Aba Loma 14
14
Mutakalonganaye
1 #
Kols. 2.16
Mumupokele akiza umuntu yuyo ulwitiko lwache ludedebazu, loli mutakadalinkanaye nawe pachifukwa icha nyinong'ono zyache mufundo zimo. 2Ulwitiko ulwa muntu yumo lukumwitikizya pakulya ivintu ivya luko losi, loli umuntu yuyo ulwitiko lwache ludedebazu, akulya inyanyi izyamani zyene. 3Umuntu yuyo akulya ivintu ivya luko losi, atakamusamulaye umuntu yuyo atakulya ivintu ivya luko losi. Sona umuntu yuyo atakulya ivintu ivya luko losi, atakamulongaye umuntu yuyo akulya ivintu ivya luko losi, pakuti we Chala yuyo amupokelite. 4Nkimba wewenu awe ukuti umulongaye uwambombo uwa yumo? We Mwene wache mwene yuyo angadumula nanti abomba akiza pamo apotwa. Po akwiza pakubomba akiza muntazi, pakuti u Mwene weyuyo amenye pakumupela ukuti abombaye akiza.
5Umuntu yumo akwinong'ona ukuti isiku limo lyapamwanya nkani ukuchila amasiku ghosi aghanji, bo uwamwabo akwinong'ona ukuti amasiku ghosi ghayanite bulo. Umuntu wesi abombaye vivyo asimikizizya mumoyo wache. 6Umuntu wesi yuyo akwinong'ona ukuti isiku limo lyapamwanya nkani ukuchila amasiku ghosi aghanji, akubomba bunubu ukuti amuchindikaye u Mwene. Po umuntu yuyo akulya ivintu ivya luko losi, akubomba bunubu ukuti amuchindikaye u Mwene pakuti pakubomba bunubu ukumupalizya u Chala. 7Nayumo umuntu mumwitu yuyo ali nubumi mwene, sona nayumo umuntu yuyo akwifwila mwene. 8Nanti tukwiza pakuba nubumi, tukwiza pakuba nubumi pachifukwa icha Mwene, sona nanti tukwiza pakufwa, tukwiza pakufwa pachifukwa icha Mwene. Napapo tubanje nubumi pamo tufwe, twe bantu ba Mwene. 9Pakuti u Kilisitu akafwa nukuzyuka kubufwe umwakuti abanje we Mwene uwa bantu aba bumi, sona nuwa bantu abafwe bope. 10#2 Kol. 5.10Po awe, nkimba choni chicho ukulonga abamwinyu? Nkimba choni chicho ukumusamula uwamwinyu? Pakuti twebosi tukwiza pakwimilila pantazi pachitengo icha Chala ukuti tulongiwe. 11#Yes. 45.23Pakuti Amasimbo ghakuti,
“Naloliloli Ane ne Mwene umumi nkulapa nkuti,
ivimpevu vyosi vikwiza pakunfughamilila,
sona umuntu wesi akwiza pakumfughamilila sona akwiza pakwitika nu mulomo wache
ukuti ane ne Chala.”
12Polelo umuntu wesi mumwitu akwiza pakunena pamwene kwa Chala vyosi vivyo akabomba.
Tutakapunuzannyanje
13Polelo tuleke pakulongana. Loli tuleke pakubomba vivyo vingabapunuzya abantu abanji, pamo pakubika ichizinka muzila iya bantu abanji. 14Pakumamatilana kwane poka nu Mwene u Yesu inzimenye nkani ukuti chitalipo ichintu chimo chicho chinyazu pachene bulo. Loli nanti umuntu yuyo akuchipima ukuti chinyazu, po ichintu chilachila kukwache chinyazu. 15Nanti ukumupela umukamu wako ukuti anange pachifukwa icha vyakulya vivyo ukulya, kokuti utamughanite umukamu yulayula. Utakamunangaye umukamu wako, yuyo u Kilisitu akamufwila, pachifukwa icha vyakulya vivyo ukulya. 16Utakitikizye ukuti ivintu vivyo ukuvipima ukuti vyiza, abantu bavinenaye ukuti vibibi. 17Pakuti Ubumwene ubwa Chala bute ni mbombo ni vyakulya ni vyakung'wela, loli ubugholosu nu mutende, sona nu buhobosu, vivyo u Muzimu Umuzelu akupa. 18Sona nanti umuntu akumubombela u Kilisitu bunubu, akumuhobosya u Chala, sona nukupaliwa na bantu.
19Polelo zagha tuyezye nkani pakubomba ivintu vivyo vya mutende, umwakuti tukazannye. 20Mutakanangaye imbombo iya Chala pachifukwa icha vyakulya. Ivyakulya vyosi vyiza bulo pakulya. Loli chibibi ukuti muntu alyanje ichintu chosi chicho chingamupela umuntu uyunji ukuti anange. 21Chizapo ukuleka pakulya inyama pamo pakung'wela uvinyo pamo pakubomba chicho chingamupela umukamu wako ukuti anange. 22Usungilile zizyo ukusubila nizya vintu vinivi pakasi papako nu Chala. Musayiwa umuntu yuyo atakwilonga mwene, bo asimikizya ukuti ichintu chicho akubomba, chiza. 23Loli nanti umuntu akwilamwa na chicho akulya, u Chala akumususya bo akulya, pachifukwa ichakuti imbombo zyache zitimite palwitiko. Sona ichintu chosi chicho chitimite palwitiko, mbibi.
Currently Selected:
Aba Loma 14: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo UlupyaAba Loma 14
14
Mutakalonganaye
1 #
Kols. 2.16
Mumupokele akiza umuntu yuyo ulwitiko lwache ludedebazu, loli mutakadalinkanaye nawe pachifukwa icha nyinong'ono zyache mufundo zimo. 2Ulwitiko ulwa muntu yumo lukumwitikizya pakulya ivintu ivya luko losi, loli umuntu yuyo ulwitiko lwache ludedebazu, akulya inyanyi izyamani zyene. 3Umuntu yuyo akulya ivintu ivya luko losi, atakamusamulaye umuntu yuyo atakulya ivintu ivya luko losi. Sona umuntu yuyo atakulya ivintu ivya luko losi, atakamulongaye umuntu yuyo akulya ivintu ivya luko losi, pakuti we Chala yuyo amupokelite. 4Nkimba wewenu awe ukuti umulongaye uwambombo uwa yumo? We Mwene wache mwene yuyo angadumula nanti abomba akiza pamo apotwa. Po akwiza pakubomba akiza muntazi, pakuti u Mwene weyuyo amenye pakumupela ukuti abombaye akiza.
5Umuntu yumo akwinong'ona ukuti isiku limo lyapamwanya nkani ukuchila amasiku ghosi aghanji, bo uwamwabo akwinong'ona ukuti amasiku ghosi ghayanite bulo. Umuntu wesi abombaye vivyo asimikizizya mumoyo wache. 6Umuntu wesi yuyo akwinong'ona ukuti isiku limo lyapamwanya nkani ukuchila amasiku ghosi aghanji, akubomba bunubu ukuti amuchindikaye u Mwene. Po umuntu yuyo akulya ivintu ivya luko losi, akubomba bunubu ukuti amuchindikaye u Mwene pakuti pakubomba bunubu ukumupalizya u Chala. 7Nayumo umuntu mumwitu yuyo ali nubumi mwene, sona nayumo umuntu yuyo akwifwila mwene. 8Nanti tukwiza pakuba nubumi, tukwiza pakuba nubumi pachifukwa icha Mwene, sona nanti tukwiza pakufwa, tukwiza pakufwa pachifukwa icha Mwene. Napapo tubanje nubumi pamo tufwe, twe bantu ba Mwene. 9Pakuti u Kilisitu akafwa nukuzyuka kubufwe umwakuti abanje we Mwene uwa bantu aba bumi, sona nuwa bantu abafwe bope. 10#2 Kol. 5.10Po awe, nkimba choni chicho ukulonga abamwinyu? Nkimba choni chicho ukumusamula uwamwinyu? Pakuti twebosi tukwiza pakwimilila pantazi pachitengo icha Chala ukuti tulongiwe. 11#Yes. 45.23Pakuti Amasimbo ghakuti,
“Naloliloli Ane ne Mwene umumi nkulapa nkuti,
ivimpevu vyosi vikwiza pakunfughamilila,
sona umuntu wesi akwiza pakumfughamilila sona akwiza pakwitika nu mulomo wache
ukuti ane ne Chala.”
12Polelo umuntu wesi mumwitu akwiza pakunena pamwene kwa Chala vyosi vivyo akabomba.
Tutakapunuzannyanje
13Polelo tuleke pakulongana. Loli tuleke pakubomba vivyo vingabapunuzya abantu abanji, pamo pakubika ichizinka muzila iya bantu abanji. 14Pakumamatilana kwane poka nu Mwene u Yesu inzimenye nkani ukuti chitalipo ichintu chimo chicho chinyazu pachene bulo. Loli nanti umuntu yuyo akuchipima ukuti chinyazu, po ichintu chilachila kukwache chinyazu. 15Nanti ukumupela umukamu wako ukuti anange pachifukwa icha vyakulya vivyo ukulya, kokuti utamughanite umukamu yulayula. Utakamunangaye umukamu wako, yuyo u Kilisitu akamufwila, pachifukwa icha vyakulya vivyo ukulya. 16Utakitikizye ukuti ivintu vivyo ukuvipima ukuti vyiza, abantu bavinenaye ukuti vibibi. 17Pakuti Ubumwene ubwa Chala bute ni mbombo ni vyakulya ni vyakung'wela, loli ubugholosu nu mutende, sona nu buhobosu, vivyo u Muzimu Umuzelu akupa. 18Sona nanti umuntu akumubombela u Kilisitu bunubu, akumuhobosya u Chala, sona nukupaliwa na bantu.
19Polelo zagha tuyezye nkani pakubomba ivintu vivyo vya mutende, umwakuti tukazannye. 20Mutakanangaye imbombo iya Chala pachifukwa icha vyakulya. Ivyakulya vyosi vyiza bulo pakulya. Loli chibibi ukuti muntu alyanje ichintu chosi chicho chingamupela umuntu uyunji ukuti anange. 21Chizapo ukuleka pakulya inyama pamo pakung'wela uvinyo pamo pakubomba chicho chingamupela umukamu wako ukuti anange. 22Usungilile zizyo ukusubila nizya vintu vinivi pakasi papako nu Chala. Musayiwa umuntu yuyo atakwilonga mwene, bo asimikizya ukuti ichintu chicho akubomba, chiza. 23Loli nanti umuntu akwilamwa na chicho akulya, u Chala akumususya bo akulya, pachifukwa ichakuti imbombo zyache zitimite palwitiko. Sona ichintu chosi chicho chitimite palwitiko, mbibi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya