Aba Loma 3
3
1Po nkimba chiza choni chicho chilipo pakuba mu Yuda? Pamo bwiza boni bubo bulimo mukusilimuliwa? 2Ubwiza bulipo nkani pakuba mu Yuda. Ichintu ichakwanda, u Chala akabapa aba Yuda amazyu ghache ukuti baghasungaye. 3Nkimba buli nanti bamo batakabanga basubiliwa, nkimba ichi chikung'anamula ukuti u Chala atangaba uwa kumusubila, pachifukwa ichakusita ukuba basubiliwa? 4#Mas. 51.4Awe, napo panandi! U Chala we wanaloli, napapo umuntu wesi mumyasi. Pakuti Amasimbo ghakuti,
“Umwakuti ukuba mugholosu nanti ukudumula inongwa,
sona nukuti ukulongela mubwanaloli.”
5Loli nanti ubusita bugholosu bwitu bukulanjizya ubugholosu ubwa Chala, nkimba tungati choni? Nkimba tunganena ukuti u Chala ate mugholosu, bo akutufunda? (Nkunena vivyo abantu bamo bakunena.) 6Awe, napo panandi! Nanti u Chala ate mugholosu, nkimba angachilonga bulibuli ichisu ichapasi?
7Umuntu yumo anganena ukuti, “Nanti ubumyasi bwane bukulanjizya ubuchindamu ubwa Chala nu bwanaloli ukuchila pakwanda, nkimba choni chicho nkulongiwa ngati po ne wambibi?” 8Po choni chicho tutakunena ukuti, “Zagha tubombe ivibibi ukuti ubwiza bwize”? Naloli abantu bamo bakutusamula pachifukwa ichakuti tukunena ivintu vinivi! Abantu banaba bafundiwanje nkani.
Nayumo umuntu yuyo mugholosu
9Po tungati choni? Nkimba aswe twe ba Yuda twe biza ukuchila abantu babo bate ba Yuda? Awe, napo panandi!#3.9 ba Yuda…napo panandi: Pamo tuli nintamyo ukuchila abantu babo bate ba Yuda? Mute muzila zyosi, awe! Twanena kale ukuti aba Yuda na bantu babo bate ba Yuda, twebosi poka tuli pasi pabulaghili ubwa mbibi. 10#Mas. 14.1-3, 53.1-3Pakuti Amasimbo ghakuti,
“Nayumo umuntu yuyo mugholosu,
awe atalipo nayumoyumo.
11Nayumo umuntu yuyo wamahala,
pamo yuyo akulonda pakumubombela u Chala.
12Bosi bapulumpa izila, bosi banangite
nayumo umuntu yuyo akubomba inyiza,
awe atalipo nayumoyumo.
13 #
Mas. 5.9
Amamilo ghabo ghasamite ngati gho mapumpa,
indimi zyabo zyizuye nu buzimbuli.
Amazyu aghakoghofya ghagho ghakufuma mumalomo ghabo
ghayanite bulo nubwanga ubwa bachipili.
14 #
Mas. 10.7
Ineno zyabo zyizuye ni vighune,
sona na mazyu aghakubaba.
15 #
Yes. 59.7-8
Ivinama vyabo vyengo nkani pakukupula ibanda.
16Kosi kuko babuka, bakuleka ivisami nintamyo zyene.
17Batayimenye izila iya mutende,
18 #
Mas. 36.1
sona batakumunyila u Chala napo panandi.”
19Ilelo tuzimenye ukuti vyosi vivyo Indaghilo zikunena, zikunena nizya bantu babo bali pasi pa Ndaghilo, umwakuti patakabepo na pabulyeghelo napamopamo, sona nukuti bosi bakwiza pakulongiwa nu Chala. 20#Mas. 143.2; Gal. 2.16Pakuti atalipo umuntu yuyo u Chala akumunena ukuti mugholosu pamaso papache pachifukwa icha kukonka Indaghilo. Loli Indaghilo zikumupela umuntu ukuti imanye ukuti ananga.
Mumo u Chala akubanenela abantu pakuba bagholosu
21Loli ilelo izila yiyo u Chala akubanenela abantu pakuba bagholosu pamaso papache yavumbuliwa. Izila yache yite po pakukonka Indaghilo awe, napapo Indaghilo izya Mozesi na balaghuzi vikubika ubwakaboni. 22#Gal. 2.16U Chala akubanena abantu pakuba bagholosu pamaso papache ukwendela mu lwitiko lwabo mwa Yesu Kilisitu. U Chala akubabomba zinizi abantu bosi babo bakumusubila u Kilisitu, pachifukwa ichakuti patalipo ukulekana nakumokumo, 23pakuti abantu bosi banangite, sona bapotwa pakufika mu buchindamu ubwa Chala. 24Loli pachifukwa icha chisa ichabulo icha Chala, abantu bakuneniwa bagholosu pamaso papache ukwendela mwa Kilisitu Yesu, yuyo akubapoka. 25U Chala akamubika ukuti chibanje chakwiyipa, ukuti ukwendela mu bufwe bwache imbibi izya bantu zihobokeliwe, abantu babo bakumusubila. U Chala akabomba bunubu ukuti alanjizye ubugholosu bwache, pachifukwa icha bufisalyoyo bwache atakabafundila zila abantu babo bakananga. 26Loli ilelo u Chala amusala ukuti alanjizye ubugholosu bwache. Pakubomba zinizi u Chala akilanjizya mwene ukuti mugholosu, sona nukuti akubanena abantu bosi pakuba bagholosu pamaso papache, babo bakusubila mwa Yesu.
27Nkimba po tungituvya ni choni? Nachimochimo! Fwandi ichifukwa chache cho choni? Nkimba Pachifukwa ichakuti tukukonka Indaghilo? Awe, loli pachifukwa ichakuti tukusubila. 28Pachifukwa ichi tunganena ukuti u Chala akumunena umuntu ukuti ate ninongwa pamaso papache ukwendela mu lwitiko, loli kute pakukonka Indaghilo, awe. 29Nkimba u Chala we Chala uwa ba Yuda bene? Nkimba ate we Chala uwa bantu babo bate ba Yuda bope? Momumo, we Chala uwa bantu babo bate ba Yuda bope. 30#Ukk. 6.4; Gal. 3.20U Chala ali weka, akwiza pakubapela aba Yuda pakuba bagholosu pamaso papache ukwendela mu lwitiko lwabo, sona akwiza pakubanena abantu babo bate ba Yuda pakuba bagholosu pamaso papache ukwendela mu lwitiko lwabo. 31Nkimba ichi chikung'anamula ukuti tukunanga Indaghilo nu lwitiko lwitu? Awe, napo panandi. Loli tukuzipela Indaghilo pakuba zyamaka.
Currently Selected:
Aba Loma 3: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo UlupyaAba Loma 3
3
1Po nkimba chiza choni chicho chilipo pakuba mu Yuda? Pamo bwiza boni bubo bulimo mukusilimuliwa? 2Ubwiza bulipo nkani pakuba mu Yuda. Ichintu ichakwanda, u Chala akabapa aba Yuda amazyu ghache ukuti baghasungaye. 3Nkimba buli nanti bamo batakabanga basubiliwa, nkimba ichi chikung'anamula ukuti u Chala atangaba uwa kumusubila, pachifukwa ichakusita ukuba basubiliwa? 4#Mas. 51.4Awe, napo panandi! U Chala we wanaloli, napapo umuntu wesi mumyasi. Pakuti Amasimbo ghakuti,
“Umwakuti ukuba mugholosu nanti ukudumula inongwa,
sona nukuti ukulongela mubwanaloli.”
5Loli nanti ubusita bugholosu bwitu bukulanjizya ubugholosu ubwa Chala, nkimba tungati choni? Nkimba tunganena ukuti u Chala ate mugholosu, bo akutufunda? (Nkunena vivyo abantu bamo bakunena.) 6Awe, napo panandi! Nanti u Chala ate mugholosu, nkimba angachilonga bulibuli ichisu ichapasi?
7Umuntu yumo anganena ukuti, “Nanti ubumyasi bwane bukulanjizya ubuchindamu ubwa Chala nu bwanaloli ukuchila pakwanda, nkimba choni chicho nkulongiwa ngati po ne wambibi?” 8Po choni chicho tutakunena ukuti, “Zagha tubombe ivibibi ukuti ubwiza bwize”? Naloli abantu bamo bakutusamula pachifukwa ichakuti tukunena ivintu vinivi! Abantu banaba bafundiwanje nkani.
Nayumo umuntu yuyo mugholosu
9Po tungati choni? Nkimba aswe twe ba Yuda twe biza ukuchila abantu babo bate ba Yuda? Awe, napo panandi!#3.9 ba Yuda…napo panandi: Pamo tuli nintamyo ukuchila abantu babo bate ba Yuda? Mute muzila zyosi, awe! Twanena kale ukuti aba Yuda na bantu babo bate ba Yuda, twebosi poka tuli pasi pabulaghili ubwa mbibi. 10#Mas. 14.1-3, 53.1-3Pakuti Amasimbo ghakuti,
“Nayumo umuntu yuyo mugholosu,
awe atalipo nayumoyumo.
11Nayumo umuntu yuyo wamahala,
pamo yuyo akulonda pakumubombela u Chala.
12Bosi bapulumpa izila, bosi banangite
nayumo umuntu yuyo akubomba inyiza,
awe atalipo nayumoyumo.
13 #
Mas. 5.9
Amamilo ghabo ghasamite ngati gho mapumpa,
indimi zyabo zyizuye nu buzimbuli.
Amazyu aghakoghofya ghagho ghakufuma mumalomo ghabo
ghayanite bulo nubwanga ubwa bachipili.
14 #
Mas. 10.7
Ineno zyabo zyizuye ni vighune,
sona na mazyu aghakubaba.
15 #
Yes. 59.7-8
Ivinama vyabo vyengo nkani pakukupula ibanda.
16Kosi kuko babuka, bakuleka ivisami nintamyo zyene.
17Batayimenye izila iya mutende,
18 #
Mas. 36.1
sona batakumunyila u Chala napo panandi.”
19Ilelo tuzimenye ukuti vyosi vivyo Indaghilo zikunena, zikunena nizya bantu babo bali pasi pa Ndaghilo, umwakuti patakabepo na pabulyeghelo napamopamo, sona nukuti bosi bakwiza pakulongiwa nu Chala. 20#Mas. 143.2; Gal. 2.16Pakuti atalipo umuntu yuyo u Chala akumunena ukuti mugholosu pamaso papache pachifukwa icha kukonka Indaghilo. Loli Indaghilo zikumupela umuntu ukuti imanye ukuti ananga.
Mumo u Chala akubanenela abantu pakuba bagholosu
21Loli ilelo izila yiyo u Chala akubanenela abantu pakuba bagholosu pamaso papache yavumbuliwa. Izila yache yite po pakukonka Indaghilo awe, napapo Indaghilo izya Mozesi na balaghuzi vikubika ubwakaboni. 22#Gal. 2.16U Chala akubanena abantu pakuba bagholosu pamaso papache ukwendela mu lwitiko lwabo mwa Yesu Kilisitu. U Chala akubabomba zinizi abantu bosi babo bakumusubila u Kilisitu, pachifukwa ichakuti patalipo ukulekana nakumokumo, 23pakuti abantu bosi banangite, sona bapotwa pakufika mu buchindamu ubwa Chala. 24Loli pachifukwa icha chisa ichabulo icha Chala, abantu bakuneniwa bagholosu pamaso papache ukwendela mwa Kilisitu Yesu, yuyo akubapoka. 25U Chala akamubika ukuti chibanje chakwiyipa, ukuti ukwendela mu bufwe bwache imbibi izya bantu zihobokeliwe, abantu babo bakumusubila. U Chala akabomba bunubu ukuti alanjizye ubugholosu bwache, pachifukwa icha bufisalyoyo bwache atakabafundila zila abantu babo bakananga. 26Loli ilelo u Chala amusala ukuti alanjizye ubugholosu bwache. Pakubomba zinizi u Chala akilanjizya mwene ukuti mugholosu, sona nukuti akubanena abantu bosi pakuba bagholosu pamaso papache, babo bakusubila mwa Yesu.
27Nkimba po tungituvya ni choni? Nachimochimo! Fwandi ichifukwa chache cho choni? Nkimba Pachifukwa ichakuti tukukonka Indaghilo? Awe, loli pachifukwa ichakuti tukusubila. 28Pachifukwa ichi tunganena ukuti u Chala akumunena umuntu ukuti ate ninongwa pamaso papache ukwendela mu lwitiko, loli kute pakukonka Indaghilo, awe. 29Nkimba u Chala we Chala uwa ba Yuda bene? Nkimba ate we Chala uwa bantu babo bate ba Yuda bope? Momumo, we Chala uwa bantu babo bate ba Yuda bope. 30#Ukk. 6.4; Gal. 3.20U Chala ali weka, akwiza pakubapela aba Yuda pakuba bagholosu pamaso papache ukwendela mu lwitiko lwabo, sona akwiza pakubanena abantu babo bate ba Yuda pakuba bagholosu pamaso papache ukwendela mu lwitiko lwabo. 31Nkimba ichi chikung'anamula ukuti tukunanga Indaghilo nu lwitiko lwitu? Awe, napo panandi. Loli tukuzipela Indaghilo pakuba zyamaka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya