Mat 7
7
Ijejeen̄ ofolek ifefieek ene ikọ
(Luk 6:37-38,41-42; 11:9-13)
1“Ikafieek ene ikọ, inyi Awaji ikafieek enyi si ikọ. 2Mije, ike enyi efieekbe ene ikọ, ikeya si ke Awaji obofieek enyi ikọ. Inu yaage enyi esabe ifieek ene ikọ ke Awaji obosa ifieek enyi ikọ si.
3“Ìre keke orọ owu okisa chieen̄ ikpọ sọntiik nsiseen̄ uti òkup ngwan̄ kwun̄ me chieen̄, ire, òkamun̄ ikpele nkikek uti òkup me chieen̄ kwun̄? 4Sà ìre owu òbojeje ibe ngwan̄ kwun̄, ‘Kana ǹsan̄a owu nsiseen̄ uti me chieen̄,’ me ere owu me lek kwun̄ okiben nga nkikek uti ile me chieen̄ ikana ere? 5Owu ogwu isi iba keyi! Dasi san̄a ikpele nkikek uti òkup me chieen̄ kwun̄, inyi owu òkọt òmọọn̄ inu òsan̄a nsiseen̄ uti òkup ngwan̄ kwun̄ me chieen̄.
6“Ikasa inu òkup mbuban ìnyi ibo. Ire enyi ìsa inyi, ibo cha môgwu ikana inu iniloon̄ enyi lek igwak. Ikeya si, ikakpulu akalari unye otu ewe ìtọọn̄ ìgwook ìnyi okodi. Ire enyi irọ, okodi cha môsa ukot ijak akalari cha me ijọn̄.
7“Ìbeek, ke mênyi enyi. Ìweek, ke enyi mêweek imun̄. Ìtọbọ ubọk me isotu, ke mêgwuku inyi enyi. 8Mije ogwu ibeek, môbọkọ; ogwu iweek, môweek imun̄; ogwu itọbọ ubọk me isotu, mêgwuku inyi.
9“Ìre ekene me lek kinyi ke ogwu gwun̄ môbeek fituru, mè ene ya inyi ewuuk? 10Sà ìre ekene ke ogwu gwun̄ môbeek irin̄, mè ene ya inyi ijijinu? 11Ire enyi ebi ijo iriọọn̄ ubọk ekinyi bọn kinyi ata inu, ìre enyi kperiọọn̄ ibe ke Nte kinyi ogwu òkup me emen inyọn̄ mônyi ene geelek òbebeek ọmọ inu isaba iraka ike enyi ekinyi bọn kinyi? 12Eya orọ, ire ikaan̄ inu omun̄be ibe ke înwọn ibe ene irọ inyi owu, owu rọ si inu ya nyi ofifi ene, mije, eyiyi ore inu eyi otutuuk Ikan kè Mosis, mè inu geelek egebe me emen ikpa ebi nriran osibibe.
Ijejeen̄ ofolek otunchit òsisip mè otunchit òwewele
(Luk 13:24)
13“Ìje ìtibi ìnin̄ me otunchit eyi òsisip. Mije, otunchit eyi òkisa ene isi itap me ichep mè mfiat ìwewele, oniin̄ kan̄ si ìkpọkpọ iwele. Ebi ene ebi ìkije inin̄ me otunchit yi ìre ogbogbo. 14Ire, otunchit eyi òkisa ene isi itap me ugwem ìre sọntiik. Oniin̄ kan̄ si ìkpọkpọ isip, mè ikup uyọt uyọt. Ibot ene inen mè inen gaalek ekikọt iweek otunchit yi mè oniin̄ yi imun̄.
Ekisa mfut uti iriọọn̄ uti
(Luk 6:43-44; 13:25-27)
15“Ìriọọn̄ lek kinyi me lek ebi nriran ataak ebi ìkije ikana kubọk arọọn̄ eyi ìkakifiat inu geege, ire, me emen kiban̄, ema ìre ibo oron òkigwak arọọn̄ itaka. 16Enyi mêsa orọmijọn̄ kiban̄ iriọọn̄ ema. Ìre ukpak môto mfut gerep? Sà ìre abọm egbe môto mfut figi? 17Ubọk yaage si, ata uti geelek ìkito ata mfut, ijo uti geelek si ìkito ijo mfut. 18Ikeya si, ata uti ìkakito ijo mfut. Ijo uti si ìkakito ata mfut. 19Uti geelek ikatoge ata mfut, mêcho ito, mè iben itọp itap me ukan̄. 20Eya orọ, enyi mêsa mfut kiban̄ iriọọn̄ ema.
21“Ìkare ene geelek òkigwen emi Okaan̄-ene, Okaan̄-ene, obonin̄ mkpulu emen inyọn̄. Îre ogwu keya òkirọ nkeek eyi Nte n̄a ogwu òkup me emen inyọn̄ gaalek obonin̄. 22Mgbọ Usen Oyerebet Awaji môrebe, owuwa ene mêbe emi, ‘Okaan̄-ene, ìre ìkare erieen̄ kwun̄ ke eji esa iben nriran, mè isa ilap ijo erumun̄ isibi me emen ene, mè isa irọ si owuwa inu ukechieen̄?’ 23Mgbọ ya, mâbook otu itumu inyi ema ibe, ‘Enyi ebi ijo irọrọ kechi! Ǹkariọọn̄ enyi isi kubọk ge. Ìje ìnan̄a emi me isi.’ ”
Ijejeen̄ ofolek ogwu òriọọn̄ inu mè ogwu burubut
(Luk 6:47-49)
24“Eya orọ, ene geelek ònọnọ ikọ n̄a chi, mè ikirọ ike emi nkijeen̄, ene ya ìkup kubọk ogwu òriọọn̄ inu ogwu ònanama uwu kan̄ me inyọn̄ ewuuk. 25Ibot onenirep ibọn̄ uwu ya, mun̄ ile obabaak imeen̄, efet egwijo owuwut si ibieen̄. Ire, uwu ya ìkagbugbọ, mije, etọbọ ọdọ kan̄ me inyọn̄ ewuuk. 26Ire, ene geelek ònọnọ ikọ n̄a, mè ìkasa ikọ ya ìgwen inu, ene ya ìkup kubọk ogwu burubut òsi inama uwu kan̄ me inyọn̄ okpoon̄. 27Ibot onenirep ibọn̄ uwu ya, mun̄ ile obabaak imeen̄, efet egwijo owuwut si ibieen̄. Uwu ya ogbugbugbọ igwook, mè irọn̄ atalek irọn̄.”
28Mgbọ Jisọs ojeen̄be inu chi isan̄a, ijejeen̄ kan̄ otetet ebi ife cha ukpook, mè ike ema chieen̄ enenen. 29Mije, ìkajeen̄ inu cha kubọk ebi ìjeen̄ Ikan ekijeen̄. Ire, ìjeen̄ kubọk ogwu òkakaan̄ unye me lek inu cha.
Currently Selected:
Mat 7: Obolo
Highlight
Share
Copy
Want to have your highlights saved across all your devices? Sign up or sign in
© 2012, The Nigeria Bible Translation Trust and Wycliffe Bible Translators, Inc. All rights reserved.
New Testament originally published by International Bible Society 1991.
Mat 7
7
Ijejeen̄ ofolek ifefieek ene ikọ
(Luk 6:37-38,41-42; 11:9-13)
1“Ikafieek ene ikọ, inyi Awaji ikafieek enyi si ikọ. 2Mije, ike enyi efieekbe ene ikọ, ikeya si ke Awaji obofieek enyi ikọ. Inu yaage enyi esabe ifieek ene ikọ ke Awaji obosa ifieek enyi ikọ si.
3“Ìre keke orọ owu okisa chieen̄ ikpọ sọntiik nsiseen̄ uti òkup ngwan̄ kwun̄ me chieen̄, ire, òkamun̄ ikpele nkikek uti òkup me chieen̄ kwun̄? 4Sà ìre owu òbojeje ibe ngwan̄ kwun̄, ‘Kana ǹsan̄a owu nsiseen̄ uti me chieen̄,’ me ere owu me lek kwun̄ okiben nga nkikek uti ile me chieen̄ ikana ere? 5Owu ogwu isi iba keyi! Dasi san̄a ikpele nkikek uti òkup me chieen̄ kwun̄, inyi owu òkọt òmọọn̄ inu òsan̄a nsiseen̄ uti òkup ngwan̄ kwun̄ me chieen̄.
6“Ikasa inu òkup mbuban ìnyi ibo. Ire enyi ìsa inyi, ibo cha môgwu ikana inu iniloon̄ enyi lek igwak. Ikeya si, ikakpulu akalari unye otu ewe ìtọọn̄ ìgwook ìnyi okodi. Ire enyi irọ, okodi cha môsa ukot ijak akalari cha me ijọn̄.
7“Ìbeek, ke mênyi enyi. Ìweek, ke enyi mêweek imun̄. Ìtọbọ ubọk me isotu, ke mêgwuku inyi enyi. 8Mije ogwu ibeek, môbọkọ; ogwu iweek, môweek imun̄; ogwu itọbọ ubọk me isotu, mêgwuku inyi.
9“Ìre ekene me lek kinyi ke ogwu gwun̄ môbeek fituru, mè ene ya inyi ewuuk? 10Sà ìre ekene ke ogwu gwun̄ môbeek irin̄, mè ene ya inyi ijijinu? 11Ire enyi ebi ijo iriọọn̄ ubọk ekinyi bọn kinyi ata inu, ìre enyi kperiọọn̄ ibe ke Nte kinyi ogwu òkup me emen inyọn̄ mônyi ene geelek òbebeek ọmọ inu isaba iraka ike enyi ekinyi bọn kinyi? 12Eya orọ, ire ikaan̄ inu omun̄be ibe ke înwọn ibe ene irọ inyi owu, owu rọ si inu ya nyi ofifi ene, mije, eyiyi ore inu eyi otutuuk Ikan kè Mosis, mè inu geelek egebe me emen ikpa ebi nriran osibibe.
Ijejeen̄ ofolek otunchit òsisip mè otunchit òwewele
(Luk 13:24)
13“Ìje ìtibi ìnin̄ me otunchit eyi òsisip. Mije, otunchit eyi òkisa ene isi itap me ichep mè mfiat ìwewele, oniin̄ kan̄ si ìkpọkpọ iwele. Ebi ene ebi ìkije inin̄ me otunchit yi ìre ogbogbo. 14Ire, otunchit eyi òkisa ene isi itap me ugwem ìre sọntiik. Oniin̄ kan̄ si ìkpọkpọ isip, mè ikup uyọt uyọt. Ibot ene inen mè inen gaalek ekikọt iweek otunchit yi mè oniin̄ yi imun̄.
Ekisa mfut uti iriọọn̄ uti
(Luk 6:43-44; 13:25-27)
15“Ìriọọn̄ lek kinyi me lek ebi nriran ataak ebi ìkije ikana kubọk arọọn̄ eyi ìkakifiat inu geege, ire, me emen kiban̄, ema ìre ibo oron òkigwak arọọn̄ itaka. 16Enyi mêsa orọmijọn̄ kiban̄ iriọọn̄ ema. Ìre ukpak môto mfut gerep? Sà ìre abọm egbe môto mfut figi? 17Ubọk yaage si, ata uti geelek ìkito ata mfut, ijo uti geelek si ìkito ijo mfut. 18Ikeya si, ata uti ìkakito ijo mfut. Ijo uti si ìkakito ata mfut. 19Uti geelek ikatoge ata mfut, mêcho ito, mè iben itọp itap me ukan̄. 20Eya orọ, enyi mêsa mfut kiban̄ iriọọn̄ ema.
21“Ìkare ene geelek òkigwen emi Okaan̄-ene, Okaan̄-ene, obonin̄ mkpulu emen inyọn̄. Îre ogwu keya òkirọ nkeek eyi Nte n̄a ogwu òkup me emen inyọn̄ gaalek obonin̄. 22Mgbọ Usen Oyerebet Awaji môrebe, owuwa ene mêbe emi, ‘Okaan̄-ene, ìre ìkare erieen̄ kwun̄ ke eji esa iben nriran, mè isa ilap ijo erumun̄ isibi me emen ene, mè isa irọ si owuwa inu ukechieen̄?’ 23Mgbọ ya, mâbook otu itumu inyi ema ibe, ‘Enyi ebi ijo irọrọ kechi! Ǹkariọọn̄ enyi isi kubọk ge. Ìje ìnan̄a emi me isi.’ ”
Ijejeen̄ ofolek ogwu òriọọn̄ inu mè ogwu burubut
(Luk 6:47-49)
24“Eya orọ, ene geelek ònọnọ ikọ n̄a chi, mè ikirọ ike emi nkijeen̄, ene ya ìkup kubọk ogwu òriọọn̄ inu ogwu ònanama uwu kan̄ me inyọn̄ ewuuk. 25Ibot onenirep ibọn̄ uwu ya, mun̄ ile obabaak imeen̄, efet egwijo owuwut si ibieen̄. Ire, uwu ya ìkagbugbọ, mije, etọbọ ọdọ kan̄ me inyọn̄ ewuuk. 26Ire, ene geelek ònọnọ ikọ n̄a, mè ìkasa ikọ ya ìgwen inu, ene ya ìkup kubọk ogwu burubut òsi inama uwu kan̄ me inyọn̄ okpoon̄. 27Ibot onenirep ibọn̄ uwu ya, mun̄ ile obabaak imeen̄, efet egwijo owuwut si ibieen̄. Uwu ya ogbugbugbọ igwook, mè irọn̄ atalek irọn̄.”
28Mgbọ Jisọs ojeen̄be inu chi isan̄a, ijejeen̄ kan̄ otetet ebi ife cha ukpook, mè ike ema chieen̄ enenen. 29Mije, ìkajeen̄ inu cha kubọk ebi ìjeen̄ Ikan ekijeen̄. Ire, ìjeen̄ kubọk ogwu òkakaan̄ unye me lek inu cha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, The Nigeria Bible Translation Trust and Wycliffe Bible Translators, Inc. All rights reserved.
New Testament originally published by International Bible Society 1991.