यरमियाह 47
47
पलिस्तीमन के बारे म संदेस
1फिरौन#47:1 या मिसर के राजा दुवारा गाजा सहर ऊपर हमला करे के पहिली, यरमियाह अगमजानी करा पलिस्तीमन के बारे म यहोवा के ये बचन आईस:
2यहोवा ह ये कहत हे:
“देख, उत्तर दिग म पानी ह कइसे बढ़त हे;
ओह उछरत बोहाय लगही।
ओह देस अऊ ओमा के जम्मो चीज ला डुबो दीही,
नगरमन ला अऊ ओमा रहइया जम्मो झन ला डुबो दीही।
मनखेमन चिचियाहीं;
देस म रहइया जम्मो झन बिलाप करहीं
3सरपट भागत मजबूत घोड़ामन के खुर के अवाज सुनके,
बईरी के रथमन के अवाज सुनके
अऊ ओमन के चक्का के गड़गड़ाहट के अवाज सुनके।
दाई-ददामन अपन लइकामन के मदद करे बर नइं मुड़हीं;
ओमन के हांथमन अपंग हो जाहीं।
4काबरकि जम्मो पलिस्तीमन ला नास करे के
अऊ ओ जम्मो बांचे मनखे
जऊन मन सूर अऊ सीदोन सहर के मदद कर सकत रिहिन,
ओमन ला हटाय के दिन आ गे हवय।
काबरकि यहोवा ह कपतोर#47:4 याने कि, क्रेते के समुंदर तीर के
बांचे पलिस्तीमन ला नास करनेचवाला हे।
5गाजा सहर के मनखेमन सोक म अपन मुड़ मुड़ाहीं;
अस्कलोन के मनखेमन ला चुप करा दिये जाही।
हे समतल जगह म बांचे मनखेमन,
तुमन कब तक अपनआप ला चीरत रहिहू?
6“ ‘आह, हे यहोवा के तलवार,
तेंह कब सांत होबे?
अपन मियान म लहुंट जा;
सांत हो अऊ थम जा।’
7पर येह कइसे सांत हो सकथे
जब यहोवा ह येला हुकूम दे हवय,
जब ओह अस्कलोन अऊ समुंदर तीर ऊपर
हमला करे के हुकूम दे हवय?”
Currently Selected:
यरमियाह 47: एस सी ए
Highlight
Share
Copy
Want to have your highlights saved across all your devices? Sign up or sign in
पबितर बाईबल, समकालीन छत्तीसगढ़ी अनुवाद™ एस सी ए™
कापीराईट © 2012, 2016, 2021, 2024 Biblica, Inc.
Biblica, Inc. के अनुमति के दुवारा उपयोग। पूरा संसार म जम्मो अधिकार सुरछित।
Holy Bible, Chhattisgarhi Contemporary Version™ SCA™
Copyright © 2012, 2016, 2021, 2024 by Biblica, Inc.
Used by permission of Biblica, Inc. All rights reserved worldwide.
