Filemón 1
1
Pablo nixje̱he̱ chꞌin Filemón
1Janhan, Pablo, téchji̱naxián ti ixra̱ kuènté Cristo Jesús, la ko kíchóni Timoteo, ikjian ti xroon i kixin tsꞌayéhé jaha Filemón. Imá tjua̱ha kixin nkokón tjejóchꞌeni ti ixra̱ kuènté Díos. 2#Col. 4:17.*Kja̱xin chrókuihin kaín ti sin tinkáchónki Ìnchéni tónkotsé ndo̱a la ko ti tjan kíchóni Apia la ko Arquipo, mé ti nkexro tjechꞌe ixra̱ kuènté Díos éxi jeheni. 3Itꞌéni Díos la ko Ìnchéni Jesucristo chrókjuintañaora chꞌan kixin kjuaxróxin chrókꞌuejora kixin imá tjua̱hára chꞌan.
Pablo nixje̱he̱ Díos kixin tsjinki̱tsa chꞌin Filemón
4Nkochríxín tja̱ha Díos kjuasáya la xráxinka̱oan ti jaha ti ó nixja̱ha̱ Díos 5kixin ó kui̱ha̱n kixin imá tinkachónkia Ìnchéni Jesucristo la ko titekaoan ti jehe chꞌan la ko kaín ti sin tinkáchónki Díos. 6Tjáncháha̱ Díos kixin tsjinki̱tsa chꞌan kixin a̱ntsí tsinkachónkia chꞌan la ko jína tsiénxian kaín ti nkehe jína chóntani kjuajon Cristo Jesús. 7Imá chàna kixin nona kixin imá tjue̱hé ti sin kíchóni tinkáchónki Ìnchéni tjejó ntiha la ko kjui̱nchechehé a̱sén sin.
Pablo chrónoéhe̱ Filemón kixin tsi̱konoéhe̱ Onésimo
8Janhan kjueyá Jesucristo kixin si̱tꞌaha̱ chꞌan ixra̱; la chonta kjuachaxin tsétua̱nhan ti nkehe chrókjui̱chꞌe. 9Jehó xrja̱noáhá tsitekaoan kixin jaha tjue̱hé ti janhan. Janhan Pablo ó tádana la ko tjéchji̱naxián ti ixra̱ kuènté Jesucristo, 10#Col. 4:9.*Xrja̱nnoáha kixin tsjínki̱tsa chꞌin Onésimo. Jehe chꞌan tꞌíkua̱n éxi xja̱na kixin ó tinkáchónki chꞌan Jesucristo ti tjéchji̱nakian chꞌan ntihi.
11Ti ósé la chꞌin Onésimo kjuitꞌahya chꞌan ixra̱ jína. A̱ndá ijie nona kixin imá jína sitꞌaha chꞌan ixra̱ éxi tjechꞌe chꞌan ntihi. 12Ndá ijie tsétua̱nha̱n chꞌan tsjiji chꞌan ntiha ínaá. Chrótjue̱hé chꞌan éxi chrótjueéxian ti janhan. 13Janhan tjínka̱oan chrókuíto̱he chꞌan ntihi kixin chrókjuinki̱tsa chꞌan ti janhan ti ixra̱ chrókjui̱chꞌe jaha kixin tjéchji̱naxián ti itén Jesucristo, 14kjánchó tjínka̱konhña tsjáncháha tíha hasta jajia tsondáchrua. Jehya kixin chrókjuinki̱tsa ti jeheni kixin tétua̱han. Náhí. Tjínka̱oan kixin jaha chrókóxríhan chrókjuinki̱tsa ti janhan. 15Kjá chꞌin Onésimo kuito̱ha chꞌan iso ña̱o, a̱ndá ijie jaha tsochonta ti jehe chꞌan nkochríxín sichꞌe chꞌan ixra̱. 16Ijie la jehya éxi ijnko chojni chꞌexón ixra̱ chróchónta chꞌan. Náhí. Ijie la éxi ijnko nkexro ichꞌe ixra̱ jína, éxi ijnko kichua chrótjue̱hé chꞌan. Janhan la tjua̱ha̱ chꞌan, kjánchó jaha la a̱ntsí chrótjue̱hé chꞌan, jehya éxi nkojín chojni ó chrókꞌuikuan chꞌan. Náhí. Chrokꞌuikuan chꞌan éxi ijnko kichua tinkáchónki Ìnchéni.
17Méxra̱ ti chaxín tꞌíkuan ti janhan éxi kichua kixin nkokón tinkáchónkini Ìnchéni la chrókꞌuayehé chꞌan éxi chrókꞌuayehé ti janhan. 18A̱ndá ti ichrén nkehe kueé chꞌan o̱ síkáha chꞌan, la janhan tsjénka̱ha tíha. 19Janhan Pablo tjaná kji̱nxian ti xroon i, la janhan tsjénka̱ha tíha. Tjínka̱konhña chrókjui̱ntaxraxinkaoan ti kaín ti nkehe tjasikàna kixin ó tinkachónkia Díos. 20Méxra̱ kíchóni, tso̱tsénkaoan ichꞌe ti nkehe tjáncháha kixin chaxín tinkachónkia Ìnchéni. Ndá xi̱kaha a̱ntsí tso̱chéhe̱ a̱sená kixin chaxín tinkachónkia Cristo.
21Méxra̱ ikjian ti xroon i, chrꞌahán kixin ó nona kixin jaha la si̱nchexiteyá a̱ntsí ke ti nkehe tjáncháha. 22Kja̱xin tjáncháha kixin tjéyá ijnko nchia tsjakꞌé. Jahara la nixjehéra Díos kixin janhan tjécho̱ha̱n kixin Díos chrókjuajon kjuachaxin kixin chrókjuasántsjahára.
Kjuixixín nixja Pablo
23 #
Col. 1:7; 4:12. *Kja̱xin chꞌin Epafras tjéchji̱nakian ntihi kixin kja̱xin tinkáchónki chꞌan Cristo Jesús mé nixjahára chꞌan nkojína. 24#Hch. 12:12, 25; 13:13; 15:37-39; Col. 4:10; Hch. 19:29; 27:2; Col. 4:10; Col. 4:14; 2Ti. 4:10; Col. 4:14; 2Ti. 4:11.*Chꞌin Marcos, Aristarco, Demas la ko Lucas, mé nixja̱ha sin nkojína. Jehe sin mé tjinki̱tsa sin ti ixra̱ kuènté Ìnchéni.
25Tjáncháha̱ Ìnchéni Jesucristo kixin sintañaora kaínra. Mé xi̱kaha tso̱hen. Ó tjen.
Currently Selected:
Filemón 1: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Filemón 1
1
Pablo nixje̱he̱ chꞌin Filemón
1Janhan, Pablo, téchji̱naxián ti ixra̱ kuènté Cristo Jesús, la ko kíchóni Timoteo, ikjian ti xroon i kixin tsꞌayéhé jaha Filemón. Imá tjua̱ha kixin nkokón tjejóchꞌeni ti ixra̱ kuènté Díos. 2#Col. 4:17.*Kja̱xin chrókuihin kaín ti sin tinkáchónki Ìnchéni tónkotsé ndo̱a la ko ti tjan kíchóni Apia la ko Arquipo, mé ti nkexro tjechꞌe ixra̱ kuènté Díos éxi jeheni. 3Itꞌéni Díos la ko Ìnchéni Jesucristo chrókjuintañaora chꞌan kixin kjuaxróxin chrókꞌuejora kixin imá tjua̱hára chꞌan.
Pablo nixje̱he̱ Díos kixin tsjinki̱tsa chꞌin Filemón
4Nkochríxín tja̱ha Díos kjuasáya la xráxinka̱oan ti jaha ti ó nixja̱ha̱ Díos 5kixin ó kui̱ha̱n kixin imá tinkachónkia Ìnchéni Jesucristo la ko titekaoan ti jehe chꞌan la ko kaín ti sin tinkáchónki Díos. 6Tjáncháha̱ Díos kixin tsjinki̱tsa chꞌan kixin a̱ntsí tsinkachónkia chꞌan la ko jína tsiénxian kaín ti nkehe jína chóntani kjuajon Cristo Jesús. 7Imá chàna kixin nona kixin imá tjue̱hé ti sin kíchóni tinkáchónki Ìnchéni tjejó ntiha la ko kjui̱nchechehé a̱sén sin.
Pablo chrónoéhe̱ Filemón kixin tsi̱konoéhe̱ Onésimo
8Janhan kjueyá Jesucristo kixin si̱tꞌaha̱ chꞌan ixra̱; la chonta kjuachaxin tsétua̱nhan ti nkehe chrókjui̱chꞌe. 9Jehó xrja̱noáhá tsitekaoan kixin jaha tjue̱hé ti janhan. Janhan Pablo ó tádana la ko tjéchji̱naxián ti ixra̱ kuènté Jesucristo, 10#Col. 4:9.*Xrja̱nnoáha kixin tsjínki̱tsa chꞌin Onésimo. Jehe chꞌan tꞌíkua̱n éxi xja̱na kixin ó tinkáchónki chꞌan Jesucristo ti tjéchji̱nakian chꞌan ntihi.
11Ti ósé la chꞌin Onésimo kjuitꞌahya chꞌan ixra̱ jína. A̱ndá ijie nona kixin imá jína sitꞌaha chꞌan ixra̱ éxi tjechꞌe chꞌan ntihi. 12Ndá ijie tsétua̱nha̱n chꞌan tsjiji chꞌan ntiha ínaá. Chrótjue̱hé chꞌan éxi chrótjueéxian ti janhan. 13Janhan tjínka̱oan chrókuíto̱he chꞌan ntihi kixin chrókjuinki̱tsa chꞌan ti janhan ti ixra̱ chrókjui̱chꞌe jaha kixin tjéchji̱naxián ti itén Jesucristo, 14kjánchó tjínka̱konhña tsjáncháha tíha hasta jajia tsondáchrua. Jehya kixin chrókjuinki̱tsa ti jeheni kixin tétua̱han. Náhí. Tjínka̱oan kixin jaha chrókóxríhan chrókjuinki̱tsa ti janhan. 15Kjá chꞌin Onésimo kuito̱ha chꞌan iso ña̱o, a̱ndá ijie jaha tsochonta ti jehe chꞌan nkochríxín sichꞌe chꞌan ixra̱. 16Ijie la jehya éxi ijnko chojni chꞌexón ixra̱ chróchónta chꞌan. Náhí. Ijie la éxi ijnko nkexro ichꞌe ixra̱ jína, éxi ijnko kichua chrótjue̱hé chꞌan. Janhan la tjua̱ha̱ chꞌan, kjánchó jaha la a̱ntsí chrótjue̱hé chꞌan, jehya éxi nkojín chojni ó chrókꞌuikuan chꞌan. Náhí. Chrokꞌuikuan chꞌan éxi ijnko kichua tinkáchónki Ìnchéni.
17Méxra̱ ti chaxín tꞌíkuan ti janhan éxi kichua kixin nkokón tinkáchónkini Ìnchéni la chrókꞌuayehé chꞌan éxi chrókꞌuayehé ti janhan. 18A̱ndá ti ichrén nkehe kueé chꞌan o̱ síkáha chꞌan, la janhan tsjénka̱ha tíha. 19Janhan Pablo tjaná kji̱nxian ti xroon i, la janhan tsjénka̱ha tíha. Tjínka̱konhña chrókjui̱ntaxraxinkaoan ti kaín ti nkehe tjasikàna kixin ó tinkachónkia Díos. 20Méxra̱ kíchóni, tso̱tsénkaoan ichꞌe ti nkehe tjáncháha kixin chaxín tinkachónkia Ìnchéni. Ndá xi̱kaha a̱ntsí tso̱chéhe̱ a̱sená kixin chaxín tinkachónkia Cristo.
21Méxra̱ ikjian ti xroon i, chrꞌahán kixin ó nona kixin jaha la si̱nchexiteyá a̱ntsí ke ti nkehe tjáncháha. 22Kja̱xin tjáncháha kixin tjéyá ijnko nchia tsjakꞌé. Jahara la nixjehéra Díos kixin janhan tjécho̱ha̱n kixin Díos chrókjuajon kjuachaxin kixin chrókjuasántsjahára.
Kjuixixín nixja Pablo
23 #
Col. 1:7; 4:12. *Kja̱xin chꞌin Epafras tjéchji̱nakian ntihi kixin kja̱xin tinkáchónki chꞌan Cristo Jesús mé nixjahára chꞌan nkojína. 24#Hch. 12:12, 25; 13:13; 15:37-39; Col. 4:10; Hch. 19:29; 27:2; Col. 4:10; Col. 4:14; 2Ti. 4:10; Col. 4:14; 2Ti. 4:11.*Chꞌin Marcos, Aristarco, Demas la ko Lucas, mé nixja̱ha sin nkojína. Jehe sin mé tjinki̱tsa sin ti ixra̱ kuènté Ìnchéni.
25Tjáncháha̱ Ìnchéni Jesucristo kixin sintañaora kaínra. Mé xi̱kaha tso̱hen. Ó tjen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.