Salmos 20
20
Itꞌéni Díos kjuínki̱tsa ti Rey
Salmo kuènté David
1Itꞌéni Díos chrókuihin ti ó nóaxi̱n itjen jaha.
Ti Díos kuènté Jacob chrókjuinki̱tsa ti jaha.
2Itꞌéni Díos tsochrꞌán ijnko nkexro tsjinki̱tsa ti jaha
tsi̱xi̱n ti ni̱nko Jerusalén.
3La chróxraxinkaon chꞌan kaín ti nkehe kjuánjua
la chrókꞌuáyéhe̱ chꞌan ti iko tsíchján kjuánjua.
4Chrokjuajon Díos kaín ti nkehe tjanchehé chꞌan,
la chrókjuinchexiteyá chꞌan kaín ti nkehe tjénka̱yáxian.
5Jeheni la tso̱chéhe̱ni kixin ó kjuácha jaha rey
la tsja̱ya̱ni bandera, tsochjéheni kjuasáya ti Díos kuènténi
kixin ó kjuacha chꞌan.
Itꞌéni Díos mé chaxín tsjajon chꞌan kaín ti nkehe tsjanchia jaha.
6Ó noheni kixin Itꞌéni Díos sinchekaá ti nkexro tsíkjeyá chꞌan;
la hasta nka̱jní tsihin chꞌan ti nkehe tjanchia ti rey
la ko tsjajon chꞌan ti kjuachaxin ijié kuènté chꞌan tsjinki̱tsa ti rey.
7Iso sin la nchehnke sin kixin chónta sin nchónhña carreta sátsjiko sin guerra,
íso sin la nchenkexín sin kixin chónta sin itsjé koka̱te̱.
A̱ndá jeheni mé titekaoni kixin ti kjuachaxíen ihni̱é Díos
la tsjinki̱tsa ti jeheni.
8Jehe sin la kjuachahya sin la kꞌuitsínka sin.
A̱ndá jeheni la kjuachani tjejóxini to̱téni.
9Jaha Itꞌéni Díos, nchekaá ti rey.
¡Tjáte̱hé ti ó tsꞌéyahani!
Currently Selected:
Salmos 20: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 20
20
Itꞌéni Díos kjuínki̱tsa ti Rey
Salmo kuènté David
1Itꞌéni Díos chrókuihin ti ó nóaxi̱n itjen jaha.
Ti Díos kuènté Jacob chrókjuinki̱tsa ti jaha.
2Itꞌéni Díos tsochrꞌán ijnko nkexro tsjinki̱tsa ti jaha
tsi̱xi̱n ti ni̱nko Jerusalén.
3La chróxraxinkaon chꞌan kaín ti nkehe kjuánjua
la chrókꞌuáyéhe̱ chꞌan ti iko tsíchján kjuánjua.
4Chrokjuajon Díos kaín ti nkehe tjanchehé chꞌan,
la chrókjuinchexiteyá chꞌan kaín ti nkehe tjénka̱yáxian.
5Jeheni la tso̱chéhe̱ni kixin ó kjuácha jaha rey
la tsja̱ya̱ni bandera, tsochjéheni kjuasáya ti Díos kuènténi
kixin ó kjuacha chꞌan.
Itꞌéni Díos mé chaxín tsjajon chꞌan kaín ti nkehe tsjanchia jaha.
6Ó noheni kixin Itꞌéni Díos sinchekaá ti nkexro tsíkjeyá chꞌan;
la hasta nka̱jní tsihin chꞌan ti nkehe tjanchia ti rey
la ko tsjajon chꞌan ti kjuachaxin ijié kuènté chꞌan tsjinki̱tsa ti rey.
7Iso sin la nchehnke sin kixin chónta sin nchónhña carreta sátsjiko sin guerra,
íso sin la nchenkexín sin kixin chónta sin itsjé koka̱te̱.
A̱ndá jeheni mé titekaoni kixin ti kjuachaxíen ihni̱é Díos
la tsjinki̱tsa ti jeheni.
8Jehe sin la kjuachahya sin la kꞌuitsínka sin.
A̱ndá jeheni la kjuachani tjejóxini to̱téni.
9Jaha Itꞌéni Díos, nchekaá ti rey.
¡Tjáte̱hé ti ó tsꞌéyahani!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.