Hebreos 6
6
1Mé xi̱kaha chrókjueyáni kixin jína chrókjuénka̱yáxini éxi chojni nohe. Ijie la í ticháxi̱nhña chróchronkani ti nkehe kanhñó ixra̱ tsíxrako̱hara ti xránkíxixín tinkachónkira Cristo. Náhí. Ticháxi̱nhña na̱xa̱ chrókjuákohara kixin chrókui̱to̱héra ti ijie̱ kꞌuékjásinra chrókꞌuénxinra, la nkexrín chrókuinkachónkira Díos, 2la ko nkexrín chrókuikite chojni, nkexrín tsꞌejótja itjára ikja ti sin tinkáchónki Cristo, la nkexrín tsoxechón ti chojni tsíkꞌen, la ko nkexrín ti tsito̱exín iji̱é chojni ti ña̱o tsjixixín. 3Méxra̱ ti tsjajon Díos kjuachaxin, la tsjakoni íso nkehe.
4A̱ndá ti sin ó kꞌuinkaséñexín ti itén Díos la ó chóxin sin ti nkehe kjuajon Díos, la tsíkꞌayéhe̱ sin ti Ncha̱kuén Díos, 5la kóxríhi̱n sin ti itan jína kuènté Díos, la ko ti kjuachaxin tsochónta sin ti ó itsi ti chjasintajni ni̱xin, 6a̱ndá ti chrókuíto̱he sin í chrókuinkáchónkihya sin Díos, la xitjahya tsokjan sin, kixin ti xi̱kaha la éxi chrókjua̱kꞌe̱nka̱ni sin ntacruz ti Xje̱en Díos ínaá la kjuanoá sin Ìnchéni ti siín itsjé chojni. 7Mé éxi ijnko nonte tsꞌinka la ti ó tsꞌaniá ichrin la tsꞌóna jína ndá tso̱chéhe̱ ti sin kjuíchꞌe ixra̱ kixin tsꞌáyéhe̱ sin ti nkehe kꞌóna kixin Díos kjuíncheñao tíha. 8#Gn. 3:17, 18.*A̱ndá ti tsíkañá kachꞌi̱ la ninkehó sínkíhya, la tso̱nínkakohen Díos, la tsjaka chꞌan.
Ti nkehe tjejóchóheni mé tjinki̱tsa ndoá tsꞌejóni
9Kjónté xi̱kaha nixjani, kíchóni, la ó noheni kixin chaxín jína tinkachónkira Ìnchéni la ko kꞌuitjára ti nti̱a tsaáxini. 10Kixin Díos la imá jína, la tsꞌitjáñehña chꞌan ti ixra̱ jína tjejochꞌera la ko ti tjue̱héra ti sin kichuara tinkáchónki Cristo la ko na̱xa̱ xi̱kaha tjínki̱tsara ti jehe sin. 11Tjinkaoni kixin nkojnkora chrókjuáko̱xinra kixin chontara kjuachéhe̱ na̱xa̱ tsjínki̱tsara kichuara hasta ti ña̱o tsjixixín, kixin ndá chaxín tsꞌayéhéra ti nkehe tjejochohénra. 12Tjinkakonhñani kixin chrókósáhara. Náhí. Tjinkaoni kixin chrókjuáko̱xinra éxi ti sin chaxín tinkáchónki Ìnchéni tjejóchóhen sin tsꞌáyéhe̱ sin ti nkehe tsíndáchro Díos kixin tsjajon chꞌan.
13Ti ó tsíndáchro chꞌan kixin tsjajon chꞌan nkehe tsꞌáyéhe̱ Abraham, la jehó Díos kꞌuákjenxi̱n a̱sén, kixin kohya nijnko chojni a̱ntsí tjetoan chrókꞌuákjenxi̱n chꞌan. 14#Gn. 22:16, 17.*La ndáchro Díos: “Si̱ntañaoan ti jaha la si̱ntatsjé ti chojni tsꞌaxrjeníxin ti jaha.” 15Ndá Abraham kjuákꞌechóhen isé, la kꞌuáyéhe̱ ti nkehe tsíndáchro Díos. 16Méxra̱ ti ó nchenohe chojni ijnko nkexro kixin chaxín tsoxiteyá nkehe la nchenohe sin ijnko nkexro a̱ntsí tjetoan ke ti jehe sin, la xi̱kaha í xrokjuahya tsondáchro chojni kixin chaxínhña. 17Méxra̱ Díos tsíndáchro kixin chaxín tsoxiteyá ti nkehe tsíndáche chꞌan a̱sén chꞌan kixin í tsjinkíhya chꞌan ti nkehe tsíndáchro chꞌan. 18Mé xi̱kaha siín yaá nkehe xitjahya tsꞌixitoxi̱n, kixin Díos la xrokjuahya sichꞌia la chaxín tsoxiteyá ti nkehe tsíndáchro chꞌan, kixin chaxín tsꞌáyéhe̱ni ti nkehe tjejóchóheni. 19#Lv. 16:2.*Mé xi̱kaha ti nkehe tjejóchóheni la tjinki̱tsa kixin chaxín tsinkáchónkini Díos éxi ijnko chika ancla tjechruéxin ti ntabarco kixin sátsjihya. Mé xi̱kaha ti nkehe tjechóheni la itjen nóton ti ika itjen ti ni̱nko nkaya nka̱jní, 20#Sal. 110:4.*kixin Jesús kꞌuíxehen ntiha senó, la kuakitje̱he̱ ijnko nti̱a tsꞌixenxíni. La kꞌóna chꞌan ti ncha̱tꞌá tꞌe̱to̱an nkochríxín éxi kjuákꞌe ti ncha̱tꞌá Melquisedec.
Currently Selected:
Hebreos 6: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Hebreos 6
6
1Mé xi̱kaha chrókjueyáni kixin jína chrókjuénka̱yáxini éxi chojni nohe. Ijie la í ticháxi̱nhña chróchronkani ti nkehe kanhñó ixra̱ tsíxrako̱hara ti xránkíxixín tinkachónkira Cristo. Náhí. Ticháxi̱nhña na̱xa̱ chrókjuákohara kixin chrókui̱to̱héra ti ijie̱ kꞌuékjásinra chrókꞌuénxinra, la nkexrín chrókuinkachónkira Díos, 2la ko nkexrín chrókuikite chojni, nkexrín tsꞌejótja itjára ikja ti sin tinkáchónki Cristo, la nkexrín tsoxechón ti chojni tsíkꞌen, la ko nkexrín ti tsito̱exín iji̱é chojni ti ña̱o tsjixixín. 3Méxra̱ ti tsjajon Díos kjuachaxin, la tsjakoni íso nkehe.
4A̱ndá ti sin ó kꞌuinkaséñexín ti itén Díos la ó chóxin sin ti nkehe kjuajon Díos, la tsíkꞌayéhe̱ sin ti Ncha̱kuén Díos, 5la kóxríhi̱n sin ti itan jína kuènté Díos, la ko ti kjuachaxin tsochónta sin ti ó itsi ti chjasintajni ni̱xin, 6a̱ndá ti chrókuíto̱he sin í chrókuinkáchónkihya sin Díos, la xitjahya tsokjan sin, kixin ti xi̱kaha la éxi chrókjua̱kꞌe̱nka̱ni sin ntacruz ti Xje̱en Díos ínaá la kjuanoá sin Ìnchéni ti siín itsjé chojni. 7Mé éxi ijnko nonte tsꞌinka la ti ó tsꞌaniá ichrin la tsꞌóna jína ndá tso̱chéhe̱ ti sin kjuíchꞌe ixra̱ kixin tsꞌáyéhe̱ sin ti nkehe kꞌóna kixin Díos kjuíncheñao tíha. 8#Gn. 3:17, 18.*A̱ndá ti tsíkañá kachꞌi̱ la ninkehó sínkíhya, la tso̱nínkakohen Díos, la tsjaka chꞌan.
Ti nkehe tjejóchóheni mé tjinki̱tsa ndoá tsꞌejóni
9Kjónté xi̱kaha nixjani, kíchóni, la ó noheni kixin chaxín jína tinkachónkira Ìnchéni la ko kꞌuitjára ti nti̱a tsaáxini. 10Kixin Díos la imá jína, la tsꞌitjáñehña chꞌan ti ixra̱ jína tjejochꞌera la ko ti tjue̱héra ti sin kichuara tinkáchónki Cristo la ko na̱xa̱ xi̱kaha tjínki̱tsara ti jehe sin. 11Tjinkaoni kixin nkojnkora chrókjuáko̱xinra kixin chontara kjuachéhe̱ na̱xa̱ tsjínki̱tsara kichuara hasta ti ña̱o tsjixixín, kixin ndá chaxín tsꞌayéhéra ti nkehe tjejochohénra. 12Tjinkakonhñani kixin chrókósáhara. Náhí. Tjinkaoni kixin chrókjuáko̱xinra éxi ti sin chaxín tinkáchónki Ìnchéni tjejóchóhen sin tsꞌáyéhe̱ sin ti nkehe tsíndáchro Díos kixin tsjajon chꞌan.
13Ti ó tsíndáchro chꞌan kixin tsjajon chꞌan nkehe tsꞌáyéhe̱ Abraham, la jehó Díos kꞌuákjenxi̱n a̱sén, kixin kohya nijnko chojni a̱ntsí tjetoan chrókꞌuákjenxi̱n chꞌan. 14#Gn. 22:16, 17.*La ndáchro Díos: “Si̱ntañaoan ti jaha la si̱ntatsjé ti chojni tsꞌaxrjeníxin ti jaha.” 15Ndá Abraham kjuákꞌechóhen isé, la kꞌuáyéhe̱ ti nkehe tsíndáchro Díos. 16Méxra̱ ti ó nchenohe chojni ijnko nkexro kixin chaxín tsoxiteyá nkehe la nchenohe sin ijnko nkexro a̱ntsí tjetoan ke ti jehe sin, la xi̱kaha í xrokjuahya tsondáchro chojni kixin chaxínhña. 17Méxra̱ Díos tsíndáchro kixin chaxín tsoxiteyá ti nkehe tsíndáche chꞌan a̱sén chꞌan kixin í tsjinkíhya chꞌan ti nkehe tsíndáchro chꞌan. 18Mé xi̱kaha siín yaá nkehe xitjahya tsꞌixitoxi̱n, kixin Díos la xrokjuahya sichꞌia la chaxín tsoxiteyá ti nkehe tsíndáchro chꞌan, kixin chaxín tsꞌáyéhe̱ni ti nkehe tjejóchóheni. 19#Lv. 16:2.*Mé xi̱kaha ti nkehe tjejóchóheni la tjinki̱tsa kixin chaxín tsinkáchónkini Díos éxi ijnko chika ancla tjechruéxin ti ntabarco kixin sátsjihya. Mé xi̱kaha ti nkehe tjechóheni la itjen nóton ti ika itjen ti ni̱nko nkaya nka̱jní, 20#Sal. 110:4.*kixin Jesús kꞌuíxehen ntiha senó, la kuakitje̱he̱ ijnko nti̱a tsꞌixenxíni. La kꞌóna chꞌan ti ncha̱tꞌá tꞌe̱to̱an nkochríxín éxi kjuákꞌe ti ncha̱tꞌá Melquisedec.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.