Salmos 33
33
Chrotsjera chrókjuíkosáyehéra Díos
1Jahara chojni jína chrókócháhara, chrótsjera.
Náxrjón kaín a̱sén chojni chrókjuikosáyehe sin Itꞌéni Díos.
2Chrotsjera, chrókjuíkosáyehéra Díos la ko itꞌinra arpa.
Itsjera himno la ko itꞌinra isón chónta itsja.
3Chrotsjera ijnko canto ni̱xin la chrókꞌuinra arpa
la ko chrókócháhara
4kixin ti itén Itꞌéni Díos la chaxín ndoá.
Ti ixra̱ ichꞌe chꞌan la tja̱ko̱xi̱n kixin chaxín jína chꞌan.
5Itꞌéni Díos la tjue̱he ti chojni jína la ko ndoá tjejó
la ko ti̱konoéhe̱ chꞌan kaín chojni kuenté chjasintajni.
6Jehó ti nixja Itꞌéni Díos mé kꞌónaxín nka̱jní
la ko kaín ti nkehe siín nka̱jní mé kꞌónaxín
ti itan kꞌuaxrjexín irꞌua Díos.
7Díos kjuínchenkojié ti nda̱ñao
la ko kjuíchꞌéna ti tjiá ìnta̱.
8Méxra̱ kaín chojni siín kuenté chjasintajni chrókjuikosáyehe sin Itꞌéni Díos
la ko chróchjéhe sin chꞌan kjuasáya.
9Díos níxja la kꞌóna kaín nkehe,
kꞌue̱to̱an chꞌan la kaín nkehe kꞌuixin.
10A̱ndá ti nkehe tjenka̱yáxin sichꞌe ti chjasin tinkáchónkihya Díos
la Díos tsꞌóxika tíha la ko sinchekꞌitjáña chꞌan
ti nkehe jínahña tjenka̱yáxin sin.
11Kjánchó ti kjuaxrexinkaon kuènté Díos mé nkochríxín tsꞌitjáñahña.
Ti nkehe tjenka̱yáxin chꞌan la nkochríxín tsjakꞌe.
12Díos sincheñao chꞌan ti sin chjasin tinkáchónki ti jehe chꞌan
kixin tíha tsíkjeyá Díos kixin tsꞌóna kuènté chꞌan.
13Itꞌéni Díos itjen nkaya nka̱jní la tjetsjehe nkuíxín,
la tꞌikon chꞌan kaín chojni.
14Ntiha itjen chꞌan,
tjetsjehe chꞌan kaín chojni siín chjasintajni.
15Jehe chꞌan kjuíchꞌéna chꞌan a̱sén kaín chojni
la tjetsjehe chꞌan kaín ti nkehe ichꞌe sin.
16Kjónté itsjé soldado chónta ijnko rey
la tsjachahya tsaáxin tíha,
la kjónté ijnko chojni imá tse̱he̱,
la tsjachahya ti fuerza chónta tsaáxin.
17La kjónté ti koka̱te̱ tsjachahya va sinchekaá va ninkexró,
kjónté imá tse̱he̱ va, la tsjachahya va sinchekaá va chojni.
18A̱ndá Itꞌéni Díos la tꞌayakohen chꞌan ti nkexro chráko̱nhe̱n ti jehe chꞌan
la ko ti nkexro tinkáchónki ti jehe chꞌan la sinchekaá chꞌan.
19Díos sinchekaá ti sin chrókꞌuen
la tsjinki̱tsa chꞌan ti jehe sin ti ña̱o tso̱kjinta.
20Kaín a̱séni tjejóchóheni Itꞌéni Díos
kixin jehe chꞌan tjinki̱tsa chꞌan la ko tꞌayakohen chꞌan ti jeheni.
21Díos mé nchechéhe̱ a̱séni
kixin tinkáchónkini ti jehe chꞌan.
22Jaha, Itꞌéni Díos, chrókui̱konoéhéni
kixin tjejóchóheni ti jaha.
Currently Selected:
Salmos 33: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 33
33
Chrotsjera chrókjuíkosáyehéra Díos
1Jahara chojni jína chrókócháhara, chrótsjera.
Náxrjón kaín a̱sén chojni chrókjuikosáyehe sin Itꞌéni Díos.
2Chrotsjera, chrókjuíkosáyehéra Díos la ko itꞌinra arpa.
Itsjera himno la ko itꞌinra isón chónta itsja.
3Chrotsjera ijnko canto ni̱xin la chrókꞌuinra arpa
la ko chrókócháhara
4kixin ti itén Itꞌéni Díos la chaxín ndoá.
Ti ixra̱ ichꞌe chꞌan la tja̱ko̱xi̱n kixin chaxín jína chꞌan.
5Itꞌéni Díos la tjue̱he ti chojni jína la ko ndoá tjejó
la ko ti̱konoéhe̱ chꞌan kaín chojni kuenté chjasintajni.
6Jehó ti nixja Itꞌéni Díos mé kꞌónaxín nka̱jní
la ko kaín ti nkehe siín nka̱jní mé kꞌónaxín
ti itan kꞌuaxrjexín irꞌua Díos.
7Díos kjuínchenkojié ti nda̱ñao
la ko kjuíchꞌéna ti tjiá ìnta̱.
8Méxra̱ kaín chojni siín kuenté chjasintajni chrókjuikosáyehe sin Itꞌéni Díos
la ko chróchjéhe sin chꞌan kjuasáya.
9Díos níxja la kꞌóna kaín nkehe,
kꞌue̱to̱an chꞌan la kaín nkehe kꞌuixin.
10A̱ndá ti nkehe tjenka̱yáxin sichꞌe ti chjasin tinkáchónkihya Díos
la Díos tsꞌóxika tíha la ko sinchekꞌitjáña chꞌan
ti nkehe jínahña tjenka̱yáxin sin.
11Kjánchó ti kjuaxrexinkaon kuènté Díos mé nkochríxín tsꞌitjáñahña.
Ti nkehe tjenka̱yáxin chꞌan la nkochríxín tsjakꞌe.
12Díos sincheñao chꞌan ti sin chjasin tinkáchónki ti jehe chꞌan
kixin tíha tsíkjeyá Díos kixin tsꞌóna kuènté chꞌan.
13Itꞌéni Díos itjen nkaya nka̱jní la tjetsjehe nkuíxín,
la tꞌikon chꞌan kaín chojni.
14Ntiha itjen chꞌan,
tjetsjehe chꞌan kaín chojni siín chjasintajni.
15Jehe chꞌan kjuíchꞌéna chꞌan a̱sén kaín chojni
la tjetsjehe chꞌan kaín ti nkehe ichꞌe sin.
16Kjónté itsjé soldado chónta ijnko rey
la tsjachahya tsaáxin tíha,
la kjónté ijnko chojni imá tse̱he̱,
la tsjachahya ti fuerza chónta tsaáxin.
17La kjónté ti koka̱te̱ tsjachahya va sinchekaá va ninkexró,
kjónté imá tse̱he̱ va, la tsjachahya va sinchekaá va chojni.
18A̱ndá Itꞌéni Díos la tꞌayakohen chꞌan ti nkexro chráko̱nhe̱n ti jehe chꞌan
la ko ti nkexro tinkáchónki ti jehe chꞌan la sinchekaá chꞌan.
19Díos sinchekaá ti sin chrókꞌuen
la tsjinki̱tsa chꞌan ti jehe sin ti ña̱o tso̱kjinta.
20Kaín a̱séni tjejóchóheni Itꞌéni Díos
kixin jehe chꞌan tjinki̱tsa chꞌan la ko tꞌayakohen chꞌan ti jeheni.
21Díos mé nchechéhe̱ a̱séni
kixin tinkáchónkini ti jehe chꞌan.
22Jaha, Itꞌéni Díos, chrókui̱konoéhéni
kixin tjejóchóheni ti jaha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.