Imbombo 16
16
U Timoti akubuka nu Pabuli nu Sila
1U Pabuli akenda mupaka kukaya akakulu nkani aka Delibe nu Lisitila. Mulamula mu Lisitila mukikalagha umumanyili yumo, yuyo akaba we Timoti. Unyina akaba mu Yuda umwitiki, loli uwise akaba mu Giliki. 2Abitiki bosi aba mu Lisitila na mu Ikoniya bakamupala u Timoti. 3U Pabuli akalondagha ukuti u Timoti abuke poka nawe pabulendo bwache, po akamusilimula. Akabomba zinizi pachifukwa ichakuti aba Yuda bosi babo bakikala mubuzilo bula bakamanya ukuti uwise akaba mu Giliki. 4Bo bakudumusannya mutwaya, bakabapa abitiki amalamulo, ghagho ghakapangiwa na batumiwa na basongo aba chipanga mu Yelusalemu nukubabuzya ukuti bendelele pakughakonka. 5Po bunubu ivipanga vikaba na maka mulwitiko nukukula, po isiku ni siku akabukatila kakonjelelaghakonjelelagha.
U Pabuli akwennya ichisetuka mukaya akakulu nkani aka Tulowa
6U Pabuli na bamanyani bache bakadumusannya muchigaba icha Filigiya na muchigaba icha Galatiya pachifukwa ichakuti u Muzimu Umuzelu atakabitikizya ukuti balumbilile amazyu muchigaba icha Asiya. 7Bo bafika pampaka iya Misiya, bakayezya pakwinjila muchigaba icha Bitiniya, loli u Muzimu uwa Yesu atakabitikizya. 8Po bakadumusannya muchigaba icha Misiya nukubuka mu Tulowa. 9Pabusiku u Pabuli akennya ichisetuka mumo akennya umuntu uwa muchigaba icha Makedoniya imiliye nukumulaba ukuti, “Wize kuno ku Makedoniya ukuti utwavwe!” 10Bo u Pabuli achennya bulo ichisetuka chila, panapo na panapo tukiyannya pakubuka ku Makedoniya pakuti tukinong'ona ukuti u Chala atwitizya ukuti tulumbilile Amazyu Amiza pakasi pabantu kulakula.
Nizya Lidiya mukaya aka Filipi
11Tukanyamuka nu bwato ubukulu mu Tulowa, tukagholoka bulo nukubuka mu Samotilaki, po indabi yache tukafika mu Neyapoli. 12Ukufuma kulakula tukabuka mu Filipi, akaya akakulu nkani muchigaba icha Makedoniya; sona abantu aba mukaya kalakala bakaba ba Chiloma. Tukikala amasiku aminji nkani mulamula. 13Pisiku Ilyakutuzya tukepamo mukaya akakulu nkani kala nukubuka mulubazu ulwa lusoko, kuko tukinong'onagha ukuti kukabako ubuzilo ubwakwiputilako. Tukikala pasi nukunena na bakolo babo bakabungana kulakula. 14Weka uwa babo bakateghelezyanga akaba we Lidiya uwa mukaya aka Tiyatila. Akaghulizyanga amenda amachesamile, sona akaba mukolo yuyo akamwiputagha u Chala. U Mwene akamwighula umoyo wache ukuti ateghelezye zizyo u Pabuli akanenagha. 15Pisinda pache bo yuyo na bantu abamunyumba yache boziwa, akatwitizya aswe akati, “Nanti naloli mwanyennya ukuti ne mwitiki mwa Mwene, zagha mwikale munyumba yane.” Akatupepeka ukuti tubuke.
U Pabuli nu Sila bighaliliwa mujele mukaya aka Filipi
16Isiku limo bo tukubuka kubuzilo ubwakwiputilako, tukakomana nu mulindu umuzya yuyo akaba nu muzimu umubibi ghugho ghukamupelagha ukuti anene ivya muntazi. Akamukabilagha umwene wache indalama inyinji nkani nu bulaghuzi bwache. 17Akamukonka u Pabuli naswe, akukolomoka akati, “Abantu aba babombi aba Chala Uwakumwanya Nkani! Bakubabuzya mumo mungapokeliwa!” 18Akabomba zinizi amasiku aminji, mupaka u Pabuli akakalala nkani, umwakuti akaghalabuka nukughubuzya umuzimu umubibi ghula ukuti, “Mwitabwa ilya Yesu Kilisitu nkukulamula ukuti ufumemo mumwache!” Panapo na panapo umuzimu umubibi ghula ghukepamo mumwache.
19Bo abenecho aba mulindu yula bazyaghannya ukuti ulusako lwabo lulo bakakabilagha nalo indalama lwabuka, bakamulema u Pabuli nu Sila nukubawesela ku munalo ukuti bakomane na balaghili. 20Bakiza nabo pamaso pa balongi aba Chiloma nukuti, “Abantu aba ba Yuda, sona bali pakuvulungannya akaya kitu aka. 21Bakumanyisya inyiho zizyo tutakwitikizya pamo ukuyezya pakuzikonka pakuti aswe twe ba Chiloma.” 22Ichilundilo chope chikinjililapo pakubakoma u Pabuli nu Sila.
Po abalongi bakazepulannya amenda agha Pabuli nu Sila nukubalamula ukuti basyempiwe. 23Bo babasyempa nkani bakabataghila mujele, po bakamulamula umulindilili uwa jele yula ukuti ighalile nkani. 24Pachifukwa icha lulaghilo lunulu, umulindilili yula akabinjizya muchipinda icha mukasi nkani nukupinyilila ivinama vyabo muvipimpi.
25Pakasi pabusiku u Pabuli nu Sila bakiputagha nukwimba inyimbo izya Chala, po abakayidi abamwabo bakabateghelezyanga. 26Umwakuchenusya bulo kukaba akasenyenta akakulu nkani, umwakuti kakaneng'ennya ulwalo ulwa jele yila. Panapo na panapo inyiyi zikighuka, sona zyope ni mpingu izya bakayidi bosi zikasatuka. 27Umulindilili yula akanyamuka. Bo ennya ukuti inyiyi izya jele zyighukite, akinong'ona ukuti abakayidi bachimbilamo. Po akawesa upanga wache nukulonda ukwighogha mwene. 28Loli u Pabuli akakolomoka nkani akati, “Utakivulazye! Twebosi tuli munumu!”
29Bo umulindilili uwa jele akitizya ukuti bamupe inyale, akachimbilila mukasi nukuwila munyayo izya Pabuli nu Sila bo akutetema. 30Po akabafumya kuzi nukubalalusya ukuti, “Mwe basongo, nkimba ningabomba choni ukuti impokiwe?”
31Bakamwamula bakati, “Usubile mwa Mwene u Yesu Kilisitu, po awe poka ni mbumba yako mukwiza pakupokiwa.” 32Po bakalumbilila amazyu agha Mwene kukwache, sona na ku bantu bosi abanji abamunyumba yache. 33Pakabalilo kalakala, umulindilili uwa jele akabasenda nukubasuka ivilonda vyabo. Panapo na panapo yuyo poka ni mbumba yache yosi bakoziwa. 34Po akamusenda u Pabuli nu Sila pakubuka nabo kunyumba yache nukubapa ichakulya. Yuyo poka ni mbumba yache bakahoboka nkani, pachifukwa ichakuti bakasubila mwa Chala.
35Abalongi bala bakatuma abasilikali abasongo nu lulaghilo ulwakuti, “Basatule abantu aba ukuti babukaye.”
36Po umulindilili uwa jele yula akamubuzya u Pabuli akati, “Abalongi balamula ukuti awe nu Sila musatuliwe. Munganyamuka nukubuka mumutende.”
37Loli u Pabuli akababuzya abasongo aba basilikali akati, “Abene bakatusyempela pachilundilo icha bantu loli ukusita ninongwa nayimoyimo, aswe twe ba Chiloma! Po bakatutaghila mujele. Po ilelo bakulonda ukutwefyamo chimyemye bulo? Awe, twakana! Baleke bize batwefye bene.”
38Abasilikali bakababuzya zinizi abalongi. Po bo bivwa ukuti u Pabuli nu Sila bakaba ba Chiloma bakanyila 39Abene bakabuka nukulambilizya kukwabo, po bakabefyamo mujele nukubabuzya ukuti babukaye. 40U Pabuli nu Sila bakepamo mujele nukubuka kunyumba iya Lidiya. Kulakula bakakomana na bitiki, bakanena amazyu aghakubakazya, po pabumalilo bakanyamuka nukubuka.
Currently Selected:
Imbombo 16: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo UlupyaImbombo 16
16
U Timoti akubuka nu Pabuli nu Sila
1U Pabuli akenda mupaka kukaya akakulu nkani aka Delibe nu Lisitila. Mulamula mu Lisitila mukikalagha umumanyili yumo, yuyo akaba we Timoti. Unyina akaba mu Yuda umwitiki, loli uwise akaba mu Giliki. 2Abitiki bosi aba mu Lisitila na mu Ikoniya bakamupala u Timoti. 3U Pabuli akalondagha ukuti u Timoti abuke poka nawe pabulendo bwache, po akamusilimula. Akabomba zinizi pachifukwa ichakuti aba Yuda bosi babo bakikala mubuzilo bula bakamanya ukuti uwise akaba mu Giliki. 4Bo bakudumusannya mutwaya, bakabapa abitiki amalamulo, ghagho ghakapangiwa na batumiwa na basongo aba chipanga mu Yelusalemu nukubabuzya ukuti bendelele pakughakonka. 5Po bunubu ivipanga vikaba na maka mulwitiko nukukula, po isiku ni siku akabukatila kakonjelelaghakonjelelagha.
U Pabuli akwennya ichisetuka mukaya akakulu nkani aka Tulowa
6U Pabuli na bamanyani bache bakadumusannya muchigaba icha Filigiya na muchigaba icha Galatiya pachifukwa ichakuti u Muzimu Umuzelu atakabitikizya ukuti balumbilile amazyu muchigaba icha Asiya. 7Bo bafika pampaka iya Misiya, bakayezya pakwinjila muchigaba icha Bitiniya, loli u Muzimu uwa Yesu atakabitikizya. 8Po bakadumusannya muchigaba icha Misiya nukubuka mu Tulowa. 9Pabusiku u Pabuli akennya ichisetuka mumo akennya umuntu uwa muchigaba icha Makedoniya imiliye nukumulaba ukuti, “Wize kuno ku Makedoniya ukuti utwavwe!” 10Bo u Pabuli achennya bulo ichisetuka chila, panapo na panapo tukiyannya pakubuka ku Makedoniya pakuti tukinong'ona ukuti u Chala atwitizya ukuti tulumbilile Amazyu Amiza pakasi pabantu kulakula.
Nizya Lidiya mukaya aka Filipi
11Tukanyamuka nu bwato ubukulu mu Tulowa, tukagholoka bulo nukubuka mu Samotilaki, po indabi yache tukafika mu Neyapoli. 12Ukufuma kulakula tukabuka mu Filipi, akaya akakulu nkani muchigaba icha Makedoniya; sona abantu aba mukaya kalakala bakaba ba Chiloma. Tukikala amasiku aminji nkani mulamula. 13Pisiku Ilyakutuzya tukepamo mukaya akakulu nkani kala nukubuka mulubazu ulwa lusoko, kuko tukinong'onagha ukuti kukabako ubuzilo ubwakwiputilako. Tukikala pasi nukunena na bakolo babo bakabungana kulakula. 14Weka uwa babo bakateghelezyanga akaba we Lidiya uwa mukaya aka Tiyatila. Akaghulizyanga amenda amachesamile, sona akaba mukolo yuyo akamwiputagha u Chala. U Mwene akamwighula umoyo wache ukuti ateghelezye zizyo u Pabuli akanenagha. 15Pisinda pache bo yuyo na bantu abamunyumba yache boziwa, akatwitizya aswe akati, “Nanti naloli mwanyennya ukuti ne mwitiki mwa Mwene, zagha mwikale munyumba yane.” Akatupepeka ukuti tubuke.
U Pabuli nu Sila bighaliliwa mujele mukaya aka Filipi
16Isiku limo bo tukubuka kubuzilo ubwakwiputilako, tukakomana nu mulindu umuzya yuyo akaba nu muzimu umubibi ghugho ghukamupelagha ukuti anene ivya muntazi. Akamukabilagha umwene wache indalama inyinji nkani nu bulaghuzi bwache. 17Akamukonka u Pabuli naswe, akukolomoka akati, “Abantu aba babombi aba Chala Uwakumwanya Nkani! Bakubabuzya mumo mungapokeliwa!” 18Akabomba zinizi amasiku aminji, mupaka u Pabuli akakalala nkani, umwakuti akaghalabuka nukughubuzya umuzimu umubibi ghula ukuti, “Mwitabwa ilya Yesu Kilisitu nkukulamula ukuti ufumemo mumwache!” Panapo na panapo umuzimu umubibi ghula ghukepamo mumwache.
19Bo abenecho aba mulindu yula bazyaghannya ukuti ulusako lwabo lulo bakakabilagha nalo indalama lwabuka, bakamulema u Pabuli nu Sila nukubawesela ku munalo ukuti bakomane na balaghili. 20Bakiza nabo pamaso pa balongi aba Chiloma nukuti, “Abantu aba ba Yuda, sona bali pakuvulungannya akaya kitu aka. 21Bakumanyisya inyiho zizyo tutakwitikizya pamo ukuyezya pakuzikonka pakuti aswe twe ba Chiloma.” 22Ichilundilo chope chikinjililapo pakubakoma u Pabuli nu Sila.
Po abalongi bakazepulannya amenda agha Pabuli nu Sila nukubalamula ukuti basyempiwe. 23Bo babasyempa nkani bakabataghila mujele, po bakamulamula umulindilili uwa jele yula ukuti ighalile nkani. 24Pachifukwa icha lulaghilo lunulu, umulindilili yula akabinjizya muchipinda icha mukasi nkani nukupinyilila ivinama vyabo muvipimpi.
25Pakasi pabusiku u Pabuli nu Sila bakiputagha nukwimba inyimbo izya Chala, po abakayidi abamwabo bakabateghelezyanga. 26Umwakuchenusya bulo kukaba akasenyenta akakulu nkani, umwakuti kakaneng'ennya ulwalo ulwa jele yila. Panapo na panapo inyiyi zikighuka, sona zyope ni mpingu izya bakayidi bosi zikasatuka. 27Umulindilili yula akanyamuka. Bo ennya ukuti inyiyi izya jele zyighukite, akinong'ona ukuti abakayidi bachimbilamo. Po akawesa upanga wache nukulonda ukwighogha mwene. 28Loli u Pabuli akakolomoka nkani akati, “Utakivulazye! Twebosi tuli munumu!”
29Bo umulindilili uwa jele akitizya ukuti bamupe inyale, akachimbilila mukasi nukuwila munyayo izya Pabuli nu Sila bo akutetema. 30Po akabafumya kuzi nukubalalusya ukuti, “Mwe basongo, nkimba ningabomba choni ukuti impokiwe?”
31Bakamwamula bakati, “Usubile mwa Mwene u Yesu Kilisitu, po awe poka ni mbumba yako mukwiza pakupokiwa.” 32Po bakalumbilila amazyu agha Mwene kukwache, sona na ku bantu bosi abanji abamunyumba yache. 33Pakabalilo kalakala, umulindilili uwa jele akabasenda nukubasuka ivilonda vyabo. Panapo na panapo yuyo poka ni mbumba yache yosi bakoziwa. 34Po akamusenda u Pabuli nu Sila pakubuka nabo kunyumba yache nukubapa ichakulya. Yuyo poka ni mbumba yache bakahoboka nkani, pachifukwa ichakuti bakasubila mwa Chala.
35Abalongi bala bakatuma abasilikali abasongo nu lulaghilo ulwakuti, “Basatule abantu aba ukuti babukaye.”
36Po umulindilili uwa jele yula akamubuzya u Pabuli akati, “Abalongi balamula ukuti awe nu Sila musatuliwe. Munganyamuka nukubuka mumutende.”
37Loli u Pabuli akababuzya abasongo aba basilikali akati, “Abene bakatusyempela pachilundilo icha bantu loli ukusita ninongwa nayimoyimo, aswe twe ba Chiloma! Po bakatutaghila mujele. Po ilelo bakulonda ukutwefyamo chimyemye bulo? Awe, twakana! Baleke bize batwefye bene.”
38Abasilikali bakababuzya zinizi abalongi. Po bo bivwa ukuti u Pabuli nu Sila bakaba ba Chiloma bakanyila 39Abene bakabuka nukulambilizya kukwabo, po bakabefyamo mujele nukubabuzya ukuti babukaye. 40U Pabuli nu Sila bakepamo mujele nukubuka kunyumba iya Lidiya. Kulakula bakakomana na bitiki, bakanena amazyu aghakubakazya, po pabumalilo bakanyamuka nukubuka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya