Imbombo 18
18
Nizya mukaya akakulu aka Kolinti
1Pisinda pazinizi, u Pabuli akepamo mu Ateni nukubuka mu Kolinti. 2Mulamula akakomana nu mu Yuda yumo itabwa lyache akaba we Akwila akapapiwa mukaya aka Ponti, yuyo akafuma bulo mu Itale poka nu muchi wache u Pulisika, pachifukwa ichakuti u mwene u Kalabudiyasi akalamula ukuti aba Yuda bosi bepemo mu Loma. Po u Pabuli akabuka pakubennya, 3akikala nukubomba poka nabo pakuti wepe akaba mupanga ivisakasa ukuyana namumo bakabombelagha. 4Pisiku lyosi Ilyakutuzya akanenezannyanga na bantu munyumba iyakwiputilamo ukuyezya pakubadeba bosi poka aba Yuda na bantu babo bate ba Yuda.
5Bo u Sila nu Timoti bafika ukufuma muchigaba icha Makedoniya, u Pabuli akiyipa akabalilo kache kosi pakulumbilila amazyu, ukubasimikizya aba Yuda ukuti u Yesu we Mesiya. 6Bo Aba Yuda bamususya nukumusamula, u Pabuli akabamula pakukung'unta ulufumbi munkazo yache nukubabuzya ukuti, “Nanti mwasobela lwinyu nu lwinyu! Yite nongwa yane. Ukwandila pakabalilo aka nkwiza pakubuka pakasi pabantu babo bate ba Yuda.” 7Po akanyamuka nukubuka pakwikala munyumba iya muntu yumo uwakuzi, yuyo akaba we Titi Yusito, yuyo akamwiputagha u Chala. Inyumba yache yikapalamana ni nyumba iyakwiputilamo. 8U Kilisipa yuyo akaba mulongozi uwa nyumba iyakwiputilamo poka ni mbumba yache akasubilagha mwa Mwene; sona na bantu abanji abinji aba mu Kolinti bakivwa amazyu agha Pabuli nukusubila, po bakoziwa.
9Ubusiku bumo u Pabuli akennya ichisetuka mumo u Mwene akanenagha nawe akati, “Utakanyilaye, loli endelela ni mbombo yako iyakulumbilila, sona utakayileke, 10pakuti ane indi nawe. Nayumo umuntu yuyo akwiza pakukupalamasya pakuti abinji babo bali mukaya akakulu nkani aka bantu bane.” 11Po u Pabuli akikala mulamula umwaka ghoka na mezi sikisi, akubamanyisya abantu amazyu agha Chala.
12Bo u Galiyo bamwimika pakuba we Mwene uwa chisu icha Akaya, aba Yuda bakabungana poka nukumulema u Pabuli nukwiza nawe kubuzilo ubwakulongelako inongwa. 13Bakanena bakati, “Umuntu uyu ali pakuyezya pakubadeba abantu ukuti bamwiputaye u Chala muzila yiyo yitakwitikiziwa ni ndaghilo zyitu!”
14Bo u Pabuli ali papipi pakunena u Galiyo akababuzya aba Yuda akati, “Nanti inongwa iyi yikaba iyakuti yumo ananga indaghilo, pamo amunangila yumo umuntu, po ngali nabateghelezya amwe mwe ba Yuda. 15Loli pakuti ukudalinkana kwinyu ukwa mazyu, na matabwa, sona ni ndaghilo zyinyu, mwenemwe mwebenecho mubaghiye mumalanaye mwebene. Intangalonga inongwa yiniyi!” 16Po akabachimbizizya kuzi ukwa buzilo ubwakulongelako inongwa. 17Bosi bakamulema u Sositeni, umulongozi uwa nyumba iyakwiputilamo nukumukomela pabuzilo ubwakulongelako inongwa. Loli u Galiyo atakachibikilako umoyo napo panandi.
U Pabuli akunyokela mukaya akakula aka Antiyokiya
18 #
Ukb. 6.18
U Pabuli akendelela ukwikala na bitiki mu Kolinti amasiku aminji. Po akabalagha nukukwela mubwato nukubuka ku Siliya poka nu Pulisika nu Akwila. Mu Kenkeleya akamwa isisi kumutu wache pachifukwa icha chilapo chache.#18.18 chilapo chache: Izi nyiho izya Chiyuda izyakumwa isisi kumutu pakulanjizya ukuti umuntu yumo alapa. 19Bakafika mukaya akakulu nkani aka Efeso kuko u Pabuli akamuleka u Pulisika nu Akwila. Po akinjila munyumba iyakwiputilamo nukunenezannya naba Yuda. 20Abantu bakamulaba ukuti ikale nabo akabalilo akatali, loli atakitika. 21Loli akabalagha nukubabuzya ukuti, “Nanti bwighane ubwa Chala nkwiza sona kukwinyu.” Po akakwela mubwato nukwepamo mu Efeso.
22Bo afika mukaya akakulu aka Kesaliya akabuka mu Yelusalemu nukuchilamuka ichipanga, po akabuka mukaya aka Antiyokiya. 23Bo ikalamo akabalilo akatali mulamula, akanyamuka nukudumusannya muchigaba icha Galatiya nicha Filigiya pakubakazya abamanyili bosi.
U Apolo ali mukaya aka Efeso naka Kolinti
24Pakabalilo kalakala umu Yuda yumo, yuyo akaba we Apolo, yuyo akapapiwa mukaya aka Alekizandiliya akiza mu Efeso. Akaba muntu yuyo akamanya pakunena akiza, sona akaba nu bumanyi ubwa Masimbo. 25Akamanyisiwa akiza nkani nizya Zila iya Mwene, po nu lweke ulukulu nkani akalumbilila nukumanyisya ubwanaloli nizya Yesu. Loli pope bulo akamanya bulo ulozyo ulwa Yohani lwene. 26Po akanda pakunena nu bujivu nkani munyumba iyakwiputilamo. Bo u Pulisika nu Akwila bamwivwa, bakamusenda nukubuka nawe kunyumba yabo nukumulingannya akiza nkani nizya Zila iya Chala. 27Bo u Apolo inong'ona pakubuka ku Akaya, abitiki aba mu Efeso bakamukazya nukubasimbila abamanyili aba mu Akaya, ukulaba ukuti bamupokele. Bo afika mulamula, akabavwa nkani abantu babo bakasubila ukwendela muchisa icha Chala. 28Na madali ghache aghamaka akabapota aba Yuda pabuzelu, pakubombezya Amasimbo ukusimikizya ukuti u Yesu we Kilisitu.
Currently Selected:
Imbombo 18: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo UlupyaImbombo 18
18
Nizya mukaya akakulu aka Kolinti
1Pisinda pazinizi, u Pabuli akepamo mu Ateni nukubuka mu Kolinti. 2Mulamula akakomana nu mu Yuda yumo itabwa lyache akaba we Akwila akapapiwa mukaya aka Ponti, yuyo akafuma bulo mu Itale poka nu muchi wache u Pulisika, pachifukwa ichakuti u mwene u Kalabudiyasi akalamula ukuti aba Yuda bosi bepemo mu Loma. Po u Pabuli akabuka pakubennya, 3akikala nukubomba poka nabo pakuti wepe akaba mupanga ivisakasa ukuyana namumo bakabombelagha. 4Pisiku lyosi Ilyakutuzya akanenezannyanga na bantu munyumba iyakwiputilamo ukuyezya pakubadeba bosi poka aba Yuda na bantu babo bate ba Yuda.
5Bo u Sila nu Timoti bafika ukufuma muchigaba icha Makedoniya, u Pabuli akiyipa akabalilo kache kosi pakulumbilila amazyu, ukubasimikizya aba Yuda ukuti u Yesu we Mesiya. 6Bo Aba Yuda bamususya nukumusamula, u Pabuli akabamula pakukung'unta ulufumbi munkazo yache nukubabuzya ukuti, “Nanti mwasobela lwinyu nu lwinyu! Yite nongwa yane. Ukwandila pakabalilo aka nkwiza pakubuka pakasi pabantu babo bate ba Yuda.” 7Po akanyamuka nukubuka pakwikala munyumba iya muntu yumo uwakuzi, yuyo akaba we Titi Yusito, yuyo akamwiputagha u Chala. Inyumba yache yikapalamana ni nyumba iyakwiputilamo. 8U Kilisipa yuyo akaba mulongozi uwa nyumba iyakwiputilamo poka ni mbumba yache akasubilagha mwa Mwene; sona na bantu abanji abinji aba mu Kolinti bakivwa amazyu agha Pabuli nukusubila, po bakoziwa.
9Ubusiku bumo u Pabuli akennya ichisetuka mumo u Mwene akanenagha nawe akati, “Utakanyilaye, loli endelela ni mbombo yako iyakulumbilila, sona utakayileke, 10pakuti ane indi nawe. Nayumo umuntu yuyo akwiza pakukupalamasya pakuti abinji babo bali mukaya akakulu nkani aka bantu bane.” 11Po u Pabuli akikala mulamula umwaka ghoka na mezi sikisi, akubamanyisya abantu amazyu agha Chala.
12Bo u Galiyo bamwimika pakuba we Mwene uwa chisu icha Akaya, aba Yuda bakabungana poka nukumulema u Pabuli nukwiza nawe kubuzilo ubwakulongelako inongwa. 13Bakanena bakati, “Umuntu uyu ali pakuyezya pakubadeba abantu ukuti bamwiputaye u Chala muzila yiyo yitakwitikiziwa ni ndaghilo zyitu!”
14Bo u Pabuli ali papipi pakunena u Galiyo akababuzya aba Yuda akati, “Nanti inongwa iyi yikaba iyakuti yumo ananga indaghilo, pamo amunangila yumo umuntu, po ngali nabateghelezya amwe mwe ba Yuda. 15Loli pakuti ukudalinkana kwinyu ukwa mazyu, na matabwa, sona ni ndaghilo zyinyu, mwenemwe mwebenecho mubaghiye mumalanaye mwebene. Intangalonga inongwa yiniyi!” 16Po akabachimbizizya kuzi ukwa buzilo ubwakulongelako inongwa. 17Bosi bakamulema u Sositeni, umulongozi uwa nyumba iyakwiputilamo nukumukomela pabuzilo ubwakulongelako inongwa. Loli u Galiyo atakachibikilako umoyo napo panandi.
U Pabuli akunyokela mukaya akakula aka Antiyokiya
18 #
Ukb. 6.18
U Pabuli akendelela ukwikala na bitiki mu Kolinti amasiku aminji. Po akabalagha nukukwela mubwato nukubuka ku Siliya poka nu Pulisika nu Akwila. Mu Kenkeleya akamwa isisi kumutu wache pachifukwa icha chilapo chache.#18.18 chilapo chache: Izi nyiho izya Chiyuda izyakumwa isisi kumutu pakulanjizya ukuti umuntu yumo alapa. 19Bakafika mukaya akakulu nkani aka Efeso kuko u Pabuli akamuleka u Pulisika nu Akwila. Po akinjila munyumba iyakwiputilamo nukunenezannya naba Yuda. 20Abantu bakamulaba ukuti ikale nabo akabalilo akatali, loli atakitika. 21Loli akabalagha nukubabuzya ukuti, “Nanti bwighane ubwa Chala nkwiza sona kukwinyu.” Po akakwela mubwato nukwepamo mu Efeso.
22Bo afika mukaya akakulu aka Kesaliya akabuka mu Yelusalemu nukuchilamuka ichipanga, po akabuka mukaya aka Antiyokiya. 23Bo ikalamo akabalilo akatali mulamula, akanyamuka nukudumusannya muchigaba icha Galatiya nicha Filigiya pakubakazya abamanyili bosi.
U Apolo ali mukaya aka Efeso naka Kolinti
24Pakabalilo kalakala umu Yuda yumo, yuyo akaba we Apolo, yuyo akapapiwa mukaya aka Alekizandiliya akiza mu Efeso. Akaba muntu yuyo akamanya pakunena akiza, sona akaba nu bumanyi ubwa Masimbo. 25Akamanyisiwa akiza nkani nizya Zila iya Mwene, po nu lweke ulukulu nkani akalumbilila nukumanyisya ubwanaloli nizya Yesu. Loli pope bulo akamanya bulo ulozyo ulwa Yohani lwene. 26Po akanda pakunena nu bujivu nkani munyumba iyakwiputilamo. Bo u Pulisika nu Akwila bamwivwa, bakamusenda nukubuka nawe kunyumba yabo nukumulingannya akiza nkani nizya Zila iya Chala. 27Bo u Apolo inong'ona pakubuka ku Akaya, abitiki aba mu Efeso bakamukazya nukubasimbila abamanyili aba mu Akaya, ukulaba ukuti bamupokele. Bo afika mulamula, akabavwa nkani abantu babo bakasubila ukwendela muchisa icha Chala. 28Na madali ghache aghamaka akabapota aba Yuda pabuzelu, pakubombezya Amasimbo ukusimikizya ukuti u Yesu we Kilisitu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya