Mátiyu 23
23
Jisọsu l'ekfu tẹ ba azọkwaru ndu o-zhi- iwu mẹe ndu Fárisii ẹhu
(Mak. 12:38-39; Luk. 11:43,46; 20:45-46)
1Tọ dụ iya bụ lẹ Jisọsu abya asụ igwe-ọha ono mẹe ndu l'etso ụzo iya: 2“Ndu o-zhi-iwu mẹe ndu Fárisii b'a sụru l'ọo whẹ l'ezhije iwhe iwu Mósisu bụ. 3Ọo ya bụ, t'unu nụjekwaaru whẹ okfu, mejee iwhe bụ iwhe whẹ sụru t'unu mee, ọle t'unu ba awọtakwa ẹka whẹ. Lẹ whẹbedua bẹ kwa ekfukfu bẹ whẹ l'ekfuje iya l'ọnu, whẹ anọhe eme iya eme l'ẹka. 4Whẹ l'esweje oke ivu, l'anyị ẹrwa, atsụ lanụ evuvu pata tukobe madzụ l'ukuvu t'o vuru, ọle whẹbedua te elekwe iya nụ nvọ elele owhu. 5Iwhe bụ iwhe whẹ l'eme bẹ whẹ l'anọjelewho eme nggẹ madzụ awhụa whẹ. ?Unu ta awhụdu gẹ whẹ l'edeje okfu Chileke whosaa whosaa l'eli akpọ, whẹ l'ekfubegejee l'egedege ọnu iwhu? ?Unu ta awhụjedu gẹ ogboromọnu uwe mkpẹelanu whẹ l'ahajẹ jịkfu jịkfu, whẹ egude iya eme nsọ nsọ? 6Iwhe l'adụjezhia whẹ whọ ree bụ t'ọ bụru whẹ bẹ l'a-nọdu lẹ nggada ọwhu l'aa-ka whẹ ọkwabe ugvu l'ẹka eriri darụ mẹe tẹ oshi-anọdu ọwhu kakọta ree l'ụlo-ndzuko ndu Ju bụru nke whẹ. 7Iwhe l'adụje whẹ ree bụ t'e keleje whẹ ekele ugvu ugvu l'ẹka a dụ l'igwe mẹe tẹ ndiwhe kuje whẹ ‘O-zhi-iwhe.’ 8Unu be ekwekwa t'e kuje unu O-zhi-iwhe, o noo l'unu nwekwaru onye lanụ, bụ iya l'ezhije unu iwhe, unubẹdua g'unu ha bụkota ụnwunna. 9T'ọ bọ dụkwa onye unu l'e-kuje ‘Nna’ lẹ mgboko-o, l'ọ kwa Nna lanụ bẹ unu nweru bụ iya bụ Nna ọwhu bu l'imigwe. 10Unu be ekwekwa t'e kuje unu ‘O-zhi-iwhe,’ o noo l'ọo onye lanụ bụ O-zhi-iwhe, bụ iya bụ Kuráyisutu. 11T'onye bụ iya kakọta shii lẹ g'unu ha bụru onye l'a-nọ ejeru ndu ọwhu ozhi. 12O noo l'iwhe bụ onye l'ewoli onwiya eli bẹ l'ee-wozeta alị, onye l'ewozeta onwiya alị bẹ l'ee-woli eli.”
Jisọsu l'anma ndu iwe-l'obu-ọchi-l'ọnu-eze ikpe
(Mak. 12:40; Luk. 11:39-42,44,52; 20:47)
13“Nshọo unubẹ ndu o-zhi-iwu, nshọo unubẹ ndu Fárisii, unu tụkoru bụru iwe-l'obu-ọchi-l'ọnu-eze! O noo l'ọo unu bẹ l'anọ-chije ndiwhe ụzo tẹ whẹ be ekweshi tẹ Chileke bụru eze whẹ. Unubẹdua l'onwunu ta ahajẹdu onwunu t'ọ bụru eze unu, tẹhenu, ndu ọwhu l'eme tẹ whẹ haa onwowhe t'ọ bụru eze whẹ, unu te ekweje t'ọ bụru iya.
14“Nshọo unubẹ ndu o-zhi-iwu, nshọo unubẹ ndu Fárisii, unu tụkoru bụru iwe-l'obu-ọchi-l'ọnu-eze! O noo l'unu bụ ndu l'eripyabeje ụlo ụnwu-mbunu. Unu egude ẹregede ekfu ogologo okfu anụ Chileke. Ọo unubẹdua bẹ Chileke l'a-kagee ọnmashi ikpe ike#23:14 Ụwhodu l'ẹkwo gbarụ lẹ mbụ, e deru l'okfu Giríku bẹ l'eete eyekobedua vẹsu 14 g'e deru iya l'ẹka-a..
15“Nshọo unubẹ ndu o-zhi-iwu, nshọo unubẹ ndu Fárisii, unu tụkoru bụru iwe-l'obu-ọchi-l'ọnu-eze! O noo l'unu l'angajẹru ụgbo daa eze-ẹnyimu, tụko mgboko eliwhe-alị jekota, nnta gẹ l'ee-shi t'unu kfubutaru Chileke mbụa m'ọo onye lanụ. Nteke unu kfubutaleruwho onye ọbu unu abya emee ya, ya bya aka unubẹdua ẹji nke ọwhu ọku alị-maa gbee rwube iya ugbo labọ.
16“Nshọo unubẹ ndu l'atsọ ishi l'eme t'unu goshi ndu ọdo ụzo, unu l'asụje: ‘L'ọ tọ dụduroo iwhe iwhe ono bụ mẹ madzụ gude eze-ụlo Chileke ria nte, ọlewho nteke onye ọbu gude mkpọla-ododo ono, dụ l'ime eze-ụlo ono ria nte, bẹ unu l'asụje l'o noo bụ ụgwo tukoru onye ọbu l'ishi.’ 17Unubẹ ndu eswe-e bụkwawho ndu l'atsọ ishi. ?Ọo ole ka ibe iya oore ire? ?Ọo mkpọla-ododo eze-ụlo Chileke ono ka ire, tọo eze-ụlo Chileke l'onwiya, bụ iya gbee mee mkpọla-ododo ọbu, ọ bụru iwhe Chileke? 18Unu l'asụjekwawho l'onye gude ẹnya-mgbẹja Chileke ria nte bẹ l'ọoto dụdua iwhe ọ bụ, ọlewho nteke onye ọbu gude iwhe anụnu, e doberu l'ẹnya ẹka ono ria nte, bẹ unu sụru l'ọo ụgwo tukoru onye ono l'ishi. 19Unubẹ ndu l'atsọ ishi! ?Ọo ole bẹ ka ibiya shii? ?Ọo iwhe anụnu ono ka, tọo ẹnya-mgbẹja Chileke, gbee bụru iya meru t'iwhe anụnu ọbu, a nụru anụnu bụru iwhe nke Chileke? 20Ọo ya bụ l'iwhe bụ onye gude ẹnya-mgbẹja Chileke eri nte bẹ gudekwawho iwhe lile, tukoru l'eli ẹka ono eri nte ọbu. 21Onye gudekwanu eze-ụlo Chileke eri nte bẹ gudekwawho ụlo ono l'onwiya mẹe Chileke, bu iya nụ eri nte ono. 22Onye gudekwanu igweli eri nte bẹ gudekwawho oshi-eze Chileke mẹe Chileke ono, nọ iya nụ eri nte ọbu.
23“Nshọo unubẹ ndu o-zhi-iwu, nshọo unubẹ ndu Fárisii, unu tụkoru bụru iwe-l'obu-ọchi-l'ọnu-eze! L'unu l'agbakebeje je anụ Chileke ụzo-lanụ-l'ụzo-iri l'iwhe bụ-zhia mkpẹekwo, l'emeje nri t'ọ tsọ ụtso mẹwaro izhoroo mẹe ụtamazhi mẹe ahuji, unu ẹgbee haa anọ eme iwhe iwu kfuru l'ẹka ọ karụ akaka, bụ iya bụ: odobe ẹka nhamụnha kpee ikpe mẹe anọ emeje obu-imiko mẹe ọkfushi ike l'iwhe e kfuru. O noo iwhe unu gege anọ eme mẹ unu emekwaro ndu ọwhua, unu shi emehawaa whọ. 24Unubẹ ndu l'atsọ ishi l'eme t'unu goshije ndu ọdo ụzo. Unu l'azafụje nwiwhe, ha g'ọ nwẹnwu l'iwhe unu l'angụ angụngu, unu elwekwanu ọwhube iwhe ha g'ọo ịnya olwe-wọo!
25“Nshọo unubẹ ndu o-zhi-iwu, nshọo unubẹ ndu Fárisii, unu tụkoru bụru iwe-l'obu-ọchi-l'ọnu-eze! O noo l'unu l'asajẹ azụ omogo, saa azụ ochi, ọle iwhe jiru ime iya bụ ọna ndu ọdo iwhe whẹ l'ẹka ike mẹe ẹgu ome ejo-iwhe. 26Gụbe ọwhu Fárisii, l'atsọ ishi! Vujeedaru ụzo saa ime omogo mẹe ime ochi, ọo ya bụ, azụ iya egbuchafukwawho chalahaa ụcha.
27“Nshọo unubẹ ndu o-zhi-iwu, nshọo unubẹ ndu Fárisii, unu tụkoru bụru iwe-l'obu-ọchi-l'ọnu-eze, nkele unu dụ g'ọo ilu e memaru emema l'ọma ụma l'eli ẹhu iya, o rwua l'ime iya, iwhe jiru iya nụ abụru ọkpu ndu nwụhuru anwụhu mẹe iwhe rehuru erehu. 28O nokwawho g'unubẹdua l'anọje eme l'iwhu ndiwhe gẹ-woo l'unu dụ chịriri, e jee ama l'iwhe jiru unu ime bụ iwe-l'obu-ọchi-l'ọnu-eze mẹe ejo iwhe.”
Jisọsu l'ekfu l'aa-gwatakọta ọgbo elenu-a ụgwo iwhe whẹ meru
(Luk. 11:47-51)
29“Nshọo unubẹ ndu o-zhi-iwu, nshọo unubẹ ndu Fárisii, unubẹ iwe-l'obu-ọchi-l'ọnu-eze whẹ ono! O noo l'ọo unu l'atụshije ngguji l'eli ilu nnajị ochee unu whẹ, bụ ndu nkfuchiru Chileke, memakwaawho ilu ndu dụ chịriri emema, 30asụje: ‘Nggẹ l'ọo iwhe anyi nọ ndzụ nteke nna anyi ochee whẹ nọ mẹ anyi tege eyetakwa ẹka l'egbugbu, e gburu ndu nkfuchiru Chileke ono.’ 31Unu shi nno gbaa onwunu ama l'unu bụwho ụnwu ndu ono, bụ whẹ gbushiru ndu nkfuchiru Chileke. 32Ọ dụ ree, unu yenu ẹka mefufua iwhe nna unu ochee whẹ meru mewhodoru unu. 33Unubẹ ejo agwọ ono, mbụ unubẹ ụnwu, oguji-nwaka nwụshiru. ?Ndẹkwanu g'unu l'emekwadu anahụ tẹ b'a nma unu ikpe, kpụru unu ye l'ọku alị-maa? 34Ọo ya bụ, t'unu lelewho lẹ mu l'e-zhi ndu nkfuchiru Chileke mẹe ndu mmamagụ mẹe ndu o-zhi-iwu tẹ whẹ byakfuta unu. L'ime ndu ono b'o nweru ndu ọwhu unu l'a-harụ gbua egbu, harụ whẹ kpọpyabe l'oswebe, hakwaru whẹ whọ chia ẹchachi l'ụlo-ndzuko unu, tsoru kpaa whẹ ẹhu l'obodo l'obodo. 35Ọo ya bụkwanu nke ọwhu ọ́chì ndu, dụ chịriri, unu gburu egbu lẹ mgboko-o l'a-tukoru unu l'ishi, mbụ ndu, unu gburu shitalewho lẹ Ébelu, bụ onye dụ chịriri je akpaa lẹ mee Zakaráya, bụ nwa Barakaya, mbụ Zakaráya ono, unu gburu lẹ mgbakụ eze-ụlo Chileke yẹle ẹnya-mgbẹja Chileke. 36Iwhe mu l'eme tẹ mu karụ unu bụ l'iwhe lile ono bẹ bụkota l'ishi ọgbo elenu-a bẹ l'aa-gwatakọta ụgwo iya g'ọ ha.”
Jisọsu yeru Jerúsalẹmu obu
(Luk. 13:34-35)
37“Oowa! Jerúsalẹmu! Gụbe Jerúsalẹmu! Ị tụkoru ndu nkfuchiru Chileke egbugbushi, gudekwawho ẹwhuru atugbushi ndu lile e zhiru tẹ whẹ byakfuta ghu. Ugbo olemole bẹ mu mewaru tẹ mu chịkobe ụnwu ghụ ẹka lanụ lẹ gẹ nnukfu-ọku l'achịkobeje ụnwu iya l'ime ẹba iya kpupyabe; ti kwe ekwe. 38Lelewho l'ibe ghu ono bẹ l'aa-parụ haa, ẹgbara akfụa ya. 39Tẹ mu kfuleru ghu iya whọ l'unu ta abyadụ l'a-whụ mu ọdo ilile jeye nteke unu l'a-sụ: ‘Chileke gọbukwaaru ọnu nụ onye ono gude ẹwha Onye-Nwe-Ọha abya ono.’ ”
Currently Selected:
Mátiyu 23: Ezaa
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust
Mátiyu 23
23
Jisọsu l'ekfu tẹ ba azọkwaru ndu o-zhi- iwu mẹe ndu Fárisii ẹhu
(Mak. 12:38-39; Luk. 11:43,46; 20:45-46)
1Tọ dụ iya bụ lẹ Jisọsu abya asụ igwe-ọha ono mẹe ndu l'etso ụzo iya: 2“Ndu o-zhi-iwu mẹe ndu Fárisii b'a sụru l'ọo whẹ l'ezhije iwhe iwu Mósisu bụ. 3Ọo ya bụ, t'unu nụjekwaaru whẹ okfu, mejee iwhe bụ iwhe whẹ sụru t'unu mee, ọle t'unu ba awọtakwa ẹka whẹ. Lẹ whẹbedua bẹ kwa ekfukfu bẹ whẹ l'ekfuje iya l'ọnu, whẹ anọhe eme iya eme l'ẹka. 4Whẹ l'esweje oke ivu, l'anyị ẹrwa, atsụ lanụ evuvu pata tukobe madzụ l'ukuvu t'o vuru, ọle whẹbedua te elekwe iya nụ nvọ elele owhu. 5Iwhe bụ iwhe whẹ l'eme bẹ whẹ l'anọjelewho eme nggẹ madzụ awhụa whẹ. ?Unu ta awhụdu gẹ whẹ l'edeje okfu Chileke whosaa whosaa l'eli akpọ, whẹ l'ekfubegejee l'egedege ọnu iwhu? ?Unu ta awhụjedu gẹ ogboromọnu uwe mkpẹelanu whẹ l'ahajẹ jịkfu jịkfu, whẹ egude iya eme nsọ nsọ? 6Iwhe l'adụjezhia whẹ whọ ree bụ t'ọ bụru whẹ bẹ l'a-nọdu lẹ nggada ọwhu l'aa-ka whẹ ọkwabe ugvu l'ẹka eriri darụ mẹe tẹ oshi-anọdu ọwhu kakọta ree l'ụlo-ndzuko ndu Ju bụru nke whẹ. 7Iwhe l'adụje whẹ ree bụ t'e keleje whẹ ekele ugvu ugvu l'ẹka a dụ l'igwe mẹe tẹ ndiwhe kuje whẹ ‘O-zhi-iwhe.’ 8Unu be ekwekwa t'e kuje unu O-zhi-iwhe, o noo l'unu nwekwaru onye lanụ, bụ iya l'ezhije unu iwhe, unubẹdua g'unu ha bụkota ụnwunna. 9T'ọ bọ dụkwa onye unu l'e-kuje ‘Nna’ lẹ mgboko-o, l'ọ kwa Nna lanụ bẹ unu nweru bụ iya bụ Nna ọwhu bu l'imigwe. 10Unu be ekwekwa t'e kuje unu ‘O-zhi-iwhe,’ o noo l'ọo onye lanụ bụ O-zhi-iwhe, bụ iya bụ Kuráyisutu. 11T'onye bụ iya kakọta shii lẹ g'unu ha bụru onye l'a-nọ ejeru ndu ọwhu ozhi. 12O noo l'iwhe bụ onye l'ewoli onwiya eli bẹ l'ee-wozeta alị, onye l'ewozeta onwiya alị bẹ l'ee-woli eli.”
Jisọsu l'anma ndu iwe-l'obu-ọchi-l'ọnu-eze ikpe
(Mak. 12:40; Luk. 11:39-42,44,52; 20:47)
13“Nshọo unubẹ ndu o-zhi-iwu, nshọo unubẹ ndu Fárisii, unu tụkoru bụru iwe-l'obu-ọchi-l'ọnu-eze! O noo l'ọo unu bẹ l'anọ-chije ndiwhe ụzo tẹ whẹ be ekweshi tẹ Chileke bụru eze whẹ. Unubẹdua l'onwunu ta ahajẹdu onwunu t'ọ bụru eze unu, tẹhenu, ndu ọwhu l'eme tẹ whẹ haa onwowhe t'ọ bụru eze whẹ, unu te ekweje t'ọ bụru iya.
14“Nshọo unubẹ ndu o-zhi-iwu, nshọo unubẹ ndu Fárisii, unu tụkoru bụru iwe-l'obu-ọchi-l'ọnu-eze! O noo l'unu bụ ndu l'eripyabeje ụlo ụnwu-mbunu. Unu egude ẹregede ekfu ogologo okfu anụ Chileke. Ọo unubẹdua bẹ Chileke l'a-kagee ọnmashi ikpe ike#23:14 Ụwhodu l'ẹkwo gbarụ lẹ mbụ, e deru l'okfu Giríku bẹ l'eete eyekobedua vẹsu 14 g'e deru iya l'ẹka-a..
15“Nshọo unubẹ ndu o-zhi-iwu, nshọo unubẹ ndu Fárisii, unu tụkoru bụru iwe-l'obu-ọchi-l'ọnu-eze! O noo l'unu l'angajẹru ụgbo daa eze-ẹnyimu, tụko mgboko eliwhe-alị jekota, nnta gẹ l'ee-shi t'unu kfubutaru Chileke mbụa m'ọo onye lanụ. Nteke unu kfubutaleruwho onye ọbu unu abya emee ya, ya bya aka unubẹdua ẹji nke ọwhu ọku alị-maa gbee rwube iya ugbo labọ.
16“Nshọo unubẹ ndu l'atsọ ishi l'eme t'unu goshi ndu ọdo ụzo, unu l'asụje: ‘L'ọ tọ dụduroo iwhe iwhe ono bụ mẹ madzụ gude eze-ụlo Chileke ria nte, ọlewho nteke onye ọbu gude mkpọla-ododo ono, dụ l'ime eze-ụlo ono ria nte, bẹ unu l'asụje l'o noo bụ ụgwo tukoru onye ọbu l'ishi.’ 17Unubẹ ndu eswe-e bụkwawho ndu l'atsọ ishi. ?Ọo ole ka ibe iya oore ire? ?Ọo mkpọla-ododo eze-ụlo Chileke ono ka ire, tọo eze-ụlo Chileke l'onwiya, bụ iya gbee mee mkpọla-ododo ọbu, ọ bụru iwhe Chileke? 18Unu l'asụjekwawho l'onye gude ẹnya-mgbẹja Chileke ria nte bẹ l'ọoto dụdua iwhe ọ bụ, ọlewho nteke onye ọbu gude iwhe anụnu, e doberu l'ẹnya ẹka ono ria nte, bẹ unu sụru l'ọo ụgwo tukoru onye ono l'ishi. 19Unubẹ ndu l'atsọ ishi! ?Ọo ole bẹ ka ibiya shii? ?Ọo iwhe anụnu ono ka, tọo ẹnya-mgbẹja Chileke, gbee bụru iya meru t'iwhe anụnu ọbu, a nụru anụnu bụru iwhe nke Chileke? 20Ọo ya bụ l'iwhe bụ onye gude ẹnya-mgbẹja Chileke eri nte bẹ gudekwawho iwhe lile, tukoru l'eli ẹka ono eri nte ọbu. 21Onye gudekwanu eze-ụlo Chileke eri nte bẹ gudekwawho ụlo ono l'onwiya mẹe Chileke, bu iya nụ eri nte ono. 22Onye gudekwanu igweli eri nte bẹ gudekwawho oshi-eze Chileke mẹe Chileke ono, nọ iya nụ eri nte ọbu.
23“Nshọo unubẹ ndu o-zhi-iwu, nshọo unubẹ ndu Fárisii, unu tụkoru bụru iwe-l'obu-ọchi-l'ọnu-eze! L'unu l'agbakebeje je anụ Chileke ụzo-lanụ-l'ụzo-iri l'iwhe bụ-zhia mkpẹekwo, l'emeje nri t'ọ tsọ ụtso mẹwaro izhoroo mẹe ụtamazhi mẹe ahuji, unu ẹgbee haa anọ eme iwhe iwu kfuru l'ẹka ọ karụ akaka, bụ iya bụ: odobe ẹka nhamụnha kpee ikpe mẹe anọ emeje obu-imiko mẹe ọkfushi ike l'iwhe e kfuru. O noo iwhe unu gege anọ eme mẹ unu emekwaro ndu ọwhua, unu shi emehawaa whọ. 24Unubẹ ndu l'atsọ ishi l'eme t'unu goshije ndu ọdo ụzo. Unu l'azafụje nwiwhe, ha g'ọ nwẹnwu l'iwhe unu l'angụ angụngu, unu elwekwanu ọwhube iwhe ha g'ọo ịnya olwe-wọo!
25“Nshọo unubẹ ndu o-zhi-iwu, nshọo unubẹ ndu Fárisii, unu tụkoru bụru iwe-l'obu-ọchi-l'ọnu-eze! O noo l'unu l'asajẹ azụ omogo, saa azụ ochi, ọle iwhe jiru ime iya bụ ọna ndu ọdo iwhe whẹ l'ẹka ike mẹe ẹgu ome ejo-iwhe. 26Gụbe ọwhu Fárisii, l'atsọ ishi! Vujeedaru ụzo saa ime omogo mẹe ime ochi, ọo ya bụ, azụ iya egbuchafukwawho chalahaa ụcha.
27“Nshọo unubẹ ndu o-zhi-iwu, nshọo unubẹ ndu Fárisii, unu tụkoru bụru iwe-l'obu-ọchi-l'ọnu-eze, nkele unu dụ g'ọo ilu e memaru emema l'ọma ụma l'eli ẹhu iya, o rwua l'ime iya, iwhe jiru iya nụ abụru ọkpu ndu nwụhuru anwụhu mẹe iwhe rehuru erehu. 28O nokwawho g'unubẹdua l'anọje eme l'iwhu ndiwhe gẹ-woo l'unu dụ chịriri, e jee ama l'iwhe jiru unu ime bụ iwe-l'obu-ọchi-l'ọnu-eze mẹe ejo iwhe.”
Jisọsu l'ekfu l'aa-gwatakọta ọgbo elenu-a ụgwo iwhe whẹ meru
(Luk. 11:47-51)
29“Nshọo unubẹ ndu o-zhi-iwu, nshọo unubẹ ndu Fárisii, unubẹ iwe-l'obu-ọchi-l'ọnu-eze whẹ ono! O noo l'ọo unu l'atụshije ngguji l'eli ilu nnajị ochee unu whẹ, bụ ndu nkfuchiru Chileke, memakwaawho ilu ndu dụ chịriri emema, 30asụje: ‘Nggẹ l'ọo iwhe anyi nọ ndzụ nteke nna anyi ochee whẹ nọ mẹ anyi tege eyetakwa ẹka l'egbugbu, e gburu ndu nkfuchiru Chileke ono.’ 31Unu shi nno gbaa onwunu ama l'unu bụwho ụnwu ndu ono, bụ whẹ gbushiru ndu nkfuchiru Chileke. 32Ọ dụ ree, unu yenu ẹka mefufua iwhe nna unu ochee whẹ meru mewhodoru unu. 33Unubẹ ejo agwọ ono, mbụ unubẹ ụnwu, oguji-nwaka nwụshiru. ?Ndẹkwanu g'unu l'emekwadu anahụ tẹ b'a nma unu ikpe, kpụru unu ye l'ọku alị-maa? 34Ọo ya bụ, t'unu lelewho lẹ mu l'e-zhi ndu nkfuchiru Chileke mẹe ndu mmamagụ mẹe ndu o-zhi-iwu tẹ whẹ byakfuta unu. L'ime ndu ono b'o nweru ndu ọwhu unu l'a-harụ gbua egbu, harụ whẹ kpọpyabe l'oswebe, hakwaru whẹ whọ chia ẹchachi l'ụlo-ndzuko unu, tsoru kpaa whẹ ẹhu l'obodo l'obodo. 35Ọo ya bụkwanu nke ọwhu ọ́chì ndu, dụ chịriri, unu gburu egbu lẹ mgboko-o l'a-tukoru unu l'ishi, mbụ ndu, unu gburu shitalewho lẹ Ébelu, bụ onye dụ chịriri je akpaa lẹ mee Zakaráya, bụ nwa Barakaya, mbụ Zakaráya ono, unu gburu lẹ mgbakụ eze-ụlo Chileke yẹle ẹnya-mgbẹja Chileke. 36Iwhe mu l'eme tẹ mu karụ unu bụ l'iwhe lile ono bẹ bụkota l'ishi ọgbo elenu-a bẹ l'aa-gwatakọta ụgwo iya g'ọ ha.”
Jisọsu yeru Jerúsalẹmu obu
(Luk. 13:34-35)
37“Oowa! Jerúsalẹmu! Gụbe Jerúsalẹmu! Ị tụkoru ndu nkfuchiru Chileke egbugbushi, gudekwawho ẹwhuru atugbushi ndu lile e zhiru tẹ whẹ byakfuta ghu. Ugbo olemole bẹ mu mewaru tẹ mu chịkobe ụnwu ghụ ẹka lanụ lẹ gẹ nnukfu-ọku l'achịkobeje ụnwu iya l'ime ẹba iya kpupyabe; ti kwe ekwe. 38Lelewho l'ibe ghu ono bẹ l'aa-parụ haa, ẹgbara akfụa ya. 39Tẹ mu kfuleru ghu iya whọ l'unu ta abyadụ l'a-whụ mu ọdo ilile jeye nteke unu l'a-sụ: ‘Chileke gọbukwaaru ọnu nụ onye ono gude ẹwha Onye-Nwe-Ọha abya ono.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust