Hebreos 13
13
Nkexrín chrókꞌuejó ti sin tinkáchónki Díos
1Méxra̱ chrókui̱to̱éhyara chrótjue̱héra kichuara. 2#Gn. 18:1-8; 19:1-3.*La chrókꞌuitjáñahñara chrókjuájonra kjuachaxin chrókuíto̱he ndo̱ara ti chojni tsíkji̱xi̱n ikjín. Mé xi̱kaha itsjé chojni kjuajon kjuachaxin, la kjónté noehña sin la ijnko ángel tsíkito̱he ti ndo̱e sin.
3Kja̱xin chróxraxinkáonra ti sin tjejóchjina éxi kja̱xinra tjejochji̱nara xi̱kaha chrókóhen a̱sánra. Xráxinkaonra ti sin tsíkꞌekon éxi kja̱xinra tsíkꞌekonra xi̱kaha.
4Méxra̱ kaínra tsíkóta̱hara la chrókjuíkosáyehéra kichuara la chrókuitekákohénra kichuara. Chrotjue̱héra kichuara la ko tjóá chrókꞌuejora. A̱ndá ti nkojín ti chojni ó tsíkóte̱he tjinkaon tsjasiko ijie ókjé chojni la Díos sinchekjasóte chꞌan ti sin xi̱kaha ichꞌe.
5 #
Dt. 31:6, 8; Jos. 1:5. *Méxra̱ chrókóxríanhñara chróchontara itsjé chichaon la chrókócháhara kjónté kanhñó itsjé chontara; kixin Díos la tsíndáchro: “Janhan la tsi̱to̱a̱hya ti jahara la ko tsꞌitjáñanahña ti jahara.” 6#Sal. 118:6.*Mé xi̱kaha jína tsondáchroni:
Ìnchéni mé tjinki̱tsa ti jeheni,
méxra̱ chrakonhani kjónté nkojín chojni tjenka̱yáxin ichrén nkehe jínahña sichꞌehe ti jeheni.
7Chroxraxinkáonra ti sin kjuínki̱tsa ti jahara kjua̱ko̱hara sin ti itén Díos; chrókjuénka̱yáxinra nkexrín kꞌuejó sin ndá chrókuitekáonra, chrókuinkachónkira Díos éxi jehe sin.
8Ìnchéni Jesucristo mé ijna la ko ijie la ko nkochríxín tꞌixikíhya chꞌan; jehe chꞌan mé nkochríxín itjen chꞌan. 9Chrokjuájonhñara kjuachaxin chrókjua̱ko̱hara nkojín chojni ijnko nkehe ókjé chrókuinkachónkira. Ícha jína chrókófuerte ti a̱sánra kixin Díos tjua̱hára la jehya imá tjetoan chrókjui̱nchexiteyéhéra ti chojni tꞌe̱to̱an ti nkehe sintera kixin tíhi tsjachahya tsjinki̱tsa a̱sén chojni.
10A̱ndá jeheni chóntani Cristo kjuasóteyákohe̱n ti jeheni, la ti sin ncha̱tꞌá la chontahya sin kjuachaxin tsochréhe̱ sin ti na̱xa̱ titekaon sin ti nkehe ndaxin. 11#Lv. 16:27.*Méxra̱ ti ncha̱tꞌá judío a̱ntsí tꞌe̱to̱an kjuiko sin ti ijni̱é iko nkaxehen ti cuarto a̱ntsí Tjóá kixin ti ijni̱ la chrókjua̱tse̱n ti iji̱é sin. A̱ndá ti iko itsꞌen mé kjuakaxin sin ndója ti kꞌuejó sin. 12Mé xi̱kaha kja̱xin Ìnchéni Jesús kjuasóte kꞌuénxin chꞌan ikon ti chjasin Jerusalén kixin ti ijni̱é chꞌan mé tso̱tjuáxin kaín iji̱é chojni. 13Méxra̱ tsjichréhe̱ni Ìnchéni Jesús ndója ti chjasin, la tsjasóteni éxi kóhen chꞌan ti kjuasóte chꞌan. 14Kixin ntihi chjasintajni chóntahyani ijnko chjasin chrókjuakꞌe nkochríxín; náhí, jeheni mé xritjeyáni ti chjasin itsi chrꞌéxi̱n. 15Méxra̱ xi̱kaha chrókjuikosáyeheni Díos kixin Jesucristo kjuasótexín chꞌan kixin ti jeheni. Ti nkehe chrókjuajoni chrókꞌuáyéhe̱ chꞌan la mé ti kjuasáya tsꞌaxrjexín irꞌuani kixin tinkáchónkini ti jehe chꞌan. 16Chrokꞌuitjáñahñara chrókjui̱chꞌera ixra̱ jína la ko chrókjuínki̱tsara kichuara. Ti xi̱kaha chrókuitekáonra mé xi̱kaha tóxríhi̱n Díos.
17Chrokuitekákohénra ti sin tjako la chrókjui̱nchexiteyéhéra sin. Jehe sin tjinki̱tsa sin ti jahara kixin jína chrókꞌuejora kixin jehe sin la ó nohe sin kixin ticháxi̱n tsochenka sin Díos ti ixra̱ kjuíchꞌe sin. Jahara tsjínki̱tsara ti jehe sin kixin tso̱chéhe̱ sin sichꞌe sin ti ixra̱ la chrókónínkakonhña sin. A̱ndá ti chrókjui̱nchekꞌavára sin, ndá ninkehó tsjachahya sin tsjinki̱tsa sin ti jahara.
18Chronixjehéra Díos kixin ti jeheni kixin ó noheni kixin chaxín Díos nohe kixin ndoá tjejóni la ko tjinkaoni ndoá sichꞌeni ixra̱. 19Xrja̱noáhára kixin chrónixjehéra Díos kixin chrókjuajon chꞌan kjuachaxin kixin tjoka chrókjan janhan chrókꞌuejóni ínaá.
Kjuixixín nixja ti xroon
20Ti Díos tjajon kjuaxróxin, ti nkexro kjuínchexechón Ìnchéni Jesucristo, mé ti Pastor tjetoan tꞌayakohen ti kolélo, la kjuajon chꞌan ti ijni̱é chꞌan kixin tsoxiteyáxin ti kjuachaxin ni̱xin sichꞌe ixra̱ nkochríxín, 21jehe chꞌan mé tsjinki̱tsa chꞌan ti jahara kixin jína chrókꞌuejora la ko kaín ixra̱ jína chrókjui̱chꞌera éxi tjinkaon chꞌan; la ko Ìnchéni Jesucristo tjinki̱tsa kixin kaíni sichꞌeni ti ixra̱ tjinkaon chꞌan. Mé xi̱kaha tsochjéheni Cristo kjuasáya nkochríxín. Mé xi̱kaha tso̱hen.
22Jahara kíchóni, xrja̱noáhára kixin tónínkákonhñara kixin ti itan xrja̱nká nta̱xráxinkaonra. Ikjian ti xroon i kjónté kanhñó itsjé nixja, tsꞌayéhéra. 23Chrokónohara kixin ti kíchóni Timoteo la í tjechjinahña chꞌan ijie. Méxra̱ ti tjaka itsji chꞌan la tsjasánkian chꞌan ti chjasánra ti ó tsjasántsjahára.
24Nixjehéra kaín ti sin tꞌe̱to̱an kuènté ni̱nko la ko kaín ti sin kíchóni tinkáchónki Díos. Ti sin tinkáchónki Ìnchéni tjejó Italia mé nixjahára sin.
25Díos mé sintañaora kaínra. Ó tjen. Mé xi̱kaha tso̱hen.
Currently Selected:
Hebreos 13: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Hebreos 13
13
Nkexrín chrókꞌuejó ti sin tinkáchónki Díos
1Méxra̱ chrókui̱to̱éhyara chrótjue̱héra kichuara. 2#Gn. 18:1-8; 19:1-3.*La chrókꞌuitjáñahñara chrókjuájonra kjuachaxin chrókuíto̱he ndo̱ara ti chojni tsíkji̱xi̱n ikjín. Mé xi̱kaha itsjé chojni kjuajon kjuachaxin, la kjónté noehña sin la ijnko ángel tsíkito̱he ti ndo̱e sin.
3Kja̱xin chróxraxinkáonra ti sin tjejóchjina éxi kja̱xinra tjejochji̱nara xi̱kaha chrókóhen a̱sánra. Xráxinkaonra ti sin tsíkꞌekon éxi kja̱xinra tsíkꞌekonra xi̱kaha.
4Méxra̱ kaínra tsíkóta̱hara la chrókjuíkosáyehéra kichuara la chrókuitekákohénra kichuara. Chrotjue̱héra kichuara la ko tjóá chrókꞌuejora. A̱ndá ti nkojín ti chojni ó tsíkóte̱he tjinkaon tsjasiko ijie ókjé chojni la Díos sinchekjasóte chꞌan ti sin xi̱kaha ichꞌe.
5 #
Dt. 31:6, 8; Jos. 1:5. *Méxra̱ chrókóxríanhñara chróchontara itsjé chichaon la chrókócháhara kjónté kanhñó itsjé chontara; kixin Díos la tsíndáchro: “Janhan la tsi̱to̱a̱hya ti jahara la ko tsꞌitjáñanahña ti jahara.” 6#Sal. 118:6.*Mé xi̱kaha jína tsondáchroni:
Ìnchéni mé tjinki̱tsa ti jeheni,
méxra̱ chrakonhani kjónté nkojín chojni tjenka̱yáxin ichrén nkehe jínahña sichꞌehe ti jeheni.
7Chroxraxinkáonra ti sin kjuínki̱tsa ti jahara kjua̱ko̱hara sin ti itén Díos; chrókjuénka̱yáxinra nkexrín kꞌuejó sin ndá chrókuitekáonra, chrókuinkachónkira Díos éxi jehe sin.
8Ìnchéni Jesucristo mé ijna la ko ijie la ko nkochríxín tꞌixikíhya chꞌan; jehe chꞌan mé nkochríxín itjen chꞌan. 9Chrokjuájonhñara kjuachaxin chrókjua̱ko̱hara nkojín chojni ijnko nkehe ókjé chrókuinkachónkira. Ícha jína chrókófuerte ti a̱sánra kixin Díos tjua̱hára la jehya imá tjetoan chrókjui̱nchexiteyéhéra ti chojni tꞌe̱to̱an ti nkehe sintera kixin tíhi tsjachahya tsjinki̱tsa a̱sén chojni.
10A̱ndá jeheni chóntani Cristo kjuasóteyákohe̱n ti jeheni, la ti sin ncha̱tꞌá la chontahya sin kjuachaxin tsochréhe̱ sin ti na̱xa̱ titekaon sin ti nkehe ndaxin. 11#Lv. 16:27.*Méxra̱ ti ncha̱tꞌá judío a̱ntsí tꞌe̱to̱an kjuiko sin ti ijni̱é iko nkaxehen ti cuarto a̱ntsí Tjóá kixin ti ijni̱ la chrókjua̱tse̱n ti iji̱é sin. A̱ndá ti iko itsꞌen mé kjuakaxin sin ndója ti kꞌuejó sin. 12Mé xi̱kaha kja̱xin Ìnchéni Jesús kjuasóte kꞌuénxin chꞌan ikon ti chjasin Jerusalén kixin ti ijni̱é chꞌan mé tso̱tjuáxin kaín iji̱é chojni. 13Méxra̱ tsjichréhe̱ni Ìnchéni Jesús ndója ti chjasin, la tsjasóteni éxi kóhen chꞌan ti kjuasóte chꞌan. 14Kixin ntihi chjasintajni chóntahyani ijnko chjasin chrókjuakꞌe nkochríxín; náhí, jeheni mé xritjeyáni ti chjasin itsi chrꞌéxi̱n. 15Méxra̱ xi̱kaha chrókjuikosáyeheni Díos kixin Jesucristo kjuasótexín chꞌan kixin ti jeheni. Ti nkehe chrókjuajoni chrókꞌuáyéhe̱ chꞌan la mé ti kjuasáya tsꞌaxrjexín irꞌuani kixin tinkáchónkini ti jehe chꞌan. 16Chrokꞌuitjáñahñara chrókjui̱chꞌera ixra̱ jína la ko chrókjuínki̱tsara kichuara. Ti xi̱kaha chrókuitekáonra mé xi̱kaha tóxríhi̱n Díos.
17Chrokuitekákohénra ti sin tjako la chrókjui̱nchexiteyéhéra sin. Jehe sin tjinki̱tsa sin ti jahara kixin jína chrókꞌuejora kixin jehe sin la ó nohe sin kixin ticháxi̱n tsochenka sin Díos ti ixra̱ kjuíchꞌe sin. Jahara tsjínki̱tsara ti jehe sin kixin tso̱chéhe̱ sin sichꞌe sin ti ixra̱ la chrókónínkakonhña sin. A̱ndá ti chrókjui̱nchekꞌavára sin, ndá ninkehó tsjachahya sin tsjinki̱tsa sin ti jahara.
18Chronixjehéra Díos kixin ti jeheni kixin ó noheni kixin chaxín Díos nohe kixin ndoá tjejóni la ko tjinkaoni ndoá sichꞌeni ixra̱. 19Xrja̱noáhára kixin chrónixjehéra Díos kixin chrókjuajon chꞌan kjuachaxin kixin tjoka chrókjan janhan chrókꞌuejóni ínaá.
Kjuixixín nixja ti xroon
20Ti Díos tjajon kjuaxróxin, ti nkexro kjuínchexechón Ìnchéni Jesucristo, mé ti Pastor tjetoan tꞌayakohen ti kolélo, la kjuajon chꞌan ti ijni̱é chꞌan kixin tsoxiteyáxin ti kjuachaxin ni̱xin sichꞌe ixra̱ nkochríxín, 21jehe chꞌan mé tsjinki̱tsa chꞌan ti jahara kixin jína chrókꞌuejora la ko kaín ixra̱ jína chrókjui̱chꞌera éxi tjinkaon chꞌan; la ko Ìnchéni Jesucristo tjinki̱tsa kixin kaíni sichꞌeni ti ixra̱ tjinkaon chꞌan. Mé xi̱kaha tsochjéheni Cristo kjuasáya nkochríxín. Mé xi̱kaha tso̱hen.
22Jahara kíchóni, xrja̱noáhára kixin tónínkákonhñara kixin ti itan xrja̱nká nta̱xráxinkaonra. Ikjian ti xroon i kjónté kanhñó itsjé nixja, tsꞌayéhéra. 23Chrokónohara kixin ti kíchóni Timoteo la í tjechjinahña chꞌan ijie. Méxra̱ ti tjaka itsji chꞌan la tsjasánkian chꞌan ti chjasánra ti ó tsjasántsjahára.
24Nixjehéra kaín ti sin tꞌe̱to̱an kuènté ni̱nko la ko kaín ti sin kíchóni tinkáchónki Díos. Ti sin tinkáchónki Ìnchéni tjejó Italia mé nixjahára sin.
25Díos mé sintañaora kaínra. Ó tjen. Mé xi̱kaha tso̱hen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.