1 Aba Kolinti 2
2
Nizya Kilisitu yuyo akakomeliwa pachipinjika
1Mwee bakamu bane, bo niza kukwinyu, intakabombezyapo amazyu amakafu pamo aghabumanyi pakulumbilila nizya bwanaloli ubwa Chala bubo bufisiwe. 2Pakuti bo indinamwe, nkadumula pakuluvya ivintu vyosi, loli mwene u Yesu Kilisitu, sona nkaninkani ubufwe bwache ubwa pachipinjika. 3#Imbo. 18.9Po nkiza kukwinyu nu budedebazu, nubogha, sona nukutetema nkani. 4Amazyu ghane sona nu bulumbilili bwane intakavinena na mazyu aghamahala na ghakudeba, loli nu lusimikizyo ulwa maka agha Muzimu uwa Chala, 5umwakuti ulwitiko lwinyu lutakime mumahala agha buntu, awe, loli mumaka agha Chala.
Amahala agha Chala
6Loli tukunena amazyu aghamahala na bantu babo bamaka mubuzimu, napapo amahala agha ghate mahala agha masiku agha, pamo agha balaghili aba muchisu ichapasi, babo amaka ghabo ghakumala. 7Loli amahala ghagho tukughanena gho mahala agha Chala, ghagho abantu batangaghennya. U Chala akaghasala kale, bo achili nukupela ichisu ichapasi ukuti ghatupe ubuchindamu. 8Abalaghili aba muchisu ichapasi batakazimanya zinizi. Nanti bakazimanyagha ngali batakamukomela u Mwene uwa buchindamu pachipinjika. 9#Yes. 64.4Loli ukuyana na Masimbo aghakuti,
“Chicho ilyiso litachenizyepo, pamo chicho ni kutu litachivuyepo
pamo chicho umoyo uwa muntu ghutakachinong'onagha,
ichintu chilachila, cho chicho u Chala akabayanizizya
abantu babo bamughanite.”
10Loli u Chala akatuvumbulila ivintu vinivi ukwendela mu Muzimu Umuzelu. Pakuti u Muzimu akwenelezya ivintu vyosi, napapo zingaba inyinong'ono inyibizu izya Chala. 11Pakuti we muzimu yuyo ali mukasi mumuntu, weyuyo azimenye inyinong'ono izya muntu. Umwakuyana bulo, wepe u Muzimu uwa Chala mwene, weyuyo azimenye zyosi izya Chala. 12Aswe tutakapokela umuzimu uwa muchisu ichapasi, awe, loli tukapokela u Muzimu Umuzelu yuyo akufuma kwa Chala, umwakuti tungavimanya vivyo u Chala atupiye.
13Polelo tutakunena na mazyu ghagho ghakumanyisiwa na mahala agha bantu, awe, loli na mazyu ghagho u Muzimu Umuzelu akumanyisya. Tukubamanyisya abantu babo bali nu Muzimu Umuzelu ivintu ivyanaloli ivya buzimu. 14Umuntu yuyo ate nu Muzimu, atangavipokela ivyabupi vivyo u Muzimu uwa Chala akupa pakuti kukwache vya bupunganu sona atangavyaghannya, pachifukwa ichakuti mwene yuyo ali nu Muzimu, weyuyo angavyaghannya ivya buzimu. 15Loli umuntu yuyo ali nu Muzimu, akuvyaghannya vyosi, loli nayumo umuntu yuyo angamwaghannya umuntu yulayula. 16#Yes. 40.13
Pakuti Amasimbo ghakuti, “Nkimba wewenu azimenye inyinong'ono izya Mwene,
umwakuti angamumanyisya amahala?”
Loli aswe, tuli ni nyinong'ono izya Kilisitu.
Currently Selected:
1 Aba Kolinti 2: LMBNT2016
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya1 Aba Kolinti 2
2
Nizya Kilisitu yuyo akakomeliwa pachipinjika
1Mwee bakamu bane, bo niza kukwinyu, intakabombezyapo amazyu amakafu pamo aghabumanyi pakulumbilila nizya bwanaloli ubwa Chala bubo bufisiwe. 2Pakuti bo indinamwe, nkadumula pakuluvya ivintu vyosi, loli mwene u Yesu Kilisitu, sona nkaninkani ubufwe bwache ubwa pachipinjika. 3#Imbo. 18.9Po nkiza kukwinyu nu budedebazu, nubogha, sona nukutetema nkani. 4Amazyu ghane sona nu bulumbilili bwane intakavinena na mazyu aghamahala na ghakudeba, loli nu lusimikizyo ulwa maka agha Muzimu uwa Chala, 5umwakuti ulwitiko lwinyu lutakime mumahala agha buntu, awe, loli mumaka agha Chala.
Amahala agha Chala
6Loli tukunena amazyu aghamahala na bantu babo bamaka mubuzimu, napapo amahala agha ghate mahala agha masiku agha, pamo agha balaghili aba muchisu ichapasi, babo amaka ghabo ghakumala. 7Loli amahala ghagho tukughanena gho mahala agha Chala, ghagho abantu batangaghennya. U Chala akaghasala kale, bo achili nukupela ichisu ichapasi ukuti ghatupe ubuchindamu. 8Abalaghili aba muchisu ichapasi batakazimanya zinizi. Nanti bakazimanyagha ngali batakamukomela u Mwene uwa buchindamu pachipinjika. 9#Yes. 64.4Loli ukuyana na Masimbo aghakuti,
“Chicho ilyiso litachenizyepo, pamo chicho ni kutu litachivuyepo
pamo chicho umoyo uwa muntu ghutakachinong'onagha,
ichintu chilachila, cho chicho u Chala akabayanizizya
abantu babo bamughanite.”
10Loli u Chala akatuvumbulila ivintu vinivi ukwendela mu Muzimu Umuzelu. Pakuti u Muzimu akwenelezya ivintu vyosi, napapo zingaba inyinong'ono inyibizu izya Chala. 11Pakuti we muzimu yuyo ali mukasi mumuntu, weyuyo azimenye inyinong'ono izya muntu. Umwakuyana bulo, wepe u Muzimu uwa Chala mwene, weyuyo azimenye zyosi izya Chala. 12Aswe tutakapokela umuzimu uwa muchisu ichapasi, awe, loli tukapokela u Muzimu Umuzelu yuyo akufuma kwa Chala, umwakuti tungavimanya vivyo u Chala atupiye.
13Polelo tutakunena na mazyu ghagho ghakumanyisiwa na mahala agha bantu, awe, loli na mazyu ghagho u Muzimu Umuzelu akumanyisya. Tukubamanyisya abantu babo bali nu Muzimu Umuzelu ivintu ivyanaloli ivya buzimu. 14Umuntu yuyo ate nu Muzimu, atangavipokela ivyabupi vivyo u Muzimu uwa Chala akupa pakuti kukwache vya bupunganu sona atangavyaghannya, pachifukwa ichakuti mwene yuyo ali nu Muzimu, weyuyo angavyaghannya ivya buzimu. 15Loli umuntu yuyo ali nu Muzimu, akuvyaghannya vyosi, loli nayumo umuntu yuyo angamwaghannya umuntu yulayula. 16#Yes. 40.13
Pakuti Amasimbo ghakuti, “Nkimba wewenu azimenye inyinong'ono izya Mwene,
umwakuti angamumanyisya amahala?”
Loli aswe, tuli ni nyinong'ono izya Kilisitu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
©️ The Bible Society of Malawi, 2014
©️ The Word for the World International, 2014
Learn More About Ulufingo Ulupya