1 Aba Kolinti 6
6
Nizya nongwa mu bakilisitu
1Nanti yumo mumwinyu ali ninongwa nu mukilisitu uyunji, nkimba angajimba bulibuli pakubuka ninongwa yilayila ku balongi babo batamumenye u Chala, mubuzilo ubwakubuka nayo ku bantu abazelu aba Chala? 2Nkimba mutazimenye ukuti abantu abazelu aba Chala bakwiza pakubalonga abantu aba muchisu ichapasi? Po nanti amwe mukwiza pakubalonga abantu aba muchisu ichapasi, fwandi, mutangalonga utunongwa utunanditunandi? 3Nkimba mutazimenye ukuti tukwiza pakubalonga na bantumi aba kumwanya? Po tungapotwa bulibuli pakulonga inongwa izya isiku ni siku? 4Nanti muli ninongwa izya bunubu, choni chicho mukubuka nazyo ku bantu babo batakubelengiwa ni chipanga? 5Nkunena zinizi ukuti imbakozye isoni. Nkimba kokuti atalimo nayumo umuntu mumwinyu, yuyo ali na mahala aghakuti angalonga inongwa izya bunubu pakasi pa mukilisitu nu mukilisitu uyunji? 6Loli umwitiki akumusitaka umwitiki uwamwabo, ukwitikizya ukuti inongwa yila yilongiwe na bantu babo bate bitiki!
7Ukulongana ukwa nongwa kuko kuli mumwinyu kukulanjizya pabuzelu ukuti mwapotwa zila. Nkimba choni chicho mutakufisa ilyoyo nanti bamo bakubanangila? Nkimba choni chicho mutakubitikizya abantu ukuti babibile? 8Loli mukunangilana mwebene, sona mukufyulana mwebenebene ivintu vyinyu, po vinivi mukubabombela na bakilisitu abamwinyu bulo. 9Naloli muzimenye ukuti abantu ababibi batakwiza pakupyana Ubumwene ubwa Chala. Mutakizimbulaye mwebene pakuti abamalaya, pamo abantu babo bakwiputa ivifwani, pamo abalowe, pamo abanavuli na bakolo babo bakughonana benebene, 10pamo abiba, pamo abapafu, pamo abaching'wela, pamo abantu abiyebo, pamo amavyondongo batakwiza pakupyana Ubumwene ubwa Chala. 11Umu momumo bamo mumwinyu mukabela, loli mukaswefiwa nukupaghuliwa, sona mwaneniwa ukuti mute ninongwa nayimoyimo pamaso pa Chala mwitabwa ilya Mwene u Yesu Kilisitu, sona nukwendela mu Muzimu uwa Chala witu.
Amabili ghitu ghabanje ghakumuchindikila u Chala
12 #
1 Kol. 10.23
Umuntu yumo akwiza pakunena ukuti, “Ane ne musatuke pakubomba vyosi bulo.” Eee, momumo, loli vyosi vitakubapa ubwiza. Ninganena ukuti ane ne musatuke pakubomba vyosi bulo, loli ntakwiza pakwitikizya nachimo ukuti chimpele pakuba muzya wache. 13Umuntu uyunji akwiza pakunena ukuti, “Ichakulya chikapeliwa ukuti chinjilaye mulwanda, lope ulwanda lukapeliwa ukuti lupokelaye ichakulya.” Eee, momumo, loli u Chala akwiza pakuvinangannya vyosi vibili. Umubili ghute wakubombela ubwamalaya awe, loli wakumubombela u Mwene. Po u Mwene wemwenecho uwa mubili. 14U Chala akamuzyusya u Mwene kubufwe, po naswe bulo akwiza pakutuzyusya kubufwe na maka ghache.
15Nkimba mutazimenye ukuti amabili ghinyu vyo vigaba ivya mubili uwa Kilisitu? Fwandi, ningasenda bulibuli ichigaba chimo icha mubili uwa Kilisitu nukuchimamatizya poka nu mubili uwa mukolo umalaya? Zitangabombiwa napo panandi! 16#Ubw. 2.24Pamo mutazimenye ukuti umuntu yuyo akwipatinkannya mwene nu mukolo umalaya, yuyo nu mukolo bakwipela bene pakuba mubili ghoka? Amasimbo ghakunena pabuzelu ghakuti, “Babili banaba bakwiza pakuba mubili ghoka.” 17Loli umuntu yuyo akwimamatizya mwene kwa Mwene, akwiza pakuba poka nu Mwene mubuzimu.
18Mubuleghuke ubwamalaya. Imbibi izinji zyosi zizyo umuntu akubomba zitakupalamasya umubili wache, loli nanti umuntu akubomba ubwamalaya akughunangila umubili wache. 19#1 Kol. 3.16; 2 Kol. 6.16Nkimba mutazimenye ukuti umubili winyu yo nyumba iya Muzimu Umuzelu, yuyo akwikala mumwinyu, sona yuyo mukapokela ukufuma kwa Chala? Ichi cho chifukwa ubumi bubo muli nabo, bute bwinyu mwebene, awe. 20Pakuti amwe mughuliwe nu mutengo uwapamwanya nkani. Po mumuchindikaye u Chala na mabili ghinyu.
Currently Selected:
1 Aba Kolinti 6: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya1 Aba Kolinti 6
6
Nizya nongwa mu bakilisitu
1Nanti yumo mumwinyu ali ninongwa nu mukilisitu uyunji, nkimba angajimba bulibuli pakubuka ninongwa yilayila ku balongi babo batamumenye u Chala, mubuzilo ubwakubuka nayo ku bantu abazelu aba Chala? 2Nkimba mutazimenye ukuti abantu abazelu aba Chala bakwiza pakubalonga abantu aba muchisu ichapasi? Po nanti amwe mukwiza pakubalonga abantu aba muchisu ichapasi, fwandi, mutangalonga utunongwa utunanditunandi? 3Nkimba mutazimenye ukuti tukwiza pakubalonga na bantumi aba kumwanya? Po tungapotwa bulibuli pakulonga inongwa izya isiku ni siku? 4Nanti muli ninongwa izya bunubu, choni chicho mukubuka nazyo ku bantu babo batakubelengiwa ni chipanga? 5Nkunena zinizi ukuti imbakozye isoni. Nkimba kokuti atalimo nayumo umuntu mumwinyu, yuyo ali na mahala aghakuti angalonga inongwa izya bunubu pakasi pa mukilisitu nu mukilisitu uyunji? 6Loli umwitiki akumusitaka umwitiki uwamwabo, ukwitikizya ukuti inongwa yila yilongiwe na bantu babo bate bitiki!
7Ukulongana ukwa nongwa kuko kuli mumwinyu kukulanjizya pabuzelu ukuti mwapotwa zila. Nkimba choni chicho mutakufisa ilyoyo nanti bamo bakubanangila? Nkimba choni chicho mutakubitikizya abantu ukuti babibile? 8Loli mukunangilana mwebene, sona mukufyulana mwebenebene ivintu vyinyu, po vinivi mukubabombela na bakilisitu abamwinyu bulo. 9Naloli muzimenye ukuti abantu ababibi batakwiza pakupyana Ubumwene ubwa Chala. Mutakizimbulaye mwebene pakuti abamalaya, pamo abantu babo bakwiputa ivifwani, pamo abalowe, pamo abanavuli na bakolo babo bakughonana benebene, 10pamo abiba, pamo abapafu, pamo abaching'wela, pamo abantu abiyebo, pamo amavyondongo batakwiza pakupyana Ubumwene ubwa Chala. 11Umu momumo bamo mumwinyu mukabela, loli mukaswefiwa nukupaghuliwa, sona mwaneniwa ukuti mute ninongwa nayimoyimo pamaso pa Chala mwitabwa ilya Mwene u Yesu Kilisitu, sona nukwendela mu Muzimu uwa Chala witu.
Amabili ghitu ghabanje ghakumuchindikila u Chala
12 #
1 Kol. 10.23
Umuntu yumo akwiza pakunena ukuti, “Ane ne musatuke pakubomba vyosi bulo.” Eee, momumo, loli vyosi vitakubapa ubwiza. Ninganena ukuti ane ne musatuke pakubomba vyosi bulo, loli ntakwiza pakwitikizya nachimo ukuti chimpele pakuba muzya wache. 13Umuntu uyunji akwiza pakunena ukuti, “Ichakulya chikapeliwa ukuti chinjilaye mulwanda, lope ulwanda lukapeliwa ukuti lupokelaye ichakulya.” Eee, momumo, loli u Chala akwiza pakuvinangannya vyosi vibili. Umubili ghute wakubombela ubwamalaya awe, loli wakumubombela u Mwene. Po u Mwene wemwenecho uwa mubili. 14U Chala akamuzyusya u Mwene kubufwe, po naswe bulo akwiza pakutuzyusya kubufwe na maka ghache.
15Nkimba mutazimenye ukuti amabili ghinyu vyo vigaba ivya mubili uwa Kilisitu? Fwandi, ningasenda bulibuli ichigaba chimo icha mubili uwa Kilisitu nukuchimamatizya poka nu mubili uwa mukolo umalaya? Zitangabombiwa napo panandi! 16#Ubw. 2.24Pamo mutazimenye ukuti umuntu yuyo akwipatinkannya mwene nu mukolo umalaya, yuyo nu mukolo bakwipela bene pakuba mubili ghoka? Amasimbo ghakunena pabuzelu ghakuti, “Babili banaba bakwiza pakuba mubili ghoka.” 17Loli umuntu yuyo akwimamatizya mwene kwa Mwene, akwiza pakuba poka nu Mwene mubuzimu.
18Mubuleghuke ubwamalaya. Imbibi izinji zyosi zizyo umuntu akubomba zitakupalamasya umubili wache, loli nanti umuntu akubomba ubwamalaya akughunangila umubili wache. 19#1 Kol. 3.16; 2 Kol. 6.16Nkimba mutazimenye ukuti umubili winyu yo nyumba iya Muzimu Umuzelu, yuyo akwikala mumwinyu, sona yuyo mukapokela ukufuma kwa Chala? Ichi cho chifukwa ubumi bubo muli nabo, bute bwinyu mwebene, awe. 20Pakuti amwe mughuliwe nu mutengo uwapamwanya nkani. Po mumuchindikaye u Chala na mabili ghinyu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya