TYENDO NE SIIREI TUGUL 4
4
Kalasunetap Murereet
1Iman, itinye itoon chamanennyu;
ii karaaran ne tya!
Uu konyeguk che po cheptugenik che katuch kitambaet.
Uu suumeeguk akweetap ng'oroorek,
che ruitos eng' tegeiyatap tulweetap Gilead.
2Uu keleguk akweetap keechiirek che kagetil koroorikwak,
che punu ole kiuune;
ne tinyei age tugul sarameek,
ama mi agot agenge eng' icheek ne kimee aarwet.
3Uu ng'esyemtang'ung' porowet ne piriir,
ak ko karaaran kuting'ung' kot.
Uu tagilgiliguk logoek che karuryo
ne katuch kitambaeng'ung'.
4Uu kaating'ung' teekseet ne kooi ne po Daudi
ne ki kiteekyi kariigap lugeet,
ole kigartate long'onik eliphuut,
long'onik tugul che po murenigap lugeet.
5Uu kinaiguk tuwai aarek aeng' che po chemnyogoset,
che uu sarameegap kenyeleet,
che agetee kwenutap taaptook.
6Kotoom koeech ak kobetyo uronok,
awendi tulweet ne mi tuguuk che uu igomoik,
ak tulweet ne ming'in ne po tuguuk che nyamdut.
7Ii karaaran kot, chamanennyu;
ametinye tisya.
8Murerennyu, nyoo keebe tuwai eng' Lebanon,
keebe tuwai kemande eng' Lebanon.
Chorugei eng' tulweet parak ne po Amana,
eng' tulweet parak ne po Senir ak Hermon,
eng' kebenonigap ng'etuunyik,
eng' tuloonoogap cheplangok.
9Kebaibait muguleldanyu, chepkamennyu, murerennyu;
kecheer muguleldanyu eng' kondang'ung',
eng' sirimdo agenge ne po kaating'ung'.
10Karaaran ne tya chamyeng'ung', chepkamennyu, murerennyu!
Siirei miising' chamyeng'ung' divaik,
ak ng'uunetap mwaniguk ko siirei tuguuk tugul che ng'uu ne anyiny!
11Ee murerennyu, saitoi ng'aleeguk ko uu kumyat.
Mi ng'elyeptang'ung' kumyat ak cheego.
Siiptap ngoroiguk ko uu siiptap Lebanon.
12Mbareet ne ng'ootaat chepkamennyu, murerennyu,
kondap peek ne ng'ootaat kondametutap peek ne ki king'ooch.
13Mbareetap logoek che piriireen keetiiguk,
che tinyei logoek che korooron miising';
chooto che kiguure henna ak nard.
14Nard ak safron, kalamus ak kinamon,
kobooto keetiik tugul che po tuguuk che nyamdut;
tuguuk che uu igomoik ak ahalot,
kobooto tuguuk tugul che ng'uu ne anyiny miising'.
15Ii kondametutap peegap mbareenik,
keriingetap peek che saptos,
ak kereruusyek che rootei che punu Lebanon.
Murereet
16Ng'eet, ee usoonetap murot kaataam,
ak inyoo inyee usoonetap murot tai;
ousyi mbareennyu, si kobiit komuuch kong'uu nyamdutikyik.
Ingonyo chamanennyu mbareennyi,
ak koam logoekyik che korooron miising'.
Currently Selected:
TYENDO NE SIIREI TUGUL 4: KAPR
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
TYENDO NE SIIREI TUGUL 4
4
Kalasunetap Murereet
1Iman, itinye itoon chamanennyu;
ii karaaran ne tya!
Uu konyeguk che po cheptugenik che katuch kitambaet.
Uu suumeeguk akweetap ng'oroorek,
che ruitos eng' tegeiyatap tulweetap Gilead.
2Uu keleguk akweetap keechiirek che kagetil koroorikwak,
che punu ole kiuune;
ne tinyei age tugul sarameek,
ama mi agot agenge eng' icheek ne kimee aarwet.
3Uu ng'esyemtang'ung' porowet ne piriir,
ak ko karaaran kuting'ung' kot.
Uu tagilgiliguk logoek che karuryo
ne katuch kitambaeng'ung'.
4Uu kaating'ung' teekseet ne kooi ne po Daudi
ne ki kiteekyi kariigap lugeet,
ole kigartate long'onik eliphuut,
long'onik tugul che po murenigap lugeet.
5Uu kinaiguk tuwai aarek aeng' che po chemnyogoset,
che uu sarameegap kenyeleet,
che agetee kwenutap taaptook.
6Kotoom koeech ak kobetyo uronok,
awendi tulweet ne mi tuguuk che uu igomoik,
ak tulweet ne ming'in ne po tuguuk che nyamdut.
7Ii karaaran kot, chamanennyu;
ametinye tisya.
8Murerennyu, nyoo keebe tuwai eng' Lebanon,
keebe tuwai kemande eng' Lebanon.
Chorugei eng' tulweet parak ne po Amana,
eng' tulweet parak ne po Senir ak Hermon,
eng' kebenonigap ng'etuunyik,
eng' tuloonoogap cheplangok.
9Kebaibait muguleldanyu, chepkamennyu, murerennyu;
kecheer muguleldanyu eng' kondang'ung',
eng' sirimdo agenge ne po kaating'ung'.
10Karaaran ne tya chamyeng'ung', chepkamennyu, murerennyu!
Siirei miising' chamyeng'ung' divaik,
ak ng'uunetap mwaniguk ko siirei tuguuk tugul che ng'uu ne anyiny!
11Ee murerennyu, saitoi ng'aleeguk ko uu kumyat.
Mi ng'elyeptang'ung' kumyat ak cheego.
Siiptap ngoroiguk ko uu siiptap Lebanon.
12Mbareet ne ng'ootaat chepkamennyu, murerennyu,
kondap peek ne ng'ootaat kondametutap peek ne ki king'ooch.
13Mbareetap logoek che piriireen keetiiguk,
che tinyei logoek che korooron miising';
chooto che kiguure henna ak nard.
14Nard ak safron, kalamus ak kinamon,
kobooto keetiik tugul che po tuguuk che nyamdut;
tuguuk che uu igomoik ak ahalot,
kobooto tuguuk tugul che ng'uu ne anyiny miising'.
15Ii kondametutap peegap mbareenik,
keriingetap peek che saptos,
ak kereruusyek che rootei che punu Lebanon.
Murereet
16Ng'eet, ee usoonetap murot kaataam,
ak inyoo inyee usoonetap murot tai;
ousyi mbareennyu, si kobiit komuuch kong'uu nyamdutikyik.
Ingonyo chamanennyu mbareennyi,
ak koam logoekyik che korooron miising'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019