Santiago 3
3
Ti nkehe nixja chojni
1Kíchóni, ícha jína chrókꞌuixinhña itsjé chojni chrókjuako kixin ti nduáhya chrókjuako sin la a̱ntsí tsjasóte sin. 2Kaíni chóntani ijie̱, a̱ndá ti nkojín nkexro nixjahya ninkehó nkehe nduáhya, la ijnko chojni jína tíha, la ó tsjacha tsꞌe̱tue̱hen kuenté ti cuerpoé. 3Éxi ti koka̱te̱ chónta chika freno ti irꞌua va kixin tsitekaon va, la xi̱kaha tsjachani tsꞌe̱tue̱nheni kuenté ti cuerpoé va.
4Chrotsjehéra ti ntabarco, kjónté imá ijié la ko tji̱a̱n chjéhe xri̱nto̱, la ti nkexro tjiko, la kjónté ijnko inta intsí éxi jnko volante ó chonta, la tjacha tjendoáxin ti ntabarco kixin ndoá sátsji. 5Mé xi̱kaha ti ñejeni. Kjónté ijnko nkehe imá intsí kuènté ti cuerpo, kjánchó nchónhña nkehe jínahña tsjacha tsondáchro. Éxi ijnko xrohi intsí la tsjacha tsochejinxín kuenté ijna̱, 6mé xi̱kaha ti ñejeni la éxi ijnko xrohi, kixin nchónhña nkehe nduáhya tꞌaxrjexín, la ncheníexín a̱sén chojni, la tjacha tjasixíni ijie̱. Mé xi̱kaha ti nkehe nduáhya tꞌaxrjexín irꞌua chojni la tsjacha sinchekꞌitjáñaxín kaín ti nkehe jína, kixin chónta kjuachaxin kuènté ti Jínahña la ko ti siín xrohi nunca tsꞌankahya. 7Mé xi̱kaha ti chojni la tsjacha sinchesáncho kaín iko jie̱he siín nte̱je̱, ti iko xritjaká, ti konche, la ko ti iko sínkankí nda̱ñao. 8Kjánchó ti ñejeni la kohya ninkexró tsjacha tsꞌe̱tue̱hen. Tíha mé ijnko nkehe jínahña la xitjahya tsítuehen kixin chónta nchónhña ichin tsꞌenxín chojni. 9#Gn. 1:26.*Ti ñejeni mé tjikosayéxini Itꞌéni Díos la kja̱xin tꞌándaxíe̱nxini chojni tsíkjichꞌéna Díos éxi tsjehe chꞌan. 10Kja̱xin ti ñejeni la chjéxini kjuasáya Díos, la kja̱xin tíha tꞌándaxíe̱nxini kíchóni. Méxra̱, kíchóni, xi̱kahña chrókóhen. 11Kixin nkoko̱a tòye̱ la xitjahya tsꞌaxrje ìnta̱ ixé la ko ìnta̱ itsjá. 12Méxra̱ kíchóni, ¿á jína kixin ti inta to higo la chrókꞌóna to aceituna o̱ ti inta to uva chrókꞌóna to higo ní? O̱, ¿á jína kixin ijnko tòye̱ tꞌaxrje ìnta̱ ixé, la chrókꞌuaxrje ìnta̱ xíjnta ní? Kjá náhí.
Ti kjuaxrexinkaon jína
13A̱ndá ti itjen nkojín nkexro ti tjejora nohe jína la ko tienxín, la chrókjua̱ko̱xi̱n nkojína la kanhñó chrókjuinchenke kixin chrókjua̱ko̱xi̱n kixin jína nohe. 14A̱ndá ti nkojinra chonta kjuachji̱no̱xíhin a̱sánra, la tjinkáonra jahóra chrókuéto̱anra, la chrókjui̱nchenkexínhñara ti nkehe nohara, kixin tíha la kjuachꞌia la noahñara ti nkehe chaxín. 15Ti xi̱kaha tjénka̱yáxinra, la chontahyara ti kjuaxrexinkaon ti̱xi̱n ti itjen Díos; tíha mé kjuaxrexinkaon kuènté chojni chjasintajni ó la ko kuènté ti Jínahña. 16A̱ndá ti xi̱kaha siín kjuachji̱no̱xíhin la ko tjinkaon chojni jehó chrókꞌue̱to̱an, la xitjahya tso̱hen ixra̱ jína kixin siín nkehe tꞌinkákonhe̱n. 17A̱ndá ti siín kjuaxrexinkaon jína ti̱xi̱n ti itjen Díos, la jína tjejó sin, kjuaxróxin tjejó sin, la nkojína nixje̱he̱ kícho sin, ti̱konoéhe̱ kícho sin, ichꞌe sin ti ixra̱ jína la ko chaxín ndoá nixja sin. 18Ti nkexro tóxakohen tjeyá ti kjuaxróxin, la mé éxi ijnko nkexro tꞌe̱nka̱ ti kjuaxróxin, la xi̱kaha tsotjá ti nkehe jína.
Currently Selected:
Santiago 3: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Santiago 3
3
Ti nkehe nixja chojni
1Kíchóni, ícha jína chrókꞌuixinhña itsjé chojni chrókjuako kixin ti nduáhya chrókjuako sin la a̱ntsí tsjasóte sin. 2Kaíni chóntani ijie̱, a̱ndá ti nkojín nkexro nixjahya ninkehó nkehe nduáhya, la ijnko chojni jína tíha, la ó tsjacha tsꞌe̱tue̱hen kuenté ti cuerpoé. 3Éxi ti koka̱te̱ chónta chika freno ti irꞌua va kixin tsitekaon va, la xi̱kaha tsjachani tsꞌe̱tue̱nheni kuenté ti cuerpoé va.
4Chrotsjehéra ti ntabarco, kjónté imá ijié la ko tji̱a̱n chjéhe xri̱nto̱, la ti nkexro tjiko, la kjónté ijnko inta intsí éxi jnko volante ó chonta, la tjacha tjendoáxin ti ntabarco kixin ndoá sátsji. 5Mé xi̱kaha ti ñejeni. Kjónté ijnko nkehe imá intsí kuènté ti cuerpo, kjánchó nchónhña nkehe jínahña tsjacha tsondáchro. Éxi ijnko xrohi intsí la tsjacha tsochejinxín kuenté ijna̱, 6mé xi̱kaha ti ñejeni la éxi ijnko xrohi, kixin nchónhña nkehe nduáhya tꞌaxrjexín, la ncheníexín a̱sén chojni, la tjacha tjasixíni ijie̱. Mé xi̱kaha ti nkehe nduáhya tꞌaxrjexín irꞌua chojni la tsjacha sinchekꞌitjáñaxín kaín ti nkehe jína, kixin chónta kjuachaxin kuènté ti Jínahña la ko ti siín xrohi nunca tsꞌankahya. 7Mé xi̱kaha ti chojni la tsjacha sinchesáncho kaín iko jie̱he siín nte̱je̱, ti iko xritjaká, ti konche, la ko ti iko sínkankí nda̱ñao. 8Kjánchó ti ñejeni la kohya ninkexró tsjacha tsꞌe̱tue̱hen. Tíha mé ijnko nkehe jínahña la xitjahya tsítuehen kixin chónta nchónhña ichin tsꞌenxín chojni. 9#Gn. 1:26.*Ti ñejeni mé tjikosayéxini Itꞌéni Díos la kja̱xin tꞌándaxíe̱nxini chojni tsíkjichꞌéna Díos éxi tsjehe chꞌan. 10Kja̱xin ti ñejeni la chjéxini kjuasáya Díos, la kja̱xin tíha tꞌándaxíe̱nxini kíchóni. Méxra̱, kíchóni, xi̱kahña chrókóhen. 11Kixin nkoko̱a tòye̱ la xitjahya tsꞌaxrje ìnta̱ ixé la ko ìnta̱ itsjá. 12Méxra̱ kíchóni, ¿á jína kixin ti inta to higo la chrókꞌóna to aceituna o̱ ti inta to uva chrókꞌóna to higo ní? O̱, ¿á jína kixin ijnko tòye̱ tꞌaxrje ìnta̱ ixé, la chrókꞌuaxrje ìnta̱ xíjnta ní? Kjá náhí.
Ti kjuaxrexinkaon jína
13A̱ndá ti itjen nkojín nkexro ti tjejora nohe jína la ko tienxín, la chrókjua̱ko̱xi̱n nkojína la kanhñó chrókjuinchenke kixin chrókjua̱ko̱xi̱n kixin jína nohe. 14A̱ndá ti nkojinra chonta kjuachji̱no̱xíhin a̱sánra, la tjinkáonra jahóra chrókuéto̱anra, la chrókjui̱nchenkexínhñara ti nkehe nohara, kixin tíha la kjuachꞌia la noahñara ti nkehe chaxín. 15Ti xi̱kaha tjénka̱yáxinra, la chontahyara ti kjuaxrexinkaon ti̱xi̱n ti itjen Díos; tíha mé kjuaxrexinkaon kuènté chojni chjasintajni ó la ko kuènté ti Jínahña. 16A̱ndá ti xi̱kaha siín kjuachji̱no̱xíhin la ko tjinkaon chojni jehó chrókꞌue̱to̱an, la xitjahya tso̱hen ixra̱ jína kixin siín nkehe tꞌinkákonhe̱n. 17A̱ndá ti siín kjuaxrexinkaon jína ti̱xi̱n ti itjen Díos, la jína tjejó sin, kjuaxróxin tjejó sin, la nkojína nixje̱he̱ kícho sin, ti̱konoéhe̱ kícho sin, ichꞌe sin ti ixra̱ jína la ko chaxín ndoá nixja sin. 18Ti nkexro tóxakohen tjeyá ti kjuaxróxin, la mé éxi ijnko nkexro tꞌe̱nka̱ ti kjuaxróxin, la xi̱kaha tsotjá ti nkehe jína.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.