1 Timoteo 1
1
Pablo nixje̱he̱ Timoteo
1Ìnchéni Jesucristo mé kjueyá ti janhan, Pablo, kixin tso̱xrja̱nka ti itan kuènté chꞌan, éxi tsíkꞌe̱to̱an Díos, ti nkexro sinchekaá kaín chojni, la ko Jesucristo, ti nkexro tjejóchóheni tsokjan, 2#Hch. 16:1.* ikjian ti xroon i tsꞌayéhé jaha Timoteo. Jaha tꞌíkua̱n éxi xja̱na kixin tinkachónkia Ìnchéni Jesucristo. Itꞌéni Díos la ko Ìnchéni Jesucristo sintañaoan la ko tsi̱konoáha kixin tjua̱ha̱ chꞌan.
Chrokuitekakonhña sin ti itan nduáhya
3Ti ó sákjuia Macedonia la xrja̱noáhá kixin tsíto̱ha Éfeso, la tsétue̱hén ti iso sin tjejó ntiha kixin tsjakohya sin ti nkehe nduáhya 4la ko chrókuitekakonhña sin ti cuento chronka chojni kixin tíha la imá nchekjajo̱n chojni la ó chónkó kaín tíha, la tsjinki̱tsahya kixin sinchexiteyéhe sin Díos, kixin jehe sin la ó titekaon sin Ìnchéni.
5Tétua̱han tíhi kixin a̱ntsí chrókjua̱ko̱xi̱n sin chrótjue̱hé kícho sin kixin ó kótjóá a̱sén sin la ko jína tsjenka̱yáxin sin la ko kaín a̱sén sin chrókuitekaon sin Ìnchéni. 6Kixin nkojín sin la kꞌuitjáñehen sin tíha la sákjuichroe sin la itjo sin ti nkehe sínkíhya. 7Jehe sin tjinkaon sin chrókꞌóna sin maestro chrókjuako sin ley, kjánchó ni tienxínhña sin ti nkehe tjako sin, kjánchó tjako sin éxi nohe sin kaín nkehe.
8Kaíni noheni kixin jína ti ley ti jína tsjakoni éxi tjinkaon Díos. 9Kja̱xin noheni kixin kohya nijnko ley tsjasótexín ti chojni jína. Ti ley la kꞌóna kixin tsjasótexín ti sin titekakonhña, ti sin jie̱he, ti sin tjasin ijie̱, ti sin chóntehya kjuasáye Díos, ti sin tꞌóñá itꞌé la ko ìñé la ko ti sin tjàya, 10ti sin chónta ijnko chojnichjin jehya ichjién, ti sin nkokón ndoa chónta kícho, ti sin teé ijnko chojni ndá tjanchia chichaon, ti sin chꞌia, la ko ti sin nchenohe Díos ndá chaxínhña nchexiteyá. Ti ley mé tsjasótexín kaín ti chojni ichꞌe ti nkehe jínahña la ko nínkakohen ti nkehe jína kuènté Ìnchéni. 11Díos chónta kaín kjuachaxin mé kꞌue̱to̱an kixin tso̱xrja̱nka tíhi, ti itan jína tsaáxin kaín chojni.
Ti ixra̱ kjuíchꞌe Pablo
12Tja̱ha kjuasáya Ìnchéni Jesucristo kixin imá kjuínki̱tsa chꞌan la ko kꞌuíkon chꞌan kixin jína itꞌa̱ ixra̱ ndá kjuajon chꞌan ti ixra̱ i. 13#Hch. 8:3; 9:4, 5.*Kjónté senó la imá kꞌuándaxíha̱n ti sin tinkáchónki Ìnchéni la ko kꞌuéchráha̱ sin kixin chrókꞌoñá sin, la Díos kui̱konoéhe̱ ti janhan kixin ó nohe chꞌan kixin kꞌuékiteka̱ku̱anhña Cristo la ko nonahña ti nkehe kꞌuékji̱tꞌa. 14Kjánchó Ìnchéni la imá jína chꞌan la a̱ntsí kjuíncheñao chꞌan ti janhan la kjuajon chꞌan kjuachaxin tsinkachónkia chꞌan la ko tso̱tjua̱ha̱ ti sin kíchóni kixin tinkachónkia Ìnchéni Jesucristo.
15Ti itan i, mé ijnko nkehe chaxín jína la kaíni chrókuitekaoni: Jesucristo ikui chjasintajni kixin sinchekaá kaín ti chojni chónta ijie̱, la janhan mé ijnko ti chojni a̱ntsí chónta ijie̱. 16La kjónté xi̱kaha, la Díos a̱ntsí kui̱konoéhe̱ ti janhan kixin xi̱kaha kjua̱ko̱xi̱n Ìnchéni Jesucristo kixin imá jína chꞌan la ko ti̱konoéhe̱ chꞌan chojni. La xi̱kaha tsjáko̱xian tsꞌikon kaín ti chojni tsitekaon kixin tsochónta sin ti kjuachón nkochríxín. 17Méxra̱ nkochríxín chrókjuikosáyeheni la ko chróchjéheni kjuasáye ti Rey tꞌe̱to̱an nkochríxín, ti nkexro xráxín itjen, ti nkexro chónhña itsꞌen la ko xitjahya tsꞌikoni. Jehó chꞌan mé Díos chꞌan la imá nohe chꞌan. Mé xi̱kaha tso̱hen.
18Jaha xja̱na Timoteo, kaín ti ixra̱ i tja̱há si̱nchexiteyá éxi ti nkehe chrónkaxín sin ihni̱é Díos ósé si̱chꞌe jaha. Tíhi la tsjinki̱tsa kixin jína tsjájo̱nko̱a ti jínahña. 19Titekaoan Ìnchéni la ko tjénka̱yáxian ti nkehe jína, kixin nkojín sin la kjuénka̱yáxinhña sin jína ndá sákjuichroe sin, la í titekaonhña sin Ìnchéni. 20Mé xi̱kaha kóhen chꞌin Himeneo la ko Alejandro. Janhan kjuánjua kjuachaxin kixin ti Jínahña sinchekjasóte ti jehe sin kixin tsꞌitja sin í tsꞌándaxíe̱nhña sin Díos.
Currently Selected:
1 Timoteo 1: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
1 Timoteo 1
1
Pablo nixje̱he̱ Timoteo
1Ìnchéni Jesucristo mé kjueyá ti janhan, Pablo, kixin tso̱xrja̱nka ti itan kuènté chꞌan, éxi tsíkꞌe̱to̱an Díos, ti nkexro sinchekaá kaín chojni, la ko Jesucristo, ti nkexro tjejóchóheni tsokjan, 2#Hch. 16:1.* ikjian ti xroon i tsꞌayéhé jaha Timoteo. Jaha tꞌíkua̱n éxi xja̱na kixin tinkachónkia Ìnchéni Jesucristo. Itꞌéni Díos la ko Ìnchéni Jesucristo sintañaoan la ko tsi̱konoáha kixin tjua̱ha̱ chꞌan.
Chrokuitekakonhña sin ti itan nduáhya
3Ti ó sákjuia Macedonia la xrja̱noáhá kixin tsíto̱ha Éfeso, la tsétue̱hén ti iso sin tjejó ntiha kixin tsjakohya sin ti nkehe nduáhya 4la ko chrókuitekakonhña sin ti cuento chronka chojni kixin tíha la imá nchekjajo̱n chojni la ó chónkó kaín tíha, la tsjinki̱tsahya kixin sinchexiteyéhe sin Díos, kixin jehe sin la ó titekaon sin Ìnchéni.
5Tétua̱han tíhi kixin a̱ntsí chrókjua̱ko̱xi̱n sin chrótjue̱hé kícho sin kixin ó kótjóá a̱sén sin la ko jína tsjenka̱yáxin sin la ko kaín a̱sén sin chrókuitekaon sin Ìnchéni. 6Kixin nkojín sin la kꞌuitjáñehen sin tíha la sákjuichroe sin la itjo sin ti nkehe sínkíhya. 7Jehe sin tjinkaon sin chrókꞌóna sin maestro chrókjuako sin ley, kjánchó ni tienxínhña sin ti nkehe tjako sin, kjánchó tjako sin éxi nohe sin kaín nkehe.
8Kaíni noheni kixin jína ti ley ti jína tsjakoni éxi tjinkaon Díos. 9Kja̱xin noheni kixin kohya nijnko ley tsjasótexín ti chojni jína. Ti ley la kꞌóna kixin tsjasótexín ti sin titekakonhña, ti sin jie̱he, ti sin tjasin ijie̱, ti sin chóntehya kjuasáye Díos, ti sin tꞌóñá itꞌé la ko ìñé la ko ti sin tjàya, 10ti sin chónta ijnko chojnichjin jehya ichjién, ti sin nkokón ndoa chónta kícho, ti sin teé ijnko chojni ndá tjanchia chichaon, ti sin chꞌia, la ko ti sin nchenohe Díos ndá chaxínhña nchexiteyá. Ti ley mé tsjasótexín kaín ti chojni ichꞌe ti nkehe jínahña la ko nínkakohen ti nkehe jína kuènté Ìnchéni. 11Díos chónta kaín kjuachaxin mé kꞌue̱to̱an kixin tso̱xrja̱nka tíhi, ti itan jína tsaáxin kaín chojni.
Ti ixra̱ kjuíchꞌe Pablo
12Tja̱ha kjuasáya Ìnchéni Jesucristo kixin imá kjuínki̱tsa chꞌan la ko kꞌuíkon chꞌan kixin jína itꞌa̱ ixra̱ ndá kjuajon chꞌan ti ixra̱ i. 13#Hch. 8:3; 9:4, 5.*Kjónté senó la imá kꞌuándaxíha̱n ti sin tinkáchónki Ìnchéni la ko kꞌuéchráha̱ sin kixin chrókꞌoñá sin, la Díos kui̱konoéhe̱ ti janhan kixin ó nohe chꞌan kixin kꞌuékiteka̱ku̱anhña Cristo la ko nonahña ti nkehe kꞌuékji̱tꞌa. 14Kjánchó Ìnchéni la imá jína chꞌan la a̱ntsí kjuíncheñao chꞌan ti janhan la kjuajon chꞌan kjuachaxin tsinkachónkia chꞌan la ko tso̱tjua̱ha̱ ti sin kíchóni kixin tinkachónkia Ìnchéni Jesucristo.
15Ti itan i, mé ijnko nkehe chaxín jína la kaíni chrókuitekaoni: Jesucristo ikui chjasintajni kixin sinchekaá kaín ti chojni chónta ijie̱, la janhan mé ijnko ti chojni a̱ntsí chónta ijie̱. 16La kjónté xi̱kaha, la Díos a̱ntsí kui̱konoéhe̱ ti janhan kixin xi̱kaha kjua̱ko̱xi̱n Ìnchéni Jesucristo kixin imá jína chꞌan la ko ti̱konoéhe̱ chꞌan chojni. La xi̱kaha tsjáko̱xian tsꞌikon kaín ti chojni tsitekaon kixin tsochónta sin ti kjuachón nkochríxín. 17Méxra̱ nkochríxín chrókjuikosáyeheni la ko chróchjéheni kjuasáye ti Rey tꞌe̱to̱an nkochríxín, ti nkexro xráxín itjen, ti nkexro chónhña itsꞌen la ko xitjahya tsꞌikoni. Jehó chꞌan mé Díos chꞌan la imá nohe chꞌan. Mé xi̱kaha tso̱hen.
18Jaha xja̱na Timoteo, kaín ti ixra̱ i tja̱há si̱nchexiteyá éxi ti nkehe chrónkaxín sin ihni̱é Díos ósé si̱chꞌe jaha. Tíhi la tsjinki̱tsa kixin jína tsjájo̱nko̱a ti jínahña. 19Titekaoan Ìnchéni la ko tjénka̱yáxian ti nkehe jína, kixin nkojín sin la kjuénka̱yáxinhña sin jína ndá sákjuichroe sin, la í titekaonhña sin Ìnchéni. 20Mé xi̱kaha kóhen chꞌin Himeneo la ko Alejandro. Janhan kjuánjua kjuachaxin kixin ti Jínahña sinchekjasóte ti jehe sin kixin tsꞌitja sin í tsꞌándaxíe̱nhña sin Díos.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.