Gálatas 3
3
Tꞌáyéhe̱ni ncha̱kuén Díos ti ó titekaoni
1Jahara chojni gálatas, imá lo̱nti̱ra. ¿Xá nkexro kjuitꞌayahara kixin kuitekáonra ti nkehe chaxínhña? Kixin janhan kjuákohára nkexrín kꞌuénxin Cristo ti ntacruz. 2Nkoko̱a nkehe tjínka̱oan tsjate̱héra. ¿Á kꞌuayéhéra Ncha̱kuén Díos kixin kjui̱nchexiteyára ti ley kuènté Moisés ní, o̱ kꞌuayéhéra tíha kixin kuitekáonra ti itan jína kuihínra? 3Nkexrín kixin imá lo̱nti̱ra. Ti Ncha̱kuén Díos kjuínki̱tsa ti kjuankíxixínra kuitekáonra. Ndá ijie, ¿á tjinkáonra xíkjanra si̱nchexiteyéhéra ti ley ní? 4Nchónhña kjuasótiara kixin kuitekáonra itén Díos. A̱ndá ijie la, ¿á chónkó kaín tíha ní? ¡Kjá náhí! 5Ti kjuajon Díos ti Ncha̱kuén chꞌan la ko kjuasin chꞌan itsjé kjuaxroan kꞌuíkonra, la, ¿nkekuènté xi̱kaha kjua̱ko̱xi̱n chꞌan? Jehya kixin kjui̱nchexiteyára ti ley. Náhí. Kaín tíhi la kóhen kixin kuitekáonra ti itan jína kuihínra.
6 #
Gn. 15:6; Ro. 4:3. *Abraham la kuitekaon Díos ndá Díos ndáchro kixin jína chꞌan. 7#Ro. 4:16.*Méxra̱ chrókónohara kixin ti chojni chaxín xje̱en Abraham la mé ti sin chaxín titekaon Díos. 8#Gn. 12:3.*Méxra̱ ti xroon itén Díos chronka kixin ti sin jehya judío la kja̱xin sin tsaá sin kixin tinkáchónki sin Díos. Mé xi̱kaha ósé tsíkihin Abraham ti itan jína ndáchro: “Kaín nación tso̱ñaoxín sin ti jaha.” 9Mé xi̱kaha kaín ti sin chaxín titekaon Díos mé tso̱ñao sin éxi kóñao Abraham kixin kuitekaon chꞌan Díos.
10 #
Dt. 27:26. *Ti chojni tjenka̱yáxin kixin tsaáxin sin ti nkehe tsíkꞌe̱to̱an Moisés la tsꞌáyéhe̱ sin ti kjuanínkaon kuènté Díos, kixin ndáchro xroon itén Díos: “Kaín ti chojni tsjachahya sinchexiteyá ti ley la tsjasóte.” 11#Hab. 2:4.*Méxra̱ kohya nkexro tsꞌóxika iji̱é sin ti tsitekaon sin ti ley. Kixin ti xroon itén Díos ndáchro: “Ti nkexro ó xika iji̱é kixin tinkáchónki Díos la tíha tsꞌejóchónxin sin nkochríxín.” 12#Lv. 18:5.*Méxra̱ ti ley tsíkꞌe̱to̱an Moisés la nixjahya nkexrín tsitekaoni Díos. Náhí. Ndáchro kixin: “Ti nkexro sinchexiteyá kaín ti nkehe tꞌe̱to̱an ti ley la tsꞌejóchón sin kixin nchexiteyá sin.” 13#Dt. 21:23.*Ndá Cristo kjua̱tse̱n kaín ti chrókjuasótexíni éxi kjuanchia ti ley kꞌuáyéhe̱ Moisés. Jehe chꞌan kjuákꞌenkáni chꞌan ti ntacruz la kjuasóte chꞌan kixin ti iji̱éni. Ndáchro xroon itén Díos: “Díos la nínkakohen kaín nkexro tjejótji̱a̱n ijnko inta.” 14Mé xi̱kaha kóhen kixin ti tsíndáchro Díos sincheñao Abraham, la kja̱xin ti sin jehya judío tsꞌáyéhe̱ tíha kixin Jesucristo kꞌuénxin ti ntacruz. La xi̱kaha ti tinkáchónkini Díos la kaíni tsꞌáyéhe̱ni ti Ncha̱kuén Díos éxi tsíndáchro Díos.
Ti ley la ko ti nkehe tsjajon Díos
15Kíchóni, si̱ntayóa̱xián ijnko nkehe chjasintajni kixin tsiénxinra jína. Ti ijnko chojni chꞌéna ijnko xroon ndáchro nkexro tsi̱to̱nhe̱n ti nkehe chónta sin la chónta firma kuènté sin, la ninkexró xitjahya tsꞌóxika tíhi la ko ninkexró xitjahya sichꞌéna íjnko nkehe. 16A̱ndá Díos mé tsíchenka Abraham kixin sincheñao chꞌan ti nkexro tsꞌaxrjeníxin chꞌan. Ti xroon itén Díos la ndáchrohya kixin kaín ti nkexro tsꞌaxrjeníxin Abraham tsꞌáyéhe̱ tíha. Náhí. Ndáchro kixin nkoko̱a ti nkexro tsꞌaxrjeníxin Abraham mé tsꞌáyéhe̱ tíha, mé tíha la Cristo. 17#Ex. 12:40.*Méxra̱ ndáxrja̱n tíhi. Díos chenka Abraham ijnko nkehe chaxín tsoxiteyá, la tíha mé éxi ijnko firma. La cuatrocientos treinta nánó chrꞌéxi̱n, ndá ikui ti ley kꞌuáyéhe̱ Moisés. La ti ley xitjahya tsꞌóxika ti nkehe tsíndáchro Díos la ko xitjahya tsondáchro kixin tjetoanhña ti nkehe tsíndáchro chꞌan. 18#Ro. 4:14.*A̱ndá ti ticháxi̱n chrókuitekaoni ti ley ndá chrókꞌuáyéhe̱ni ti nkehe tsjajon Díos, la ti nkehe tsíndáchro Díos senó la chróxiteyáhya. A̱ndá Díos mé tsíchenka Abraham kixin tsꞌáyéhe̱ chꞌan ti nkehe tsíndáchro chꞌan jehó kixin kuitekaon chꞌan Díos.
19A̱ndá, ¿nkekuènté itjen ti ley kuènté Moisés? Kjuajon Díos tíha kixin tso̱noexín chojni kixin nduáhya ti ijie̱ tjasin sin. Kꞌue̱to̱an Díos sinchexiteyéhe chojni ti nkehe tsíkꞌe̱to̱an Moisés hasta itsi ti nkexro tsꞌaxrjeníxin Abraham, mé ti nkexro kjueyá Díos kixin sinchexiteyá ti nkehe tsíndáchro chꞌan. Ti ley mé chrónka ti sin ángel la kꞌuáyéhe̱ Moisés la jehe chꞌan jehó chrónkaxón chꞌan. 20A̱ndá ti ikjo Díos chꞌin Abraham, la chrꞌánhña chꞌan íjnko chojni chróchronka tíha. Náhí, Díos nixja.
¿Nkekuènté sínkí ti ley?
21Ndá ti xi̱kaha la, ¿xá tꞌaxrjexín kixin ti ley tsíkꞌe̱to̱an Moisés la chrónka íjnko nkehe ke ti nkehe tsjajon Díos ní? Náhí. Ti chrókjuacha ti ley chrókjuajon kjuachón, la chrókꞌóxika ti iji̱éni ti chrókuitekaoni ti ley la kjá táhó chrókótjuáxini. 22Kjánchó ti xroon itén Díos ndáchro kixin ti ijie̱ la na̱xa̱ tꞌe̱tue̱hen kaín chojni. Jehó ti nkexro tsitekaon Jesucristo la tsꞌáyéhe̱ sin ti nkehe tsjajon Díos.
23Ti na̱xa̱ tihya Cristo, la ti ley la kuékꞌe̱tue̱hen ti jeheni. La kꞌuejóchóheni kixin Díos chrókjuinchenoheni nkexrín chrókuinkáchónkini Ìnchéni. 24Ti ley mé éxi ijnko chojni tja̱ko̱he̱ chájan, mé kjua̱ko̱he̱ ti jeheni hasta kuijia Cristo. A̱ndá ijie la jehe chꞌan kjua̱tse̱n chꞌan ti iji̱éni kixin kuitekaoni chꞌan. 25A̱ndá ijie ó kuitekaoni Cristo la ti ley í tꞌe̱tue̱nhña ti jeheni.
26Kixin jahara ó tinkachónkira Jesucristo la kaínra ó kꞌónara xje̱en Díos. 27Kixin kaínra kuíki̱tera, la ijie nkoko̱a tjejoko̱ara Cristo, la kꞌónara ijnko chojni ni̱xin kixin titekáonra ti jehe chꞌan. 28Ndá ijie la í tjetoanhña á chojni judío o̱ náhí, á chojni chꞌexón xra̱ o̱ chojni tꞌe̱to̱an, chojnindoa o̱ chojnichjin. Ti tjejókoni Cristo la nkoko̱a tjejóni kaíni. 29#Ro. 4:13.*A̱ndá ti chaxín tinkáchónkini Cristo la chaxín tsíkꞌaxrjeníxini Abraham la ó chóntani kjuachaxin tsꞌáyéhe̱ni ti nkehe tsjajon Díos.
Currently Selected:
Gálatas 3: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Gálatas 3
3
Tꞌáyéhe̱ni ncha̱kuén Díos ti ó titekaoni
1Jahara chojni gálatas, imá lo̱nti̱ra. ¿Xá nkexro kjuitꞌayahara kixin kuitekáonra ti nkehe chaxínhña? Kixin janhan kjuákohára nkexrín kꞌuénxin Cristo ti ntacruz. 2Nkoko̱a nkehe tjínka̱oan tsjate̱héra. ¿Á kꞌuayéhéra Ncha̱kuén Díos kixin kjui̱nchexiteyára ti ley kuènté Moisés ní, o̱ kꞌuayéhéra tíha kixin kuitekáonra ti itan jína kuihínra? 3Nkexrín kixin imá lo̱nti̱ra. Ti Ncha̱kuén Díos kjuínki̱tsa ti kjuankíxixínra kuitekáonra. Ndá ijie, ¿á tjinkáonra xíkjanra si̱nchexiteyéhéra ti ley ní? 4Nchónhña kjuasótiara kixin kuitekáonra itén Díos. A̱ndá ijie la, ¿á chónkó kaín tíha ní? ¡Kjá náhí! 5Ti kjuajon Díos ti Ncha̱kuén chꞌan la ko kjuasin chꞌan itsjé kjuaxroan kꞌuíkonra, la, ¿nkekuènté xi̱kaha kjua̱ko̱xi̱n chꞌan? Jehya kixin kjui̱nchexiteyára ti ley. Náhí. Kaín tíhi la kóhen kixin kuitekáonra ti itan jína kuihínra.
6 #
Gn. 15:6; Ro. 4:3. *Abraham la kuitekaon Díos ndá Díos ndáchro kixin jína chꞌan. 7#Ro. 4:16.*Méxra̱ chrókónohara kixin ti chojni chaxín xje̱en Abraham la mé ti sin chaxín titekaon Díos. 8#Gn. 12:3.*Méxra̱ ti xroon itén Díos chronka kixin ti sin jehya judío la kja̱xin sin tsaá sin kixin tinkáchónki sin Díos. Mé xi̱kaha ósé tsíkihin Abraham ti itan jína ndáchro: “Kaín nación tso̱ñaoxín sin ti jaha.” 9Mé xi̱kaha kaín ti sin chaxín titekaon Díos mé tso̱ñao sin éxi kóñao Abraham kixin kuitekaon chꞌan Díos.
10 #
Dt. 27:26. *Ti chojni tjenka̱yáxin kixin tsaáxin sin ti nkehe tsíkꞌe̱to̱an Moisés la tsꞌáyéhe̱ sin ti kjuanínkaon kuènté Díos, kixin ndáchro xroon itén Díos: “Kaín ti chojni tsjachahya sinchexiteyá ti ley la tsjasóte.” 11#Hab. 2:4.*Méxra̱ kohya nkexro tsꞌóxika iji̱é sin ti tsitekaon sin ti ley. Kixin ti xroon itén Díos ndáchro: “Ti nkexro ó xika iji̱é kixin tinkáchónki Díos la tíha tsꞌejóchónxin sin nkochríxín.” 12#Lv. 18:5.*Méxra̱ ti ley tsíkꞌe̱to̱an Moisés la nixjahya nkexrín tsitekaoni Díos. Náhí. Ndáchro kixin: “Ti nkexro sinchexiteyá kaín ti nkehe tꞌe̱to̱an ti ley la tsꞌejóchón sin kixin nchexiteyá sin.” 13#Dt. 21:23.*Ndá Cristo kjua̱tse̱n kaín ti chrókjuasótexíni éxi kjuanchia ti ley kꞌuáyéhe̱ Moisés. Jehe chꞌan kjuákꞌenkáni chꞌan ti ntacruz la kjuasóte chꞌan kixin ti iji̱éni. Ndáchro xroon itén Díos: “Díos la nínkakohen kaín nkexro tjejótji̱a̱n ijnko inta.” 14Mé xi̱kaha kóhen kixin ti tsíndáchro Díos sincheñao Abraham, la kja̱xin ti sin jehya judío tsꞌáyéhe̱ tíha kixin Jesucristo kꞌuénxin ti ntacruz. La xi̱kaha ti tinkáchónkini Díos la kaíni tsꞌáyéhe̱ni ti Ncha̱kuén Díos éxi tsíndáchro Díos.
Ti ley la ko ti nkehe tsjajon Díos
15Kíchóni, si̱ntayóa̱xián ijnko nkehe chjasintajni kixin tsiénxinra jína. Ti ijnko chojni chꞌéna ijnko xroon ndáchro nkexro tsi̱to̱nhe̱n ti nkehe chónta sin la chónta firma kuènté sin, la ninkexró xitjahya tsꞌóxika tíhi la ko ninkexró xitjahya sichꞌéna íjnko nkehe. 16A̱ndá Díos mé tsíchenka Abraham kixin sincheñao chꞌan ti nkexro tsꞌaxrjeníxin chꞌan. Ti xroon itén Díos la ndáchrohya kixin kaín ti nkexro tsꞌaxrjeníxin Abraham tsꞌáyéhe̱ tíha. Náhí. Ndáchro kixin nkoko̱a ti nkexro tsꞌaxrjeníxin Abraham mé tsꞌáyéhe̱ tíha, mé tíha la Cristo. 17#Ex. 12:40.*Méxra̱ ndáxrja̱n tíhi. Díos chenka Abraham ijnko nkehe chaxín tsoxiteyá, la tíha mé éxi ijnko firma. La cuatrocientos treinta nánó chrꞌéxi̱n, ndá ikui ti ley kꞌuáyéhe̱ Moisés. La ti ley xitjahya tsꞌóxika ti nkehe tsíndáchro Díos la ko xitjahya tsondáchro kixin tjetoanhña ti nkehe tsíndáchro chꞌan. 18#Ro. 4:14.*A̱ndá ti ticháxi̱n chrókuitekaoni ti ley ndá chrókꞌuáyéhe̱ni ti nkehe tsjajon Díos, la ti nkehe tsíndáchro Díos senó la chróxiteyáhya. A̱ndá Díos mé tsíchenka Abraham kixin tsꞌáyéhe̱ chꞌan ti nkehe tsíndáchro chꞌan jehó kixin kuitekaon chꞌan Díos.
19A̱ndá, ¿nkekuènté itjen ti ley kuènté Moisés? Kjuajon Díos tíha kixin tso̱noexín chojni kixin nduáhya ti ijie̱ tjasin sin. Kꞌue̱to̱an Díos sinchexiteyéhe chojni ti nkehe tsíkꞌe̱to̱an Moisés hasta itsi ti nkexro tsꞌaxrjeníxin Abraham, mé ti nkexro kjueyá Díos kixin sinchexiteyá ti nkehe tsíndáchro chꞌan. Ti ley mé chrónka ti sin ángel la kꞌuáyéhe̱ Moisés la jehe chꞌan jehó chrónkaxón chꞌan. 20A̱ndá ti ikjo Díos chꞌin Abraham, la chrꞌánhña chꞌan íjnko chojni chróchronka tíha. Náhí, Díos nixja.
¿Nkekuènté sínkí ti ley?
21Ndá ti xi̱kaha la, ¿xá tꞌaxrjexín kixin ti ley tsíkꞌe̱to̱an Moisés la chrónka íjnko nkehe ke ti nkehe tsjajon Díos ní? Náhí. Ti chrókjuacha ti ley chrókjuajon kjuachón, la chrókꞌóxika ti iji̱éni ti chrókuitekaoni ti ley la kjá táhó chrókótjuáxini. 22Kjánchó ti xroon itén Díos ndáchro kixin ti ijie̱ la na̱xa̱ tꞌe̱tue̱hen kaín chojni. Jehó ti nkexro tsitekaon Jesucristo la tsꞌáyéhe̱ sin ti nkehe tsjajon Díos.
23Ti na̱xa̱ tihya Cristo, la ti ley la kuékꞌe̱tue̱hen ti jeheni. La kꞌuejóchóheni kixin Díos chrókjuinchenoheni nkexrín chrókuinkáchónkini Ìnchéni. 24Ti ley mé éxi ijnko chojni tja̱ko̱he̱ chájan, mé kjua̱ko̱he̱ ti jeheni hasta kuijia Cristo. A̱ndá ijie la jehe chꞌan kjua̱tse̱n chꞌan ti iji̱éni kixin kuitekaoni chꞌan. 25A̱ndá ijie ó kuitekaoni Cristo la ti ley í tꞌe̱tue̱nhña ti jeheni.
26Kixin jahara ó tinkachónkira Jesucristo la kaínra ó kꞌónara xje̱en Díos. 27Kixin kaínra kuíki̱tera, la ijie nkoko̱a tjejoko̱ara Cristo, la kꞌónara ijnko chojni ni̱xin kixin titekáonra ti jehe chꞌan. 28Ndá ijie la í tjetoanhña á chojni judío o̱ náhí, á chojni chꞌexón xra̱ o̱ chojni tꞌe̱to̱an, chojnindoa o̱ chojnichjin. Ti tjejókoni Cristo la nkoko̱a tjejóni kaíni. 29#Ro. 4:13.*A̱ndá ti chaxín tinkáchónkini Cristo la chaxín tsíkꞌaxrjeníxini Abraham la ó chóntani kjuachaxin tsꞌáyéhe̱ni ti nkehe tsjajon Díos.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.