Mátiyu 26
26
Ndu ishi l'achị idzu gẹ whẹ l'e-shi gbua Jisọsu
(Mak. 14:1-2; Luk. 22:1-2; Jọn. 11:45-53)
1Ọo ya bụ, Jisọsu kfugelewho iwhe lile ono l'ookfu, ọ sụ ndu l'etso ụzo iya: 2“?Ọ kwa l'unu marụ-a l'o wudufuwaru-a ujiku labọ ntaa, nke ẹto iya, a bahụ l'oge O-je-ghata. Ọo nteke ono bẹ l'aa-kpụru Abụbu-Ndiwhe nụ t'a kfugbua ya l'oswebe.”
3Tọ dụ iya bụ lẹ ndu ishi ndu l'agbajẹ ẹja nụ Chileke mẹe ndu bụ ọgurenya ndu Ju abya edzukobe l'ogboduwhu ibe eze onye ishi ndu l'agbajẹ ẹja nụ Chileke, ẹwha iya bụ Káyafasu. 4Whẹ bya atụko chịa idzu gẹ whẹ l'e-shi gude ẹregede gude Jisọsu gbua. 5Ọle whẹ sụru: “Ọ tọ kwa ntaa, l'eeri oge-e, a -daa ya ọgu ntaa bẹ ùtsú l'a-dakwa l'echi ọha-a.”
Aakwabẹ Jisọsu ugvu lẹ Bétani
(Mak. 14:3-9; Jọn. 12:1-8)
6Jisọsu nọdulewho lẹ Bétani l'ibe Sáyịmonu ọwhu njọkirehu mejeru. 7O nweru nwanyị, gude nwa ite ọbu, l'amashi ụma ike bata gẹ Jisọsu gudelewho nri l'ẹka eri. Iwhe jiru nwite ono bụ mmanụ-ehuhu ọbu, l'ereshi ire ike. Nwanyị ono bya ewota mmanụ ono wukputa Jisọsu l'ishi. 8Ndu l'etso ụzo iya whụle iya whọ, ẹhu ghulahaa whẹ eghu. Whẹ sụ: “?E kwobehunuru gụnu emebyi ẹguru mmanụ ọwa-a ẹgube-ẹ? 9O noo lẹ mmanụ-a bẹ dzukwaru gẹ bụ: e rede iya ere, e reta iya ụkporo jọmu jọmu, chịta keshiaru ndu l'amaa gẹ whẹ l'e-me iya.” 10Jisọsu malẹruwho l'o noo iwhe whẹ l'ekfu, ọ sụ whẹ: “?Ọ nụa gụnu kpatarụ iwhe unu kpabẹru nwanyị-a okfu? Ọo ree b'o meru mu ẹgube-ẹ. 11Unu lẹ ndu l'adụa g'ọ harụ whẹ bupyabe nteke nteke, ọle mbẹdua bẹ mu l'unu l'ẹte anọpyabedua nteke nteke. 12L'iwhe meru ọ wukputa mu mmanụ-a bụ t'o shi ntaa kwakọbe mu mẹ l'ọgvu mbọku, l'ee-li mụbe Jisọsu. 13T'o dokwaa unu ẹnya ree l'iwhe bụ ẹka bụ-zhia ẹka aryarụ ozhi-ọma-a lẹ mgboko mgburumgburu bẹ l'aa-kọjekwawho akọ iwhe-e, nwanyị-a meru, gude nyatajẹ nwanyị-a.”
Júdasu l'agbarụ Jisọsu eye
(Mak. 14:10-11; Luk. 22:3-6)
14Tọ dụ iya bụ, Júdasu Isukáriyọtu bụ onye lanụ l'ime ụmadzu iri l'ẹbo ono, l'etso ụzo Jisọsu bya atụgbua jekfu ndu ishi ndu l'agbajẹ ẹja nụ Chileke, 15je asụ whẹ: “?Ọo gụnu bẹ unu l'a-nụ mu tẹ mu gbarụ iya ye unu l'ẹka?” Whẹ kfụa ya ụkporo pọngu lẹ pọngu iri. 16O shiwaro nteke ono chọkashide ụzo, l'oo-shi gbarụ Jisọsu ye whẹ l'ẹka ọbu.
Nri-ẹnyashi Ikpazụ
(Mak. 14:12-26; Luk. 22:7-23; Jọn. 13:21-30; 1 Kọ́r. 11:23-25)
17Ọ bya erwua mbọku ọbahu l'oge ono, bụkwanu mbọku, l'aatajẹ buredi l'ete ekoo eko, ndu l'etso ụzo Jisọsu byakfuta iya bya asụ iya: “?Ọo awee b'ọ dụ ghu nke t'anyi je edozhiaru ghu t'ị nọdu ria nri oge O-je-ghata-a?”
18Ọ sụ whẹ: “Unu tụgbua bahụ lẹ Jerúsalẹmu, unu jekfu onye dụ ẹgube-ẹ, je asụ iya lẹ mụbe O-zhi-iwhe sụru: ‘Oge mu rwuakwaru erwu, ọ kwa l'ibe ghu bẹ mu l'a-nọdu mu lẹ ndu l'etso ụzo mu ria nri oge O-je-ghata ọbu.’ ” 19Tọ dụ iya bụ lẹ ndu l'etso ụzo iya je emee ya lẹge Jisọsu zhiru whẹ iya, whẹ nọdu l'ẹka ono melahaa nri oge O-je-ghata ono.
20O belewho l'urwẹnyashi, Jisọsu yẹle ụmadzu iri l'ẹbo ono, l'etso ụzo iya je anọdu tẹ whẹ ria nri ono. 21Whẹ ridelewho nri ono, ọ sụ whẹ: “Iwhe mu l'ekfuru unu bụ: Ọ kwa onye lanụ lẹge unu ha nọdu l'ẹka-a bẹ l'a-gbarụ mu ye l'ẹka ndu l'achọ ishi mu.”
22Iwhe ono rwua whẹ l'ẹhu, tsụde whẹ lanụ, whẹ wata jịde iya l'iche l'iche sụ: “Onye-Nwe-Ọha ?ọo mbẹdua tọo gụnu? Ọo lẹwho l'ọ tọ dụ mbẹdua.”
23O yee ọnu sụ whẹ: “Ọo onye ọwhu mu l'iya l'etsutaje buredi l'efere lanụ bẹ bụ onye ọbu, l'a-gbarụ mu ye. 24Abụbu-Ndiwhe l'a-lakwa lẹge e deru iya l'ẹkwo Okfu Chileke. Ọle nshọro onye ono, bụ iya bẹ l'ee-shikwanu l'ẹka iya gbarụ Abụbu-Ndiwhe ye l'ẹka ndu l'achọ ishi iya. Ọ gọgo kalẹkwaru iya whọ mma nggẹ l'ẹte anwụ iya ilile.”
25Tọ dụ iya bụ, ọwhube Júdasu ọbu, bụ iya l'a-gbarụ iya ya sụ: “Rábayi, ?tọ bụdunu mbẹdua?”
Jisọsu sụ iya: “Ọ kwa ghu whọ b'o shi l'ọnu.”
26Whẹ gude nri ono l'ẹka eri, Jisọsu bya ewota buredi, kele Chileke ekele, ọ nyawaa ya nụ ndu l'etso ụzo iya sụ whẹ: “Unu narụ ria. Ọ waa bụ ogwẹhu mu.”
27Ọ bya apata omogo, mmẹe dụ, bya ekelekwawho Chileke ekele, ọ pẹe whẹ iya sụ whẹ: 28“Unu ngụ-dzuru iya g'unu ha, ọ waa bụ mmee mu; mmee a gbashịru l'iswi ẹhu igwe-ọha nggẹ Chileke gụaru whẹ nvụ l'iwhe-dụ-ẹji whẹ metagbaberu. Chileke gude mmee mu ono eme tẹ ọgbandzu, shi mu l'ẹka vuru ire. 29Ọle iwhe mu l'ekfuru unu bụ lẹ mu ta abyadụ l'angụbaa iwhe shi l'iwhe oshi vayịnu mịtaru jeye mbọku ono, mu l'unu l'a-ngụ nke ọwhuu nteke Nna mu l'e-goshi l'ọo bụ eze.”
30Whẹ bya agụa egvu jaa Chileke, gụ-gee egvu ono, whẹ tụgbua jeshia l'ugvu Ólivu.
Jisọsu l'ekfu lẹ Pyita l'ee-megee sụ lẹ ya ta amadụ iya
(Mak. 14:27-31; Luk. 22:31-34; Jọn. 13:36-38)
31A nọnyaa, Jisọsu sụ whẹ: “Unu g'unu hakọta bẹ l'e-wehakotakwa mu gbalashịa l'ẹnyashi-a l'okfu ẹhu mu, bụ g'e deru iya l'ẹkwo Okfu Chileke sụ: ‘Mu l'e-chigbu onye l'eche atụru, ikpoto atụru ono agbakashịhu.’ 32Ọle nteke ono, l'ee-melewho mu eshi l'ọnwu teta nọdu ndzụ bẹ mu l'e-vu unu ụzo tụgbua jeshia Gálili.”
33Pyita sụ iya: “Ọ -bụru m'ọo lẹ ndu ọwhu gẹ whẹ ha bẹ kwoberu okfu ẹhu ghu haa ghu gbalashịa, mbẹdua ta afụkwa iya.”
34Jisọsu sụ iya: “Iwhe mu l'e-kfuru ghu bụ l'ẹnyashi ntanụ-a, tẹmenu okọku chi-asahu aryaa ọrya b'ị gbẹwanu kfua ugbo ẹto l'ị tị madụ mu.”
35Pyita sụ iya: “E -behuduru ọ bya abụru m'ọo lẹ mu lẹ ghu l'a-tụko ala, mu ta afụkwa sụ lẹ mu ta amahẹdu ghu.”
Ndu l'etso ụzo Jisọsu ọwhu tụko gẹ whẹ ha kfukota nno.
Jisọsu l'ekfu anụ Chileke lẹ mgbabu l'eekuje Getusémeni
(Mak. 14:32-42; Luk. 22:39-46)
36Tọ dụ iya bụ lẹ Jisọsu mẹe ndu l'etso ụzo iya abya alịru rwua ẹka ọbu, l'eekuje Getusémeni. Whẹ rwua ẹka ono, ọ sụ ndu l'etso ụzo iya: “Unu nọdukwa anọdu l'ẹka tẹ mbẹdua kpụliberu ẹka whọ je ekfuru nụ Chileke.” 37O duta Pyita, duta ụnwu Zébedi whẹ whẹ ẹbo yeru onwiya, whẹ tụgbua. Áwhụ jizhia ya whọ obu, obu wadẹ iya mini. 38Ọ sụ whẹ: “Ha! Lẹ meji l'akụlekwa mu whọ whẹriwheri, mbụkwa nke ọwhu obu l'abya mu echifu.” Woo whẹ: “Unu nọdukwa l'ẹka-a t'anyi tụko cheje nche.” 39Ọ bya akpụliberu ụzo iwhu nwanshị, ọ daa kfube iwhu l'alị kfuru nụ Chileke sụ: “Nna mu, ọ -bụru l'ọo iwhe l'e-kwe emekota, manụru gẹ l'ii-me nafụ mu omogo iwhe-ọtsulanu-a, t'o bo rwu mu l'ẹhu. Ọle ọbu, t'iwhe bụ uche-obu ghu mee, t'ọ bọ bụkwa iwhe bụ uche-obu mbẹdua l'e-me.”
40Ọ dawhu azụ l'ẹka ndu l'etso ụzo ono, whẹ l'iya lị nọ, bya awhụa whẹ gẹ whẹ l'eku mgbẹnya; ọ sụ Pyita: “?M'ọ waa g'unu dụ? ?Mẹ unu ta adụdu ike tẹ mu l'unu chee nche mbụa m'ọo awa lanụ? 41Unu cheje nche kfuje nụ Chileke, t'o bo kwe t'unu daba l'iwhe adata. Obu madzụ bẹ l'ọo-nọje ewheshi uwhere ike, obenu l'ọwhube madzụ l'onwiya bẹ tsụru mmẹe.”
42Ọ bya atụgbukwaa nke ugbo labọ iya, byakwa eje ekfuru nụ Chileke sụ: “Nna mu, ọ -bụru l'o to nwehedu gẹ l'ii-shi nafụ mu omogo iwhe-ọtsulanu-a, t'a gụfulewho lẹ mu ngụfutaje iya; b'ọ dụkwa ree, ọ kwa ọwhu bụ uche ghu l'e-me.” 43Ọ byakfutakwa whẹ ọdo, byatashia, whẹ l'ekukwawho mgbẹnya nkele mgbẹnya jiru whẹ ẹnya eji.
44Ọ pakwarụ whẹ haa tụgbua ọdo, byakwa eje ekfuru nụ Chileke nke ugbo ẹto, kfukwaawho iwhe ono, o kfuhawaru. 45O megee, ọ byakfutashia ndu l'etso ụzo iya ndu ọwhu whẹ l'iya lị bya asụ whẹ: “?Unu nọkwadua lẹ mgbẹnya g'unu nọ iya? ?Unu l'atụtakwadua ume ọbu g'unu l'atụta iya? Unu lekwa l'o beekwaru. Abụbu-Ndiwhe b'a byakwaa l'agbarụ ye l'ẹka ndu l'eme iwhe-dụ-ẹji. 46Unu gbeshi t'anyi je. Unu lekwa onye ọbu, l'oo-shi l'ẹka iya ndọwhu gẹ l'ọobya.”
Eegude Jisọsu
(Mak. 14:43-50; Luk. 22:47-53; Jọn. 18:3-12)
47Tọ dụ iya bụ, Jisọsu kpụkwaduru okfu ono l'ọnu ekfu, Júdasu, bụkwa onye lanụ l'ime ụmadzu iri l'ẹbo ono bụru whẹrekete. Yẹle igweligwe madzụ lịru. Whẹ chịgbaaru nkogo mẹe mkpụru. Ndu zhiru whẹ nụ bụ ndu ishi ndu l'agbajẹ ẹja nụ Chileke mẹe ndu bụ ọgurenya ndu Ju. 48Onye ono, l'a-kpụru Jisọsu nụ whẹ ono kahawarụ whẹ iwhe ya l'e-me gude goshi whẹ onye ọwhu ọbu. Ọ sụhawaru whẹ: “Ọo onye onona, mu l'e-je etsutsua ọnu bẹ bụ onye ọwhu ọbu, unu l'e-gude.”
49Júdasu nyịghalekwawho anyịgha je ekele Jisọsu ekele sụ iya: “Rábayi ?ị dụwhoma,” tsua ya ọnu l'asa.
50Jisọsu sụ iya: “Ọnya mu, jero je emee iwhe ị byarụ ememe.”
Ndu ono bya awọ Jisọsu ẹka gude iya. 51Onye lanụ lẹ ndu l'etso ụzo Jisọsu tụfulewho ẹka mịta ogu-ịgba iya gbu nwohuta onye ishi ndu l'agbajẹ ẹja nụ Chileke, sefule iya whọ nchị. 52Jisọsu sụ: “Mịru ogu-ịgba ghu yewhu azụ l'ọbo iya, l'iwhe bụ onye l'eme lẹ mma l'a-lakwa lẹ mma. 53Tẹ ?ịiri lẹ mu ta adụdu ike ntaa asụ Nna mu t'ọ dzọo mu, mbụ ya eye ụnu-kpụku ndu ojozhi-imigwe ẹgwegwa ẹgweregwa, whẹ abya ntaa? 54Ọle ọbu, mu -mekwanua ya nno ?ndẹhunu gẹ l'ee-shi t'ọ vụa mbụ iwhe e deru l'ẹkwo Okfu Chileke? Mbụ iwhe e deru sụ l'iwhe-e, l'eme nụ-a mefutaje lẹge l'oome ntaa?”
55O noo nteke Jisọsu sụru igweligwe ndu ono, wụru bya iya egude: “?Mu bụ onye l'ana nfụ ọwhu unu chịgbaa ogu-ịgba chịru mkpụru abya mu egude? Mẹ mu l'unu shikwa anọduje l'eze-ụlo Chileke mbọku-mbọku, mu ezhi unu iwhe, mbụ unu te egudekwa mu nteke ono. 56Ọle iwhe ọwa g'ọ ha mewaru nke ọwhu iwhe ndu nkfuchiru Chileke deru l'ẹkwo Okfu Chileke l'a-vụkota gẹ whẹ kfuru iya.”
Ndu l'etso ụzo iya gẹ whẹ ha parụ iya haa gbakashịhu.
Jisọsu nọ l'iwhu ndu ikpe
(Mak. 14:53-65; Luk. 22:54-55,63-71; Jọn. 18:13-14,19-24)
57Ndu ono, byarụ ogude Jisọsu dulia ya jeshia ibe Káyafasu bụ iya bụ eze onye ishi ndu l'agbajẹ ẹja nụ Chileke. Ọ bụru l'ẹka ono bẹ ndu o-zhi-iwu mẹe ndu bụ ọgurenya gbee dzukohawanu. 58Pyita l'etso iya roo otẹnya otẹnya jeye whẹ bahụ l'ọma ogboduwhu ibe eze onye ishi ndu l'agbajẹ ẹja nụ Chileke ono. Ọ bya abahụ je anọkube ndu nche, chịru ẹnya ye tẹ ya whụ iya ishi. 59Ndu ishi ndu ono, l'agbajẹ ẹja nụ Chileke gẹ whẹ ha mẹe ndu ọgbo-ikpe l'owhu chọlahaa iwhe whẹ l'a-sụ lẹ Jisọsu meru, gẹ l'ee-shi tẹ whẹ kpee ya nkfugbu. 60Tọ dụ iwhe whẹ whụru, bụkwanu iwhe whẹ l'a-sụ l'o meru, a dụnu-a l'igweligwe agba iya ejo ẹka-ebe. A nọnyaa, ụmadzu labọ fụta bya asụ: 61“Ọ kwa nwoke-e bẹ sụru lẹ ya l'a-dụ ike mebyishia eze-ụlo Chileke, ya atuwhu iya azụ l'ime abalị ẹto.”
62Eze onye ishi ndu l'agbajẹ ẹja nụ Chileke gbeshi bya sụ iya: “?Tọ dụdu ọnu, l'iiye l'ẹgube ẹka-ebe ọwa, whẹ l'agbakaa ghu-a?” 63Jisọsu nọ-kirishilekwaa nwa nggujingguji. Eze onye ishi ndu l'agbajẹ ẹja nụ Chileke sụ iya: “Kfukwa mẹle Chileke, nọ ndzụ. ?Ọo ghu bụ Kuráyisutu ọbu, mbụ Onye Ndzọta ono Chileke kweru ụkwa iya? ?Ọo ghu bụ Nwa Chileke ọbu?”
64Jisọsu sụ iya: “Ọ kwa ghu whọ b'o shi l'ọnu. Iwhe mu l'eme tẹ mu kfuru unu bụ lẹ shita ntaa bẹ unu l'a-whụ Abụbu-Ndiwhe l'ẹka ọ nọ lẹ ẹka-ụtara Chileke bụ iya bụ Ọkalibe-Kakọta-Ike. E -megekwawho, unu awhụkwaa ya whọ gẹ ọ nọ l'urwukpu shi l'imigwe abya.”
65Tọ dụ iya bụ l'eze onye ishi ndu l'agbajẹ ẹja nụ Chileke ono ezhijashia uwe nke yẹbe onye ishi sụ: “Nwoke-e kfurwuakwaru Chileke ntaa. ?O zhia ẹgube ẹka-ebe gụnu ọdo bẹ anyi l'achọkwadu? Ntaa bẹ unu gudewaa nchị unu nụa gẹ l'ookfubyishi Chileke. 66?Ndẹe g'unu l'arị iya ntaa?”
Whẹ tụko wụko ọnu nnanụ sụ: “Iwhe gbalẹru iya whọ bụ nkfugbu.”
67O noo nteke whẹ watarụ anọ avụ iya ọnu-mini l'iwhu, chilahaa ya iwhe, ndu harụ asajẹ ẹka waa ya l'ishi-nchị asụje iya: 68“Gụbe ọwhu sụru l'ọo ghu bụ Kuráyisutu, kọtadaa onye ọwhu bụ iya chiru ghu ẹka ono.”
Pyita l'agọ lẹ ya ta amadụ Jisọsu
(Mak. 14:66-72; Luk. 22:56-62; Jọn. 18:15-18,25-27)
69Ọwhube Pyita bẹ nọduro l'etezhi l'ụlo-ikpe ono, nwamgbọko lanụ, buru madzụ l'ụlo bya abyakfuta iya bya asụ iya: “M'i tsokwa lẹ ndu whẹ lẹ ọwhu Gálili-a, bụ Jisọsu shi atụ ọli?”
70Pyita nọdu l'edzudzu-ọha ono tuheta iya ọkpa l'alị sụ: “Lẹ mu ta amakwa iwhe l'iikfu.” 71Pyita golihulekwawho l'ẹka ono tụgbua je anọdu l'ọnoguzo. Nwamgbọko ọdo whụa ya, sụ ndu nọ l'ẹka ono: “Lẹ nwoke-e bẹ lịkwa lẹ ndu l'etso ụzo Jisọsu ọwhu Názaretu ono.”
72Pyita tụa ẹgo ọdo, buru ọnu tukobe onwiya woo: “Mu mazhiakwaru nwoke ọbu, unu l'ekfu okfu iya.”
73A bya akpọkwaa nwụkfu nwanshị, ndu kfụkube ẹka ono sụ Pyita: “Ba atụshi ẹgo, l'ị lịcha ya-a, lẹ olu-okfu ghu bẹ gbawarụ ghu ama.”
74Ọ wata anọ akpọ ụrwu ekpu onwiya, erikwawho nte woo: “Mu makwarụ onye nwoke ono bụ.”
Nteke onowho, okọku ryaa ọrya. 75Pyita nyata okfu, Jisọsu kfuhawaru iya sụ: “Tẹhenu okọku chi-asahu aryaa ọrya, b'i kfuwaru nụ ugbo ẹto l'ị tị madụ onye mu bụ.” Pyita gbalihu lụfushia etezhi, je anọdu ryatagezhia ẹkwa ẹgube-ẹ aryabaa ya whọ.
Currently Selected:
Mátiyu 26: Ezaa
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust
Mátiyu 26
26
Ndu ishi l'achị idzu gẹ whẹ l'e-shi gbua Jisọsu
(Mak. 14:1-2; Luk. 22:1-2; Jọn. 11:45-53)
1Ọo ya bụ, Jisọsu kfugelewho iwhe lile ono l'ookfu, ọ sụ ndu l'etso ụzo iya: 2“?Ọ kwa l'unu marụ-a l'o wudufuwaru-a ujiku labọ ntaa, nke ẹto iya, a bahụ l'oge O-je-ghata. Ọo nteke ono bẹ l'aa-kpụru Abụbu-Ndiwhe nụ t'a kfugbua ya l'oswebe.”
3Tọ dụ iya bụ lẹ ndu ishi ndu l'agbajẹ ẹja nụ Chileke mẹe ndu bụ ọgurenya ndu Ju abya edzukobe l'ogboduwhu ibe eze onye ishi ndu l'agbajẹ ẹja nụ Chileke, ẹwha iya bụ Káyafasu. 4Whẹ bya atụko chịa idzu gẹ whẹ l'e-shi gude ẹregede gude Jisọsu gbua. 5Ọle whẹ sụru: “Ọ tọ kwa ntaa, l'eeri oge-e, a -daa ya ọgu ntaa bẹ ùtsú l'a-dakwa l'echi ọha-a.”
Aakwabẹ Jisọsu ugvu lẹ Bétani
(Mak. 14:3-9; Jọn. 12:1-8)
6Jisọsu nọdulewho lẹ Bétani l'ibe Sáyịmonu ọwhu njọkirehu mejeru. 7O nweru nwanyị, gude nwa ite ọbu, l'amashi ụma ike bata gẹ Jisọsu gudelewho nri l'ẹka eri. Iwhe jiru nwite ono bụ mmanụ-ehuhu ọbu, l'ereshi ire ike. Nwanyị ono bya ewota mmanụ ono wukputa Jisọsu l'ishi. 8Ndu l'etso ụzo iya whụle iya whọ, ẹhu ghulahaa whẹ eghu. Whẹ sụ: “?E kwobehunuru gụnu emebyi ẹguru mmanụ ọwa-a ẹgube-ẹ? 9O noo lẹ mmanụ-a bẹ dzukwaru gẹ bụ: e rede iya ere, e reta iya ụkporo jọmu jọmu, chịta keshiaru ndu l'amaa gẹ whẹ l'e-me iya.” 10Jisọsu malẹruwho l'o noo iwhe whẹ l'ekfu, ọ sụ whẹ: “?Ọ nụa gụnu kpatarụ iwhe unu kpabẹru nwanyị-a okfu? Ọo ree b'o meru mu ẹgube-ẹ. 11Unu lẹ ndu l'adụa g'ọ harụ whẹ bupyabe nteke nteke, ọle mbẹdua bẹ mu l'unu l'ẹte anọpyabedua nteke nteke. 12L'iwhe meru ọ wukputa mu mmanụ-a bụ t'o shi ntaa kwakọbe mu mẹ l'ọgvu mbọku, l'ee-li mụbe Jisọsu. 13T'o dokwaa unu ẹnya ree l'iwhe bụ ẹka bụ-zhia ẹka aryarụ ozhi-ọma-a lẹ mgboko mgburumgburu bẹ l'aa-kọjekwawho akọ iwhe-e, nwanyị-a meru, gude nyatajẹ nwanyị-a.”
Júdasu l'agbarụ Jisọsu eye
(Mak. 14:10-11; Luk. 22:3-6)
14Tọ dụ iya bụ, Júdasu Isukáriyọtu bụ onye lanụ l'ime ụmadzu iri l'ẹbo ono, l'etso ụzo Jisọsu bya atụgbua jekfu ndu ishi ndu l'agbajẹ ẹja nụ Chileke, 15je asụ whẹ: “?Ọo gụnu bẹ unu l'a-nụ mu tẹ mu gbarụ iya ye unu l'ẹka?” Whẹ kfụa ya ụkporo pọngu lẹ pọngu iri. 16O shiwaro nteke ono chọkashide ụzo, l'oo-shi gbarụ Jisọsu ye whẹ l'ẹka ọbu.
Nri-ẹnyashi Ikpazụ
(Mak. 14:12-26; Luk. 22:7-23; Jọn. 13:21-30; 1 Kọ́r. 11:23-25)
17Ọ bya erwua mbọku ọbahu l'oge ono, bụkwanu mbọku, l'aatajẹ buredi l'ete ekoo eko, ndu l'etso ụzo Jisọsu byakfuta iya bya asụ iya: “?Ọo awee b'ọ dụ ghu nke t'anyi je edozhiaru ghu t'ị nọdu ria nri oge O-je-ghata-a?”
18Ọ sụ whẹ: “Unu tụgbua bahụ lẹ Jerúsalẹmu, unu jekfu onye dụ ẹgube-ẹ, je asụ iya lẹ mụbe O-zhi-iwhe sụru: ‘Oge mu rwuakwaru erwu, ọ kwa l'ibe ghu bẹ mu l'a-nọdu mu lẹ ndu l'etso ụzo mu ria nri oge O-je-ghata ọbu.’ ” 19Tọ dụ iya bụ lẹ ndu l'etso ụzo iya je emee ya lẹge Jisọsu zhiru whẹ iya, whẹ nọdu l'ẹka ono melahaa nri oge O-je-ghata ono.
20O belewho l'urwẹnyashi, Jisọsu yẹle ụmadzu iri l'ẹbo ono, l'etso ụzo iya je anọdu tẹ whẹ ria nri ono. 21Whẹ ridelewho nri ono, ọ sụ whẹ: “Iwhe mu l'ekfuru unu bụ: Ọ kwa onye lanụ lẹge unu ha nọdu l'ẹka-a bẹ l'a-gbarụ mu ye l'ẹka ndu l'achọ ishi mu.”
22Iwhe ono rwua whẹ l'ẹhu, tsụde whẹ lanụ, whẹ wata jịde iya l'iche l'iche sụ: “Onye-Nwe-Ọha ?ọo mbẹdua tọo gụnu? Ọo lẹwho l'ọ tọ dụ mbẹdua.”
23O yee ọnu sụ whẹ: “Ọo onye ọwhu mu l'iya l'etsutaje buredi l'efere lanụ bẹ bụ onye ọbu, l'a-gbarụ mu ye. 24Abụbu-Ndiwhe l'a-lakwa lẹge e deru iya l'ẹkwo Okfu Chileke. Ọle nshọro onye ono, bụ iya bẹ l'ee-shikwanu l'ẹka iya gbarụ Abụbu-Ndiwhe ye l'ẹka ndu l'achọ ishi iya. Ọ gọgo kalẹkwaru iya whọ mma nggẹ l'ẹte anwụ iya ilile.”
25Tọ dụ iya bụ, ọwhube Júdasu ọbu, bụ iya l'a-gbarụ iya ya sụ: “Rábayi, ?tọ bụdunu mbẹdua?”
Jisọsu sụ iya: “Ọ kwa ghu whọ b'o shi l'ọnu.”
26Whẹ gude nri ono l'ẹka eri, Jisọsu bya ewota buredi, kele Chileke ekele, ọ nyawaa ya nụ ndu l'etso ụzo iya sụ whẹ: “Unu narụ ria. Ọ waa bụ ogwẹhu mu.”
27Ọ bya apata omogo, mmẹe dụ, bya ekelekwawho Chileke ekele, ọ pẹe whẹ iya sụ whẹ: 28“Unu ngụ-dzuru iya g'unu ha, ọ waa bụ mmee mu; mmee a gbashịru l'iswi ẹhu igwe-ọha nggẹ Chileke gụaru whẹ nvụ l'iwhe-dụ-ẹji whẹ metagbaberu. Chileke gude mmee mu ono eme tẹ ọgbandzu, shi mu l'ẹka vuru ire. 29Ọle iwhe mu l'ekfuru unu bụ lẹ mu ta abyadụ l'angụbaa iwhe shi l'iwhe oshi vayịnu mịtaru jeye mbọku ono, mu l'unu l'a-ngụ nke ọwhuu nteke Nna mu l'e-goshi l'ọo bụ eze.”
30Whẹ bya agụa egvu jaa Chileke, gụ-gee egvu ono, whẹ tụgbua jeshia l'ugvu Ólivu.
Jisọsu l'ekfu lẹ Pyita l'ee-megee sụ lẹ ya ta amadụ iya
(Mak. 14:27-31; Luk. 22:31-34; Jọn. 13:36-38)
31A nọnyaa, Jisọsu sụ whẹ: “Unu g'unu hakọta bẹ l'e-wehakotakwa mu gbalashịa l'ẹnyashi-a l'okfu ẹhu mu, bụ g'e deru iya l'ẹkwo Okfu Chileke sụ: ‘Mu l'e-chigbu onye l'eche atụru, ikpoto atụru ono agbakashịhu.’ 32Ọle nteke ono, l'ee-melewho mu eshi l'ọnwu teta nọdu ndzụ bẹ mu l'e-vu unu ụzo tụgbua jeshia Gálili.”
33Pyita sụ iya: “Ọ -bụru m'ọo lẹ ndu ọwhu gẹ whẹ ha bẹ kwoberu okfu ẹhu ghu haa ghu gbalashịa, mbẹdua ta afụkwa iya.”
34Jisọsu sụ iya: “Iwhe mu l'e-kfuru ghu bụ l'ẹnyashi ntanụ-a, tẹmenu okọku chi-asahu aryaa ọrya b'ị gbẹwanu kfua ugbo ẹto l'ị tị madụ mu.”
35Pyita sụ iya: “E -behuduru ọ bya abụru m'ọo lẹ mu lẹ ghu l'a-tụko ala, mu ta afụkwa sụ lẹ mu ta amahẹdu ghu.”
Ndu l'etso ụzo Jisọsu ọwhu tụko gẹ whẹ ha kfukota nno.
Jisọsu l'ekfu anụ Chileke lẹ mgbabu l'eekuje Getusémeni
(Mak. 14:32-42; Luk. 22:39-46)
36Tọ dụ iya bụ lẹ Jisọsu mẹe ndu l'etso ụzo iya abya alịru rwua ẹka ọbu, l'eekuje Getusémeni. Whẹ rwua ẹka ono, ọ sụ ndu l'etso ụzo iya: “Unu nọdukwa anọdu l'ẹka tẹ mbẹdua kpụliberu ẹka whọ je ekfuru nụ Chileke.” 37O duta Pyita, duta ụnwu Zébedi whẹ whẹ ẹbo yeru onwiya, whẹ tụgbua. Áwhụ jizhia ya whọ obu, obu wadẹ iya mini. 38Ọ sụ whẹ: “Ha! Lẹ meji l'akụlekwa mu whọ whẹriwheri, mbụkwa nke ọwhu obu l'abya mu echifu.” Woo whẹ: “Unu nọdukwa l'ẹka-a t'anyi tụko cheje nche.” 39Ọ bya akpụliberu ụzo iwhu nwanshị, ọ daa kfube iwhu l'alị kfuru nụ Chileke sụ: “Nna mu, ọ -bụru l'ọo iwhe l'e-kwe emekota, manụru gẹ l'ii-me nafụ mu omogo iwhe-ọtsulanu-a, t'o bo rwu mu l'ẹhu. Ọle ọbu, t'iwhe bụ uche-obu ghu mee, t'ọ bọ bụkwa iwhe bụ uche-obu mbẹdua l'e-me.”
40Ọ dawhu azụ l'ẹka ndu l'etso ụzo ono, whẹ l'iya lị nọ, bya awhụa whẹ gẹ whẹ l'eku mgbẹnya; ọ sụ Pyita: “?M'ọ waa g'unu dụ? ?Mẹ unu ta adụdu ike tẹ mu l'unu chee nche mbụa m'ọo awa lanụ? 41Unu cheje nche kfuje nụ Chileke, t'o bo kwe t'unu daba l'iwhe adata. Obu madzụ bẹ l'ọo-nọje ewheshi uwhere ike, obenu l'ọwhube madzụ l'onwiya bẹ tsụru mmẹe.”
42Ọ bya atụgbukwaa nke ugbo labọ iya, byakwa eje ekfuru nụ Chileke sụ: “Nna mu, ọ -bụru l'o to nwehedu gẹ l'ii-shi nafụ mu omogo iwhe-ọtsulanu-a, t'a gụfulewho lẹ mu ngụfutaje iya; b'ọ dụkwa ree, ọ kwa ọwhu bụ uche ghu l'e-me.” 43Ọ byakfutakwa whẹ ọdo, byatashia, whẹ l'ekukwawho mgbẹnya nkele mgbẹnya jiru whẹ ẹnya eji.
44Ọ pakwarụ whẹ haa tụgbua ọdo, byakwa eje ekfuru nụ Chileke nke ugbo ẹto, kfukwaawho iwhe ono, o kfuhawaru. 45O megee, ọ byakfutashia ndu l'etso ụzo iya ndu ọwhu whẹ l'iya lị bya asụ whẹ: “?Unu nọkwadua lẹ mgbẹnya g'unu nọ iya? ?Unu l'atụtakwadua ume ọbu g'unu l'atụta iya? Unu lekwa l'o beekwaru. Abụbu-Ndiwhe b'a byakwaa l'agbarụ ye l'ẹka ndu l'eme iwhe-dụ-ẹji. 46Unu gbeshi t'anyi je. Unu lekwa onye ọbu, l'oo-shi l'ẹka iya ndọwhu gẹ l'ọobya.”
Eegude Jisọsu
(Mak. 14:43-50; Luk. 22:47-53; Jọn. 18:3-12)
47Tọ dụ iya bụ, Jisọsu kpụkwaduru okfu ono l'ọnu ekfu, Júdasu, bụkwa onye lanụ l'ime ụmadzu iri l'ẹbo ono bụru whẹrekete. Yẹle igweligwe madzụ lịru. Whẹ chịgbaaru nkogo mẹe mkpụru. Ndu zhiru whẹ nụ bụ ndu ishi ndu l'agbajẹ ẹja nụ Chileke mẹe ndu bụ ọgurenya ndu Ju. 48Onye ono, l'a-kpụru Jisọsu nụ whẹ ono kahawarụ whẹ iwhe ya l'e-me gude goshi whẹ onye ọwhu ọbu. Ọ sụhawaru whẹ: “Ọo onye onona, mu l'e-je etsutsua ọnu bẹ bụ onye ọwhu ọbu, unu l'e-gude.”
49Júdasu nyịghalekwawho anyịgha je ekele Jisọsu ekele sụ iya: “Rábayi ?ị dụwhoma,” tsua ya ọnu l'asa.
50Jisọsu sụ iya: “Ọnya mu, jero je emee iwhe ị byarụ ememe.”
Ndu ono bya awọ Jisọsu ẹka gude iya. 51Onye lanụ lẹ ndu l'etso ụzo Jisọsu tụfulewho ẹka mịta ogu-ịgba iya gbu nwohuta onye ishi ndu l'agbajẹ ẹja nụ Chileke, sefule iya whọ nchị. 52Jisọsu sụ: “Mịru ogu-ịgba ghu yewhu azụ l'ọbo iya, l'iwhe bụ onye l'eme lẹ mma l'a-lakwa lẹ mma. 53Tẹ ?ịiri lẹ mu ta adụdu ike ntaa asụ Nna mu t'ọ dzọo mu, mbụ ya eye ụnu-kpụku ndu ojozhi-imigwe ẹgwegwa ẹgweregwa, whẹ abya ntaa? 54Ọle ọbu, mu -mekwanua ya nno ?ndẹhunu gẹ l'ee-shi t'ọ vụa mbụ iwhe e deru l'ẹkwo Okfu Chileke? Mbụ iwhe e deru sụ l'iwhe-e, l'eme nụ-a mefutaje lẹge l'oome ntaa?”
55O noo nteke Jisọsu sụru igweligwe ndu ono, wụru bya iya egude: “?Mu bụ onye l'ana nfụ ọwhu unu chịgbaa ogu-ịgba chịru mkpụru abya mu egude? Mẹ mu l'unu shikwa anọduje l'eze-ụlo Chileke mbọku-mbọku, mu ezhi unu iwhe, mbụ unu te egudekwa mu nteke ono. 56Ọle iwhe ọwa g'ọ ha mewaru nke ọwhu iwhe ndu nkfuchiru Chileke deru l'ẹkwo Okfu Chileke l'a-vụkota gẹ whẹ kfuru iya.”
Ndu l'etso ụzo iya gẹ whẹ ha parụ iya haa gbakashịhu.
Jisọsu nọ l'iwhu ndu ikpe
(Mak. 14:53-65; Luk. 22:54-55,63-71; Jọn. 18:13-14,19-24)
57Ndu ono, byarụ ogude Jisọsu dulia ya jeshia ibe Káyafasu bụ iya bụ eze onye ishi ndu l'agbajẹ ẹja nụ Chileke. Ọ bụru l'ẹka ono bẹ ndu o-zhi-iwu mẹe ndu bụ ọgurenya gbee dzukohawanu. 58Pyita l'etso iya roo otẹnya otẹnya jeye whẹ bahụ l'ọma ogboduwhu ibe eze onye ishi ndu l'agbajẹ ẹja nụ Chileke ono. Ọ bya abahụ je anọkube ndu nche, chịru ẹnya ye tẹ ya whụ iya ishi. 59Ndu ishi ndu ono, l'agbajẹ ẹja nụ Chileke gẹ whẹ ha mẹe ndu ọgbo-ikpe l'owhu chọlahaa iwhe whẹ l'a-sụ lẹ Jisọsu meru, gẹ l'ee-shi tẹ whẹ kpee ya nkfugbu. 60Tọ dụ iwhe whẹ whụru, bụkwanu iwhe whẹ l'a-sụ l'o meru, a dụnu-a l'igweligwe agba iya ejo ẹka-ebe. A nọnyaa, ụmadzu labọ fụta bya asụ: 61“Ọ kwa nwoke-e bẹ sụru lẹ ya l'a-dụ ike mebyishia eze-ụlo Chileke, ya atuwhu iya azụ l'ime abalị ẹto.”
62Eze onye ishi ndu l'agbajẹ ẹja nụ Chileke gbeshi bya sụ iya: “?Tọ dụdu ọnu, l'iiye l'ẹgube ẹka-ebe ọwa, whẹ l'agbakaa ghu-a?” 63Jisọsu nọ-kirishilekwaa nwa nggujingguji. Eze onye ishi ndu l'agbajẹ ẹja nụ Chileke sụ iya: “Kfukwa mẹle Chileke, nọ ndzụ. ?Ọo ghu bụ Kuráyisutu ọbu, mbụ Onye Ndzọta ono Chileke kweru ụkwa iya? ?Ọo ghu bụ Nwa Chileke ọbu?”
64Jisọsu sụ iya: “Ọ kwa ghu whọ b'o shi l'ọnu. Iwhe mu l'eme tẹ mu kfuru unu bụ lẹ shita ntaa bẹ unu l'a-whụ Abụbu-Ndiwhe l'ẹka ọ nọ lẹ ẹka-ụtara Chileke bụ iya bụ Ọkalibe-Kakọta-Ike. E -megekwawho, unu awhụkwaa ya whọ gẹ ọ nọ l'urwukpu shi l'imigwe abya.”
65Tọ dụ iya bụ l'eze onye ishi ndu l'agbajẹ ẹja nụ Chileke ono ezhijashia uwe nke yẹbe onye ishi sụ: “Nwoke-e kfurwuakwaru Chileke ntaa. ?O zhia ẹgube ẹka-ebe gụnu ọdo bẹ anyi l'achọkwadu? Ntaa bẹ unu gudewaa nchị unu nụa gẹ l'ookfubyishi Chileke. 66?Ndẹe g'unu l'arị iya ntaa?”
Whẹ tụko wụko ọnu nnanụ sụ: “Iwhe gbalẹru iya whọ bụ nkfugbu.”
67O noo nteke whẹ watarụ anọ avụ iya ọnu-mini l'iwhu, chilahaa ya iwhe, ndu harụ asajẹ ẹka waa ya l'ishi-nchị asụje iya: 68“Gụbe ọwhu sụru l'ọo ghu bụ Kuráyisutu, kọtadaa onye ọwhu bụ iya chiru ghu ẹka ono.”
Pyita l'agọ lẹ ya ta amadụ Jisọsu
(Mak. 14:66-72; Luk. 22:56-62; Jọn. 18:15-18,25-27)
69Ọwhube Pyita bẹ nọduro l'etezhi l'ụlo-ikpe ono, nwamgbọko lanụ, buru madzụ l'ụlo bya abyakfuta iya bya asụ iya: “M'i tsokwa lẹ ndu whẹ lẹ ọwhu Gálili-a, bụ Jisọsu shi atụ ọli?”
70Pyita nọdu l'edzudzu-ọha ono tuheta iya ọkpa l'alị sụ: “Lẹ mu ta amakwa iwhe l'iikfu.” 71Pyita golihulekwawho l'ẹka ono tụgbua je anọdu l'ọnoguzo. Nwamgbọko ọdo whụa ya, sụ ndu nọ l'ẹka ono: “Lẹ nwoke-e bẹ lịkwa lẹ ndu l'etso ụzo Jisọsu ọwhu Názaretu ono.”
72Pyita tụa ẹgo ọdo, buru ọnu tukobe onwiya woo: “Mu mazhiakwaru nwoke ọbu, unu l'ekfu okfu iya.”
73A bya akpọkwaa nwụkfu nwanshị, ndu kfụkube ẹka ono sụ Pyita: “Ba atụshi ẹgo, l'ị lịcha ya-a, lẹ olu-okfu ghu bẹ gbawarụ ghu ama.”
74Ọ wata anọ akpọ ụrwu ekpu onwiya, erikwawho nte woo: “Mu makwarụ onye nwoke ono bụ.”
Nteke onowho, okọku ryaa ọrya. 75Pyita nyata okfu, Jisọsu kfuhawaru iya sụ: “Tẹhenu okọku chi-asahu aryaa ọrya, b'i kfuwaru nụ ugbo ẹto l'ị tị madụ onye mu bụ.” Pyita gbalihu lụfushia etezhi, je anọdu ryatagezhia ẹkwa ẹgube-ẹ aryabaa ya whọ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust