Imbombo 23
23
1U Pabuli akenelezya abalongi bala nukuti, “Mwee bakamu bane, mupaka ilelo namubombela u Chala nu mabyebye wane umwiza.” 2Umuputi usongo u Ananiya akabalamula babo bakimilila papipi nu Pabuli ukuti bamukome pa mulomo. 3#Mat. 23.27-28Po u Pabuli akamubuzya akati, “Nawe u Chala akwiza pakukukoma, awe we lubumba ulwa ibanya. Wikaye panapo ukundonga ukuyana ni Ndaghilo izya Mozesi, loli nkimba choni chicho ukunanga Indaghilo pakubalamula ukuti bankome?”
4Abantu babo bakimilila papipi nu Pabuli bakamubuzya bakati, “Choni chicho ukumutuka umuputi usongo uwa Chala.”
5 #
Ukf. 22.28
U Pabuli akamula akati, “Mwee bakamu bane, intazimenye ukuti we muputi usongo. Amasimbo ghakuti, ‘Mutakamutukaye umulaghili uwa bantu bako.’ ”
6 #
Imbo. 26.5; Filp. 3.5 Loli bo u Pabuli ennya ukuti bamo aba mukabukatila kala bakaba ba Sadukayi, sona nukuti abanji bakaba ba Falisayi, akakolomoka nkani pamaso pa balongi akati, “Mwee bakamu bane, ane ne mu Falisayi umwana uwamu Falisayi. Indi pakulongiwa pano pachifukwa ichakuti nkusubila ukuti abafwe bakwiza pakuzyuka kubufwe.”
7Bo anena bulo amazyu ghanagha, aba Falisayi naba Sadukayi bakanda pakudalinkana, sona ichilundilo chosi chikagabinkana. 8#Mat. 22.23; Mlko. 12.18; Luk. 20.27(Pakuti aba Sadukayi bakatinji abantu batakwiza pakuzyuka kubufwe, sona nukuti abantumi ni mizimu vitaliko. Loli aba Falisayi bakasubila muvyosi vitatu ivi.) 9Kukaba ichongo ichikulu nkani, po abamanyisi bamo aba Ndaghilo babo bakaba aba mukabukatila aka ba Falisayi bakimilila nukukana nkani ukuti, “Tutakuchagha nachimochimo chicho umuntu uyu anangite. Buli nanti umuzimu pamo uwantumi anenite nawe?”
10Ukudalinkana kukendelela nkani, umwakuti usongo uwa basilikali akanyila ukuti bangamunyonkolannya bulo u Pabuli. Po akabalamula abasilikali bache ukuti babukaye ku bantu bala nukumupoka u Pabuli nukubuka nawe mwilinga. 11Ubusiku bulabula u Mwene akimilila papipi nu Pabuli nukumubuzya ukuti, “Utakanyilaye! Ukaba we kaboni wane mu Yelusalemu muno, po ubaghiye pakuba we kaboni wane sona na mu Loma bulo.”
Aba Yuda babatika nizya kumughogha u Pabuli
12Bo kwacha, aba Yuda bakabatika nizya kumughogha u Pabuli. Bakalapa kwa Chala ukuti batakwiza pakulya pamo ukung'wela kamo mupaka papo bamughogha u Pabuli. 13Abantu babo bakabatika nizya kumughogha u Pabuli bosi poka bakachila pa 40. 14Po bakabuka ku baputi abasongo na balongozi aba Chiyuda nukubabuzya ukuti, “Twalapa twebosi ukuti tutakwiza pakulya nakamo mupaka papo twamughogha u Pabuli. 15Ilelo awe poka na balongi mutume amazyu kwa songo nkani uwa basilikali uwa Chiloma ukuti ize nu Pabuli kukwako ngati po ukulonda ukuti umanye akiza nkani nizya nongwa yache. Loli tukwiza pakwiyannya ukuti tumughoghe bo atafikite na kuno.”
16Loli bo umwipwa uwa Pabuli ivwa nizya lubatiko lulalula, akinjila mwilinga nukumubuzya u Pabuli. 17Po u Pabuli akamwitizya umusilikali usongo weka nukumubuzya ukuti, “Bukagha nu mulumendo uyu kwa songo uwa basilikali ali nawe na mazyu.” 18Umusilikali yula akabuka nawe kwa songo uwa basilikali nukumubuzya ukuti, “Umukayidi u Pabuli anyitizizye nukuntuma ukuti nize nu mulumendo uyu kukwako pakuti ali na mazyu nawe.”
19Usongo akamulema umulumendo yula panyobe, akabuka nawe palubazu nukumulalusya ukuti, “Nkimba ukulonda pakumbuzya ichoni?”
20Umulumendo yula akati, “Abalaghili aba Chiyuda bakivwana ukuti bakulabe ukuti indabi wize nu Pabuli kubuzilo ubwa Chiyuda ubwakulongela inongwa ngati po abalongi bakulonda bamanye akiza nkani nizya nongwa yache. 21Loli utakabateghelezye pakuti balipo abantu abakuchila pa 40, babo bakwiza pakumuvwamilila u Pabuli ukuti bamughoghe. Balapa ukuti batakwiza pakulya pamo ukung'wela nakamo mupaka papo bamughogha. Losi ulu biyanizye kale ukuti bamughoghe, bakulindilila bulo kukwako ukuti udumule.”
22Usongo uwa basilikali yula akati, “Utakamubuzyepo nayumo umuntu ukuti wambuzya zinizi.” Po akamubwezya umulumendo yula.
U Pabuli bakumutuma kwa Felikisi umulaghili uwa Chiloma
23Po usongo nkani uwa basilikali akitizya abasongo bache babili nukubabuzya ukuti, “Babuzye abasilikali 200 ukuti biyannye pakubuka ku Kesaliya na kabalilo aka nayini koloko pabusiku, poka na bakukwela ifalasi 70 na bampalala 200. 24Mumupe u Pabuli ifalasi zimo ukuti akwelepo, sona mwende nawe akiza mupaka ku mulaghili uwa Chiloma, u Felikisi.” 25Po usongo yula akasimba ukalata uyu:
26Ane ne Kalabudiyasi Lisiyasi, nkukulamuka awe muchindikiwa Felikisi umulaghili uwa chisu. 27Aba Yuda bakamulema umuntu uyu, sona bakaba papipi pakumughogha. Bo nazyaghannya ukuti akaba mwenekaya uwa Chiloma, po nkabuka na basilikali bane nukumupoka. 28Nkalondagha nkani ukuti imanye chicho akananga, po nkabuka nawe kubuzilo ubwakulongelako inongwa. 29Nkagha ukuti atanangite nachimochimo chicho abaghiye pakufwa nacho pamo pakubikiwa nacho mujele, loli nkagha ukuti kukaba kudalinkana bulo nizya lulaghilo lwabo. 30Sona bo nabuziwa ukuti abantu babatika nizya kumughogha, panapo na panapo nkamutuma kukwako. Nkababuzya abanongwa yache ukuti bize ninongwa yache pamaso papako.
31Ubusiku bulabula abasilikali bakamusenda u Pabuli ukuyana namumo bakabuziliwa nukubuka nawe ku Antipatili. 32Indabi yache abasilikali babo bakendagha pasi bakanyokela kwilinga nukubalekela babo bakakwela ifalasi ukuti bendelele pakwenda nawe. 33Bo bafika mu Kesaliya, bakabika ukalata kwa mulaghili uwa chisu nukumubika u Pabuli munyobe zyache. 34Umulaghili uwa chisu yula akabelenga ukalata nukumulalusya u Pabuli ukuti akafuma muchigaba choni. Bo azyaghannya ukuti akufuma mu Kilikiya, 35akati, “Nkwiza pakuteghelezya inongwa yako bo abanongwa yako bafika.” Po akalamula ukuti u Pabuli asungiwe munyumba iya mwene u Helodi.
Currently Selected:
Imbombo 23: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo UlupyaImbombo 23
23
1U Pabuli akenelezya abalongi bala nukuti, “Mwee bakamu bane, mupaka ilelo namubombela u Chala nu mabyebye wane umwiza.” 2Umuputi usongo u Ananiya akabalamula babo bakimilila papipi nu Pabuli ukuti bamukome pa mulomo. 3#Mat. 23.27-28Po u Pabuli akamubuzya akati, “Nawe u Chala akwiza pakukukoma, awe we lubumba ulwa ibanya. Wikaye panapo ukundonga ukuyana ni Ndaghilo izya Mozesi, loli nkimba choni chicho ukunanga Indaghilo pakubalamula ukuti bankome?”
4Abantu babo bakimilila papipi nu Pabuli bakamubuzya bakati, “Choni chicho ukumutuka umuputi usongo uwa Chala.”
5 #
Ukf. 22.28
U Pabuli akamula akati, “Mwee bakamu bane, intazimenye ukuti we muputi usongo. Amasimbo ghakuti, ‘Mutakamutukaye umulaghili uwa bantu bako.’ ”
6 #
Imbo. 26.5; Filp. 3.5 Loli bo u Pabuli ennya ukuti bamo aba mukabukatila kala bakaba ba Sadukayi, sona nukuti abanji bakaba ba Falisayi, akakolomoka nkani pamaso pa balongi akati, “Mwee bakamu bane, ane ne mu Falisayi umwana uwamu Falisayi. Indi pakulongiwa pano pachifukwa ichakuti nkusubila ukuti abafwe bakwiza pakuzyuka kubufwe.”
7Bo anena bulo amazyu ghanagha, aba Falisayi naba Sadukayi bakanda pakudalinkana, sona ichilundilo chosi chikagabinkana. 8#Mat. 22.23; Mlko. 12.18; Luk. 20.27(Pakuti aba Sadukayi bakatinji abantu batakwiza pakuzyuka kubufwe, sona nukuti abantumi ni mizimu vitaliko. Loli aba Falisayi bakasubila muvyosi vitatu ivi.) 9Kukaba ichongo ichikulu nkani, po abamanyisi bamo aba Ndaghilo babo bakaba aba mukabukatila aka ba Falisayi bakimilila nukukana nkani ukuti, “Tutakuchagha nachimochimo chicho umuntu uyu anangite. Buli nanti umuzimu pamo uwantumi anenite nawe?”
10Ukudalinkana kukendelela nkani, umwakuti usongo uwa basilikali akanyila ukuti bangamunyonkolannya bulo u Pabuli. Po akabalamula abasilikali bache ukuti babukaye ku bantu bala nukumupoka u Pabuli nukubuka nawe mwilinga. 11Ubusiku bulabula u Mwene akimilila papipi nu Pabuli nukumubuzya ukuti, “Utakanyilaye! Ukaba we kaboni wane mu Yelusalemu muno, po ubaghiye pakuba we kaboni wane sona na mu Loma bulo.”
Aba Yuda babatika nizya kumughogha u Pabuli
12Bo kwacha, aba Yuda bakabatika nizya kumughogha u Pabuli. Bakalapa kwa Chala ukuti batakwiza pakulya pamo ukung'wela kamo mupaka papo bamughogha u Pabuli. 13Abantu babo bakabatika nizya kumughogha u Pabuli bosi poka bakachila pa 40. 14Po bakabuka ku baputi abasongo na balongozi aba Chiyuda nukubabuzya ukuti, “Twalapa twebosi ukuti tutakwiza pakulya nakamo mupaka papo twamughogha u Pabuli. 15Ilelo awe poka na balongi mutume amazyu kwa songo nkani uwa basilikali uwa Chiloma ukuti ize nu Pabuli kukwako ngati po ukulonda ukuti umanye akiza nkani nizya nongwa yache. Loli tukwiza pakwiyannya ukuti tumughoghe bo atafikite na kuno.”
16Loli bo umwipwa uwa Pabuli ivwa nizya lubatiko lulalula, akinjila mwilinga nukumubuzya u Pabuli. 17Po u Pabuli akamwitizya umusilikali usongo weka nukumubuzya ukuti, “Bukagha nu mulumendo uyu kwa songo uwa basilikali ali nawe na mazyu.” 18Umusilikali yula akabuka nawe kwa songo uwa basilikali nukumubuzya ukuti, “Umukayidi u Pabuli anyitizizye nukuntuma ukuti nize nu mulumendo uyu kukwako pakuti ali na mazyu nawe.”
19Usongo akamulema umulumendo yula panyobe, akabuka nawe palubazu nukumulalusya ukuti, “Nkimba ukulonda pakumbuzya ichoni?”
20Umulumendo yula akati, “Abalaghili aba Chiyuda bakivwana ukuti bakulabe ukuti indabi wize nu Pabuli kubuzilo ubwa Chiyuda ubwakulongela inongwa ngati po abalongi bakulonda bamanye akiza nkani nizya nongwa yache. 21Loli utakabateghelezye pakuti balipo abantu abakuchila pa 40, babo bakwiza pakumuvwamilila u Pabuli ukuti bamughoghe. Balapa ukuti batakwiza pakulya pamo ukung'wela nakamo mupaka papo bamughogha. Losi ulu biyanizye kale ukuti bamughoghe, bakulindilila bulo kukwako ukuti udumule.”
22Usongo uwa basilikali yula akati, “Utakamubuzyepo nayumo umuntu ukuti wambuzya zinizi.” Po akamubwezya umulumendo yula.
U Pabuli bakumutuma kwa Felikisi umulaghili uwa Chiloma
23Po usongo nkani uwa basilikali akitizya abasongo bache babili nukubabuzya ukuti, “Babuzye abasilikali 200 ukuti biyannye pakubuka ku Kesaliya na kabalilo aka nayini koloko pabusiku, poka na bakukwela ifalasi 70 na bampalala 200. 24Mumupe u Pabuli ifalasi zimo ukuti akwelepo, sona mwende nawe akiza mupaka ku mulaghili uwa Chiloma, u Felikisi.” 25Po usongo yula akasimba ukalata uyu:
26Ane ne Kalabudiyasi Lisiyasi, nkukulamuka awe muchindikiwa Felikisi umulaghili uwa chisu. 27Aba Yuda bakamulema umuntu uyu, sona bakaba papipi pakumughogha. Bo nazyaghannya ukuti akaba mwenekaya uwa Chiloma, po nkabuka na basilikali bane nukumupoka. 28Nkalondagha nkani ukuti imanye chicho akananga, po nkabuka nawe kubuzilo ubwakulongelako inongwa. 29Nkagha ukuti atanangite nachimochimo chicho abaghiye pakufwa nacho pamo pakubikiwa nacho mujele, loli nkagha ukuti kukaba kudalinkana bulo nizya lulaghilo lwabo. 30Sona bo nabuziwa ukuti abantu babatika nizya kumughogha, panapo na panapo nkamutuma kukwako. Nkababuzya abanongwa yache ukuti bize ninongwa yache pamaso papako.
31Ubusiku bulabula abasilikali bakamusenda u Pabuli ukuyana namumo bakabuziliwa nukubuka nawe ku Antipatili. 32Indabi yache abasilikali babo bakendagha pasi bakanyokela kwilinga nukubalekela babo bakakwela ifalasi ukuti bendelele pakwenda nawe. 33Bo bafika mu Kesaliya, bakabika ukalata kwa mulaghili uwa chisu nukumubika u Pabuli munyobe zyache. 34Umulaghili uwa chisu yula akabelenga ukalata nukumulalusya u Pabuli ukuti akafuma muchigaba choni. Bo azyaghannya ukuti akufuma mu Kilikiya, 35akati, “Nkwiza pakuteghelezya inongwa yako bo abanongwa yako bafika.” Po akalamula ukuti u Pabuli asungiwe munyumba iya mwene u Helodi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya