Salmos 101
101
Ti Rey David tsíndáchro kixin sinchexiteyéhe chꞌan Díos
Salmo kuènté David
1Jeheni tjinkaoni tsjikosáyaha kixin jaha imá ndoá itjen la ko imá tjue̱hé ti jeheni.
Tjinkaoni tsotsjeni himno tsjikosáyahani, jaha Itꞌéni Díos.
2Tjinkaoni ndoá chrókꞌuájini ti nti̱a kuèntá,
kjánchó imá tjinkaoni kixin jaha chrókjuínki̱tsa ti jeheni.
Jína chrókjuénka̱yáxini;
kjónté ndo̱eni itjeni la jína chrókjuákꞌeni.
3Jeheni chrókomáhñani ninkehó nkehe jínahña.
Tóxrìe̱nhñani ti ixra̱ ichꞌe ti sin titekakonhña Díos.
Méxra̱ ninkehó ti sin a chrókóchjinehña sin ti jeheni.
4Jeheni chrókuíto̱heni ti nkehe jínahña tjenka̱yáxini,
la ko ninkehó nkehe jínahña chrókjuíchꞌeni.
5Tjinkaoni chrókjuinchetáníni ti sin imó tꞌándaxíhi̱n kícho sin.
Tóxrìe̱nhñani kixin xi̱kaha ichꞌe ti sin nchehnke.
6A̱ndá jeheni mé tjinkaoni tsꞌitoni ti sin jína tjejó.
Jehó ti sin ixri ijnko nti̱a ndoá mé chrókjuíchꞌeheni ixra̱.
7Tsjajonhñani kjuachaxin tsjakꞌe nkaxehen ndo̱eni
ijnko nkexro chꞌia.
Ti nkexro chꞌia tsjakꞌehya ti itjeni.
8Nkojnko ña̱o la sinchekꞌitjáñani kaín ti sin tjenka̱yáxin nkehe jínahña siín chjasintajni.
Jeheni tsakitsjexini ti chjasin kuènté Itꞌéni Díos
kaín ti chojni ichꞌe ti nkehe jínahña.
Currently Selected:
Salmos 101: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Salmos 101
101
Ti Rey David tsíndáchro kixin sinchexiteyéhe chꞌan Díos
Salmo kuènté David
1Jeheni tjinkaoni tsjikosáyaha kixin jaha imá ndoá itjen la ko imá tjue̱hé ti jeheni.
Tjinkaoni tsotsjeni himno tsjikosáyahani, jaha Itꞌéni Díos.
2Tjinkaoni ndoá chrókꞌuájini ti nti̱a kuèntá,
kjánchó imá tjinkaoni kixin jaha chrókjuínki̱tsa ti jeheni.
Jína chrókjuénka̱yáxini;
kjónté ndo̱eni itjeni la jína chrókjuákꞌeni.
3Jeheni chrókomáhñani ninkehó nkehe jínahña.
Tóxrìe̱nhñani ti ixra̱ ichꞌe ti sin titekakonhña Díos.
Méxra̱ ninkehó ti sin a chrókóchjinehña sin ti jeheni.
4Jeheni chrókuíto̱heni ti nkehe jínahña tjenka̱yáxini,
la ko ninkehó nkehe jínahña chrókjuíchꞌeni.
5Tjinkaoni chrókjuinchetáníni ti sin imó tꞌándaxíhi̱n kícho sin.
Tóxrìe̱nhñani kixin xi̱kaha ichꞌe ti sin nchehnke.
6A̱ndá jeheni mé tjinkaoni tsꞌitoni ti sin jína tjejó.
Jehó ti sin ixri ijnko nti̱a ndoá mé chrókjuíchꞌeheni ixra̱.
7Tsjajonhñani kjuachaxin tsjakꞌe nkaxehen ndo̱eni
ijnko nkexro chꞌia.
Ti nkexro chꞌia tsjakꞌehya ti itjeni.
8Nkojnko ña̱o la sinchekꞌitjáñani kaín ti sin tjenka̱yáxin nkehe jínahña siín chjasintajni.
Jeheni tsakitsjexini ti chjasin kuènté Itꞌéni Díos
kaín ti chojni ichꞌe ti nkehe jínahña.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.