Gálatas 1
1
Ti xroon kꞌuáyéhe̱ ti sin ni̱nko Galacia
1Janhan, Pablo, kjueyána Ìnchéni kixin si̱tꞌaha̱ chꞌan ixra̱. Jehya chojni kjueyána la ko jehya chojni kꞌue̱tua̱na. Náhí. Kjueyána Jesucristo la ko Itꞌéni Díos, ti nkexro kjuínchexechón Jesús. 2Janhan la ko kaín ti sin kíchóni tjéki̱a̱n ntihi mé ikjini ti xroon i, tsꞌáyéhe̱ ti ni̱nko tjejó Galacia. 3Itꞌéni Díos la ko Ìnchéni Jesucristo chrókjuincheñaora kixin kjuaxróxin chrókꞌuejora. 4Ìnchéni Jesucristo mé kuamá ti iji̱éni kꞌuenyákohe̱n chꞌan ti jeheni kixin tsaáxini ti jehe chꞌan kixin chrókꞌuitjáñaxínhñani ti nkehe jínahña siín chjasintajni. Mé xi̱kaha tjinkaon Itꞌéni Díos. 5Méxra̱ Itꞌéni Díos chrókꞌuáyéhe̱ kaín kjuasàya nkochríxín. Mé xi̱kaha tso̱hen.
Kohya íjnko itan tsaáxini
6Imá tóxakona kixin imá tjoka kui̱to̱héra Díos, ti nkexro tsíkjeyá ti jahara kixin tjua̱hára Cristo. Ndá ijie tjinkáonra tsochrehéra ókjé itan. 7Kjánchó ti chaxín la jehya kixin siín íjnko tan tsjajon kjuachón. Náhí. Jehó iso chojni la tjinkaon tsjixrónkáxin la ko tsjitóxi̱n ti itan tsaáxini kuènté Cristo. 8Méxra̱ kjónté jeheni o̱ ijnko ángel tsi̱xi̱n nka̱jní tsjako ókjé itan, jehya éxi ti itan ni̱xin ó kjuákohára, la tsjasóte sin nkochríxín. 9Ínaá ndáxrja̱n kixin ti nkojín nkexro tsjako ókjé itan tsaáxinra jehya éxi ti itan ó kuitekáonra, la tsjasóte sin nkochríxín.
10Méxra̱ janhan la tjéyáhya kixin chojni ó chrókóxríhi̱n ti ixra̱ itꞌa̱. Náhí. Tjínka̱oan si̱ntaxiteyá ti nkehe tóxríhi̱n Díos. A̱ndá ti chrókjuéyá kixin chrókjuikosáyana chojni ó, la jehya ijnko nkexro chꞌehe ixra̱ Cristo ti janhan.
Ti ixra̱ kjuíchꞌe Pablo
11Méxra̱ jahara kíchóni, chrókónohara kixin ti itan tjàkua la jehya ti̱xi̱n ti nkehe kjuénka̱yáxin chojni chjasintajni ó. 12Kixin ninkexró kjua̱ko̱e̱hya ti janhan la ko ninkexró kjuajonhña tíhi. Ìnchéni Jesucristo mé kjuako.
13 #
Hch. 8:3; 22:4, 5; 26:9-11. *Jahara la ó kuihínra nkexrín kjuakꞌé ósé, ti na̱xa̱ kꞌuékiteka̱oan éxi ti sin judío. La kꞌuékónínka̱konha̱n ti sin tinkáchónki Díos la ko tjínka̱oan chrókjui̱ntakꞌitjáña sin. 14#Hch. 22:3.*Ti na̱xa̱ kꞌuékji̱tꞌa éxi ti sin judío la a̱ntsí kꞌuénona ti ley ke ti sin chjasená, kjónté nkokón nánó kꞌuéchontaki̱a̱n sin. Janhan la a̱ntsí kjui̱ntaxiteyá la ko kjuikosáyaha̱ ti nkehe tsíkꞌe̱to̱an ti sin kꞌuaxrjeníxian kꞌuejó ósé. 15#Hch. 9:3-6; 22:6-10; 26:13-18.*Kjánchó Díos kjueyána kjónté na̱xa̱ tókjínahña kixin imá tjua̱na chꞌan. 16Díos kjuínchenona nkexrín itjen ti Xje̱en chꞌan kixin tsjáko̱ha̱ ti sin jehya judío ti itan tsaáxini. Ti ó kóhen tíha la kjuánchánkía̱hya nijnko chojni chjasintajni nkexrín chrókjui̱tꞌa 17la ko kja̱xin kjuítsja̱hya ti sin apóstol tjejó Jerusalén. Náhí. Janhuán sákjuia chjasin Arabia, ndá chrꞌéxi̱n ikjan Damasco.
18 #
Hch. 9:26-30. *Ndá kꞌuatsínka iní nánó, ndá sákjuia Jerusalén kjuichráha̱ Pedro, ndá ntiha kjuakꞌé quince ña̱o, 19kjánchó kꞌuíko̱nhña ti íso sin apóstol. Jehó kꞌuíkua̱n Jacobo, kícho Ìnchéni. 20Díos la tjetsjehe kixin ti nkehe ikjian la chaxín tíha, jehya kjuachꞌia.
21Ndá chrꞌéxi̱n sákjuia chjasin Siria la ko Cilicia. 22A̱ndá ti sin kíchóni ni̱nko tjejó Judea mé na̱xa̱ tjatso̱anhña sin ti janhan. 23La jehó kuíhin sin: “Ti nkexro i, kꞌuéchréhe̱ la ko chrókꞌóñá ti sin tinkáchónki Ìnchéni, a̱ndá ijie tjako chꞌan ti itan chrókjuinchekꞌitjáña chꞌan senó.” 24La chjéhe sin kjuasáya Díos kixin ó tinkachónkia Ìnchéni.
Currently Selected:
Gálatas 1: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Gálatas 1
1
Ti xroon kꞌuáyéhe̱ ti sin ni̱nko Galacia
1Janhan, Pablo, kjueyána Ìnchéni kixin si̱tꞌaha̱ chꞌan ixra̱. Jehya chojni kjueyána la ko jehya chojni kꞌue̱tua̱na. Náhí. Kjueyána Jesucristo la ko Itꞌéni Díos, ti nkexro kjuínchexechón Jesús. 2Janhan la ko kaín ti sin kíchóni tjéki̱a̱n ntihi mé ikjini ti xroon i, tsꞌáyéhe̱ ti ni̱nko tjejó Galacia. 3Itꞌéni Díos la ko Ìnchéni Jesucristo chrókjuincheñaora kixin kjuaxróxin chrókꞌuejora. 4Ìnchéni Jesucristo mé kuamá ti iji̱éni kꞌuenyákohe̱n chꞌan ti jeheni kixin tsaáxini ti jehe chꞌan kixin chrókꞌuitjáñaxínhñani ti nkehe jínahña siín chjasintajni. Mé xi̱kaha tjinkaon Itꞌéni Díos. 5Méxra̱ Itꞌéni Díos chrókꞌuáyéhe̱ kaín kjuasàya nkochríxín. Mé xi̱kaha tso̱hen.
Kohya íjnko itan tsaáxini
6Imá tóxakona kixin imá tjoka kui̱to̱héra Díos, ti nkexro tsíkjeyá ti jahara kixin tjua̱hára Cristo. Ndá ijie tjinkáonra tsochrehéra ókjé itan. 7Kjánchó ti chaxín la jehya kixin siín íjnko tan tsjajon kjuachón. Náhí. Jehó iso chojni la tjinkaon tsjixrónkáxin la ko tsjitóxi̱n ti itan tsaáxini kuènté Cristo. 8Méxra̱ kjónté jeheni o̱ ijnko ángel tsi̱xi̱n nka̱jní tsjako ókjé itan, jehya éxi ti itan ni̱xin ó kjuákohára, la tsjasóte sin nkochríxín. 9Ínaá ndáxrja̱n kixin ti nkojín nkexro tsjako ókjé itan tsaáxinra jehya éxi ti itan ó kuitekáonra, la tsjasóte sin nkochríxín.
10Méxra̱ janhan la tjéyáhya kixin chojni ó chrókóxríhi̱n ti ixra̱ itꞌa̱. Náhí. Tjínka̱oan si̱ntaxiteyá ti nkehe tóxríhi̱n Díos. A̱ndá ti chrókjuéyá kixin chrókjuikosáyana chojni ó, la jehya ijnko nkexro chꞌehe ixra̱ Cristo ti janhan.
Ti ixra̱ kjuíchꞌe Pablo
11Méxra̱ jahara kíchóni, chrókónohara kixin ti itan tjàkua la jehya ti̱xi̱n ti nkehe kjuénka̱yáxin chojni chjasintajni ó. 12Kixin ninkexró kjua̱ko̱e̱hya ti janhan la ko ninkexró kjuajonhña tíhi. Ìnchéni Jesucristo mé kjuako.
13 #
Hch. 8:3; 22:4, 5; 26:9-11. *Jahara la ó kuihínra nkexrín kjuakꞌé ósé, ti na̱xa̱ kꞌuékiteka̱oan éxi ti sin judío. La kꞌuékónínka̱konha̱n ti sin tinkáchónki Díos la ko tjínka̱oan chrókjui̱ntakꞌitjáña sin. 14#Hch. 22:3.*Ti na̱xa̱ kꞌuékji̱tꞌa éxi ti sin judío la a̱ntsí kꞌuénona ti ley ke ti sin chjasená, kjónté nkokón nánó kꞌuéchontaki̱a̱n sin. Janhan la a̱ntsí kjui̱ntaxiteyá la ko kjuikosáyaha̱ ti nkehe tsíkꞌe̱to̱an ti sin kꞌuaxrjeníxian kꞌuejó ósé. 15#Hch. 9:3-6; 22:6-10; 26:13-18.*Kjánchó Díos kjueyána kjónté na̱xa̱ tókjínahña kixin imá tjua̱na chꞌan. 16Díos kjuínchenona nkexrín itjen ti Xje̱en chꞌan kixin tsjáko̱ha̱ ti sin jehya judío ti itan tsaáxini. Ti ó kóhen tíha la kjuánchánkía̱hya nijnko chojni chjasintajni nkexrín chrókjui̱tꞌa 17la ko kja̱xin kjuítsja̱hya ti sin apóstol tjejó Jerusalén. Náhí. Janhuán sákjuia chjasin Arabia, ndá chrꞌéxi̱n ikjan Damasco.
18 #
Hch. 9:26-30. *Ndá kꞌuatsínka iní nánó, ndá sákjuia Jerusalén kjuichráha̱ Pedro, ndá ntiha kjuakꞌé quince ña̱o, 19kjánchó kꞌuíko̱nhña ti íso sin apóstol. Jehó kꞌuíkua̱n Jacobo, kícho Ìnchéni. 20Díos la tjetsjehe kixin ti nkehe ikjian la chaxín tíha, jehya kjuachꞌia.
21Ndá chrꞌéxi̱n sákjuia chjasin Siria la ko Cilicia. 22A̱ndá ti sin kíchóni ni̱nko tjejó Judea mé na̱xa̱ tjatso̱anhña sin ti janhan. 23La jehó kuíhin sin: “Ti nkexro i, kꞌuéchréhe̱ la ko chrókꞌóñá ti sin tinkáchónki Ìnchéni, a̱ndá ijie tjako chꞌan ti itan chrókjuinchekꞌitjáña chꞌan senó.” 24La chjéhe sin kjuasáya Díos kixin ó tinkachónkia Ìnchéni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.