Salmos 44
44
Kjuanchia sin kixin tsjinki̱tsa Itꞌéni Díos
Salmo kuènté xje̱en Coré
1Itꞌéni Díos, ti sin kꞌuaxrjeníxini chrónka sin
ti ixra̱ kjui̱chꞌe jaha ósé
la ó kuíhini kaín tíha.
2Ti kjuachaxin kuèntá mé tsíkakítsjexian
ti chojni tinkáchónkihya ti jaha ti no̱nte̱e sin
la kjui̱nchekjasóte sin.
Ndá tsíkjánjua ti nonte kꞌóna chjasén ti sin kꞌuaxrjeníxini.
3Jehya ti espada xraá sin
o̱ jehya ti fuerza kuènté sin kjua̱cha̱xi̱n sin.
Náhí, ti kjuachaxin kuèntá mé kjuínki̱tsa kjuacha sin
kixin jaha kui̱konoéhé ti jehe sin.
4Jaha ti Díos la ko ti Rey kuènténi.
Jaha kjui̱nchekaá ti chjasin Israel.
5Ti kjuachaxin kuèntá mé kjuínki̱tsaxiáni
la kjuachahya ti sin nínkaon.
Kjuachaxíen ihni̱á mé nkátja̱nkíxini ti sin
tjenka̱yáxin ti nkehe jínahña.
6Kixin jehya ti arco
o̱ ti espada chrókuaáxini.
7Jaha kjuájonhña kjuachaxin
kixin chrókjuacha ti sin nínkaon
la jaha kjuanoá ti sin
nínkakohen ti jeheni.
8Nkochríxín chéhe̱ni kixin jaha tjínki̱tsa, Itꞌéni Díos,
la nkochríxín tsjikosáyeheni ti ihni̱á.
9Kjánchó ijie la kui̱to̱héni la tósuéhe̱ni,
la í tjínki̱tsahya ti sin soldado kuènténi ti ó sátjikjajo̱n sin.
10Jaha í kjuínki̱tsahya kixin
chrókjuachani chrókjuajo̱nkoni ti sin nínkaon
la jehe sin kueé sin
ti nkehe tjinkaon sin.
11Jaha kjuánjua kjuachaxin
sákjuíko sin ti jeheni éxi ijnko kolélo itsꞌen,
ndá xi̱kaha xika̱ye̱he ti sin chjasin kuènténi,
sákjuí sin ókjé.
12Tjetehya kjui̱nchekjixián ti chjasin kuèntá
la ninkehó kjuachahya jaha ti kóxi̱xi̱n sin.
13Mé xi̱kaha ti sin chjasin chjinaxón
la tjanoá sin ti jeheni la ko tꞌándaxín sin.
14Jaha kjuánjua kjuachaxin
kixin ti sin nduáhya ixri la tjanoá sin ti jeheni.
La ti̱nka̱tji̱a̱ ikja sin, titekakonhña sin.
15Kaín ña̱o tósuéhe̱ni
kixin ti sin nínkaon la tjanoá sin ti jeheni,
16la tꞌándaxín sin, tjinkaon sin
chrókjuinchekꞌitjáña sin ti jeheni;
tꞌándaxín sin la ko chꞌiyehe sin ti jeheni.
17Kaín tíhi kóheni,
kjánchó kꞌuitjáñehñani ti jaha,
la ko kꞌuitjáñehñani ninkehó ti nkehe tsíkéto̱an.
18La kjuénka̱yáxinhñani kixin chrókuíto̱heni ti jaha
la ko ti nti̱a kuèntá.
19Kjánchó jaha kjui̱nchekjasóteni
la kjuaxróxinhña kjuákꞌeni.
Jaha ichrꞌan ti sítie chrókꞌuitjáñaxíni.
20Ti chrókꞌuitjáñeheni ti jaha, Díos kuènténi,
la chrókuinkáchónkini ókjé díos,
21la, ¿á chrókónoahña tíha ní?,
kixin jaha la noha kaín ti nkehe tjenka̱yáxini.
22 #
Ro. 8:36. *Kjánchó ti tinkáchónkini ti jaha
la nkochríxín siín kjuaxikaon tsꞌenxíni
la chrókꞌóñá sin ti jeheni éxi tꞌóñá sin kolélo.
23Tꞌàya, Itꞌéni Díos, ¿nkekuènté tjéchrian?
Tihín, nkochríxínhña ti̱to̱héni.
24¿Nkekuènté tjakꞌèma?
¿Nkekuènté kꞌuitjáñahan kixin
imá tjejótjasóteni ntihi?
25Kixin ti a̱séni la imá tꞌává
la ti cuerpo kuènténi la imá níhi.
26Tꞌinkatjen tjínki̱tsani
la ko nchekaáni kixin jaha imá tjue̱héni.
Currently Selected:
Salmos 44: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 44
44
Kjuanchia sin kixin tsjinki̱tsa Itꞌéni Díos
Salmo kuènté xje̱en Coré
1Itꞌéni Díos, ti sin kꞌuaxrjeníxini chrónka sin
ti ixra̱ kjui̱chꞌe jaha ósé
la ó kuíhini kaín tíha.
2Ti kjuachaxin kuèntá mé tsíkakítsjexian
ti chojni tinkáchónkihya ti jaha ti no̱nte̱e sin
la kjui̱nchekjasóte sin.
Ndá tsíkjánjua ti nonte kꞌóna chjasén ti sin kꞌuaxrjeníxini.
3Jehya ti espada xraá sin
o̱ jehya ti fuerza kuènté sin kjua̱cha̱xi̱n sin.
Náhí, ti kjuachaxin kuèntá mé kjuínki̱tsa kjuacha sin
kixin jaha kui̱konoéhé ti jehe sin.
4Jaha ti Díos la ko ti Rey kuènténi.
Jaha kjui̱nchekaá ti chjasin Israel.
5Ti kjuachaxin kuèntá mé kjuínki̱tsaxiáni
la kjuachahya ti sin nínkaon.
Kjuachaxíen ihni̱á mé nkátja̱nkíxini ti sin
tjenka̱yáxin ti nkehe jínahña.
6Kixin jehya ti arco
o̱ ti espada chrókuaáxini.
7Jaha kjuájonhña kjuachaxin
kixin chrókjuacha ti sin nínkaon
la jaha kjuanoá ti sin
nínkakohen ti jeheni.
8Nkochríxín chéhe̱ni kixin jaha tjínki̱tsa, Itꞌéni Díos,
la nkochríxín tsjikosáyeheni ti ihni̱á.
9Kjánchó ijie la kui̱to̱héni la tósuéhe̱ni,
la í tjínki̱tsahya ti sin soldado kuènténi ti ó sátjikjajo̱n sin.
10Jaha í kjuínki̱tsahya kixin
chrókjuachani chrókjuajo̱nkoni ti sin nínkaon
la jehe sin kueé sin
ti nkehe tjinkaon sin.
11Jaha kjuánjua kjuachaxin
sákjuíko sin ti jeheni éxi ijnko kolélo itsꞌen,
ndá xi̱kaha xika̱ye̱he ti sin chjasin kuènténi,
sákjuí sin ókjé.
12Tjetehya kjui̱nchekjixián ti chjasin kuèntá
la ninkehó kjuachahya jaha ti kóxi̱xi̱n sin.
13Mé xi̱kaha ti sin chjasin chjinaxón
la tjanoá sin ti jeheni la ko tꞌándaxín sin.
14Jaha kjuánjua kjuachaxin
kixin ti sin nduáhya ixri la tjanoá sin ti jeheni.
La ti̱nka̱tji̱a̱ ikja sin, titekakonhña sin.
15Kaín ña̱o tósuéhe̱ni
kixin ti sin nínkaon la tjanoá sin ti jeheni,
16la tꞌándaxín sin, tjinkaon sin
chrókjuinchekꞌitjáña sin ti jeheni;
tꞌándaxín sin la ko chꞌiyehe sin ti jeheni.
17Kaín tíhi kóheni,
kjánchó kꞌuitjáñehñani ti jaha,
la ko kꞌuitjáñehñani ninkehó ti nkehe tsíkéto̱an.
18La kjuénka̱yáxinhñani kixin chrókuíto̱heni ti jaha
la ko ti nti̱a kuèntá.
19Kjánchó jaha kjui̱nchekjasóteni
la kjuaxróxinhña kjuákꞌeni.
Jaha ichrꞌan ti sítie chrókꞌuitjáñaxíni.
20Ti chrókꞌuitjáñeheni ti jaha, Díos kuènténi,
la chrókuinkáchónkini ókjé díos,
21la, ¿á chrókónoahña tíha ní?,
kixin jaha la noha kaín ti nkehe tjenka̱yáxini.
22 #
Ro. 8:36. *Kjánchó ti tinkáchónkini ti jaha
la nkochríxín siín kjuaxikaon tsꞌenxíni
la chrókꞌóñá sin ti jeheni éxi tꞌóñá sin kolélo.
23Tꞌàya, Itꞌéni Díos, ¿nkekuènté tjéchrian?
Tihín, nkochríxínhña ti̱to̱héni.
24¿Nkekuènté tjakꞌèma?
¿Nkekuènté kꞌuitjáñahan kixin
imá tjejótjasóteni ntihi?
25Kixin ti a̱séni la imá tꞌává
la ti cuerpo kuènténi la imá níhi.
26Tꞌinkatjen tjínki̱tsani
la ko nchekaáni kixin jaha imá tjue̱héni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.