l Tesalonicenses 2
2
Ti ixra̱ tsíkjichꞌe Pablo ti chjasin Tesalónica
1Méxra̱ jahara kíchóni, ó nohara kixin jehya ó chónkó ti kjuíjini chjasánra. 2#Hch. 16:19-24; Hch. 17:1-9.*Kja̱xin ó nohara kixin senó la ti sin chjasin Filipos kꞌuékjinchekjasóte sin ti jeheni la ko kuékꞌántaxín sin. Kjánchó Díos mé kjuínki̱tsa ti jeheni, ndá chrákonhani kjua̱ko̱he̱ni ti jahara ti itén Díos tsaáxini, kjónté imá nínkaon ti sin a. 3Méxra̱ jehya nduáhya kjuakoni, la ko jehya nijnko nkehe nduáhya nixjani la ko kjuíchꞌiyehyani ninkexró. 4Náhí. Díos mé chéhe̱ kixin jína kꞌuéjoni la kjuajon chꞌan ti ixra̱ tsjakoni ti itan tsaáxini, mé xi̱kaha ndoá tjakoni. Jehya kixin tjinkaoni chrókóchéhe̱ chojni ó. Náhí. Tjinkaoni tso̱chéhe̱ Díos, ti nkexro nohe kaín nkehe tjenka̱yáxin a̱séni. 5Ó nohara kixin kjuíchꞌiyaxínhñani ti itan imá náxrjón chrónixjani, kixin xi̱kaha chrókjua̱cha̱xi̱ni chichaon. Díos mé tjetsjehe kixin jehya xi̱kaha tjenka̱yáxini. 6La ko kja̱xin tjeyáhyani kixin chojni chrókjuikosáyehe ti jeheni, á jahara la o̱ íso chojni. 7Náhí, xi̱kahña tjenka̱yáxini, kjónté chóntani kjuachaxin chrókꞌue̱to̱ani kixin jahara chrókjuínki̱tsara ti jeheni, kixin Cristo kjueyá ti jeheni kixin sichꞌeheni chꞌan ixra̱. La nkojína nixjani la kꞌuéjoni éxi ijnko ìñé xjan tꞌayakohen xje̱en kixin jína tsꞌánkí xjan. 8Mé xi̱kaha imá tjua̱hára, ndá jehya jehó ti itén Díos kjuakoni. Náhí. Kjónté chrókꞌuenxíni ti tjakoni kixin xi̱kaha imá tjua̱hára. 9Kíchóni, xráxinkaonra kixin ti ó kjuakoni itén Díos la kja̱xin kjuíchꞌeni ixra̱ ncha̱kotjin la ko tie kixin kjuachani chichaon kꞌue̱naxíni nkehe kjonieni, kixin tjinkakonhñani chrókjuajoni ixra̱.
10Jahara la ó nohara la kja̱xin Díos ó nohe kixin chaxín ndoá kjua̱ko̱xi̱ni ti kꞌuejókoni ti jahara. Ninkexró chrókꞌuekahya ijie̱ ti jeheni kixin ichrén nkehe nduáhya kjuíchꞌeni, kixin tinkachónkira Ìnchéni. 11Kja̱xin jahara la ó nohara nkexrín jína níxjahára kixin jína chrókꞌuejora, nixjani éxi ijnko itꞌé ixjan nixje̱he̱ ti xje̱en. 12La ko kjuakoni kixin jína chrókꞌuejora éxi tjinkaon Díos chrókꞌuejó kaín ti sin tinkáchónki chꞌan, kixin jehe chꞌan ó kꞌuéya̱hára kixin chrókꞌuayéhéra ti kjuachaxin kuènté chꞌan la ko chrókꞌuejoko̱ara chꞌan.
13Méxra̱, nkochríxín chjéheni Díos kjuasáya kixin ti ó kuihínra ti itan jína kuènté Díos kjuakoni, la kjuátso̱anra kixin tíha la itén Díos, jehya itén chojni ó. Tíhi la chaxín itén Díos, la tíhi tjechꞌe ixra̱ nkaya a̱sánra kixin titekáonra. 14#Hch. 17:5.*Mé xi̱kaha jahara kíchóni, kjuasótiara kixin ti sin chjasánra kónínkaon sin éxi yóhe̱ kjuasóte ti sin kuènté Díos tinkáchónki Ìnchéni Cristo Jesús ti nonte Judea, ti ó kjuankíxin kuinkáchónki sin Ìnchéni, ndá ti sin judío chjasén sin kónínkakohen ti jehe sin la ko tjinkaon sin chrókꞌóñá sin. 15#Hch. 9:23, 29; 13:45, 50; 14:2, 5, 19; 17:5, 13; 18:12.*Ti sin a tsíkꞌóñá sin Ìnchéni Jesús la ko kja̱xin tsíkꞌóñá sin ti sin kꞌuéchronka itén Díos ósé, la xi̱kaha kja̱xin kꞌuínkítéxin sin ti jeheni. Mé xi̱kaha kónínkakohen sin kaín chojni, la Díos kóxríe̱nhña ti nkehe kjuíchꞌe sin. 16A̱ndá ti ó tjinkaoni kixin chrókjua̱ko̱he̱ni ti sin jehya judío ti itan jína chrókuaáxin sin, la jehe sin tjinkakonhña sin kixin tsjakoni. La xi̱kaha imá nchekꞌánkí sin ti ijie̱ kuènté sin. A̱ndá ijie ó ikui ti kjuanínkaon kuènté Díos tsjasótexín sin.
Pablo tjinkaon sátsjitsjehe ti sin Tesalónica
17Kíchóni, kjónté kuíto̱heni ti jahara la ókjé kꞌuéjoni, la imá xraxinkakaoni ti jahara la ko kja̱xin imá tjinkaoni chrókjuíjitsjeheni ti jahara ínaá. 18La xi̱kaha janhan Pablo itsjé vece tjínka̱oan chrókjuasántsjaha̱ ti jahara, a̱ndá ti Jínahña mé kjuixrónkáxin ndá xitjahya kjuasán. 19¿Nkehe tso̱hen ti ixra̱ tjejóchꞌeni la nkehe tjejóchuénxini la ko nkekuènté tjejóchéhe̱ni? Jahara mé tso̱chèxini ti ó itsi Ìnchéni Jesucristo kixin kuitekáonra chꞌan. 20Méxra̱ imá chéhe̱ni kixin jahara kuitekáonra Ìnchéni Jesús.
Currently Selected:
l Tesalonicenses 2: poeNTplus
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
l Tesalonicenses 2
2
Ti ixra̱ tsíkjichꞌe Pablo ti chjasin Tesalónica
1Méxra̱ jahara kíchóni, ó nohara kixin jehya ó chónkó ti kjuíjini chjasánra. 2#Hch. 16:19-24; Hch. 17:1-9.*Kja̱xin ó nohara kixin senó la ti sin chjasin Filipos kꞌuékjinchekjasóte sin ti jeheni la ko kuékꞌántaxín sin. Kjánchó Díos mé kjuínki̱tsa ti jeheni, ndá chrákonhani kjua̱ko̱he̱ni ti jahara ti itén Díos tsaáxini, kjónté imá nínkaon ti sin a. 3Méxra̱ jehya nduáhya kjuakoni, la ko jehya nijnko nkehe nduáhya nixjani la ko kjuíchꞌiyehyani ninkexró. 4Náhí. Díos mé chéhe̱ kixin jína kꞌuéjoni la kjuajon chꞌan ti ixra̱ tsjakoni ti itan tsaáxini, mé xi̱kaha ndoá tjakoni. Jehya kixin tjinkaoni chrókóchéhe̱ chojni ó. Náhí. Tjinkaoni tso̱chéhe̱ Díos, ti nkexro nohe kaín nkehe tjenka̱yáxin a̱séni. 5Ó nohara kixin kjuíchꞌiyaxínhñani ti itan imá náxrjón chrónixjani, kixin xi̱kaha chrókjua̱cha̱xi̱ni chichaon. Díos mé tjetsjehe kixin jehya xi̱kaha tjenka̱yáxini. 6La ko kja̱xin tjeyáhyani kixin chojni chrókjuikosáyehe ti jeheni, á jahara la o̱ íso chojni. 7Náhí, xi̱kahña tjenka̱yáxini, kjónté chóntani kjuachaxin chrókꞌue̱to̱ani kixin jahara chrókjuínki̱tsara ti jeheni, kixin Cristo kjueyá ti jeheni kixin sichꞌeheni chꞌan ixra̱. La nkojína nixjani la kꞌuéjoni éxi ijnko ìñé xjan tꞌayakohen xje̱en kixin jína tsꞌánkí xjan. 8Mé xi̱kaha imá tjua̱hára, ndá jehya jehó ti itén Díos kjuakoni. Náhí. Kjónté chrókꞌuenxíni ti tjakoni kixin xi̱kaha imá tjua̱hára. 9Kíchóni, xráxinkaonra kixin ti ó kjuakoni itén Díos la kja̱xin kjuíchꞌeni ixra̱ ncha̱kotjin la ko tie kixin kjuachani chichaon kꞌue̱naxíni nkehe kjonieni, kixin tjinkakonhñani chrókjuajoni ixra̱.
10Jahara la ó nohara la kja̱xin Díos ó nohe kixin chaxín ndoá kjua̱ko̱xi̱ni ti kꞌuejókoni ti jahara. Ninkexró chrókꞌuekahya ijie̱ ti jeheni kixin ichrén nkehe nduáhya kjuíchꞌeni, kixin tinkachónkira Ìnchéni. 11Kja̱xin jahara la ó nohara nkexrín jína níxjahára kixin jína chrókꞌuejora, nixjani éxi ijnko itꞌé ixjan nixje̱he̱ ti xje̱en. 12La ko kjuakoni kixin jína chrókꞌuejora éxi tjinkaon Díos chrókꞌuejó kaín ti sin tinkáchónki chꞌan, kixin jehe chꞌan ó kꞌuéya̱hára kixin chrókꞌuayéhéra ti kjuachaxin kuènté chꞌan la ko chrókꞌuejoko̱ara chꞌan.
13Méxra̱, nkochríxín chjéheni Díos kjuasáya kixin ti ó kuihínra ti itan jína kuènté Díos kjuakoni, la kjuátso̱anra kixin tíha la itén Díos, jehya itén chojni ó. Tíhi la chaxín itén Díos, la tíhi tjechꞌe ixra̱ nkaya a̱sánra kixin titekáonra. 14#Hch. 17:5.*Mé xi̱kaha jahara kíchóni, kjuasótiara kixin ti sin chjasánra kónínkaon sin éxi yóhe̱ kjuasóte ti sin kuènté Díos tinkáchónki Ìnchéni Cristo Jesús ti nonte Judea, ti ó kjuankíxin kuinkáchónki sin Ìnchéni, ndá ti sin judío chjasén sin kónínkakohen ti jehe sin la ko tjinkaon sin chrókꞌóñá sin. 15#Hch. 9:23, 29; 13:45, 50; 14:2, 5, 19; 17:5, 13; 18:12.*Ti sin a tsíkꞌóñá sin Ìnchéni Jesús la ko kja̱xin tsíkꞌóñá sin ti sin kꞌuéchronka itén Díos ósé, la xi̱kaha kja̱xin kꞌuínkítéxin sin ti jeheni. Mé xi̱kaha kónínkakohen sin kaín chojni, la Díos kóxríe̱nhña ti nkehe kjuíchꞌe sin. 16A̱ndá ti ó tjinkaoni kixin chrókjua̱ko̱he̱ni ti sin jehya judío ti itan jína chrókuaáxin sin, la jehe sin tjinkakonhña sin kixin tsjakoni. La xi̱kaha imá nchekꞌánkí sin ti ijie̱ kuènté sin. A̱ndá ijie ó ikui ti kjuanínkaon kuènté Díos tsjasótexín sin.
Pablo tjinkaon sátsjitsjehe ti sin Tesalónica
17Kíchóni, kjónté kuíto̱heni ti jahara la ókjé kꞌuéjoni, la imá xraxinkakaoni ti jahara la ko kja̱xin imá tjinkaoni chrókjuíjitsjeheni ti jahara ínaá. 18La xi̱kaha janhan Pablo itsjé vece tjínka̱oan chrókjuasántsjaha̱ ti jahara, a̱ndá ti Jínahña mé kjuixrónkáxin ndá xitjahya kjuasán. 19¿Nkehe tso̱hen ti ixra̱ tjejóchꞌeni la nkehe tjejóchuénxini la ko nkekuènté tjejóchéhe̱ni? Jahara mé tso̱chèxini ti ó itsi Ìnchéni Jesucristo kixin kuitekáonra chꞌan. 20Méxra̱ imá chéhe̱ni kixin jahara kuitekáonra Ìnchéni Jesús.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.