Imbombo 7
7
Amazyu agha Sitefani
1Umuputi usongo akamulalusya u Sitefani akati, “Nkimba izi zyanaloli?”
2 #
Ubw. 12.1
U Sitefani akamula akati, “Mwee bakamu bane na batata, munteghelezye! Bo umunyenya witu u Abulahamu achili atabukite pakwikala mu Halani, u Chala uwa buchindamu akamubonekela muchisu icha Mesopotamiya 3nukumubuzya ukuti, ‘Fumamo muchisu chako. Ubaleke abakamu bako nukubuka kuchisu chicho nkwiza pakukulanjizya.’ 4#Ubw. 11.31, 12.4Po akepamo muchisi chache icha Akalideya nukubuka pakwikala mu Halani. Bo uwise uwa Abulahamu afwa, u Chala akamusamizya kuchisu chicho mukwikalamo losi ulu. 5#Ubw. 12.7, 13.15, 15.18, 17.8U Chala atakamupako u Abulahamu na kabuzilo nakamokamo ukuti kabanje kache na kache, napapo imita lyoka, loli u Chala akamulayizya pakumupako ichisu ichi, sona ukuti kabanje kache na kache nuluko lwache. Pakabalilo kako u Chala akamulayizyanga, u Abulahamu atakaba na bana. 6#Ubw. 15.13-14Izi zyo zizyo u Chala akamubuzya ukuti, ‘Abaluko lwako bakwiza pakuba bayeni muchisu chicho chite chabo. Kulakula bakwiza pakuba bazya, sona bakwiza pakuyiviwa amaka 400. 7#Ukf. 3.12Loli nkwiza pakuzifunda inko zizyo zikwiza pakukubombela pakuba bazya, pisinda pache abaluko lwako bakwiza pakwepamo muchisu chilachila nukunyiputa pabuzilo ubu.’ 8#Ubw. 17.10-14, 21.2-4, 25.26, 29.31—35.18U Chala akafingana nu Abulahamu, po ukusilimula kukaba chimanyilo icha lufingo. U Abulahamu akamusilimula u Yisaki, bo pachilapo u sabata weka ukwandila pisiku lilyo akapapiwa. U Yisaki akamusilimula umwana wache u Yakobo; wepe u Yakobo akabasilimula abana bache 12, abanyenya abamanyikwe abaluko lwitu.
9 #
Ubw. 37.11, 28, 39.2, 21 “Abana aba Yakobo bakaba na kabini nu wamwabo u Yosefu nukumughulizya ngati we muzya mu Ijiputi. Loli u Chala akaba nawe 10#Ubw. 41.39-41nukumupoka muntamyo zyache zyosi. Bo u Yosefu aboneka pamaso pa Falabo, u mwene uwamu Ijiputi, u Chala akamupa inkalo inyiza na mahala. Po u mwene akamubika u Yosefu pakuba mulaghili uwamu Ijiputi, sona usongo uwa kunyumba iya bumwene. 11#Ubw. 42.1-2Po izala yikawa muchisu chosi icha Ijiputi nicha Kenani, yiyo yikapela amayimba amakulu nkani, umwakuti abanyenya bitu bakapotwa pakuchagha ichakulya. 12Bo u Yakobo ivwa ukuti mu Ijiputi mukaba ichakulya, akabatuma abana bache, abanyenya bitu. Ubu bukaba bulendo bwabo ubwakwanda. 13#Ubw. 45.1, 16Pabulendo bwabo ubwabubili u Yosefu akilanjizya mwene ku bawamwabo, po u Falabo akamanya nizya mbumba iya Yosefu. 14#Ubw. 45.9-10, 17-18, 46.27Po u Yosefu akatuma intumi kwa wise u Yakobo, pakumubuzya ni mbumba yache yosi, babo bosi poka bakaba abantu 75 ukuti bize mu Ijiputi. 15#Ubw. 46.1-7, 49.33Po u Yakobo akabuka mu Ijiputi mumo yuyo na bana bache bakafwila. 16#Ubw. 23.3-16, 33.19, 50.7-13; Yos. 24.32Imivimba yabo bakayinyamulila mu Shekemu, mumo bakayisyila mwipumpa, lilyo u Abulahamu akaghula ku bana aba Hamoli ni ndalama.
17 #
Ukf. 1.7-8
“Bo akabalilo kakwana akakuti u Chala abombe zizyo akamulayizya u Abulahamu, abantu bitu mu Ijiputi bakabala nkani. 18Pabumalilo u mwene yuyo atakazimanya nizya Yosefu akanda pakulaghila mu Ijiputi. 19#Ukf. 1.10-11, 22Akabenda pasi abanyenya bitu nukubayivya pakubafyenga ukuti babaleke ababonda babo kuzi kutwaya twabo, ukuti tufwile kulakula. 20#Ukf. 2.2Kakaba kabalilo kanaka kako u Mozesi akapapiwa, umwana umwiza nkani pamaso pa Chala. Akaleliwa munyumba iya wise amezi matatu, 21#Ukf. 2.3-10bo bamwefyamo munyumba iya wise, umwana umulindu uwa Falabo akamuseba nukumulela ngati mwana wache. 22Bakamumanyisya u Mozesi amahala ghosi agha mu Ijiputi, sona akaba muntu uwamaka mumazyu na mumbombo bulo.
23 #
Ukf. 2.11-15
“Bo u Mozesi afika amaka 40, akinong'ona pakubendela abakamu bache aba Izilayeli. 24Akamwennya umuntu uwa muchisu icha Ijiputi akumuyivya yumo uwa babo, akabuka pakumupoka nukutanizya pakumughogha umuntu uwamu Ijiputi. 25U Mozesi akinong'ona ukuti abantu bache bangazyaghannya ukuti u Chala akamutuma pakubapoka muntamyo zyabo, loli batakazyaghannya. 26Indabi yache akabennya aba Izilayeli babili bakulwa benebene, akayezya pakubamanyannya. Akanena ukuti, ‘Mwe bantu, mwe bana muntu, po nkimba choni chicho mukulwa bunubu?’ 27Loli yuyo akamuyivya uwamwabo akamusunkila u Mozesi kulubazu nukumulalusya ukuti, ‘Nkimba wewenu akakubika pakuba we mulaghili nu mulongi pakasi papitu? 28Nkimba ukulonda pakungogha ukuyana namumo ukamughoghela umu Ijiputi yula mumabwila?’ 29#Ukf. 18.3-4Bo u Mozesi ivwa zinizi, akachimbilamo mu Ijiputi nukubuka pakwikala muchisu icha Midiyani. Kulakula akapapako abana babili.
30 #
Ukf. 3.1-10
“Bo ghachilapo amaka 40, uwantumi uwakumwanya akamubonekela u Mozesi muchivwati ichakwaka numoto munkolongo papipi ni ghamba ilya Sinayi. 31U Mozesi akaswigha na vivyo akavyennya, po akapalamila papipi ukuti enelezye. Loli akivwa izyu ilya Mwene likuti, 32‘Ane ne Chala uwa banyenya binyu, u Chala uwa Abulahamu nuwa Yisaki sona nuwa Yakobo.’ U Mozesi akatetema nubogha, sona atakajimba ukwennyako. 33U Mwene akamubuzya akati, ‘Vula inkwato zyako pakuti ubuzilo bubo wimitepo buzelu. 34Naghennya amayimba agha bantu bane mu Ijiputi. Nivwa ukukoloma kwabo, po niza pakubapoka. Zagha losi ulu ukuti nkutume kuchisu icha Ijiputi.’
35 #
Ukf. 2.14
“U Mozesi weyuyo aba Izilayeli bakamukana. Bakamulalusya bakati, ‘Nkimba wewenu akakubika pakuba we mulaghili nu mulongi pakasi papitu?’ Sona weyuyo u Chala akamutuma ukuti abanje we songo nu mupoki ukwendela mu wantumi uwakumwanya yuyo akamubonekela muchivwati ichakwaka numoto. 36#Ukf. 7.5, 14.21; Ukb. 14.33U Mozesi akabalongolela abantu ukwepamo mu Ijiputi, akabombagha ivyika ni viswigho mu Ijiputi napa Nyanja Inchesamu, sona na munkolongo amaka 40. 37#Ukk. 18.15, 18U Mozesi weyuyo akababuzya aba Izilayeli ukuti, ‘U Chala akwiza pakubatumila umulaghuzi ukuyana namumo akantumila, sona akwiza pakuba yumo uwa bantu binyu.’ 38#Ukf. 19.1—20.17; Ukk. 5.1-33Weyuyo akabungana poka naba Izilayeli munkolongo. Akaba mulamula na banyenya bitu poka nu wantumi uwakumwanya, yuyo akamubuzya pighamba ilya Sinayi nukutupokelela amazyu agha bumi agha Chala.
39“Loli abanyenya bitu bakakana pakumwivwila, bakamusunkila kulubazu nukulonda ukuti ngali banganyokela kuchisu icha Ijiputi. 40#Ukf. 32.1Po bakanena kwa Aloni bakati, ‘Utupangile abachala babo bakwiza pakutulongolela. Aswe tutakuzimanya zizyo zyamuwila umuntu yula u Mozesi, yuyo akatulongolela pakwepamo mu Ijiputi.’ 41#Ukf. 32.2-6Palapala bakapanga ichifwani chicho chikaboneka ngati ngwata, bakabika ivyabupi ku chifwani chila nukuba nu lusekelo ulwakuchindikila zizyo abene bakapanga ni nyobe zyabo. 42#Amo. 5.25-27Po u Chala akabapa inkonto nukubavwituka ukuti biputaye bulo ni ntondwa izya kumwanya ukuyana namumo zisimbiliwe mwibuku ilya balaghuzi ukuti,
‘Mwee ba Izilayeli!
Mutakangoghelagha nene ivinyamana vyinyu
nukubika ivyabupi amaka 40 munkolongo?
43Loli ilelo mwachinyamula ichisakasa icha chala u Moleki,
sona nu lutondwa ulwa chala winyu u Lefani,
vikaba vifwani vivyo mukamata ukuti muvyiputaye.
Polelo nkwiza pakubatuma pakuba mwe bazya
ukuchila ichisu icha Babiloni.’
44 #
Ukf. 25.9, 40 “Abanyenya bitu bakaba ni Chisakasa munkolongo ichakusimikizya ukuti u Chala akaba nabo. Chikapangiwa bulo mumo u Chala akamubuzizya u Mozesi ukuti apangile, ukuyana namumo u Mozesi akamulanjizizya. 45#Yos. 3.14-17Pisinda pache abanyenya bitu bakachipokela Ichisakasa chilachila ku batata babo. Bakachinyamula, bo bakubuka nu Yoshwa pakufyula ichisu munyobe izya inko izya bantu, babo u Chala akabachimbizya pamaso papabo. Ichisakasa chila chikikala kulakula mupaka pakabalilo aka Devedi. 46#2 Sam. 7.1-16; 1 Imb. 17.1-14U Chala akahoboka nkani nu Devedi, po u Devedi akamulaba ukuti amwitikizye ukuti amuzengele inyumba iyakwikalamo u Chala uwa Yakobo.#7.46 u Chala uwa Yakobo: Amasimbo ghamo aghakale ghasimbite ukuti aba Izilayeli. 47#1 Abm. 6.1-38; 2 Imb. 3.1-17Loli akaba we Solomoni yuyo akamuzengela inyumba. 48Loli u Chala Uwakumwanya Nkani atakwikala munyumba zizyo zizengiwe na bantu, ukuyana namumo umulaghuzi akulaghulila ukuti,
49 #
Yes. 66.1-2
U Mwene akunena ukuti,
‘Kumwanya cho chitengo chane icha bumwene,
sona ichisu ichapasi cho chakutuzizyapo inyayo zyane
Nkimba nyumba yoni yiyo munganzengela?
Nkimba ubuzilo bubo imbaghiye pakwikalamo buli ko kwiyi?
50Nkimba inte nene nkapanga ivintu vyosi vinivi?’ ”
51 #
Yes. 63.10
U Sitefani akendelela pakunena ukuti, “Mwe bantu aba moyo amakafu mwee. Amoyo ghinyu ghayanite bulo na bantu abakuzi, sona muli na mapuli! Ukuyana namumo bakabombelagha abanyenya binyu, akabalilo kosi amwe mukumukana u Muzimu Umuzelu! 52Nkimba kukabako umulaghuzi yumo yuyo abanyenya binyu batakamuvwimapo? Bakaghogha abantumi aba Chala, babo kale bakafumusya izya kwiza ukwa Mubombi wache Umugholosu. Po losi ulu mwamubika munyobe izya balwani nukumughogha. 53Amwe mwemwe mukapokela Indaghilo izya Chala, zizyo zikapeghiwa kukwinyu ukwendela mubantumi, loli mutakazyivwila!”
Bakumusumba u Sitefani na mabwe
54Bo abalongi bakuteghelezya kwa Sitefani, bakakalala nukumumemenela amino. 55Loli nu bwizule ubwa Muzimu Umuzelu, u Sitefani akennya kumwanya nukwennya ubuchindamu ubwa Chala, sona u Yesu imiliye kunyobe indilo iya Chala. 56Akati, “Ennya, nkwennya kumwanya kwighukite, sona u Mwana uwa Muntu imiliye kunyobe indilo iya Chala.”
57Loli abene bakakolomoka nkani, bakighalila amakutu ghabo ni nyobe zyabo. Panapo na panapo bosi poka bakamunyelela, 58bakamuwesela kuzi ukwa kaya kala nukumusumba na mabwe. Abakaboni bakasungisya amenda ghabo ku mulumendo yuyo bakatinji Sabuli. 59Bo bakwendelela pakumusumba na mabwe, u Sitefani akanda pakwiputa ukuti, “Wee Mwene Yesu, pokela umuzimu wane!” 60Akafughama nukulila na mazyu agha pamwanya ukuti, “Wee Mwene! Utakakumbuke imbibi yabo iyi.” Bo anena zinizi akafwa.
Currently Selected:
Imbombo 7: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo UlupyaImbombo 7
7
Amazyu agha Sitefani
1Umuputi usongo akamulalusya u Sitefani akati, “Nkimba izi zyanaloli?”
2 #
Ubw. 12.1
U Sitefani akamula akati, “Mwee bakamu bane na batata, munteghelezye! Bo umunyenya witu u Abulahamu achili atabukite pakwikala mu Halani, u Chala uwa buchindamu akamubonekela muchisu icha Mesopotamiya 3nukumubuzya ukuti, ‘Fumamo muchisu chako. Ubaleke abakamu bako nukubuka kuchisu chicho nkwiza pakukulanjizya.’ 4#Ubw. 11.31, 12.4Po akepamo muchisi chache icha Akalideya nukubuka pakwikala mu Halani. Bo uwise uwa Abulahamu afwa, u Chala akamusamizya kuchisu chicho mukwikalamo losi ulu. 5#Ubw. 12.7, 13.15, 15.18, 17.8U Chala atakamupako u Abulahamu na kabuzilo nakamokamo ukuti kabanje kache na kache, napapo imita lyoka, loli u Chala akamulayizya pakumupako ichisu ichi, sona ukuti kabanje kache na kache nuluko lwache. Pakabalilo kako u Chala akamulayizyanga, u Abulahamu atakaba na bana. 6#Ubw. 15.13-14Izi zyo zizyo u Chala akamubuzya ukuti, ‘Abaluko lwako bakwiza pakuba bayeni muchisu chicho chite chabo. Kulakula bakwiza pakuba bazya, sona bakwiza pakuyiviwa amaka 400. 7#Ukf. 3.12Loli nkwiza pakuzifunda inko zizyo zikwiza pakukubombela pakuba bazya, pisinda pache abaluko lwako bakwiza pakwepamo muchisu chilachila nukunyiputa pabuzilo ubu.’ 8#Ubw. 17.10-14, 21.2-4, 25.26, 29.31—35.18U Chala akafingana nu Abulahamu, po ukusilimula kukaba chimanyilo icha lufingo. U Abulahamu akamusilimula u Yisaki, bo pachilapo u sabata weka ukwandila pisiku lilyo akapapiwa. U Yisaki akamusilimula umwana wache u Yakobo; wepe u Yakobo akabasilimula abana bache 12, abanyenya abamanyikwe abaluko lwitu.
9 #
Ubw. 37.11, 28, 39.2, 21 “Abana aba Yakobo bakaba na kabini nu wamwabo u Yosefu nukumughulizya ngati we muzya mu Ijiputi. Loli u Chala akaba nawe 10#Ubw. 41.39-41nukumupoka muntamyo zyache zyosi. Bo u Yosefu aboneka pamaso pa Falabo, u mwene uwamu Ijiputi, u Chala akamupa inkalo inyiza na mahala. Po u mwene akamubika u Yosefu pakuba mulaghili uwamu Ijiputi, sona usongo uwa kunyumba iya bumwene. 11#Ubw. 42.1-2Po izala yikawa muchisu chosi icha Ijiputi nicha Kenani, yiyo yikapela amayimba amakulu nkani, umwakuti abanyenya bitu bakapotwa pakuchagha ichakulya. 12Bo u Yakobo ivwa ukuti mu Ijiputi mukaba ichakulya, akabatuma abana bache, abanyenya bitu. Ubu bukaba bulendo bwabo ubwakwanda. 13#Ubw. 45.1, 16Pabulendo bwabo ubwabubili u Yosefu akilanjizya mwene ku bawamwabo, po u Falabo akamanya nizya mbumba iya Yosefu. 14#Ubw. 45.9-10, 17-18, 46.27Po u Yosefu akatuma intumi kwa wise u Yakobo, pakumubuzya ni mbumba yache yosi, babo bosi poka bakaba abantu 75 ukuti bize mu Ijiputi. 15#Ubw. 46.1-7, 49.33Po u Yakobo akabuka mu Ijiputi mumo yuyo na bana bache bakafwila. 16#Ubw. 23.3-16, 33.19, 50.7-13; Yos. 24.32Imivimba yabo bakayinyamulila mu Shekemu, mumo bakayisyila mwipumpa, lilyo u Abulahamu akaghula ku bana aba Hamoli ni ndalama.
17 #
Ukf. 1.7-8
“Bo akabalilo kakwana akakuti u Chala abombe zizyo akamulayizya u Abulahamu, abantu bitu mu Ijiputi bakabala nkani. 18Pabumalilo u mwene yuyo atakazimanya nizya Yosefu akanda pakulaghila mu Ijiputi. 19#Ukf. 1.10-11, 22Akabenda pasi abanyenya bitu nukubayivya pakubafyenga ukuti babaleke ababonda babo kuzi kutwaya twabo, ukuti tufwile kulakula. 20#Ukf. 2.2Kakaba kabalilo kanaka kako u Mozesi akapapiwa, umwana umwiza nkani pamaso pa Chala. Akaleliwa munyumba iya wise amezi matatu, 21#Ukf. 2.3-10bo bamwefyamo munyumba iya wise, umwana umulindu uwa Falabo akamuseba nukumulela ngati mwana wache. 22Bakamumanyisya u Mozesi amahala ghosi agha mu Ijiputi, sona akaba muntu uwamaka mumazyu na mumbombo bulo.
23 #
Ukf. 2.11-15
“Bo u Mozesi afika amaka 40, akinong'ona pakubendela abakamu bache aba Izilayeli. 24Akamwennya umuntu uwa muchisu icha Ijiputi akumuyivya yumo uwa babo, akabuka pakumupoka nukutanizya pakumughogha umuntu uwamu Ijiputi. 25U Mozesi akinong'ona ukuti abantu bache bangazyaghannya ukuti u Chala akamutuma pakubapoka muntamyo zyabo, loli batakazyaghannya. 26Indabi yache akabennya aba Izilayeli babili bakulwa benebene, akayezya pakubamanyannya. Akanena ukuti, ‘Mwe bantu, mwe bana muntu, po nkimba choni chicho mukulwa bunubu?’ 27Loli yuyo akamuyivya uwamwabo akamusunkila u Mozesi kulubazu nukumulalusya ukuti, ‘Nkimba wewenu akakubika pakuba we mulaghili nu mulongi pakasi papitu? 28Nkimba ukulonda pakungogha ukuyana namumo ukamughoghela umu Ijiputi yula mumabwila?’ 29#Ukf. 18.3-4Bo u Mozesi ivwa zinizi, akachimbilamo mu Ijiputi nukubuka pakwikala muchisu icha Midiyani. Kulakula akapapako abana babili.
30 #
Ukf. 3.1-10
“Bo ghachilapo amaka 40, uwantumi uwakumwanya akamubonekela u Mozesi muchivwati ichakwaka numoto munkolongo papipi ni ghamba ilya Sinayi. 31U Mozesi akaswigha na vivyo akavyennya, po akapalamila papipi ukuti enelezye. Loli akivwa izyu ilya Mwene likuti, 32‘Ane ne Chala uwa banyenya binyu, u Chala uwa Abulahamu nuwa Yisaki sona nuwa Yakobo.’ U Mozesi akatetema nubogha, sona atakajimba ukwennyako. 33U Mwene akamubuzya akati, ‘Vula inkwato zyako pakuti ubuzilo bubo wimitepo buzelu. 34Naghennya amayimba agha bantu bane mu Ijiputi. Nivwa ukukoloma kwabo, po niza pakubapoka. Zagha losi ulu ukuti nkutume kuchisu icha Ijiputi.’
35 #
Ukf. 2.14
“U Mozesi weyuyo aba Izilayeli bakamukana. Bakamulalusya bakati, ‘Nkimba wewenu akakubika pakuba we mulaghili nu mulongi pakasi papitu?’ Sona weyuyo u Chala akamutuma ukuti abanje we songo nu mupoki ukwendela mu wantumi uwakumwanya yuyo akamubonekela muchivwati ichakwaka numoto. 36#Ukf. 7.5, 14.21; Ukb. 14.33U Mozesi akabalongolela abantu ukwepamo mu Ijiputi, akabombagha ivyika ni viswigho mu Ijiputi napa Nyanja Inchesamu, sona na munkolongo amaka 40. 37#Ukk. 18.15, 18U Mozesi weyuyo akababuzya aba Izilayeli ukuti, ‘U Chala akwiza pakubatumila umulaghuzi ukuyana namumo akantumila, sona akwiza pakuba yumo uwa bantu binyu.’ 38#Ukf. 19.1—20.17; Ukk. 5.1-33Weyuyo akabungana poka naba Izilayeli munkolongo. Akaba mulamula na banyenya bitu poka nu wantumi uwakumwanya, yuyo akamubuzya pighamba ilya Sinayi nukutupokelela amazyu agha bumi agha Chala.
39“Loli abanyenya bitu bakakana pakumwivwila, bakamusunkila kulubazu nukulonda ukuti ngali banganyokela kuchisu icha Ijiputi. 40#Ukf. 32.1Po bakanena kwa Aloni bakati, ‘Utupangile abachala babo bakwiza pakutulongolela. Aswe tutakuzimanya zizyo zyamuwila umuntu yula u Mozesi, yuyo akatulongolela pakwepamo mu Ijiputi.’ 41#Ukf. 32.2-6Palapala bakapanga ichifwani chicho chikaboneka ngati ngwata, bakabika ivyabupi ku chifwani chila nukuba nu lusekelo ulwakuchindikila zizyo abene bakapanga ni nyobe zyabo. 42#Amo. 5.25-27Po u Chala akabapa inkonto nukubavwituka ukuti biputaye bulo ni ntondwa izya kumwanya ukuyana namumo zisimbiliwe mwibuku ilya balaghuzi ukuti,
‘Mwee ba Izilayeli!
Mutakangoghelagha nene ivinyamana vyinyu
nukubika ivyabupi amaka 40 munkolongo?
43Loli ilelo mwachinyamula ichisakasa icha chala u Moleki,
sona nu lutondwa ulwa chala winyu u Lefani,
vikaba vifwani vivyo mukamata ukuti muvyiputaye.
Polelo nkwiza pakubatuma pakuba mwe bazya
ukuchila ichisu icha Babiloni.’
44 #
Ukf. 25.9, 40 “Abanyenya bitu bakaba ni Chisakasa munkolongo ichakusimikizya ukuti u Chala akaba nabo. Chikapangiwa bulo mumo u Chala akamubuzizya u Mozesi ukuti apangile, ukuyana namumo u Mozesi akamulanjizizya. 45#Yos. 3.14-17Pisinda pache abanyenya bitu bakachipokela Ichisakasa chilachila ku batata babo. Bakachinyamula, bo bakubuka nu Yoshwa pakufyula ichisu munyobe izya inko izya bantu, babo u Chala akabachimbizya pamaso papabo. Ichisakasa chila chikikala kulakula mupaka pakabalilo aka Devedi. 46#2 Sam. 7.1-16; 1 Imb. 17.1-14U Chala akahoboka nkani nu Devedi, po u Devedi akamulaba ukuti amwitikizye ukuti amuzengele inyumba iyakwikalamo u Chala uwa Yakobo.#7.46 u Chala uwa Yakobo: Amasimbo ghamo aghakale ghasimbite ukuti aba Izilayeli. 47#1 Abm. 6.1-38; 2 Imb. 3.1-17Loli akaba we Solomoni yuyo akamuzengela inyumba. 48Loli u Chala Uwakumwanya Nkani atakwikala munyumba zizyo zizengiwe na bantu, ukuyana namumo umulaghuzi akulaghulila ukuti,
49 #
Yes. 66.1-2
U Mwene akunena ukuti,
‘Kumwanya cho chitengo chane icha bumwene,
sona ichisu ichapasi cho chakutuzizyapo inyayo zyane
Nkimba nyumba yoni yiyo munganzengela?
Nkimba ubuzilo bubo imbaghiye pakwikalamo buli ko kwiyi?
50Nkimba inte nene nkapanga ivintu vyosi vinivi?’ ”
51 #
Yes. 63.10
U Sitefani akendelela pakunena ukuti, “Mwe bantu aba moyo amakafu mwee. Amoyo ghinyu ghayanite bulo na bantu abakuzi, sona muli na mapuli! Ukuyana namumo bakabombelagha abanyenya binyu, akabalilo kosi amwe mukumukana u Muzimu Umuzelu! 52Nkimba kukabako umulaghuzi yumo yuyo abanyenya binyu batakamuvwimapo? Bakaghogha abantumi aba Chala, babo kale bakafumusya izya kwiza ukwa Mubombi wache Umugholosu. Po losi ulu mwamubika munyobe izya balwani nukumughogha. 53Amwe mwemwe mukapokela Indaghilo izya Chala, zizyo zikapeghiwa kukwinyu ukwendela mubantumi, loli mutakazyivwila!”
Bakumusumba u Sitefani na mabwe
54Bo abalongi bakuteghelezya kwa Sitefani, bakakalala nukumumemenela amino. 55Loli nu bwizule ubwa Muzimu Umuzelu, u Sitefani akennya kumwanya nukwennya ubuchindamu ubwa Chala, sona u Yesu imiliye kunyobe indilo iya Chala. 56Akati, “Ennya, nkwennya kumwanya kwighukite, sona u Mwana uwa Muntu imiliye kunyobe indilo iya Chala.”
57Loli abene bakakolomoka nkani, bakighalila amakutu ghabo ni nyobe zyabo. Panapo na panapo bosi poka bakamunyelela, 58bakamuwesela kuzi ukwa kaya kala nukumusumba na mabwe. Abakaboni bakasungisya amenda ghabo ku mulumendo yuyo bakatinji Sabuli. 59Bo bakwendelela pakumusumba na mabwe, u Sitefani akanda pakwiputa ukuti, “Wee Mwene Yesu, pokela umuzimu wane!” 60Akafughama nukulila na mazyu agha pamwanya ukuti, “Wee Mwene! Utakakumbuke imbibi yabo iyi.” Bo anena zinizi akafwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya