Salmos 31
31
Jaha Díos tꞌayakonhéni
Salmo kuènté David
1Jaha, Itꞌéni Díos, xritjeyáni kixin jaha tsjínki̱tsani.
Chrokui̱toéhya kixin chrókósuéhe̱ni.
Nchekaáxiani ti kjuachaxin kuèntá.
2Tjakꞌe tihín la nchekaáni tjoka.
Jaha mé éxi ijnko ixro̱ ijié tsjacha tsjakꞌemáxini,
la ko éxi ijnko tja̱tꞌo̱ nte̱to tsaáxini.
3Jaha mé éxi ijnko ixro̱ nte̱to xi̱kaha tꞌayakoénxiani.
La tjákohéni ti nti̱a ndoá kixin tjikosayéheni ti ihni̱á.
4Takítsjexiani ti nkehe tsíkjakꞌe ti sin nínkaon
kixin tsotséxinhñani,
kixin jaha mé ti nkexro nchekaá ti jeheni.
5 #
Lc. 23:46. *Nkaya itjá tꞌayéhé ti ncha̱kuéni.
Jaha, Itꞌéni Díos, mé si̱nchekaáni
kixin jaha mé ijnko Díos chaxín jína.
6Nínkakoheni ti chojni tinkáchónki nkehe tsíkjano̱ña
kixin tinkáchónkini ti jaha, Itꞌéni Díos.
7Imá chéhe̱ni kixin jaha kui̱konoéhéni
kixin jaha kꞌuíkuan nkexrín imá kꞌuáváni,
la ó noha nkexrín imá kjuasóteni.
8Jaha kjuájonhña kjuachaxin
kixin ti sin nínkaon chrótsé sin ti jeheni,
méxra̱ kjuánjua ijnko nketí jína tsjakꞌeni.
9Ti̱konoéhéni, Itꞌéni Díos
kixin imá tóxakoheni.
Imá tsjánkani la tjoté ti ikoni,
la ko tjoté ti a̱séni ko ti cuerpo kuènténi.
10Ti fuerza chóntani mé ó sítinkákjeje̱ kixin ti tjoténi.
Ti nánó chóntani mé ó sítinkákꞌatsínka.
Í chóntahyani fuerza kixin ti ijie̱ kjuasini la ti huésoéni la ó sítinkákjeje̱.
11Kaín ti sin nínkaon la tjanoá sin ti jeheni,
la ti sin chjinaxón ndo̱eni la a̱ntsí nínkaon sin.
Ti ó tꞌikon sin ti jeheni la sátji sin ókjé.
12Ó tsíkꞌitjáñehen sin ti jeheni, éxi ó tsíkꞌeni xi̱kaha tꞌikon sin,
éxi ijnko ichi̱ tsíkókuen tꞌikon sin ti jeheni.
13Tinhini nchónhña kjuachꞌia kuènté itsjé chojni,
kixin siín kjuachrakon nkuíxín
la ko nkoko̱a tjenka̱yáxin sin ti nkehe jínahña tso̱heni
la tjinkaon sin tsꞌóñá sin ti jeheni.
14Kjánchó jeheni tinkáchónkini ti jaha, Itꞌéni Díos.
La ndáchroni: “Jaha mé ti Díos kuènténi.”
15Ti itjá mé tꞌayakuénxiani kaín ti ña̱o na̱xa̱ tsjakꞌeni.
Tjínki̱tsani, tjájonhña kjuachaxin kixin
ti sin nínkaon chréhe̱ chrókjuinchekjasóte sin ti jeheni.
16Ti kjuachaxin kuèntá mé chrókꞌuinkaséñaxín ti itjeni
kixin chꞌeheni ixra̱ ti jaha.
Nchekaáni kixin jaha mé ti̱konoéhéni.
17Ti̱toéhya kixin chrókósuéhe̱ni, Itꞌéni Díos,
kixin ó kjuanchiani kixin tsjínki̱tsani.
Chrókósuéhe̱ ti sin tjenka̱yáxin ti nkehe jínahña,
la chrókꞌuikjehe̱ ti irꞌua sin la chrókꞌuejó sin ti siín ti chojni tsíkꞌen.
18Chrotání la í xrokjuahya chrónixja ti sin xriko kjuachꞌia
kixin imá tꞌándaxíhi̱n sin ti nkexro jína tjejó
la ko chóntehya sin kjuasàya.
19Imá jína jaha, la chje̱hé ti nkehe jína kuèntá,
kaín ti sin tjiko̱sáyaha.
Kjuákoxián nkayakon kaín chojni kixin tꞌayakohén ti sin tinkáchónki ti jaha.
20Ti kjuachaxin kuèntá tsjinki̱tsaxián ti sin jína
la jaha tꞌinka̱kohén ti nkehe tjenka̱yáxin ti sin jehya jína.
Ti kjuachaxin kuèntá tꞌayakuénxian sin,
kixin tsjachahya ti sin tꞌándaxín.
21Jaha mé jína, Itꞌéni Díos,
kixin nchónhña nkehe ijié kjuáko̱xián;
la jaha kjuáko̱xián kixin tjue̱héni
ti ó ikui ti kjuachrakon.
22Kóxakoheni ndáchroni kixin jaha í tahya kuentá ti jeheni,
kjánchó ti ó chrónòani la jaha kjuáte̱hé.
23Méxra̱ tjue̱héra Itꞌéni Díos,
kaínra jahara tinkachónkira chꞌan.
Itꞌéni Díos la tꞌayakohen chꞌan ti sin jína,
a̱ndá ti sin nchejié a̱sén la sinchekjasóte chꞌan.
24Méxra̱ chrakonhñara tinkachónkira Díos kaín a̱sánra,
kaínra titekáonra ti jehe chꞌan.
Currently Selected:
Salmos 31: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 31
31
Jaha Díos tꞌayakonhéni
Salmo kuènté David
1Jaha, Itꞌéni Díos, xritjeyáni kixin jaha tsjínki̱tsani.
Chrokui̱toéhya kixin chrókósuéhe̱ni.
Nchekaáxiani ti kjuachaxin kuèntá.
2Tjakꞌe tihín la nchekaáni tjoka.
Jaha mé éxi ijnko ixro̱ ijié tsjacha tsjakꞌemáxini,
la ko éxi ijnko tja̱tꞌo̱ nte̱to tsaáxini.
3Jaha mé éxi ijnko ixro̱ nte̱to xi̱kaha tꞌayakoénxiani.
La tjákohéni ti nti̱a ndoá kixin tjikosayéheni ti ihni̱á.
4Takítsjexiani ti nkehe tsíkjakꞌe ti sin nínkaon
kixin tsotséxinhñani,
kixin jaha mé ti nkexro nchekaá ti jeheni.
5 #
Lc. 23:46. *Nkaya itjá tꞌayéhé ti ncha̱kuéni.
Jaha, Itꞌéni Díos, mé si̱nchekaáni
kixin jaha mé ijnko Díos chaxín jína.
6Nínkakoheni ti chojni tinkáchónki nkehe tsíkjano̱ña
kixin tinkáchónkini ti jaha, Itꞌéni Díos.
7Imá chéhe̱ni kixin jaha kui̱konoéhéni
kixin jaha kꞌuíkuan nkexrín imá kꞌuáváni,
la ó noha nkexrín imá kjuasóteni.
8Jaha kjuájonhña kjuachaxin
kixin ti sin nínkaon chrótsé sin ti jeheni,
méxra̱ kjuánjua ijnko nketí jína tsjakꞌeni.
9Ti̱konoéhéni, Itꞌéni Díos
kixin imá tóxakoheni.
Imá tsjánkani la tjoté ti ikoni,
la ko tjoté ti a̱séni ko ti cuerpo kuènténi.
10Ti fuerza chóntani mé ó sítinkákjeje̱ kixin ti tjoténi.
Ti nánó chóntani mé ó sítinkákꞌatsínka.
Í chóntahyani fuerza kixin ti ijie̱ kjuasini la ti huésoéni la ó sítinkákjeje̱.
11Kaín ti sin nínkaon la tjanoá sin ti jeheni,
la ti sin chjinaxón ndo̱eni la a̱ntsí nínkaon sin.
Ti ó tꞌikon sin ti jeheni la sátji sin ókjé.
12Ó tsíkꞌitjáñehen sin ti jeheni, éxi ó tsíkꞌeni xi̱kaha tꞌikon sin,
éxi ijnko ichi̱ tsíkókuen tꞌikon sin ti jeheni.
13Tinhini nchónhña kjuachꞌia kuènté itsjé chojni,
kixin siín kjuachrakon nkuíxín
la ko nkoko̱a tjenka̱yáxin sin ti nkehe jínahña tso̱heni
la tjinkaon sin tsꞌóñá sin ti jeheni.
14Kjánchó jeheni tinkáchónkini ti jaha, Itꞌéni Díos.
La ndáchroni: “Jaha mé ti Díos kuènténi.”
15Ti itjá mé tꞌayakuénxiani kaín ti ña̱o na̱xa̱ tsjakꞌeni.
Tjínki̱tsani, tjájonhña kjuachaxin kixin
ti sin nínkaon chréhe̱ chrókjuinchekjasóte sin ti jeheni.
16Ti kjuachaxin kuèntá mé chrókꞌuinkaséñaxín ti itjeni
kixin chꞌeheni ixra̱ ti jaha.
Nchekaáni kixin jaha mé ti̱konoéhéni.
17Ti̱toéhya kixin chrókósuéhe̱ni, Itꞌéni Díos,
kixin ó kjuanchiani kixin tsjínki̱tsani.
Chrókósuéhe̱ ti sin tjenka̱yáxin ti nkehe jínahña,
la chrókꞌuikjehe̱ ti irꞌua sin la chrókꞌuejó sin ti siín ti chojni tsíkꞌen.
18Chrotání la í xrokjuahya chrónixja ti sin xriko kjuachꞌia
kixin imá tꞌándaxíhi̱n sin ti nkexro jína tjejó
la ko chóntehya sin kjuasàya.
19Imá jína jaha, la chje̱hé ti nkehe jína kuèntá,
kaín ti sin tjiko̱sáyaha.
Kjuákoxián nkayakon kaín chojni kixin tꞌayakohén ti sin tinkáchónki ti jaha.
20Ti kjuachaxin kuèntá tsjinki̱tsaxián ti sin jína
la jaha tꞌinka̱kohén ti nkehe tjenka̱yáxin ti sin jehya jína.
Ti kjuachaxin kuèntá tꞌayakuénxian sin,
kixin tsjachahya ti sin tꞌándaxín.
21Jaha mé jína, Itꞌéni Díos,
kixin nchónhña nkehe ijié kjuáko̱xián;
la jaha kjuáko̱xián kixin tjue̱héni
ti ó ikui ti kjuachrakon.
22Kóxakoheni ndáchroni kixin jaha í tahya kuentá ti jeheni,
kjánchó ti ó chrónòani la jaha kjuáte̱hé.
23Méxra̱ tjue̱héra Itꞌéni Díos,
kaínra jahara tinkachónkira chꞌan.
Itꞌéni Díos la tꞌayakohen chꞌan ti sin jína,
a̱ndá ti sin nchejié a̱sén la sinchekjasóte chꞌan.
24Méxra̱ chrakonhñara tinkachónkira Díos kaín a̱sánra,
kaínra titekáonra ti jehe chꞌan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.