Salmos 55
55
Ijnko chojni kjuaxróxinhña itjen nixje̱he̱ Díos
Salmo kuènté David
1Tihín, Itꞌéni Díos, ti chrónòahani
tjakꞌeme̱éhñani ti ó nixje̱he̱ni ti jaha.
2Jaha tihín, la tjáte̱hé ti nkehe tjanchahani.
Tꞌéyani la ko tsjánkani kixin tóxakoheni.
3Kixin ti sin nínkakohen ti jeheni la tꞌóyako sin,
tjinkaon sin chrókꞌóñá sin ti jeheni, tjanchia sin ijie̱.
La nínkaon sin chréhe̱ sin ti jeheni.
4Síchriká ti a̱séni nkaxehen ti ntakuini
kixin imá chrakoni kixin ó chrókꞌueni.
5Chrakoni síxrànka̱ni
kixin tjasóteni.
6La ndáchroni:
“Ti chróchóntani kañeñe éxi chónta ti kontóá
la jína chrókjuakáni,
la kjuaxróxin chróko̱kꞌéheni.
7Sáchrókjuini ikjín
la ti nte̱je̱ ó chrókjuákꞌeni.
8Chrokóxakoheni tjoka sáchrókjuini kixin chrókuaáni
ti ó chrókui ti kjuaxikaon.”
9Itꞌéni Díos, nchekꞌitjáña ti sin tjenka̱yáxin ti nkehe jínahña
la tjinkia ti ngive̱e sin kixin chrókienxínhña sin
kixin ó kꞌuíkua̱n kixin kuenté
ti chjasin la nínkaon sin la tjajo̱nko kícho sin.
10Ncha̱kotjin la ko tie ta̱ndátjen sin ti tja̱tꞌo̱ kuènté ti chjasin
kixin ntiha siín ijie̱ la nduáhya tjenka̱yáxin sin.
11Siín ijie̱, tꞌóñá kícho sin la teé sin
la ko nkuíxín ti nti̱a siín kjuachꞌia.
12Ti chrókꞌuándaxín ijnko chojni xráxín nínkaon
la chrókóándo̱séni.
Kjánchó jehya ijnko nkexro nínkakohen ti jeheni kjuíchꞌe xi̱kaha
kixin ti xi̱kaha la jína chrókjuakꞌeméheni chꞌan.
13Náhí. Jaha ti nkexro chóxini jína,
mé kꞌuándaxíhi̱n ti jeheni.
Jaha mé éxi nkoko̱a kíchóni xi̱kaha.
14Ti nkexro xráxín chóxini la jína kꞌuékjoni,
la nkoko̱a kuékꞌajini ti ndo̱e Díos.
15A̱ndá ijie titàya̱ chrókꞌuen ti sin nínkakohen ti jeheni.
Ndá tjejóchónxinhín sin chrókꞌuánótje̱ñá sin ti tòye̱
kixin jehó ti nkehe jínahña tjenka̱yáxin sin.
16A̱ndá jeheni tjancheheni Itꞌéni Díos
la jehe chꞌan sinchekaá chꞌan ti jeheni.
17Nchítjen la chonkíxin la ko tso̱jín
tsotsjánkani tsꞌéye̱he̱ni Díos,
la jehe chꞌan tsihin chꞌan ti nkehe tsjanchiani.
18Jehe chꞌan tsjajon chꞌan kjuaxróxin tsꞌáyéhe̱ni,
kjónté siín ti sin tjajo̱nkoni
o̱ kjónté chrókꞌuixin nchónhña ti sin nínkaon.
19Itꞌéni Díos itjen nkochríxín la tjetihin chꞌan
la sinchekjasóte chꞌan ti chojni nínkakohen ti jeheni
kixin na̱xa̱ tjinkíhya sin ti nkehe jínahña tjenka̱yáxin sin
la ko chrakuenhña sin Díos.
20Ti nkexro chóxini mé kónínkakohen ti jeheni
la kjuínchexiteyáhya chꞌan ti nkehe ndáchro chꞌan.
21Ti nkehe nixja chꞌan la náxrjón éxi nkehe chónta xi̱a,
kjánchó a̱sén chꞌan la siín kjuanínkaon.
Nixja chꞌan náxrjón éxi nkehe chónta aceite,
kjánchó tíha la éxi ijnko espada imá taté.
22Chje̱hé Itꞌéni Díos ti kjuaxikaon chonta
la jehe chꞌan tsjinki̱tsa chꞌan ti jaha
kixin tsíto̱ehya chꞌan tsꞌitsínka
ti nkexro jína nchexiteyá.
23Díos kuènténi,
ti sin tjàya la ko ti sin chꞌia
la kjónté na̱xa̱ itsjé nánó chrókꞌuejó sin la tjoka itsꞌen sin.
Jaha si̱nchekꞌitsínkayá sin ti tòye̱ tsꞌitjáñaxín chojni,
kjánchó jeheni la tinkáchónkini ti jaha.
Currently Selected:
Salmos 55: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 55
55
Ijnko chojni kjuaxróxinhña itjen nixje̱he̱ Díos
Salmo kuènté David
1Tihín, Itꞌéni Díos, ti chrónòahani
tjakꞌeme̱éhñani ti ó nixje̱he̱ni ti jaha.
2Jaha tihín, la tjáte̱hé ti nkehe tjanchahani.
Tꞌéyani la ko tsjánkani kixin tóxakoheni.
3Kixin ti sin nínkakohen ti jeheni la tꞌóyako sin,
tjinkaon sin chrókꞌóñá sin ti jeheni, tjanchia sin ijie̱.
La nínkaon sin chréhe̱ sin ti jeheni.
4Síchriká ti a̱séni nkaxehen ti ntakuini
kixin imá chrakoni kixin ó chrókꞌueni.
5Chrakoni síxrànka̱ni
kixin tjasóteni.
6La ndáchroni:
“Ti chróchóntani kañeñe éxi chónta ti kontóá
la jína chrókjuakáni,
la kjuaxróxin chróko̱kꞌéheni.
7Sáchrókjuini ikjín
la ti nte̱je̱ ó chrókjuákꞌeni.
8Chrokóxakoheni tjoka sáchrókjuini kixin chrókuaáni
ti ó chrókui ti kjuaxikaon.”
9Itꞌéni Díos, nchekꞌitjáña ti sin tjenka̱yáxin ti nkehe jínahña
la tjinkia ti ngive̱e sin kixin chrókienxínhña sin
kixin ó kꞌuíkua̱n kixin kuenté
ti chjasin la nínkaon sin la tjajo̱nko kícho sin.
10Ncha̱kotjin la ko tie ta̱ndátjen sin ti tja̱tꞌo̱ kuènté ti chjasin
kixin ntiha siín ijie̱ la nduáhya tjenka̱yáxin sin.
11Siín ijie̱, tꞌóñá kícho sin la teé sin
la ko nkuíxín ti nti̱a siín kjuachꞌia.
12Ti chrókꞌuándaxín ijnko chojni xráxín nínkaon
la chrókóándo̱séni.
Kjánchó jehya ijnko nkexro nínkakohen ti jeheni kjuíchꞌe xi̱kaha
kixin ti xi̱kaha la jína chrókjuakꞌeméheni chꞌan.
13Náhí. Jaha ti nkexro chóxini jína,
mé kꞌuándaxíhi̱n ti jeheni.
Jaha mé éxi nkoko̱a kíchóni xi̱kaha.
14Ti nkexro xráxín chóxini la jína kꞌuékjoni,
la nkoko̱a kuékꞌajini ti ndo̱e Díos.
15A̱ndá ijie titàya̱ chrókꞌuen ti sin nínkakohen ti jeheni.
Ndá tjejóchónxinhín sin chrókꞌuánótje̱ñá sin ti tòye̱
kixin jehó ti nkehe jínahña tjenka̱yáxin sin.
16A̱ndá jeheni tjancheheni Itꞌéni Díos
la jehe chꞌan sinchekaá chꞌan ti jeheni.
17Nchítjen la chonkíxin la ko tso̱jín
tsotsjánkani tsꞌéye̱he̱ni Díos,
la jehe chꞌan tsihin chꞌan ti nkehe tsjanchiani.
18Jehe chꞌan tsjajon chꞌan kjuaxróxin tsꞌáyéhe̱ni,
kjónté siín ti sin tjajo̱nkoni
o̱ kjónté chrókꞌuixin nchónhña ti sin nínkaon.
19Itꞌéni Díos itjen nkochríxín la tjetihin chꞌan
la sinchekjasóte chꞌan ti chojni nínkakohen ti jeheni
kixin na̱xa̱ tjinkíhya sin ti nkehe jínahña tjenka̱yáxin sin
la ko chrakuenhña sin Díos.
20Ti nkexro chóxini mé kónínkakohen ti jeheni
la kjuínchexiteyáhya chꞌan ti nkehe ndáchro chꞌan.
21Ti nkehe nixja chꞌan la náxrjón éxi nkehe chónta xi̱a,
kjánchó a̱sén chꞌan la siín kjuanínkaon.
Nixja chꞌan náxrjón éxi nkehe chónta aceite,
kjánchó tíha la éxi ijnko espada imá taté.
22Chje̱hé Itꞌéni Díos ti kjuaxikaon chonta
la jehe chꞌan tsjinki̱tsa chꞌan ti jaha
kixin tsíto̱ehya chꞌan tsꞌitsínka
ti nkexro jína nchexiteyá.
23Díos kuènténi,
ti sin tjàya la ko ti sin chꞌia
la kjónté na̱xa̱ itsjé nánó chrókꞌuejó sin la tjoka itsꞌen sin.
Jaha si̱nchekꞌitsínkayá sin ti tòye̱ tsꞌitjáñaxín chojni,
kjánchó jeheni la tinkáchónkini ti jaha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.