2 Corintios 2
2
1Mé xi̱kaha kjuénka̱yáxian kixin na̱xa̱ chrókjuasánhya, kixin ti tsjasán la si̱ntakꞌavára. 2A̱ndá ti chrókjui̱ntakꞌavára la, ¿xá nkexro chrókjuinchechéhe̱ ti janhan? Kixin jehó ti nkexro kjui̱ntakꞌává mé sinchechéhe̱ ti janhan. 3Mé xi̱kaha ikjian ti xroon chrꞌahánra senó kixin tjínka̱konhña chrókjuasán ndá chrókjui̱nchekꞌavára a̱sená ínaá. Náhí. Jahara chrókjui̱nchechéhéra ti a̱sená. La ó nona kixin ti chàna la kja̱xinra tso̱cháhara. 4Ti ó ikjian ti xroon chrꞌahánra senó la imá kóxakóna la ko tsja̱nka. Kjánchó jehya ikjian ti xroon a, kixin chrókjui̱ntakꞌavára. Ikjian ti xroon kixin chrókónohara kixin imá tjua̱hára.
Pablo kꞌuitjáñehen ti ijie̱ kjuasin ijnko nkexro
5Ti nkojín nkexro kjuínchekꞌávána la jehya janhuán kjuínchekꞌává sin. Náhí. Kaínra kjuínchekꞌává sin. Kjánchó tjínka̱konhña imá si̱ntasatáha̱ chꞌan. 6Ó ncho̱xon ti kjui̱nchekjasótera chꞌan kaínra kixin í tsjasinhña chꞌan ijie̱. 7A̱ndá ijie la chrókꞌuitjáñahanra ti ijie̱ kjuasin chꞌan, la chrókjuínki̱tsara chꞌan; ti náhí, la tso̱níexín chꞌan ti kjuatꞌává. 8Méxra̱ xrja̱noáhára kixin chrókjuáko̱xinra ínaá kixin chaxín tjue̱héra chꞌan. 9Ti xroon chrꞌahánra sa̱o la ikjian kixin tso̱nona á chaxín si̱nchexiteyára kaín ti nkehe tétua̱hanra. 10A̱ndá ti tsꞌitjáñahanra ichrén ijie̱ kjuasin ijnko chojni, la kja̱xin janhan tsꞌitjáñana ti ijie̱. Ti chaxín siín ichrén ijie̱ chrókꞌuitjáñana, la kjuachaxíen Cristo la tsjìin kaín ti ijie̱ kjuasin sin kixin jína chrókꞌuejora. 11Ndá xi̱kaha tsjachahya ti Jínahña sichꞌiyehe ti jeheni, kixin ó noheni kixin ti Jínahña la imá chꞌia.
Ti kjuaxikaon kóchónta Pablo ti kjuákꞌe Troas
12 #
Hch. 20:1. *Ti ó kjuasán ti chjasin Troas chrókjuàkua ti itan ni̱xin kuènté Cristo la kónona kixin a̱ntsí siín kjuachaxin chrókóhen ixra̱ kuènté Ìnchéni ntiha. 13Kjánchó náxrjónhña kjuákꞌe a̱sená kixin kꞌuitjáhya ti kíchóni Tito. Méxra̱ tuénxín nixja̱ha̱ ti sin tjejó ntiha la sákjuia Macedonia.
Pablo chjéhe kjuasáya Díos
14Kjuasáye Díos kixin tjinki̱tsa kixin jína tsochóntani ti kjuachaxin kuènté Cristo Jesús. Ndá xi̱kaha sátsjini nkuíxín chrónkaxíni ti itan kuènté Díos éxi ijnko nkehe xraxé náxrjón chrókóxríhi̱n kaín chojni. 15Kixin kaíni mé éxi ti nkehe xraxé náxrjón tjajon Cristo tꞌáyéhe̱ Díos, la ti xraxé mé sátji ti siín ti chojni tsaá la ko kja̱xin ti siín ti chojni tsꞌitjáña. 16Ti chojni tsꞌitjáña la ti xraxé la éxi ijnko nkehe tsꞌitjáñaxín sin xi̱kaha. A̱ndá ti chojni tsaá la ijnko nkehe tjajon kjuachón tíha. Méxra̱, ¿xá nkexro chrókjuacha kixin jína chrókjuíchꞌe ti ixra̱ i? 17Nkojín sin la tjako ti itén Díos kixin tjinkaon sin chrókjuacha sin itsjé chichaon, a̱ndá jeheni xi̱kahña ichꞌeni. Díos la tjetsjehe kixin kaín a̱séni tjakoni ti itén chꞌan kixin kjueyá chꞌan ti jeheni kixin sichꞌeheni ixra̱ ti xje̱en chꞌan Jesucristo.
Currently Selected:
2 Corintios 2: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
2 Corintios 2
2
1Mé xi̱kaha kjuénka̱yáxian kixin na̱xa̱ chrókjuasánhya, kixin ti tsjasán la si̱ntakꞌavára. 2A̱ndá ti chrókjui̱ntakꞌavára la, ¿xá nkexro chrókjuinchechéhe̱ ti janhan? Kixin jehó ti nkexro kjui̱ntakꞌává mé sinchechéhe̱ ti janhan. 3Mé xi̱kaha ikjian ti xroon chrꞌahánra senó kixin tjínka̱konhña chrókjuasán ndá chrókjui̱nchekꞌavára a̱sená ínaá. Náhí. Jahara chrókjui̱nchechéhéra ti a̱sená. La ó nona kixin ti chàna la kja̱xinra tso̱cháhara. 4Ti ó ikjian ti xroon chrꞌahánra senó la imá kóxakóna la ko tsja̱nka. Kjánchó jehya ikjian ti xroon a, kixin chrókjui̱ntakꞌavára. Ikjian ti xroon kixin chrókónohara kixin imá tjua̱hára.
Pablo kꞌuitjáñehen ti ijie̱ kjuasin ijnko nkexro
5Ti nkojín nkexro kjuínchekꞌávána la jehya janhuán kjuínchekꞌává sin. Náhí. Kaínra kjuínchekꞌává sin. Kjánchó tjínka̱konhña imá si̱ntasatáha̱ chꞌan. 6Ó ncho̱xon ti kjui̱nchekjasótera chꞌan kaínra kixin í tsjasinhña chꞌan ijie̱. 7A̱ndá ijie la chrókꞌuitjáñahanra ti ijie̱ kjuasin chꞌan, la chrókjuínki̱tsara chꞌan; ti náhí, la tso̱níexín chꞌan ti kjuatꞌává. 8Méxra̱ xrja̱noáhára kixin chrókjuáko̱xinra ínaá kixin chaxín tjue̱héra chꞌan. 9Ti xroon chrꞌahánra sa̱o la ikjian kixin tso̱nona á chaxín si̱nchexiteyára kaín ti nkehe tétua̱hanra. 10A̱ndá ti tsꞌitjáñahanra ichrén ijie̱ kjuasin ijnko chojni, la kja̱xin janhan tsꞌitjáñana ti ijie̱. Ti chaxín siín ichrén ijie̱ chrókꞌuitjáñana, la kjuachaxíen Cristo la tsjìin kaín ti ijie̱ kjuasin sin kixin jína chrókꞌuejora. 11Ndá xi̱kaha tsjachahya ti Jínahña sichꞌiyehe ti jeheni, kixin ó noheni kixin ti Jínahña la imá chꞌia.
Ti kjuaxikaon kóchónta Pablo ti kjuákꞌe Troas
12 #
Hch. 20:1. *Ti ó kjuasán ti chjasin Troas chrókjuàkua ti itan ni̱xin kuènté Cristo la kónona kixin a̱ntsí siín kjuachaxin chrókóhen ixra̱ kuènté Ìnchéni ntiha. 13Kjánchó náxrjónhña kjuákꞌe a̱sená kixin kꞌuitjáhya ti kíchóni Tito. Méxra̱ tuénxín nixja̱ha̱ ti sin tjejó ntiha la sákjuia Macedonia.
Pablo chjéhe kjuasáya Díos
14Kjuasáye Díos kixin tjinki̱tsa kixin jína tsochóntani ti kjuachaxin kuènté Cristo Jesús. Ndá xi̱kaha sátsjini nkuíxín chrónkaxíni ti itan kuènté Díos éxi ijnko nkehe xraxé náxrjón chrókóxríhi̱n kaín chojni. 15Kixin kaíni mé éxi ti nkehe xraxé náxrjón tjajon Cristo tꞌáyéhe̱ Díos, la ti xraxé mé sátji ti siín ti chojni tsaá la ko kja̱xin ti siín ti chojni tsꞌitjáña. 16Ti chojni tsꞌitjáña la ti xraxé la éxi ijnko nkehe tsꞌitjáñaxín sin xi̱kaha. A̱ndá ti chojni tsaá la ijnko nkehe tjajon kjuachón tíha. Méxra̱, ¿xá nkexro chrókjuacha kixin jína chrókjuíchꞌe ti ixra̱ i? 17Nkojín sin la tjako ti itén Díos kixin tjinkaon sin chrókjuacha sin itsjé chichaon, a̱ndá jeheni xi̱kahña ichꞌeni. Díos la tjetsjehe kixin kaín a̱séni tjakoni ti itén chꞌan kixin kjueyá chꞌan ti jeheni kixin sichꞌeheni ixra̱ ti xje̱en chꞌan Jesucristo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.