sin tjenka̱yáxin ti nkehe jínahña.
6Sítie ikjan sin ti chjasin la tinkátsjánka sin éxi koni̱a̱ jie̱he
ta̱ntatjen sin ti chjasin,
7Tꞌóyako sin nínkaon sin.
Ti nkehe náxrjónhña ndáchro sin la éxi ijnko espada taté.
Ndáchro sin:
¿Xá nkexro chrókuihin ti nkehe ndáchroni?
8A̱ndá jaha, Itꞌéni Díos, tjanoá ti jehe sin.
Tjanoá kaín ti nación chónhña ti jaha.
9Jaha Díos chonta kaín kjuachaxin
mé tjechóheni kixin tsjínki̱tsani,
jaha mé si̱nchekaáni.
10Jaha Díos, ti̱konoéhéni la ko tjínki̱tsani.
La chrókjuánjua kjuachaxin kixin tsꞌikoni tsꞌitjáña
ti sin nínkakohen ti jeheni.
11Tꞌoñáhña sin kixin ti xi̱kaha
la ti chjaséni la tjoka tsꞌitjáñehen sin ti nkehe kjuíchꞌe ti sin a.
Ti kjuachaxin kuèntá tꞌinki̱téxian sin,
jaha Díos, tsaáxini.
12Jehe sin la tjasixín sin ijie̱ kaín ti nkehe ndáchro sin.
Méxra̱, chrókjuasótexín sin ti nkehe nchenkexín sin,
ti chꞌia sin la ko ti tjanchajihin#59:12 tjanchajihi̱n maldecir nchekjiko kícho sin kícho sin.
13Nchekꞌitjáñaxián sin ti kjuanínkaon kuèntá
kixin chrókꞌuixinhña sin,
kixin chrókónohe kaín chojni kixin jaha Díos, mé ti Rey,
la jaha ti Díos tétue̱hén ti sin Israel
la ko kuenté chjasintajni.
14Jehe sin la ikjan sin chjasin ti ó tso̱njín la tinkátsjánka sin éxi koni̱a̱ jie̱he
la ta̱ntatjen sin ti chjasin.
15Ixri sin tjeyá sin nkehe sinie sin,
la ti tsꞌitjahya sin la tsꞌóyako sin la tsotsjánka sin
kixin kꞌuitjahya sin nkehe sinie sin.
16Kjánchó jeheni tsotsjeni tsochronkani ti kjuachaxin kuèntá.
La ko ti nchítjen tsochronkani nkexrín kui̱konoéhéni
kixin jaha mé kjuínki̱tsani.
Kjui̱nchekaáni ti ña̱o ikui ti kjuaxikaon.
17Tsotsjeni himno tsjikosáyaxiáni, jaha Díos kuènténi,
kixin jaha mé kjui̱nchekaáni
la tjue̱hé ti jeheni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.