Malakayi 4
4
Mbọku, Onye-Nwe-Ọha l'e-kpe ikpe l'agbabeekwa
1“Mbọku l'agbabeekwa. Iwhe-ọtsulanu, l'a-dụ mbọku ono l'evokwa chichichi g'ọo ovokọku. Ndu l'eku onwowhe eku mẹe ndu l'eme ejo-iwhe l'a-dụ g'ọo ẹwu ọkponku. Mbọku ono bẹ ọku l'e-ke whẹ kee m'ọo ọgbaragbu whẹ mẹe ẹkali whẹ, ọ tọ dụdu ọwhu l'oo-kewhodo m'ọo nnanụ. O nokwa iwhe Onye-Nwe-Ọha, bụ Onye-ishi-igwe-ọgu bẹ l'ekfu ndono. 2A bya l'unubẹdua, bụ ndu l'eyeru ẹwha mu ugvu; ọdu-chịriri nke mụbe Onye-Nwe-Ọha l'awarụ g'ọo ẹnyanwu bya emee t'ẹhu dụ unu mma. Unu akpọlahaa ẹnwuda g'ọo nweswi nshịi, shi l'ụwoko fụta. 3Mbọku ono, mu l'e-me ẹngiringaa bẹ unu l'a-dzọpyabe ndu ejo-ememe l'ọkpa. Ya abụru gẹ l'eerwuje ntụ bụ g'unu l'e-gude ọbochi-ọkpa unu rwua whẹ.” O nokwa iwhe Onye-Nwe-Ọha bụ Onye-ishi-igwe-ọgu l'ekfu ndono.
4“Unu nyatakwa iwu ono, mu tụru nụ onye ozhi mu Mósisu, mbụ iwhe ono, mu tọru ọkpa iya mẹe nsọ ono, mu nụru iya l'ugvu Horẹbu t'ọ bya anụ ndu Ízurẹlu l'owhu.
5“Unu lee lẹ mu l'e-zhiada onye nkfuchiru ono, bụ Eláyija t'ọ bya tẹmenu ya erwude l'oke mbọku ono dụ egvu, bụ mbọku nke Onye-Nwe-Ọha ono. 6Eláyija ọbu byalẹwho bẹ l'oo-gozhitaru ụnwegirima obu nna whẹ. Ya agozhitaru ndu bụ nna obu ụnwegirima whẹ. Ọdumeka bẹ mbẹdua l'abyakwa bya emee alị unu ọzara-l'ukpo.”
Currently Selected:
Malakayi 4: Ezaa
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Abakaliki Literacy and Translation Trust