YouVersion Logo
Search Icon

ROMANIK 2

2
Kirwoogetap Kamuktaindet
1 # Mat 7.1; Luk 6.37 Nooto anyun, metinye lotania, ee, inyee chii age tugul ne irwoochi: amu nooto irwookyine age, irwookyinegei inyeendet; amu inyee ne irwoochi, iyae aginye tuguuchooto. 2Ak kingen keele namegei kirwoogetap Kamuktaindet ak imanit agobo icheek che yaei tuguuk che uu chooto. 3Ee, inyee chii, tos iiti inyee, ile ichilile kirwoogetap Kamuktaindet, inyee ne irwookyini icheek che yaei tuguuk che uu chooto, ak iyae aginye chooto? 4Anan isase mogornatosyek che po myeeindonyi ak muitaennyi ak talasyennyi ama inai ile imutyinin siguunet myeeindap Kamuktaindet? 5Ago eng' uindang'ung' ak muguleldang'ung' ne ma tinyei siguunet, igonorchinigei nereeknateet kobunji peetuutap nereeknateet ak ng'ang'utyetap kirwooget ne po imanda ne po Kamuktaindet; 6#T.Kal 62.12; Kale 24.12 ne tuun igoochin chii tugul ko uu poisyonikyik: 7igoochin saboondap koigeny icheek che cheeng'ei eng' muitaet ak eng' poisyonik che myach, toroornatet ak teegisto ak che ma ng'emaksei; 8ago eng' icheek che ngelelik, ama kase iit imanit, ago che kase iit ne ma po imanda, koegu nyitatet ak nereeknateet, 9nyalilda ak pichiindo, eng' saboondap chii age tugul ne yaei yaityo, ne po Yahudyot korook, ak ne po Yunanindet agine; 10ago toroornatet ak teegisto ak kaalyeet eng' chii age tugul ne yaei ne myee, po Yahudyot korook ak Yunanindet agine: 11#NKNg'a 10.17 amu ma tiytiy `Kamuktaindet piik.
12Amu tugul che ki yai tengek koma mi Ng'atuutyet, ko tuun lustos ama eng' Ng'atuutyet: ak tugul che ki yai tengek komi eng' Ng'atuutyet, ko tuun kirwookyin eng' Ng'atuutyet; 13amu ma icheek che kasei Ng'atuutyet ko che po imanda eng' taitap Kamuktaindet, ago icheek che yaei Ng'atuutyet, kiityin imanda. 14Amu ye yaei Pororyosyek, che ma tinyei Ng'atuutyet, eng' piteennywa, tuguuk che po Ng'atuutyet, chuuto, pichooto ma tinyei Ng'atuutyet, kobougei icheegei; 15iboortoi eng' nooto poisyetap Ng'atuutyet ne siraat eng' mugulelwekwak, kobaoryanjin ak icheek nautikwak, ak komwaitogei icheegei eng' icheegei eng' kabwaatutikwak, anan kosarugei; 16eng' peetuut ne tuun irwookyin Kamuktaindet ung'ootigap piik, ko uu logoiywekyuk che myach, eng' Jeso Kristo.
Yahudik ak Ng'atuutyet
17Ago ngeguurenen Yahudyot, ak itiegei Ng'atuutyet, ak ichouge eng' Kamuktaindet, 18ak ingen magennyi, ak ichame komyee tuguuk che korooron kosiir, amu ki kineetin Ng'atuutyet, 19ak iiti ile ii kandoindet ne po che koryotiin, lapkeiyetap icheeget che mi mesundeito, 20kotigonindet ne po che perber, kaneetindet ne po manyurunik, ne itinye eng' Ng'atuutyet kergeindap naet ak imanit; 21inyeendet anyun ne ineeti age, ko meneetige? Inyee ne iamdoi ile amat kochoorse chii, ko tos ichoorsei inyee? 22Inyee ne imwae ile amat oipkei, ko tos iyae inyee? Inyee ne iweche kanamonik, ko tos irebe che mi kooriigap kanamonik? 23Inyee ne ichouge eng' Ng'atuutyet, ko tos iteweeri Kamuktaindet eng' pistoeng'ung' ne ibistoe Ng'atuutyet? 24#Isa 52.5 Amu kichubei kainetap Kamuktaindet eng' kwenutap Pororyosyek, amu okweek, ko uu ye ki kisir. 25Amu toreti iman kamuratanet, ngo ii yaindetap Ng'atuutyet: ago ngot ko ii putindetap Ng'atuutyet, ko kagoek kamurataneng'ung' ne ma kamuratano. 26Ngot koriibei anyun tetuutigap Ng'atuutik ineendet ne ma kimuratan, ko tos ma kiiti ne ma kimuratan keele imuratanat? 27Ak tos ma tuun irwogun ineendet ne ma kimuratan eng' atebeennyi, ngot koyai Ng'atuutyet kosulda, inyeendet ne ii putindetap Ng'atuutyet ak itinye ng'atuutik che siraatiin ak kamuratanet? 28Amu ma Yahudyot ineendet ne Yahudyot eng' poorto parak, ama kamuratanet nooto po poorto parak; 29#NKNg'a 30.6 ago Yahudyot ineendet ne Yahudyot eng' oriit; ak kamuratanet ko nooto po muguleldo, eng' saboondo, ma eng' sireet; ne kalasunennyi koma po piik, ago po Kamuktaindet.

Currently Selected:

ROMANIK 2: KAPR

Highlight

Share

Copy

None

Want to have your highlights saved across all your devices? Sign up or sign in