Salmos 35
35
Díos tihin ti oración
Salmo kuènté David
1Itꞌéni Díos, jaha chrókónínkákohén
ti chojni nínkakohen ti jeheni.
Tjájo̱nko̱a ti sin nínkakohen ti jeheni.
2Tákjá ti espada la ko ti escudo kuèntá,
la xrákia tsjínki̱tsani.
3Tákjá ti lanza la xrákia tsjakꞌe nko̱siñe,
tjínki̱tsani kixin chréhe̱ ti chojni nínkakohen ti jeheni.
Ndáche ti a̱séni: Janhan ti nkexro tsaáxian.
4Ti sin xritjeyá ti jeheni kixin chrókꞌóñá sin,
la chrókósuéhe̱ sin sáchrokjui sin.
Chrókósuéhe̱ ti sin tjenka̱yáxin chrókjuíchꞌe
ti nkehe jínahña, la sáchrokjui sin.
5Méxra̱ éxi chji̱nínó sátjiko xri̱nto̱, sáchrokjui sin,
la ti ángel kuènté Itꞌéni Díos mé chrókjuínchekjasóte ti jehe sin.
6Ti nti̱e sin mé chrókꞌuixitié la ko chrókóhntó ti nti̱e sin
kixin chrókꞌuitsínka sin.
La ti ángel kuènté Itꞌéni Díos mé chróchréhe̱ ti jehe sin
kixin chrókjuasóte sin.
7Kjónté kꞌuitjahya sin ninkehó ijie̱ kjuíchꞌeni
la kjuakꞌe sin ijnko tóye̱ chrókꞌuitsínkayáni.
8Chrokui ti kjuaxikaon chrókjuasótexín sin,
la jehe sin chrókꞌuitsínkayá sin ti tòye̱ tsíkjichꞌéna sin,
la ntahó chrókꞌuitjáñaxín sin.
9Ndá xi̱kaha imá tso̱chéhe̱ a̱séni
kixin Itꞌéni Díos mé sinchekaá ti jeheni;
náxrjón tsjakꞌeni kixin sinchekaá chꞌan ti jeheni.
10Ndá xi̱kaha kaín a̱séni tsondáchroni
kohya íjnko nkexro éxi jaha, Itꞌéni Díos.
Kixin ti chojni nóa la ko ti sin tichánxi̱hin nkehe mé nchekaá jaha,
kixin tsjachahya ti chojni tjenka̱yáxin nkehe jínahña
tsakítsjehe ti sin nóa ti nkehe chónta sin.
11Ti sin chꞌia la ixri sin tjanchia sin ijie̱
la tjanchankí sin ti nkehe noehñani.
12Tꞌókja̱nxi̱n sin nkehe jínahña,
ti nkehe jína kjuíchꞌeni.
La tíha mé nchekꞌává ti a̱séni.
13A̱ndá ti kóníhi sin la jeheni
kꞌuinkáyani ika tie la ko kjoniehñani kixin kꞌuáváni,
la kuíto̱ehyani kjuancheheni Díos tsjinki̱tsa ti jehe sin.
14Méxra̱ imá kꞌuáváni, éxi ti chrókꞌuen ti ìñéni
o̱ éxi ti chrókꞌuen ijnko nkexro tꞌitoni o̱ ijnko kíchóni.
15A̱ndá ti ó kꞌuitsínkani,
la kaín sin kjuano sin éxi chojni chónhña sin
kꞌuíkon sin ti jeheni.
Títo̱éhya sin nínkakohen sin ti jeheni.
16Mé xi̱kaha kꞌuándaxíhi̱n sin ti jeheni la kjuanoá sin,
la ñetaón ñeno sin, nínkaon sin.
17Itꞌéni Díos, ¿xá hasta nkesá tsinhín tíhi?
Nchekaáni kixin jehe sin mé éxi ijnko koxra̱
chrókjuinchekꞌitjáña sin ti jeheni.
18Kjánchó jeheni tsotjahani kjuasáya nkayakon
ti itsjé chojni tsíkónkotsé la ko tsjikosáyahani ti siín itsjé chojni chjasin.
19 #
Sal. 69:4; Jn. 15:25. *Chrókóchèhya ti sin nínkakohen ti jeheni,
la ko ti sin titekakonhña chrókjuankahya xrakon sin
kixin tjanoá sin ti jeheni.
20Jehe sin la nixjahya sin jína.
Tꞌeka sin ijie̱ ti chojni jína tjejó chjasintajni,
la tjenka̱yáxin sin sinchekꞌitjáña sin.
21A̱ntsí tjanoá sin ti jeheni la ndáchro sin:
“Kꞌuíkonxínkoni ti nkehe nduáhya kjui̱chꞌe jaha”, ichro sin.
22Méxra̱ jaha, Itꞌéni Díos, ó kꞌuikuan kaín tíhi;
tjoka tjáte̱hé, ti̱toéhya ti jeheni.
23Jaha, Itꞌéni, Díos kuènténi, tꞌàyá,
tjínki̱tsani, ichꞌe ti nkehe jína.
24Jaha la imá ndoá itjen,
tsjehé kixin chóntahyani ijie̱, jaha Itꞌéni Díos
kixin ti chojni a la chrókjuachahya sin chrókjuanoá sin ti jeheni.
25Chróndáchrohya sin:
“Kaín nkehe kóhen éxi tjinkaoni
la kjuachani kjuínchekꞌitjáñani ti nkexro a.”
26Chrókósuéhe̱ sin kixin chéhe̱ sin
kixin ti nkehe jínahña kóheni.
Méxra̱ xi̱kahó chrókósuéhe̱ sin
kixin tjenka̱yáxin sin kixin imá tjetoan sin
la tjanoá sin ti jeheni.
27A̱ndá kaín ti sin tjinkaon kixin chrókjuachani
la chrókóchéhe̱ sin la ko chrótsje sin
la nkochríxín chróndáchro sin:
“Imá ijié ti kjuachaxin kuènté Itꞌéni Díos
kixin kjuaxróxin itjen ti nkexro chꞌehe chꞌan ixra̱.”
28Ndá jeheni tsochronkaxíni ti kjuachaxin kuèntá,
la kaín ña̱o tsjikosáyeheni ti jaha, Itꞌéni Díos.
Currently Selected:
Salmos 35: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 35
35
Díos tihin ti oración
Salmo kuènté David
1Itꞌéni Díos, jaha chrókónínkákohén
ti chojni nínkakohen ti jeheni.
Tjájo̱nko̱a ti sin nínkakohen ti jeheni.
2Tákjá ti espada la ko ti escudo kuèntá,
la xrákia tsjínki̱tsani.
3Tákjá ti lanza la xrákia tsjakꞌe nko̱siñe,
tjínki̱tsani kixin chréhe̱ ti chojni nínkakohen ti jeheni.
Ndáche ti a̱séni: Janhan ti nkexro tsaáxian.
4Ti sin xritjeyá ti jeheni kixin chrókꞌóñá sin,
la chrókósuéhe̱ sin sáchrokjui sin.
Chrókósuéhe̱ ti sin tjenka̱yáxin chrókjuíchꞌe
ti nkehe jínahña, la sáchrokjui sin.
5Méxra̱ éxi chji̱nínó sátjiko xri̱nto̱, sáchrokjui sin,
la ti ángel kuènté Itꞌéni Díos mé chrókjuínchekjasóte ti jehe sin.
6Ti nti̱e sin mé chrókꞌuixitié la ko chrókóhntó ti nti̱e sin
kixin chrókꞌuitsínka sin.
La ti ángel kuènté Itꞌéni Díos mé chróchréhe̱ ti jehe sin
kixin chrókjuasóte sin.
7Kjónté kꞌuitjahya sin ninkehó ijie̱ kjuíchꞌeni
la kjuakꞌe sin ijnko tóye̱ chrókꞌuitsínkayáni.
8Chrokui ti kjuaxikaon chrókjuasótexín sin,
la jehe sin chrókꞌuitsínkayá sin ti tòye̱ tsíkjichꞌéna sin,
la ntahó chrókꞌuitjáñaxín sin.
9Ndá xi̱kaha imá tso̱chéhe̱ a̱séni
kixin Itꞌéni Díos mé sinchekaá ti jeheni;
náxrjón tsjakꞌeni kixin sinchekaá chꞌan ti jeheni.
10Ndá xi̱kaha kaín a̱séni tsondáchroni
kohya íjnko nkexro éxi jaha, Itꞌéni Díos.
Kixin ti chojni nóa la ko ti sin tichánxi̱hin nkehe mé nchekaá jaha,
kixin tsjachahya ti chojni tjenka̱yáxin nkehe jínahña
tsakítsjehe ti sin nóa ti nkehe chónta sin.
11Ti sin chꞌia la ixri sin tjanchia sin ijie̱
la tjanchankí sin ti nkehe noehñani.
12Tꞌókja̱nxi̱n sin nkehe jínahña,
ti nkehe jína kjuíchꞌeni.
La tíha mé nchekꞌává ti a̱séni.
13A̱ndá ti kóníhi sin la jeheni
kꞌuinkáyani ika tie la ko kjoniehñani kixin kꞌuáváni,
la kuíto̱ehyani kjuancheheni Díos tsjinki̱tsa ti jehe sin.
14Méxra̱ imá kꞌuáváni, éxi ti chrókꞌuen ti ìñéni
o̱ éxi ti chrókꞌuen ijnko nkexro tꞌitoni o̱ ijnko kíchóni.
15A̱ndá ti ó kꞌuitsínkani,
la kaín sin kjuano sin éxi chojni chónhña sin
kꞌuíkon sin ti jeheni.
Títo̱éhya sin nínkakohen sin ti jeheni.
16Mé xi̱kaha kꞌuándaxíhi̱n sin ti jeheni la kjuanoá sin,
la ñetaón ñeno sin, nínkaon sin.
17Itꞌéni Díos, ¿xá hasta nkesá tsinhín tíhi?
Nchekaáni kixin jehe sin mé éxi ijnko koxra̱
chrókjuinchekꞌitjáña sin ti jeheni.
18Kjánchó jeheni tsotjahani kjuasáya nkayakon
ti itsjé chojni tsíkónkotsé la ko tsjikosáyahani ti siín itsjé chojni chjasin.
19 #
Sal. 69:4; Jn. 15:25. *Chrókóchèhya ti sin nínkakohen ti jeheni,
la ko ti sin titekakonhña chrókjuankahya xrakon sin
kixin tjanoá sin ti jeheni.
20Jehe sin la nixjahya sin jína.
Tꞌeka sin ijie̱ ti chojni jína tjejó chjasintajni,
la tjenka̱yáxin sin sinchekꞌitjáña sin.
21A̱ntsí tjanoá sin ti jeheni la ndáchro sin:
“Kꞌuíkonxínkoni ti nkehe nduáhya kjui̱chꞌe jaha”, ichro sin.
22Méxra̱ jaha, Itꞌéni Díos, ó kꞌuikuan kaín tíhi;
tjoka tjáte̱hé, ti̱toéhya ti jeheni.
23Jaha, Itꞌéni, Díos kuènténi, tꞌàyá,
tjínki̱tsani, ichꞌe ti nkehe jína.
24Jaha la imá ndoá itjen,
tsjehé kixin chóntahyani ijie̱, jaha Itꞌéni Díos
kixin ti chojni a la chrókjuachahya sin chrókjuanoá sin ti jeheni.
25Chróndáchrohya sin:
“Kaín nkehe kóhen éxi tjinkaoni
la kjuachani kjuínchekꞌitjáñani ti nkexro a.”
26Chrókósuéhe̱ sin kixin chéhe̱ sin
kixin ti nkehe jínahña kóheni.
Méxra̱ xi̱kahó chrókósuéhe̱ sin
kixin tjenka̱yáxin sin kixin imá tjetoan sin
la tjanoá sin ti jeheni.
27A̱ndá kaín ti sin tjinkaon kixin chrókjuachani
la chrókóchéhe̱ sin la ko chrótsje sin
la nkochríxín chróndáchro sin:
“Imá ijié ti kjuachaxin kuènté Itꞌéni Díos
kixin kjuaxróxin itjen ti nkexro chꞌehe chꞌan ixra̱.”
28Ndá jeheni tsochronkaxíni ti kjuachaxin kuèntá,
la kaín ña̱o tsjikosáyeheni ti jaha, Itꞌéni Díos.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.