Mátiyu 8
8
Jisọsu l'eme t'onye njọkirehu l'eme mehu
(Mak. 1:40-45; Luk. 5:12-16)
1Tọ dụ iya bụ, Jisọsu shilewho l'eli ugvu ono nyizeta, igweligwe madzụ wụru tsoru iya. 2Nwoke lanụ njọkirehu l'eme bya abyakfuta iya, bya abaarụ iya ẹja sụ iya: “Onye-Nwe-Ọha, ọ -bụru l'ọ dụ ghu mma l'uche bẹ l'ịi-dụkwa ike mee mu tẹ mu mehu, t'a ba asọhe mu nsọ.” 3Jisọsu bya amachịa ẹka mee nwoke ono l'ẹhu sụ iya: “Ọ dụ mu mma l'uche, mehuwaro bụru onye l'aata asọhe nsọ.” Nteke onowho, njọkirehu ono mishihu nwoke ono l'ẹhu. 4Jisọsu sụ iya: “Ba adụbukwaa onye l'ii-kfuru iya. Tụgbulekwaruwho je egoshi onye l'agbajẹ ẹja nụ Chileke onwoghu t'o lerwee ghu ẹnya. Gụ eje egwodzua ngwo-ẹja ono onye e meru t'a ba anọhe asọ nsọ l'anụje, bya anụ Chileke lẹge Mósisu tụru iya l'iwu. Ọo ya bụ nke ọwhu ọha l'a-tụkota marụ l'ẹhu dụwa ghu mma.”
Jisọsu l'eme t'ẹhu dụ nwozhi onye ishi ojọgu mma
(Luk. 7:1-10)
5Tọ dụ iya bụ lẹ Jisọsu abahụdelewho Kapániyọmu, o nweru onye ishi ojọgu l'achị ndu ojọgu ụkporo ugbo ise, byakfutaru iya bya aryọo ya aryọryo sụ iya: 6“Onye-Nwe-Ọha, nwozhi mu bẹ dabukwaru l'ụlo ntaa, ọ bụru iwhe l'eme iya nụ l'emeshi iya ike, nke ọwhu l'ọoto ghajẹ agha, mbụ ọ lẹwho l'oojegbu onwiya l'iwhe-ọtsulanu.”
7Jisọsu sụ iya: “Mu l'a-bya bya emee ya t'o mehu.”
8Onye ishi ojọgu ono sụ iya: “Onye-Nwe-Ọha mẹ mu ta adụkwa nke l'ịi-bata ibe mu. Iwhe mu l'ekfu kwaa t'i kfua okfu-ọnu mmaanụ, i -kfuwa iya bẹ nwozhi mu ono l'e-mehulekwawho. 9Lẹ mbẹmua bụkwa onye nọ madzụ l'ẹka, o nwekwaruwho ndu ojọgu nọ mbẹmua l'ẹka. L'ọobuje, mu -sụ onye ọwa: ‘Jee ọwa,’ onye ọbu ejee ya. Mu -sụ onye ọdo: ‘Bya,’ ya abya. Mu abya asụ nwozhi mu ọwa: ‘Mee ọwa,’ ya emee ya.” 10Jisọsu nụlewho iwhe ono, ọ tụfu iya ẹhu. Ọ sụ ndu l'awụ etso iya: “Iwhe mu l'ekfuleruwho unu bụ: l'alị Ízurẹlu kpaa-whuu bẹ mu l'ẹteke awhụjekwaa onye kwetaberu g'ọo nwoke-e ya. 11Iwhe mu l'ekfuru unu bụ l'aa-dụ l'igweligwe shi l'ụzo ẹnyanwu-awata mẹe l'ụzo ẹnyanwu-arịba bya, whẹ lẹ Ébirihamu, mẹe Áyiziku, mẹe Jékọpu anọdu ria nri nteke ono Chileke l'e-goshi l'ọo ya bụ eze. 12Aa-gbechia chịta ndu ọwhu ọ gbarụ nke tẹ whẹ bụru ndu Chileke bụ eze whẹ ọbu chịru ghaa l'ogboduwhu ẹka ẹkpuroochi gbarụ tsụrikiti. O noo ẹka whẹ l'a-nọdu ryaa ejo ẹkwa, taa ikireze.” 13Jisọsu kfugee nno, ọ sụ onye ishi ojọgu ono: “Jeshiwaro, l'ọo g'i kwetaru l'ọo-dụru ghu bụ gẹ l'ọo-dụru ghu.” Ọ bụleruwho nteke ono bẹ nwozhi nwoke ono mehulekwaruwho.
Jisọsu l'eme igweligwe ndu ẹhu l'emekaa tẹ whẹ mehu
(Mak. 1:29-34; Luk. 4:38-41)
14Jisọsu bya abata ibe Pyita, ọ bya awhụa lẹ ne nyee Pyita bẹ zẹe l'ẹwhoku. 15Ọ bya abyaa nwanyị ono ẹka l'ẹka. Ẹwhoku ono nwubuhu iya, ọ gbalihu kwalahaarụ Jisọsu ẹbyii. 16O be l'urwẹnyashi mbọku ono, e dutageeru Jisọsu igweligwe ndu ọgvu bugee l'ẹhu. L'oogudeje okfu-ọnu iya chịfukota ejo-maa ono g'ọ ha, mẹkota iwhe bụ ndu ọwhu iwhe l'emekaa, o mekota whẹ ẹhu dụkota whẹ mma. 17Iwhe lile ono bẹ mekotaru nụ, nke ọwhu iwhe o kfuru mbụ Ayizáya onye nkfuchiru Chileke l'a-vụkota. Mbụ ọwhu o kfuru sụ: “O vutaru iwhe-ememe, l'eme anyi l'onwiya, vutakwawho ẹhu-ba-dụ-mma l'eme anyi.”
Ndu l'ee-bekochaa etso ụzo Jisọsu
(Luk. 9:57-62)
18Tọ dụ iya bụ; Jisọsu bya awhụlewho igweligwe ndu ono, nọ-wheru iya mgburumgburu, ọ sụ ndu l'etso ụzo iya: “Unu t'anyi dafụ azụ ẹnyimu azụ iya ọwhu.” 19Nwoke lanụ, bụ onye o-zhi-iwu byakfuta iya bya asụ iya: “Sụa, O-zhi-iwhe, mu l'a-nọ-zhiawho etso ghu eje iwhe bụ ẹka l'iije.” 20Jisọsu sụ iya: “Ụwhegu nweru ẹnu ẹka l'ọoraduje, ẹ̀nù, l'ewhe l'eli nweru ẹkfunu ẹka l'ọoradujekwawho. Ọle Abụbu-Ndiwhe te enwedu ẹka bụ ẹka l'oo-dobeje ishi.” 21Onye ọdo lẹ ndu l'etso ụzo iya sụ iya: “Onye-Nwe-Ọha, ngabẹkwawho tẹ mu je eliadaa nna mu.” 22Jisọsu sụ iya: “Bya etsoru mu, haa ndu nwụhuru anwụhu tẹ whẹ lia ndu nke whẹ nwụhuru anwụhu.”
Jisọsu l'eme tẹ whẹrewhere nọdu doo
(Mak. 4:35-41; Luk. 8:22-25)
23Jisọsu bahụlewho l'ụgbo, ndu l'etso ụzo iya tsoru iya. 24Ọo ya bụ, eze oke whẹrewhere wata ewhewhe, wheshide ike nke ọwhu oke akpara-mini tụlahaaru l'eze-ẹnyimu ono, nke ọwhu mini l'abyawaa oji ụgbo whẹ ono, ọle Jisọsu bẹ zẹero eku mgbẹnya. 25Whẹ byakfuta iya bya ekutee ya sụ iya: “Onye-Nwe-Ọha dzọo anyi, l'ụgbo l'abyakwa anyi ekpukpu.” 26Ọ sụ whẹ: “Oowa! Unubẹ ndu-a ekwekwe unu kweru l'ẹte abaa nwishi-a. ?Ọo gụnu meru unu l'atsụ egvu?” Ọ gbalihu nteke ono baarụ eze oke whẹrewhere ono mba mẹe eze-ẹnyimu ono; mgboko ono tụko daa rịgbidingu. 27Iwhe ono dụ ndu ono biribiri, whẹ kfulahaa sụ: “?Ọo ẹgube madzụ gụnu bẹ nwoke-e bụ? ?Onye ọwhu oke whẹrewhere mẹe eze-ẹnyimu l'anụkaaru okfu?”
Jisọsu l'eme tẹ unwoke labọ ọgvu bu l'ẹhu mehu
(Mak. 5:1-20; Luk. 8:26-39)
28Tọ dụ iya bụ lẹ Jisọsu adafụlewho azụ eze-ẹnyimu azụ iya ọwhu, bụ iya bụ alị nke ndu Gádara. O rwua ẹka ono yẹle unwoke labọ ọgvu bugee l'ẹhu dzuda. Ndu ono bụru l'ẹka l'eelije madzụ bẹ whẹ shigee fụta. Ọgvu jiru whẹ ẹhu kpikpirikpimu. Ẹngiringaa whẹ l'anọje eme bẹ kpọshiru tọ dụhewaro onye egvu l'ekweje t'ọ dụ ike je ọgha l'uswe ẹka ono. 29Whẹ chishia mkpu sụ: “?Ọo gụnu bẹ anyi lẹ ghu jigba, Nwa Chileke? ?L'ịibyawaa t'ị bya eshi ntaa wata anyi ọnu áwhụ l'oge beke erwua?” 30O nweruwho ikpoto ezhi, nọdu whẹ nwa-otẹnya l'ẹka ono akpa nri. 31Ọgvu ono tụko ryọlahaa Jisọsu sụ iya: “Ọ -bụkwaru l'ịichifu anyi, hakwaa t'anyi wụba l'ime ikpoto ezhi who.” 32Jisọsu sụ whẹ: “Unu lọbaru.” Ọgvu ono zefuta l'ẹhu unwoke ono wụba igwe ezhi ono l'ẹhu. Tọ dụ iya bụ, ikpoto ezhi ono g'ọ ha achapuhaa ọso gburugburugburu, gbazeta l'owe kperekpere ẹka ono, je awụba l'eze-ẹnyimu ono. Mini rigbushikota iya g'ọ ha. 33Ndu l'eche ezhi ono gbakashịhu, je edokota iwhe lile ono, meru nụ l'ime mkpụkpu, dokwaawho g'ọ nwụru ndu ono, ọgvu shi bugeeru l'ẹhu ono. 34Tọ dụ iya bụ lẹ mkpụkpu ono l'owhu awụfuta, byakfutashia Jisọsu. Whẹ whụlewho Jisọsu, whẹ ryọlahaa ya t'ọ gbashi lụfuru whẹ l'alị whẹ.
Currently Selected:
Mátiyu 8: Ezaa
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust
Mátiyu 8
8
Jisọsu l'eme t'onye njọkirehu l'eme mehu
(Mak. 1:40-45; Luk. 5:12-16)
1Tọ dụ iya bụ, Jisọsu shilewho l'eli ugvu ono nyizeta, igweligwe madzụ wụru tsoru iya. 2Nwoke lanụ njọkirehu l'eme bya abyakfuta iya, bya abaarụ iya ẹja sụ iya: “Onye-Nwe-Ọha, ọ -bụru l'ọ dụ ghu mma l'uche bẹ l'ịi-dụkwa ike mee mu tẹ mu mehu, t'a ba asọhe mu nsọ.” 3Jisọsu bya amachịa ẹka mee nwoke ono l'ẹhu sụ iya: “Ọ dụ mu mma l'uche, mehuwaro bụru onye l'aata asọhe nsọ.” Nteke onowho, njọkirehu ono mishihu nwoke ono l'ẹhu. 4Jisọsu sụ iya: “Ba adụbukwaa onye l'ii-kfuru iya. Tụgbulekwaruwho je egoshi onye l'agbajẹ ẹja nụ Chileke onwoghu t'o lerwee ghu ẹnya. Gụ eje egwodzua ngwo-ẹja ono onye e meru t'a ba anọhe asọ nsọ l'anụje, bya anụ Chileke lẹge Mósisu tụru iya l'iwu. Ọo ya bụ nke ọwhu ọha l'a-tụkota marụ l'ẹhu dụwa ghu mma.”
Jisọsu l'eme t'ẹhu dụ nwozhi onye ishi ojọgu mma
(Luk. 7:1-10)
5Tọ dụ iya bụ lẹ Jisọsu abahụdelewho Kapániyọmu, o nweru onye ishi ojọgu l'achị ndu ojọgu ụkporo ugbo ise, byakfutaru iya bya aryọo ya aryọryo sụ iya: 6“Onye-Nwe-Ọha, nwozhi mu bẹ dabukwaru l'ụlo ntaa, ọ bụru iwhe l'eme iya nụ l'emeshi iya ike, nke ọwhu l'ọoto ghajẹ agha, mbụ ọ lẹwho l'oojegbu onwiya l'iwhe-ọtsulanu.”
7Jisọsu sụ iya: “Mu l'a-bya bya emee ya t'o mehu.”
8Onye ishi ojọgu ono sụ iya: “Onye-Nwe-Ọha mẹ mu ta adụkwa nke l'ịi-bata ibe mu. Iwhe mu l'ekfu kwaa t'i kfua okfu-ọnu mmaanụ, i -kfuwa iya bẹ nwozhi mu ono l'e-mehulekwawho. 9Lẹ mbẹmua bụkwa onye nọ madzụ l'ẹka, o nwekwaruwho ndu ojọgu nọ mbẹmua l'ẹka. L'ọobuje, mu -sụ onye ọwa: ‘Jee ọwa,’ onye ọbu ejee ya. Mu -sụ onye ọdo: ‘Bya,’ ya abya. Mu abya asụ nwozhi mu ọwa: ‘Mee ọwa,’ ya emee ya.” 10Jisọsu nụlewho iwhe ono, ọ tụfu iya ẹhu. Ọ sụ ndu l'awụ etso iya: “Iwhe mu l'ekfuleruwho unu bụ: l'alị Ízurẹlu kpaa-whuu bẹ mu l'ẹteke awhụjekwaa onye kwetaberu g'ọo nwoke-e ya. 11Iwhe mu l'ekfuru unu bụ l'aa-dụ l'igweligwe shi l'ụzo ẹnyanwu-awata mẹe l'ụzo ẹnyanwu-arịba bya, whẹ lẹ Ébirihamu, mẹe Áyiziku, mẹe Jékọpu anọdu ria nri nteke ono Chileke l'e-goshi l'ọo ya bụ eze. 12Aa-gbechia chịta ndu ọwhu ọ gbarụ nke tẹ whẹ bụru ndu Chileke bụ eze whẹ ọbu chịru ghaa l'ogboduwhu ẹka ẹkpuroochi gbarụ tsụrikiti. O noo ẹka whẹ l'a-nọdu ryaa ejo ẹkwa, taa ikireze.” 13Jisọsu kfugee nno, ọ sụ onye ishi ojọgu ono: “Jeshiwaro, l'ọo g'i kwetaru l'ọo-dụru ghu bụ gẹ l'ọo-dụru ghu.” Ọ bụleruwho nteke ono bẹ nwozhi nwoke ono mehulekwaruwho.
Jisọsu l'eme igweligwe ndu ẹhu l'emekaa tẹ whẹ mehu
(Mak. 1:29-34; Luk. 4:38-41)
14Jisọsu bya abata ibe Pyita, ọ bya awhụa lẹ ne nyee Pyita bẹ zẹe l'ẹwhoku. 15Ọ bya abyaa nwanyị ono ẹka l'ẹka. Ẹwhoku ono nwubuhu iya, ọ gbalihu kwalahaarụ Jisọsu ẹbyii. 16O be l'urwẹnyashi mbọku ono, e dutageeru Jisọsu igweligwe ndu ọgvu bugee l'ẹhu. L'oogudeje okfu-ọnu iya chịfukota ejo-maa ono g'ọ ha, mẹkota iwhe bụ ndu ọwhu iwhe l'emekaa, o mekota whẹ ẹhu dụkota whẹ mma. 17Iwhe lile ono bẹ mekotaru nụ, nke ọwhu iwhe o kfuru mbụ Ayizáya onye nkfuchiru Chileke l'a-vụkota. Mbụ ọwhu o kfuru sụ: “O vutaru iwhe-ememe, l'eme anyi l'onwiya, vutakwawho ẹhu-ba-dụ-mma l'eme anyi.”
Ndu l'ee-bekochaa etso ụzo Jisọsu
(Luk. 9:57-62)
18Tọ dụ iya bụ; Jisọsu bya awhụlewho igweligwe ndu ono, nọ-wheru iya mgburumgburu, ọ sụ ndu l'etso ụzo iya: “Unu t'anyi dafụ azụ ẹnyimu azụ iya ọwhu.” 19Nwoke lanụ, bụ onye o-zhi-iwu byakfuta iya bya asụ iya: “Sụa, O-zhi-iwhe, mu l'a-nọ-zhiawho etso ghu eje iwhe bụ ẹka l'iije.” 20Jisọsu sụ iya: “Ụwhegu nweru ẹnu ẹka l'ọoraduje, ẹ̀nù, l'ewhe l'eli nweru ẹkfunu ẹka l'ọoradujekwawho. Ọle Abụbu-Ndiwhe te enwedu ẹka bụ ẹka l'oo-dobeje ishi.” 21Onye ọdo lẹ ndu l'etso ụzo iya sụ iya: “Onye-Nwe-Ọha, ngabẹkwawho tẹ mu je eliadaa nna mu.” 22Jisọsu sụ iya: “Bya etsoru mu, haa ndu nwụhuru anwụhu tẹ whẹ lia ndu nke whẹ nwụhuru anwụhu.”
Jisọsu l'eme tẹ whẹrewhere nọdu doo
(Mak. 4:35-41; Luk. 8:22-25)
23Jisọsu bahụlewho l'ụgbo, ndu l'etso ụzo iya tsoru iya. 24Ọo ya bụ, eze oke whẹrewhere wata ewhewhe, wheshide ike nke ọwhu oke akpara-mini tụlahaaru l'eze-ẹnyimu ono, nke ọwhu mini l'abyawaa oji ụgbo whẹ ono, ọle Jisọsu bẹ zẹero eku mgbẹnya. 25Whẹ byakfuta iya bya ekutee ya sụ iya: “Onye-Nwe-Ọha dzọo anyi, l'ụgbo l'abyakwa anyi ekpukpu.” 26Ọ sụ whẹ: “Oowa! Unubẹ ndu-a ekwekwe unu kweru l'ẹte abaa nwishi-a. ?Ọo gụnu meru unu l'atsụ egvu?” Ọ gbalihu nteke ono baarụ eze oke whẹrewhere ono mba mẹe eze-ẹnyimu ono; mgboko ono tụko daa rịgbidingu. 27Iwhe ono dụ ndu ono biribiri, whẹ kfulahaa sụ: “?Ọo ẹgube madzụ gụnu bẹ nwoke-e bụ? ?Onye ọwhu oke whẹrewhere mẹe eze-ẹnyimu l'anụkaaru okfu?”
Jisọsu l'eme tẹ unwoke labọ ọgvu bu l'ẹhu mehu
(Mak. 5:1-20; Luk. 8:26-39)
28Tọ dụ iya bụ lẹ Jisọsu adafụlewho azụ eze-ẹnyimu azụ iya ọwhu, bụ iya bụ alị nke ndu Gádara. O rwua ẹka ono yẹle unwoke labọ ọgvu bugee l'ẹhu dzuda. Ndu ono bụru l'ẹka l'eelije madzụ bẹ whẹ shigee fụta. Ọgvu jiru whẹ ẹhu kpikpirikpimu. Ẹngiringaa whẹ l'anọje eme bẹ kpọshiru tọ dụhewaro onye egvu l'ekweje t'ọ dụ ike je ọgha l'uswe ẹka ono. 29Whẹ chishia mkpu sụ: “?Ọo gụnu bẹ anyi lẹ ghu jigba, Nwa Chileke? ?L'ịibyawaa t'ị bya eshi ntaa wata anyi ọnu áwhụ l'oge beke erwua?” 30O nweruwho ikpoto ezhi, nọdu whẹ nwa-otẹnya l'ẹka ono akpa nri. 31Ọgvu ono tụko ryọlahaa Jisọsu sụ iya: “Ọ -bụkwaru l'ịichifu anyi, hakwaa t'anyi wụba l'ime ikpoto ezhi who.” 32Jisọsu sụ whẹ: “Unu lọbaru.” Ọgvu ono zefuta l'ẹhu unwoke ono wụba igwe ezhi ono l'ẹhu. Tọ dụ iya bụ, ikpoto ezhi ono g'ọ ha achapuhaa ọso gburugburugburu, gbazeta l'owe kperekpere ẹka ono, je awụba l'eze-ẹnyimu ono. Mini rigbushikota iya g'ọ ha. 33Ndu l'eche ezhi ono gbakashịhu, je edokota iwhe lile ono, meru nụ l'ime mkpụkpu, dokwaawho g'ọ nwụru ndu ono, ọgvu shi bugeeru l'ẹhu ono. 34Tọ dụ iya bụ lẹ mkpụkpu ono l'owhu awụfuta, byakfutashia Jisọsu. Whẹ whụlewho Jisọsu, whẹ ryọlahaa ya t'ọ gbashi lụfuru whẹ l'alị whẹ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust