Imbombo 13
13
U Balanabasi nu Sabuli basaliwa nukutumiwa
1Muchipanga icha mukaya aka Antiyokiya mukaba abalaghuzi bamo na bamanyisi: U Balanabasi, u Simiyoni (yuyo akwitiziwanga ukuti mufitu), u Lusiyasi (uwamu Kileni), u Manayeni (yuyo akakulilagha poka nu Helodi#13.1 Helodi: Helodi Antipasi, umulaghili uwa chigaba icha Galileya. umulaghili uwa chisu) nu Sabuli. 2Bo bakumwiputa u Mwene nukutuzya pakulya, u Muzimu Umuzelu akababuzya akati, “Munsabulile u Balanabasi nu Sabuli ukuti babombe imbombo yiyo nkabitizizya.”
3Po bo batuzya pakulya nukwiputa, bakabika inyobe pa Balanabasi nu Sabuli nukubatuma.
Nizya Pabuli mu Sayipulasi
4Bo u Balanabasi nu Sabuli batumiwa nu Muzimu Umuzelu bakabuka mukaya aka Selebukiya nukuloboka nu bwato pakubuka pa kasungo aka Sayipulasi. 5Bo bafika mu Salami, bakalumbilila amazyu agha Chala munyumba izyakwiputilamo. Bakaba poka nu Yohani Maliko, yuyo akabavwanga mumbombo yabo.
6Bakenda mupaka pa kasungo aka Pafosi, kuko bakakomana nu wamayele yumo yuyo akaba we Bala Yesu, umu Yuda yuyo akatinji ne mulaghuzi. 7Akaba mumanyani uwa Seligiya Pabuli, umulaghili uwa pa kasungo pala, yuyo akaba muntu uwa mahala. Umulaghili uwa chisu akamwitizya u Balanabasi nu Sabuli pamaso pache pakuti akalondagha ukuti ateghelezye amazyu agha Chala. 8Loli uwamayele yuyo akaba we Elimasi (linili likaba itabwa lyache ilya mu Chigiliki) akabasusya pachifukwa ichakuti akanyila ukuti umulaghili uwa chisu yula angasubila mwa Mwene. 9Po u Sabuli yuyo sona akitiziwanga ukuti Pabuli akizula nu Muzimu Umuzelu nukumwenelezya uwamayele yula 10nukuti, “We mwana uwa Satana! We mulwani uwa chintu chosi ichigholosu, sona wizuye nuluko losi ulwa bumyasi nu buzimbuli. Bwila na bwila ukuyezya ukwandula ubwanaloli ubwa Mwene pakuba bumyasi! 11Ilelo u Mwene akwiza pakukufunda, umwakuti ukwiza pakuba we mufwamaso, sona ute ukennye ubuzelu bwizuba pakabalilo akanandi.”
Panapo na panapo u Elimasi akanda pakwennya ukabefu ni chisi, akapapasyapapasya bulo ukuyezya pakulonda yumo uwakuti amuleme inyobe. 12Bo umulaghili uwa chisu ennya zizyo zikabombiwa akasubila pakuti ichimanyisyo icha Mwene chikamuswighisya nkani.
Mukaya aka Antiyokiya na muchigaba icha Pisidiya
13U Pabuli na bamanyani bache bakenda pa bwato ukufuma mu Pafosi nukubuka mu Peliga, akaya akakulu nkani aka mu Pamfiliya. Kulakula u Yohani Maliko akabaleka nukunyokela mu Yelusalemu. 14Bakendelela nu bulendo bwabo ukufuma mu Peliga nukufika mukaya akakulu nkani aka Antiyokiya muchigaba icha Pisidiya. Pisiku Ilyakutuzya bakinjila munyumba iyakwiputilamo nukwikala pasi. 15Bo babelenga mu mabuku agha Ndaghilo izya Mozesi na mu mabuku agha balaghuzi, abalongozi abamunyumba iyakwiputilamo bakabatumila amazyu aghakuti, “Bakamu, nanti muli na mazyu aghakubakazya abantu aba, nena.”
16U Pabuli akimilila, akapumizya ichongo ni nyobe yache nukwanda pakunena ukuti, “Mwee ba Izilayeli, sona namwe bantu mwe mute ba Yuda mwe mukumwiputa u Chala, munteghelezye! 17U Chala uwa ba Izilayeli akasala abanyenya bitu nukubandula pakuba chisu ichikulu pakabalilo kako bakikalagha ngati bo bantu abayeni mu Ijiputi. U Chala akabefyamo mu Ijiputi na maka ghache, 18nukujimba nabo#13.18 nukujimba nabo: Amasimbo ghamo aghakale ghasimbite ukuti akabasungilila. amaka 40 munkolongo. 19Akanangannya inko izya bantu seveni muchisu icha Kenani nukubapa ichisu chila abantu bache ukuti chibanje chabo ni chabo. 20Vyosi vinivi vikasenda amaka 450.#13.20 Vyosi vinivi…amaka 450: Pamo Bo ghachilapo amaka 450.
“Pisinda pazinizi akabapa abalongi mupaka pakabalilo aka mulaghuzi u Samuweli. 21#1 Sam. 8.5, 10.21Bo abene bakulonda u mwene, u Chala akabapa u Sabuli, umwana uwa Kishi, uwaluko ulwa Benjamini ukuti abanje we mwene wabo amaka 40. 22#1 Sam. 13.14, 16.12; Mas. 89.20Bo u Chala amwefyapo, akabasalila u Devedi ukuti abanje we mwene wabo. U Chala akanena nizya Devedi akati, ‘Namwagha u Devedi umwana uwa Yese, umuntu uwa pamoyo wane, yuyo akwiza pakubomba chosi chicho ane nalonda ukuti abombe.’ 23Akaba we Yesu, uwaluko ulwa Devedi, yuyo u Chala akamubika pakuba Mupoki uwa ba Izilayeli ukuyana ni layizyo lyache. 24#Mlko. 1.4; Luk. 3.3Bo u Yesu atandite imbombo yache, u Yohani akalumbilila pakasi pabantu bosi aba Izilayeli ukuti bapinduke nukuzileka imbibi zyabo nukoziwa. 25#Mat. 3.11; Mlko. 1.7; Luk. 3.16; Yoh. 1.20, 27Bo u Yohani ali papipi pakumalizya imbombo yache, akabalalusya abantu bala akati, ‘Nkimba mukwinong'ona ukuti ane ne wenu? Inte nene yuyo mukumulindilila. Loli teghelezya! Umwene akwiza pisinda papane. Ntabaghiye napo panandi ukwinama nukusatula utupinyilo utwa nkwato zyache.’
26“Mwee bakamu bane, abaluko ulwa Abulahamu na bantu bosi babo bate ba Yuda babo bakumwiputa u Chala: Amazyu aghabupoki agha ghatumiwa kukwitu! 27Pakuti abantu babo bakwikala mu Yelusalemu na balongozi babo batakamanyagha ukuti we Mupoki, pamo ukughivwisya amazyu agha balaghuzi, ghagho ghakabelengiwanga Isiku ni siku Ilyakutuzya. Loli pope bulo bakaghakwanilisya amazyu agha balaghuzi pakumughogha u Yesu. 28#Mat. 27.22-23; Mlko. 15.13-14; Luk. 23.21-23; Yoh. 19.15Napapo batakamwagha ninongwa iyakumughoghela u Yesu, loli bakamulaba u Pilati ukuti u Yesu aghoghiwe. 29#Mat. 27.57-61; Mlko. 15.42-47; Luk. 23.50-56; Yoh. 19.38-42Bo babomba zyosi zizyo Amasimbo ghakanenagha izya Yesu, bakamwisya pachipinjika nukumubika mwipumpa. 30Loli u Chala akamuzyusya kubufwe, 31#Imbo. 1.3po amasiku aminji akababonekela abantu babo bakendagha nawe ukufuma mu Galileya ukubuka mu Yelusalemu. Ilelo bo bakaboni bache pakasi paba Izilayeli. 32Po tuli pano pakubabuzya Amazyu Amiza aghakuti zizyo u Chala akabalayizya abanyenya bitu 33#Mas. 2.7zyakwanilisiwa kukwitu, twe baluko lwabo pakumuzyusya u Yesu kubufwe ukuyana na Masimbo agha mu Salimo uwabubili aghakuti,
‘Awe we Mwana wane,
ilelo naba ne ghuso.’
34 #
Yes. 55.3
Loli izyakuti akamuzyusya kubufwe ukuti atakabolele mwipumpa u Chala akati,
‘Nkwiza pakubapa ulusayo ulupaghuliwa sona ulusubiliwa,
lulo nkamulayizya u Devedi.’
35 #
Mas. 16.10
Ukuyana na Masimbo aghanji aghakuti,
‘Utangitikizya Umubombi wako umusubiliwa ukuti abolele mwipumpa.’
36Pakuti bo u Devedi abomba vivyo u Chala akabatika pakabalilo kache, akafwa nukusyiliwa poka na banyenya bache, po umuvimba wache ghukabolela mwipumpa. 37Loli izi zitakamubonekela umuntu yuyo u Chala akamuzyusya kubufwe. 38Polelo bakamu bane, tukulonda ukuti amwe mumanye ukuti pachifukwa icha Yesu, tukulumbilila amazyu aghakuti imbibi zyinyu zingahobokeliwa, 39sona ukuti umuntu wesi yuyo akusubila mumwache, abwaghe ubupoki ubukulu nkani bubo umuntu anganeniwa pakuba mugholosu pakukonka Indaghilo izya Mozesi. 40Muchebaye ukuti zizyo abalaghuzi bakalaghula, zitakababonekele.
41 #
Hab. 1.5
‘Ennya, mwe bantu abalobezyo mwee!
Muswighaye nukufwa!
Pakuti nkwiza pakubomba zimo mumasiku ghinyu, vivyo mutakwiza pakuzisubila,
napapo umuntu yumo angababuzya.’ ”
42Bo u Pabuli nu Balanabasi bakepamo munyumba iyakwiputilamo, abantu bakabitizya ukuti bize sona Pisiku Ilyakutuzya ilinji ukuti bababuzye inyinji nizya vintu vinivi. 43Bo abantu bepapo palukomano lula, aba Yuda na bantu babo bate ba Yuda abinji babo bakapindukila ku Chiyuda bakamukonka u Pabuli nu Balanabasi. Abatumiwa bakababuzya nukubakazya ukuti bendelele pakwikala ukuyana ni chisa icha Chala.
44Isiku Ilyakutuzya ilinji lilalila, papipi umuntu wesi mukaya kala akiza pakuteghelezya amazyu agha Mwene. 45Bo aba Yuda bennya ichilundilo icha bantu chila, bakizula na kabini. Akanena ukuti zizyo u Pabuli akunena zyabumyasi sona bakamusamula nkani u Pabuli. 46Loli pope bulo u Pabuli nu Balanabasi bakanena nu bujivu bakati, “Chikaba chakulondiwa ukuti amazyu agha Chala ghalumbililiwe tasi kukwinyu. Loli pakuti mwaghakana, sona ukuti mukwinong'ona mutabaghiye pakupokela ubumi ubwa bwila na bwila, tukwiza pakubaleka nukubuka pakasi pabantu babo bate ba Yuda. 47#Yes. 42.6, 49.6Pakuti u Mwene akatupa ilamulo ilyakuti,
‘Nakubika awe pakuba lukozyo ulwa bantu babo bate ba Yuda,
umwakuti abantu bosi aba muchisu ichapasi bapokiwe.’ ”
48Bo abantu babo bate ba Yuda bivwa zinizi, bakahoboka nukughapala amazyu agha Mwene. Po abantu bosi babo u Chala akabasala ukuti bapokele ubumi ubwa bwila na bwila, bakasubila. 49Amazyu agha Mwene ghakasata posi na posi muchigaba chilachila. 50Loli aba Yuda bakabasonjelezya aba mukaya akakulu nkani kala, sona na bakolo abantu babo bate ba Yuda abamanyikwe nkani babo bakamwiputagha u Chala. Bakanda pakumuvwima u Pabuli nu Balanabasi nukubefyamo muchigaba chabo chila. 51#Mat. 10.14; Mlko. 6.11; Luk. 9.5, 10.11Abatumiwa bakakung'unta ulufumbi munyayo zyabo pakuba chimanyilo ichakubasoka nukubuka ku Ikoniya. 52Abamanyili aba mukaya aka Antiyokiya bakahoboka nkani, bakizula nu Muzimu Umuzelu.
Currently Selected:
Imbombo 13: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo UlupyaImbombo 13
13
U Balanabasi nu Sabuli basaliwa nukutumiwa
1Muchipanga icha mukaya aka Antiyokiya mukaba abalaghuzi bamo na bamanyisi: U Balanabasi, u Simiyoni (yuyo akwitiziwanga ukuti mufitu), u Lusiyasi (uwamu Kileni), u Manayeni (yuyo akakulilagha poka nu Helodi#13.1 Helodi: Helodi Antipasi, umulaghili uwa chigaba icha Galileya. umulaghili uwa chisu) nu Sabuli. 2Bo bakumwiputa u Mwene nukutuzya pakulya, u Muzimu Umuzelu akababuzya akati, “Munsabulile u Balanabasi nu Sabuli ukuti babombe imbombo yiyo nkabitizizya.”
3Po bo batuzya pakulya nukwiputa, bakabika inyobe pa Balanabasi nu Sabuli nukubatuma.
Nizya Pabuli mu Sayipulasi
4Bo u Balanabasi nu Sabuli batumiwa nu Muzimu Umuzelu bakabuka mukaya aka Selebukiya nukuloboka nu bwato pakubuka pa kasungo aka Sayipulasi. 5Bo bafika mu Salami, bakalumbilila amazyu agha Chala munyumba izyakwiputilamo. Bakaba poka nu Yohani Maliko, yuyo akabavwanga mumbombo yabo.
6Bakenda mupaka pa kasungo aka Pafosi, kuko bakakomana nu wamayele yumo yuyo akaba we Bala Yesu, umu Yuda yuyo akatinji ne mulaghuzi. 7Akaba mumanyani uwa Seligiya Pabuli, umulaghili uwa pa kasungo pala, yuyo akaba muntu uwa mahala. Umulaghili uwa chisu akamwitizya u Balanabasi nu Sabuli pamaso pache pakuti akalondagha ukuti ateghelezye amazyu agha Chala. 8Loli uwamayele yuyo akaba we Elimasi (linili likaba itabwa lyache ilya mu Chigiliki) akabasusya pachifukwa ichakuti akanyila ukuti umulaghili uwa chisu yula angasubila mwa Mwene. 9Po u Sabuli yuyo sona akitiziwanga ukuti Pabuli akizula nu Muzimu Umuzelu nukumwenelezya uwamayele yula 10nukuti, “We mwana uwa Satana! We mulwani uwa chintu chosi ichigholosu, sona wizuye nuluko losi ulwa bumyasi nu buzimbuli. Bwila na bwila ukuyezya ukwandula ubwanaloli ubwa Mwene pakuba bumyasi! 11Ilelo u Mwene akwiza pakukufunda, umwakuti ukwiza pakuba we mufwamaso, sona ute ukennye ubuzelu bwizuba pakabalilo akanandi.”
Panapo na panapo u Elimasi akanda pakwennya ukabefu ni chisi, akapapasyapapasya bulo ukuyezya pakulonda yumo uwakuti amuleme inyobe. 12Bo umulaghili uwa chisu ennya zizyo zikabombiwa akasubila pakuti ichimanyisyo icha Mwene chikamuswighisya nkani.
Mukaya aka Antiyokiya na muchigaba icha Pisidiya
13U Pabuli na bamanyani bache bakenda pa bwato ukufuma mu Pafosi nukubuka mu Peliga, akaya akakulu nkani aka mu Pamfiliya. Kulakula u Yohani Maliko akabaleka nukunyokela mu Yelusalemu. 14Bakendelela nu bulendo bwabo ukufuma mu Peliga nukufika mukaya akakulu nkani aka Antiyokiya muchigaba icha Pisidiya. Pisiku Ilyakutuzya bakinjila munyumba iyakwiputilamo nukwikala pasi. 15Bo babelenga mu mabuku agha Ndaghilo izya Mozesi na mu mabuku agha balaghuzi, abalongozi abamunyumba iyakwiputilamo bakabatumila amazyu aghakuti, “Bakamu, nanti muli na mazyu aghakubakazya abantu aba, nena.”
16U Pabuli akimilila, akapumizya ichongo ni nyobe yache nukwanda pakunena ukuti, “Mwee ba Izilayeli, sona namwe bantu mwe mute ba Yuda mwe mukumwiputa u Chala, munteghelezye! 17U Chala uwa ba Izilayeli akasala abanyenya bitu nukubandula pakuba chisu ichikulu pakabalilo kako bakikalagha ngati bo bantu abayeni mu Ijiputi. U Chala akabefyamo mu Ijiputi na maka ghache, 18nukujimba nabo#13.18 nukujimba nabo: Amasimbo ghamo aghakale ghasimbite ukuti akabasungilila. amaka 40 munkolongo. 19Akanangannya inko izya bantu seveni muchisu icha Kenani nukubapa ichisu chila abantu bache ukuti chibanje chabo ni chabo. 20Vyosi vinivi vikasenda amaka 450.#13.20 Vyosi vinivi…amaka 450: Pamo Bo ghachilapo amaka 450.
“Pisinda pazinizi akabapa abalongi mupaka pakabalilo aka mulaghuzi u Samuweli. 21#1 Sam. 8.5, 10.21Bo abene bakulonda u mwene, u Chala akabapa u Sabuli, umwana uwa Kishi, uwaluko ulwa Benjamini ukuti abanje we mwene wabo amaka 40. 22#1 Sam. 13.14, 16.12; Mas. 89.20Bo u Chala amwefyapo, akabasalila u Devedi ukuti abanje we mwene wabo. U Chala akanena nizya Devedi akati, ‘Namwagha u Devedi umwana uwa Yese, umuntu uwa pamoyo wane, yuyo akwiza pakubomba chosi chicho ane nalonda ukuti abombe.’ 23Akaba we Yesu, uwaluko ulwa Devedi, yuyo u Chala akamubika pakuba Mupoki uwa ba Izilayeli ukuyana ni layizyo lyache. 24#Mlko. 1.4; Luk. 3.3Bo u Yesu atandite imbombo yache, u Yohani akalumbilila pakasi pabantu bosi aba Izilayeli ukuti bapinduke nukuzileka imbibi zyabo nukoziwa. 25#Mat. 3.11; Mlko. 1.7; Luk. 3.16; Yoh. 1.20, 27Bo u Yohani ali papipi pakumalizya imbombo yache, akabalalusya abantu bala akati, ‘Nkimba mukwinong'ona ukuti ane ne wenu? Inte nene yuyo mukumulindilila. Loli teghelezya! Umwene akwiza pisinda papane. Ntabaghiye napo panandi ukwinama nukusatula utupinyilo utwa nkwato zyache.’
26“Mwee bakamu bane, abaluko ulwa Abulahamu na bantu bosi babo bate ba Yuda babo bakumwiputa u Chala: Amazyu aghabupoki agha ghatumiwa kukwitu! 27Pakuti abantu babo bakwikala mu Yelusalemu na balongozi babo batakamanyagha ukuti we Mupoki, pamo ukughivwisya amazyu agha balaghuzi, ghagho ghakabelengiwanga Isiku ni siku Ilyakutuzya. Loli pope bulo bakaghakwanilisya amazyu agha balaghuzi pakumughogha u Yesu. 28#Mat. 27.22-23; Mlko. 15.13-14; Luk. 23.21-23; Yoh. 19.15Napapo batakamwagha ninongwa iyakumughoghela u Yesu, loli bakamulaba u Pilati ukuti u Yesu aghoghiwe. 29#Mat. 27.57-61; Mlko. 15.42-47; Luk. 23.50-56; Yoh. 19.38-42Bo babomba zyosi zizyo Amasimbo ghakanenagha izya Yesu, bakamwisya pachipinjika nukumubika mwipumpa. 30Loli u Chala akamuzyusya kubufwe, 31#Imbo. 1.3po amasiku aminji akababonekela abantu babo bakendagha nawe ukufuma mu Galileya ukubuka mu Yelusalemu. Ilelo bo bakaboni bache pakasi paba Izilayeli. 32Po tuli pano pakubabuzya Amazyu Amiza aghakuti zizyo u Chala akabalayizya abanyenya bitu 33#Mas. 2.7zyakwanilisiwa kukwitu, twe baluko lwabo pakumuzyusya u Yesu kubufwe ukuyana na Masimbo agha mu Salimo uwabubili aghakuti,
‘Awe we Mwana wane,
ilelo naba ne ghuso.’
34 #
Yes. 55.3
Loli izyakuti akamuzyusya kubufwe ukuti atakabolele mwipumpa u Chala akati,
‘Nkwiza pakubapa ulusayo ulupaghuliwa sona ulusubiliwa,
lulo nkamulayizya u Devedi.’
35 #
Mas. 16.10
Ukuyana na Masimbo aghanji aghakuti,
‘Utangitikizya Umubombi wako umusubiliwa ukuti abolele mwipumpa.’
36Pakuti bo u Devedi abomba vivyo u Chala akabatika pakabalilo kache, akafwa nukusyiliwa poka na banyenya bache, po umuvimba wache ghukabolela mwipumpa. 37Loli izi zitakamubonekela umuntu yuyo u Chala akamuzyusya kubufwe. 38Polelo bakamu bane, tukulonda ukuti amwe mumanye ukuti pachifukwa icha Yesu, tukulumbilila amazyu aghakuti imbibi zyinyu zingahobokeliwa, 39sona ukuti umuntu wesi yuyo akusubila mumwache, abwaghe ubupoki ubukulu nkani bubo umuntu anganeniwa pakuba mugholosu pakukonka Indaghilo izya Mozesi. 40Muchebaye ukuti zizyo abalaghuzi bakalaghula, zitakababonekele.
41 #
Hab. 1.5
‘Ennya, mwe bantu abalobezyo mwee!
Muswighaye nukufwa!
Pakuti nkwiza pakubomba zimo mumasiku ghinyu, vivyo mutakwiza pakuzisubila,
napapo umuntu yumo angababuzya.’ ”
42Bo u Pabuli nu Balanabasi bakepamo munyumba iyakwiputilamo, abantu bakabitizya ukuti bize sona Pisiku Ilyakutuzya ilinji ukuti bababuzye inyinji nizya vintu vinivi. 43Bo abantu bepapo palukomano lula, aba Yuda na bantu babo bate ba Yuda abinji babo bakapindukila ku Chiyuda bakamukonka u Pabuli nu Balanabasi. Abatumiwa bakababuzya nukubakazya ukuti bendelele pakwikala ukuyana ni chisa icha Chala.
44Isiku Ilyakutuzya ilinji lilalila, papipi umuntu wesi mukaya kala akiza pakuteghelezya amazyu agha Mwene. 45Bo aba Yuda bennya ichilundilo icha bantu chila, bakizula na kabini. Akanena ukuti zizyo u Pabuli akunena zyabumyasi sona bakamusamula nkani u Pabuli. 46Loli pope bulo u Pabuli nu Balanabasi bakanena nu bujivu bakati, “Chikaba chakulondiwa ukuti amazyu agha Chala ghalumbililiwe tasi kukwinyu. Loli pakuti mwaghakana, sona ukuti mukwinong'ona mutabaghiye pakupokela ubumi ubwa bwila na bwila, tukwiza pakubaleka nukubuka pakasi pabantu babo bate ba Yuda. 47#Yes. 42.6, 49.6Pakuti u Mwene akatupa ilamulo ilyakuti,
‘Nakubika awe pakuba lukozyo ulwa bantu babo bate ba Yuda,
umwakuti abantu bosi aba muchisu ichapasi bapokiwe.’ ”
48Bo abantu babo bate ba Yuda bivwa zinizi, bakahoboka nukughapala amazyu agha Mwene. Po abantu bosi babo u Chala akabasala ukuti bapokele ubumi ubwa bwila na bwila, bakasubila. 49Amazyu agha Mwene ghakasata posi na posi muchigaba chilachila. 50Loli aba Yuda bakabasonjelezya aba mukaya akakulu nkani kala, sona na bakolo abantu babo bate ba Yuda abamanyikwe nkani babo bakamwiputagha u Chala. Bakanda pakumuvwima u Pabuli nu Balanabasi nukubefyamo muchigaba chabo chila. 51#Mat. 10.14; Mlko. 6.11; Luk. 9.5, 10.11Abatumiwa bakakung'unta ulufumbi munyayo zyabo pakuba chimanyilo ichakubasoka nukubuka ku Ikoniya. 52Abamanyili aba mukaya aka Antiyokiya bakahoboka nkani, bakizula nu Muzimu Umuzelu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya