Proverbios 2
2
Ti nkehe tjajon ti kjuaxrexinkaon jína
1Xje̱eni, tihín ti nkehe tsondáxrja̱n
la ko tꞌitjáñahña ti nkehe kuétua̱han.
2Chrokjuakꞌe chrókuihín ti kjuaxrexinkaon tjákohá;
chrókꞌuitjá jína kaín nkehe.
3Chrokjuanchia kixin chrókꞌuitjá jína
la ko chrókjuéyá ti kjuaxrexinkaon jína.
4Chrokjuéyá chrókónoha jína
éxi chrókjuéyá ti plata o̱ éxi chrókjuéyá ichrén nkehe tjete.
5Landá ti xi̱kaha, ndá chrókiénxian nkexrín chrókjuíkosáyehé Itꞌéni Díos,
la ko chrókꞌuitjá nkexrín chrókóchoxian Díos.
6Kixin Itꞌéni Díos mé tjajon ti kjuachaxin tso̱nohe chojni jína,
la ko ti irꞌua chꞌan mé tꞌaxrjexín ti kjuaxrexinkaon jína
la ko tsjajon chꞌan kjuachaxin tsienxín chojni kaín ti nkehe imá ixra̱.
7Díos mé tjinki̱tsa ti sin jína tjejó, tjasinhña ijie̱
la ko tꞌayakohen chꞌan ti sin titekaon ti jehe chꞌan.
8Tjinki̱tsa chꞌan ti nkexro jína tjejó
la ko tꞌayakohen chꞌan ti sin jína nchexiteyá.
9Ti tihínra jína ndá xi̱kaha tso̱nohara ti nkehe jína la ko ti nkehe ndoá
la ko tsꞌitjára ti nti̱a ndoá.
10Mé xi̱kaha chróchontara ti kjuaxrexinkaon jína
ndá chrókócháhara kixin jína nohara.
11Chrokónohara jína la tsꞌitjára ti nkehe ndoá
kixin tíha mé tsjinki̱tsa ti jahara la ko tsꞌayakohanra,
12kixin chrókꞌuájihyara nti̱e ti sin nduáhya ixri,
la ko nti̱e ti chojni nixja kjuachꞌia.
13Ti sin a mé kuito̱he sin ti nti̱a jína
la sákjuí sin ti nti̱a sítie.
14Jehe sin chéhe̱ sin ichꞌe sin ti nkehe jínahña
la ko tóxríhi̱n sin sichꞌe sin nchónhña nkehe náxrjónhña.
15Ti nti̱a ixri sin la nduáhya
la tsíkito̱he sin ti nti̱a ndoá.
16Ti kjuaxrexinkaon jína mé tsjinki̱tsa
kixin tsjachròehya ti chojnichjin nduáhya ixri,
kjónté náxrjón tsonixja̱ha sin.
17Ti chojnichjin xi̱kaha ichꞌe mé tsíkito̱he tjan ti nkexro tsíkóte̱he tjan ti na̱xa̱ tjarisoá tjan,
la ko ó kꞌuitjáñehen tjan ti nkehe tsíndáche tjan Díos.
18Ndá ti sin tsákja ti nti̱a sátsji ndo̱e ti tjan a
la ó kuákja sin ijnko nti̱a sítie tsꞌenxín sin.
19A̱ndá ti nkexro sátsji ntiha la í tsokjanhña,
la ko í tsꞌitjahya ti nti̱a tjajon kjuachón ínaá.
20Méxra̱ ícha jína chrókꞌuájia ti nti̱a jína;
la ko chróchréhé nti̱e ti nkexro ndoá itjen.
21Kixin ti chojni chaxín jína tjejó, tjasinhña ijie̱
la náxrjón tsꞌejó sin ti chjasintajni;
la ko tsꞌejó sin itsjé nánó.
22A̱ndá ti chojni tjenka̱yáxin ti nkehe jínahña
la tsꞌaxrjexín sin chjasintajni
la ko ti chojni chꞌia la tsꞌitjáña sin.
Currently Selected:
Proverbios 2: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Proverbios 2
2
Ti nkehe tjajon ti kjuaxrexinkaon jína
1Xje̱eni, tihín ti nkehe tsondáxrja̱n
la ko tꞌitjáñahña ti nkehe kuétua̱han.
2Chrokjuakꞌe chrókuihín ti kjuaxrexinkaon tjákohá;
chrókꞌuitjá jína kaín nkehe.
3Chrokjuanchia kixin chrókꞌuitjá jína
la ko chrókjuéyá ti kjuaxrexinkaon jína.
4Chrokjuéyá chrókónoha jína
éxi chrókjuéyá ti plata o̱ éxi chrókjuéyá ichrén nkehe tjete.
5Landá ti xi̱kaha, ndá chrókiénxian nkexrín chrókjuíkosáyehé Itꞌéni Díos,
la ko chrókꞌuitjá nkexrín chrókóchoxian Díos.
6Kixin Itꞌéni Díos mé tjajon ti kjuachaxin tso̱nohe chojni jína,
la ko ti irꞌua chꞌan mé tꞌaxrjexín ti kjuaxrexinkaon jína
la ko tsjajon chꞌan kjuachaxin tsienxín chojni kaín ti nkehe imá ixra̱.
7Díos mé tjinki̱tsa ti sin jína tjejó, tjasinhña ijie̱
la ko tꞌayakohen chꞌan ti sin titekaon ti jehe chꞌan.
8Tjinki̱tsa chꞌan ti nkexro jína tjejó
la ko tꞌayakohen chꞌan ti sin jína nchexiteyá.
9Ti tihínra jína ndá xi̱kaha tso̱nohara ti nkehe jína la ko ti nkehe ndoá
la ko tsꞌitjára ti nti̱a ndoá.
10Mé xi̱kaha chróchontara ti kjuaxrexinkaon jína
ndá chrókócháhara kixin jína nohara.
11Chrokónohara jína la tsꞌitjára ti nkehe ndoá
kixin tíha mé tsjinki̱tsa ti jahara la ko tsꞌayakohanra,
12kixin chrókꞌuájihyara nti̱e ti sin nduáhya ixri,
la ko nti̱e ti chojni nixja kjuachꞌia.
13Ti sin a mé kuito̱he sin ti nti̱a jína
la sákjuí sin ti nti̱a sítie.
14Jehe sin chéhe̱ sin ichꞌe sin ti nkehe jínahña
la ko tóxríhi̱n sin sichꞌe sin nchónhña nkehe náxrjónhña.
15Ti nti̱a ixri sin la nduáhya
la tsíkito̱he sin ti nti̱a ndoá.
16Ti kjuaxrexinkaon jína mé tsjinki̱tsa
kixin tsjachròehya ti chojnichjin nduáhya ixri,
kjónté náxrjón tsonixja̱ha sin.
17Ti chojnichjin xi̱kaha ichꞌe mé tsíkito̱he tjan ti nkexro tsíkóte̱he tjan ti na̱xa̱ tjarisoá tjan,
la ko ó kꞌuitjáñehen tjan ti nkehe tsíndáche tjan Díos.
18Ndá ti sin tsákja ti nti̱a sátsji ndo̱e ti tjan a
la ó kuákja sin ijnko nti̱a sítie tsꞌenxín sin.
19A̱ndá ti nkexro sátsji ntiha la í tsokjanhña,
la ko í tsꞌitjahya ti nti̱a tjajon kjuachón ínaá.
20Méxra̱ ícha jína chrókꞌuájia ti nti̱a jína;
la ko chróchréhé nti̱e ti nkexro ndoá itjen.
21Kixin ti chojni chaxín jína tjejó, tjasinhña ijie̱
la náxrjón tsꞌejó sin ti chjasintajni;
la ko tsꞌejó sin itsjé nánó.
22A̱ndá ti chojni tjenka̱yáxin ti nkehe jínahña
la tsꞌaxrjexín sin chjasintajni
la ko ti chojni chꞌia la tsꞌitjáña sin.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.